Cinayət məcəlləsi, arxiv şəkli

Qanun tələb edir: Əliniz ürəyinizin üstündə, diliniz duada olsun!

14736
(Yenilənib 16:55 28.10.2018)
Bundan sonra bir sıra məsələlərdə çox diqqətli olmağımız məsləhətdir

BAKI, 29 oktyabr — Sputnik. Təxminən, belə bir mənzərə: Gecə yuxusunun şirin yerində səs-küyə oyanırsan. Baxırsan ki, evə oğru girib və sənin pul-paranı, qızıl-zinət əşyalarını, paltar-palazını öz heybəsinə doldurmaqla məşğuldur. Və sən belə durumda nə etməlisən?

Qarşında bir neçə seçim var:

1) Özünü daha da yatmışlığa vurursan ki, oğru hiss edib əməlindən utanmasın, rahatca işini görüb "əkilsin";

2) Ehmalca oyanıb oğruya xoş gəldin edirsən və onun icazəsi ilə otağın işığını yandırırsan ki, qaranlıqda hər zir-zibili xurcuna doldurmasın, yəni qiymətli əşyaları ayırd etməkdə çətinlik çəkməsin;

3) Qəfildən yerindən atılıb evdən bayıra qaçırsan ki, işdir-şayətdir, oğru sənin oyandığından şübhələnərək üzərinə hücum çəkərsə və siz əlbəyaxa olarsınızsa, özünü müdafiə məqsədilə oğrunu vurub öldürərək zibilə düşməyəsən.

və s. və i.

Əslində, bütün bunları mən demirəm, bizim əlahəzrət hüquq sistemimiz deyir. Həm də sözdə demir, əməldə göstərir, isbat edir.

Misal:

Cari il oktyabrın 24-ü gecə Bayıl qəsəbə sakinləri olan Abdullayevlər ailəsinin evinə oğru girib. Ata Abdullayevla rastlaşan oğru kişini yerə yıxaraq "otvyorkalamağa" başlayıb. Hay-küyə oğul Abdullayev yetişib və atasını (həmçinin, evlərini, namuslarını, məhrəmlərini) müdafiə etmək məqsədilə oğruya bıçaq zərbələri endirib və oğru hadisə yerində Cəhənnəmə vasil olub.

Normal məntiq bundan sonrakı prosesləri belə analiz edir:

Fakt üzrə polis və prokurorluq orqanları tərəfindən araşdırma başlayır. Oğrunun camaatın evində nə itinin azdığı öyrənilir. Üstəlik, o haramzadənin başqa cinayət əməllərinin olub-olmadığı üzrə təhqiqat aparılır. Abdullayevlər ailəsinə isə, dövlət hesabına həm tibbi, həm psixoloji, həm də hüquqi yardım göstərilir.

Bəli, normal məntiq sözügedən hadisəyə belə yanaşır. Reallıqda isə, həm ata, həm də oğul Abdullayevin barəsində qəsdən adam öldürmə maddəsi ilə cinayət işi açılıb və onlar həbs olunublar...

İndi bildiniz, evinizə oğru girdiyi zaman necə davranmaq lazımdır? Həm də təkcə oğurluq məsələsində deyil, bir sıra digər məsələlərdə də diqqətli olmağımız məsləhətdir.

Məsələn:

- İcazə verilmiş sürət həddi saatda 90 km olan, üstəlik heç bir yeraltı-yerüstü-bərabər səviyyəli piyada keçidi olmayan magistralda avtomobil idarə edirsiniz. Əliniz ürəyinizin üstündə, ürəyiniz Allahda, diliniz duada olsun ki, hansısa həyatdan bezmiş bir piyada qəfildən özünü avtomobilinizin qarşısına atmasın. Dəxli yoxdur, günah piyadadır, özünü bədbəxt etməklə yanaşı sizə də dəhşətli bir stress yaşadıb. Bunların bizim qanunvericilikdəki boşluqları doldurmayanlara heç bir dəxli yoxdur. Siz məsuliyyətə cəlb olunacaqsınız. Vurmayaydınız, canım;

- 7/24 keşikdə dayanın. Qaz sayğacının keşiyində. "Azəriqaz"ın fərdi evinizdən 100 metr aralıda – küçədə, yaxud mənzilinizdən 2 mərtəbə yuxarıda – qətiyyən sizə aidiyyatı olmayan ərazidə quraşdırdığı sayğacın. Ailə üvlərinizi növbəli sistem əsasında həmin sayğacın yanında qaravul təyin edin. Təsadüfdən, qeyri-təsadüfdən o cihaza bir xətər yetirildimi, batdınız! Cəriməsi boynunuzu əyəcək;

- Hə, bir də... Çalışın. Nə edirsiniz, edin ki, avtomobiliniz başqa bir avtomobil tərəfindən vurulmasın. Cəhdləriniz nəticə vermədi, kimsə gəldi maşınınızı vurdusa, özünüzü görməzliyə vurub sakitcə aradan çıxın. Qarşı tərəfdən vurulan zərərin ödənilməsini tələb etməyi düşünməyin. Hadisə yerinə DYP əməkdaşı çağırmaq isə, heç ağlınızın ucundan keçməsin. Əks halda, Kərbəlayi İsmayıl demiş, "oğlunuz Yadullanın müsibəti" (avtomobilinizə dəymiş ziyan) yalan olacaq. Çünki təqsirkar şəxs, sizi avtomobilini sığorta etdirdiyi şirkət və DYP ilə baş-başa buraxacaq və əlini-qolunu sallayaraq yoluna davam edəcək (onluq bir şey yoxdur ha, qanun belə tələb edir). Sizin də sığorta şirkəti ilə yol polisi idarəsinin arasında aylarla ayaq döyməkdən ayağınız yağır olacaq. O da ya qismət, sonunda maddi zərərinizin qarşılığını ala biləcəksiniz, ya yox...

