Azərenerji ASC-nin baş ofisi

Prezident bu quruma 48 milyon manat ayırdı

121
(Yenilənib 18:42 30.10.2018)
“Azərbaycan” İstilik Elektrik Stansiyası yenidən qurulacaq

BAKI, 30 oktyabr — Sputnik. Prezident İlham Əliyev “Azərbaycan” İstilik Elektrik Stansiyasının infrastrukturunun təkmilləşdirilməsi istiqamətində tədbirlərin həyata keçirilməsi haqqında sərəncam imzalayıb.

Sputnik Azərbaycan-ın xəbərinə görə, qərar əhalinin və iqtisadiyyatın elektrik enerjisi ilə təchiz olunmasında və ölkənin elektrik enerjisi sistemində xüsusi yer tutan “Azərbaycan” İstilik Elektrik Stansiyasında baş vermiş qəza ilə bağlı aparılmış araşdırmalar nəticəsində stansiyanın fəaliyyətində aşkar edilmiş nöqsanların aradan qaldırılması və infrastrukturunun təkmilləşdirilməsi məqsədilə verilib.

Sənədlə “Azərbaycan” İstilik Elektrik Stansiyasında və yarımstansiyalarında əsaslı təmir-quraşdırma işlərinin görülməsi və zəruri avadanlıqların tədarük edilməsi məqsədilə Azərbaycan Respublikasının 2018-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan “Azərenerji” Açıq Səhmdar Cəmiyyətinə (ASC) nizamnamə kapitalının artırılması üçün ilkin olaraq 48 milyon manat ayrılıb.

Maliyyə Nazirliyinə bu sərəncamda göstərilən məbləğdə maliyyələşməni təmin etmək tapşırılıb.

121
Teqlər:
"Azərbaycan İstilik Elektrik Stansiyası" MMC, vəsait, Sərəncam, Prezident İlham Əliyev, Azərenerji” ASC
Əlaqədar
“S&P” “Azərenerji”nin reytinqini aşağı salıb
"Azərenerji" yoxlamadan keçə bilmədi
"Azərenerji" rəsmisi: "Proses bir neçə gün davam edəcək"
"Azərenerji": Bakının enerji təminatı bərpa olundu
“Azərenerji” təhlükəli xəbər yaydı: Eyni anda yanğın törədilib