Bıçaqla qətl

Cinayət Məcəlləsinin "ölü" maddələri günahsız insanların həyatını məhv edir

5533
(Yenilənib 16:40 30.10.2018)
Millət vəkili: "Gəncin atasını evlərinə girən oğrudan xilas etdiyini anlamaq üçün vəkil olmaq lazım deyil"

Ramella İbrahimxəlilova, Sputnik Azərbaycan

BAKI 30 oktyabr – Sputnik. Bir neçə gün əvvəl Bakı universitetlərindən birinin tələbəsi gecə yuxusunun şirin yerində olarkən, səhəri istintaq təcridxanasının barmaqlıqları arasında açacağını ağlına belə, gətirməzdi. Belə ki, həmin tələbə gecə saat üçdə öz evində yaralı atasını xilas etmək üçün tanımadığı şəxsi bıçaqlayıb.

Belə bir şey sağlam düşüncəyə malik, kriminaldan uzaq bir adamın ağlına da gəlməzdi. Lakin bizdən asılı olmayan səbəblərdən həyat bəzən insanı gözlənilməz situasiya ilə qarşılaşdırır. Bakı sakini, 18 yaşlı Abdullayev Faiq Sakit oğlunun da başına belə bir hadisə gəlib.

Nəticədə hər şey - yaxşı təhsil almaq, mütəxəssis olmaq, karyera qurmaq kimi planlar alt-üst olur. Bir sözlə, hər birimizin gələcəyə doğru parlaq planları məhv olur. Bütün bunlar isə Azərbaycan Respublikası Cinayət Məcəlləsinin 123-cü maddəsinin (Zəruri müdafiə həddini və ya cinayət törətmiş şəxsin tutulması üçün zəruri həddi aşmaqla adam öldürmə) "işləməməsi"nə görədir.

Bu hadisə oktyabrın 20-si gecə saatlarında Bayıl qəsəbəsində baş verib. Belə ki, 54 yaşlı Sakit Abdullayevin evində Əhəd Həsənov öldürülüb. "Otvyorka" ilə silahlanan Həsənov ev sahibləri yatdığı vaxt Abdullayevlərin evinə oğurluğa girib. Oğru istilik sisteminin – kombinin müəyyən hissəsini oğurlamağa cəhd edib. Bu vaxt gözlənilmədən Sakit Abdullayev oyanıb. Oğrunu iş başında görən ev sahibi oğlunu köməyə çağırıb və özü oğruya mane olmağa cəhd edib.

Həsənov Sakit Abdullayevə hücum edib və onu sol gözündən yaralayıb, daha sonra Abdullayevi yerə yıxaraq ona "otvyorka" ilə ard-arda zərbələr endirib. Köməyə gələn Abdullayevin oğlu Faiq oğrunun atasını öldürməyə cəhd etdiyini görüb. Gənc oğlan bıçağı götürərək oğrunu zərərsizləşdirib. Oğul Abdullayev nə etdiyini anlayanda artıq gec olub, Həsənov keçinib.

Gəncin bu hərəkəti Azərbaycan Respublikası Cinayət Məcəlləsinin 120-ci maddəsi - qəsdən adam öldürmə maddəsi üzrə dəyərləndirilir. Tələbə 9 ildən 14 ilə qədər azadlıqdan məhrum oluna bilər.

Məhz, Faiqin bu hekayəsi bizi yenidən Azərbaycanda Cinayət Məcəlləsinin 122-ci (Qəflətən baş vermiş güclü ruhi həyəcan vəziyyətində qəsdən adam öldürmə) və 123-cü (Zəruri müdafiə həddini və ya cinayət törətmiş şəxsin tutulması üçün zəruri həddi aşmaqla adam öldürmə) maddələrinin praktiki olaraq işləməməsi məsələsinə qayıtmağa məcbur etdi.

Bu maddələrlə ittiham olunan şəxs üç il müddətinə azadlıqdan məhrum olunur. Bütün hallarda qətl, adətən hüquq-mühafizə orqanları tərəfindən qəsdən törədilmiş qətl kimi dəyərləndirilir. Qətl törədən insana qarşı belə bir yanaşmanın səbəbi nədir?

Sputnik Azərbaycan-ın bu sualını cavablandıran tanınmış vəkil Vüqar Xasayevin sözlərinə görə, Azərbaycanda zəruri müdafiənin normalarının ötüldüyünü müəyyənləşdirən institut işləmir, bunun da obyektiv və subyektiv səbəbləri var: "Əgər hər şey siz dediyiniz kimi baş veribsə (bunu hələ istintaq sübut etməlidir), onda mən deyə bilərəm ki, mən də Faiq kimi hərəkət edərdim. Evə oğru daxil olub və o, onun atasını öldürmək istəyib".

"Oğlan nə etməlidir? Dayanıb, baxmalıdır? Təbii ki, yox. O, atasını xilas etməlidir və bu halda ilk məqsəd cinayətkarı zərərsizləşdirməkdir. Digər məsələ isə odur ki, gənc öz gücünə əmin olmayıb və bıçaqdan istifadə edib. Nəticədə adam öldürüb" - deyə Xasayev bildirib.

Vəkil vurğulayıb ki, Faiqin hərəkətləri Azərbaycan Respublikası Cinayət Məcəlləsinin 123-cü maddəsi (Zəruri müdafiə həddini və ya cinayət törətmiş şəxsin tutulması üçün zəruri həddi aşmaqla adam öldürmə) üzrə dəyərləndirilməlidir: "Lakin çox təəssüflər olsun ki, bu maddə ölkəmizdə işləmir və bu halda qətl kimi ağır cinayəti araşdıran orqanların diqqətini cəlb etmək üçün israrlı olmaq lazımdır. Axı bir insanın taleyi həll olunur".

"Obyektiv səbəb cəmiyyətin böyük hissəsində hüquqi savadlılığın olmamasıdır. Cəmiyyət baş verənləri düzgün və obyektiv şəkildə qəbul etmək iqtidarında deyil. Bu halda ən əsası istintaq orqanlarının cinayət iştirakçılarının hərəkətlərini doğru şəkildə dəyərləndirməsidir və bu məsələ də ona sübut bazasının analizi lazım olacaq. Lakin belə bir məqam da var – hüquq mühafizə orqanlarını rüşvət almaqda şübhəli bilmək. O, müstəntiqin işlə bağlı günahın dərəcəsini yüngülləşdirən amillərə müraciət etdiyi vaxt yaranır. İkinci faktor da az rol oyanmır" - deyə hüquqşünas bildirib.

Xasayevin sözlərinə görə, problem bundan ibarətdir ki, hazırda vəkillər tərəfindən verilən ərizələrə mövcud qanunvericilik və beynəlxalq normalara uyğun şəkildə istintaq orqanları, prokurorlar tərəfindən baxılmır: "Əgər hüquq-mühafizə orqanları kiminsə maraqlarını rəhbər tutmayıb, qanunu tam şəkildə icra etsəydi, Azərbaycanda "işləməyən maddələr" problemindən yayınmaq olardı".

Bu maddələr Məcəlləyə boş yerə daxil edilməyib və Azərbaycanda belə hallar tez-tez baş verir. Lakin siz hansısa halda Azərbaycan Respublikasının 122 və ya 123-cü maddələri ilə ittiham olunaraq 3 il müddətinə azadlıqdan məhrum olunan cinayətkar görmüsünüz?

Vəkil vurğulayıb ki, Faiq Abdullayevin hüquqlarını qorumağa hazırdır. Çünki indiki halda Abdullayevin yaxşı müdafiəyə ehtiyacı var.

Milli Məclisin deputatı Fazil Mustafa da Sputnik Azərbaycan-a bildirib ki, Abdullayevlə bağlı hadisədə Azərbaycan Respublikası Cinayət Məcəlləsinin 123-cü maddəsi tətbiq olunmalıdır. Onun sözlərinə görə, gəncin atasını evlərinə girən oğrudan xilas etdiyini anlamaq üçün vəkil olmaq lazım deyil.

"Hər kəs bu cür davranardı. Gənc böyük həyəcan içində olub. Mən hesab edirəm ki, Faiq Abdullayevin hərəkətlərini qəsdən adam öldürmək kimi dəyərləndirmək yanlışlıq olardı. Axı, həmin vaxt oğlan daş axtara bilməzdi, ona görə də avtomatik olaraq mətbəxdən bıçaq götürüb. O düşünürmüş ki, oğru silahlıdır. Prokurorluq hadisənin qəsdən törədildiyini sübut etməlidir" - millət vəkili vurğulayıb.

Mustafanın sözlərinə görə, ortada insan taleyi həll olunur və bu problem olduqca ciddidir: "Ona görə də hesab edirəm ki, bu məsələdə ağırlaşdırıcı halların tətbiqi yolverilməzdir".

Bu arada, Səbil Rayon Prokurorluğundan Sputnik Azərbaycan-a bildirilib ki, işlə bağlı araşdırmalar yeni başlayıb və maddənin dəyişdirilməsi istisna edilmir. Yəni, hər şey sübut bazasından asılı olacaq.

Sonda vəkilin bizim cəmiyyətin böyük əksəriyyətində hüquqi savadlılığın olmaması iddiası ilə razılaşmaq istəyərdik. İxtisaslaşmanın olmaması və bəzi yerli KİV tərəfindən Əhəd Həsənovun qətlə yetirilməsinin yanlış olaraq təqdim olunması nəticədə baş verənlər cəmiyyət tərəfindən yanlış anlaşılması ilə nəticələnib.

Qətllə bağlı yayılan xəbərlərdə təfərrüatların olmaması və hay-küylü başlıqlar çoxlarının ata və oğula deyil, oğruya yazıqları gəlmələri, haqq qazandırmaları ilə nəticələndi. Oxucular düşünmədən saytların səhifələrində Abdullayevlərin düzgün addım atmadığını bildirirdilər. Onlar şərhlərində qeyd edirdilər ki, ata və oğul oğrunu, sadəcə tutub polisə təhvil verə bilərdilər.

Onlardan heç kim düşünmədi ki, sabah onun özü də Faiq Abdullayevin də yerində ola bilər. O, bu zaman necə edəcək? Dayanıb baxacaq ki, onun əzizini necə öldürürlər?

5533
Teqlər:
maddə, oğru, Faiq Abdullayev, gənc oğlan, Cinayət Məcəlləsi
Əlaqədar
İşdən çıxarılan yüksək vəzifəli şəxslə bağlı cinayət işi açılıb
"Новое Время" cinayətkarların tapılacağına ümid edir
Bakıda 91 cinayətkar qrup zərərsizləşdirilib
Tükürpədici Sumqayıt cinayətinin təfərrüatı ortaya çıxdı
Rusiyada cinayət törətdi, Bakıda tutuldu
Netflix şirkətinin loqosu, arxiv şəkli

Çağatay Ulusoyun "Netflix"dəki filmindən ilk treyler - VİDEO

9
(Yenilənib 23:01 02.03.2021)
Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

BAKI, 2 mart — Sputnik. Türkiyəli aktyor Çağatay Ulusoyun baş rolu oynadığı növbəti "Netflix" filmi "Kağıttan hayaller"in ilk treyleri yayımlanıb.

Sputnik Azərbaycan xəbər verir ki, 12 martda yayımlanacaq ekran işi 190-dan çox ölkədə, 204 milyondan çox istifadəçiyə göstəriləcək.

Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

9
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

5
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

5
Teqlər:
Formula-1 yarışı, Formula 1
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

354
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

354