14736
Teqlər:
qanun, mənzil, ev, oğurluq, doğru
Əlaqədar
Bakıda 18 yaşlı tələbə evlərinə girən oğrunu öldürüb
Valideynləri vahiməyə salan "uşaq oğrusu" video-müraciət yaydı
Paytaxtda "rekordçu oğru" saxlanıldı
Bakıda 91 cinayətkar qrup zərərsizləşdirilib
Xəzər sahilində yaşayan tənha Dərviş: "Bütün cinayətkarların ürəyində ədalət var"
İmtahan, arxiv şəkli

Nazirlikdən imtahanlarla bağlı açıqlama

10
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

10
Bakıda avtomobil tıxacı, arxiv şəkli

Dünyada yollar, məsafələr qısaldılsa da, Azərbaycanda əksinədir

31
(Yenilənib 22:25 15.01.2021)
Hazırda orta hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib.

Nigar İsgəndərova, Sputnik Azərbaycan

BAKI, 15 yanvar — Sputnik. Bu gün dünyanın bir çox ölkələri məhz yolları, məsafələri qısaltmaq, xüsusən də işçi qrupun rahatlığı üçün müəyyən planlar üzərində çalışırlar. Lakin Azərbaycanda bu müddət azalmaq əvəzinə daha da artırılır. Pandemiyadan öncə getdiyimiz yarım saatlıq yol bu gün 2 saatlıq yola çevrilib. Ümumiyyətlə, pandemiyadan əvvəl də Azərbaycanda bənzər mənzərə müşahidə edilirdi. Bu isə xüsusən gündəlik olaraq işə gedən şəxslər üçün böyük problemə səbəb olur. Yəni, qısa məsafəni hər iki istiqamət üçün qət edən şəxs gününün 4-5, indiki halda isə hətta 6-7 saaatını da yolda keçirmiş olur. Bəs nə etməli?

Öncə dünya ölkələrinin təcrübəsinə nəzər yetirək. Bu gün əksər ölkələrdə artıq şəhərin mərkəzində avtobusların hərəkəti məhdudlaşdırılır. Belə ki, müəyyən məsafədən gələn şəxslər şəhərin mərkəzində avtomobilini park edərək mərkəzdən lazım olan ünvana ya velosiped, ya da ki, ictimai nəqliyyatdan istifadə etməklə çatmış olur. Belə olan halda həm əlavə yanacağa qənaət edilmiş olur, həm havanın çirklənməsinin qarşısı alınır, həm şəhər mrəkəzi sərnişin və piyadalar üçün daha uyğun bir vəziyyətə gəlir, həm də avtomobillərin olmaması səbəbi ilə əlaqədar olaraq tıxaclar yaranmır və beləcə məsafə daha da qısaldılmış olur. 

Sputnik Azərbaycan bu problemlərin həlli barədə nəqliyyat üzrə ekspert Hüseyn Abdullayevlə söhbətləşib. "Azərbaycanda avtobus marşrut xətlərinin planlaşdırılmasında böyük problemlər var. Ümumiyyətlə, heab edirəm ki, Bakının avtobus-marşrut şəbəkəsi yenidən müasir prinsiplərlə qurulmalıdır. Vaxt itkisinə səbəb olan nüanslar aradan qaldırılmalıdır. Avtobuların yollarda gecikməsinin qarşısını almaq üçün müəyyən addımlar atılmalı, ayrıca zolaqlar salınmalı, dəhlizlərdə avtobuslara üstünlük verilməlidir. Bir sözlə ümumilikdə nəqliyyat infrastrukturu ilə bağlı islahatlar aparılmalıdır" - ekspert deyib.

"Magistral avtobus xətlərinin də köməkçi avtobus xətləri olmalıdır. İyerarxiyalı sistemdə mütləqdir ki, bir nəqliyyatdan digər nəqliyyat xəttinə keçid mümkün qədər tez baş versin. Bunun üçün bu marşrutlar hamısı qısa intervalla işləməlidir. Bundan başqa, insanlar böyük məsafələr qət etməməli və hər mübadilə üçün əlavə gediş haqqı ödəməməlidirlər. Lakin qeyd edim ki, Azərbaycanda nəqliyyat sistemində bir pərakəndəlik var, avtobus, metro və dəmiryolu xətti ilə ayrılıqda müəyyən qurumlar məşğul olurlar. Əsas dəhlizlərdə isə avtobuslara üstünlük verilmir", - deyə eskpert bildirir.

Xarici təcrübədən danışdıqda isə, o qeyd edir ki, avtobus marşrutları, həm də digər nəqliyyat növəri arasında konkret iyerarxiya olmalıdır: "Yəni, müəyyənləşir ki, bu xətlərdən hansılar magistral, hansılar köməkçi nəqliyyat yollarıdır. Əsas magistral marşrut xətlərinə sərnişinlərin çıxışını təmin etməkdir", - deyə ekspert əlavə edib.

Millət vəkili Fazil Mustafa isə fərqli fikirdədir. Bu barədə Sputnik Azərbaycan-a danışan millət vəkili belə bir infrastrukturun qurulmasının mümkünsüzlüyündən bəhs edir: "Hazırda yollarda yaranan sıxlıq ilk növbədə metro ilə bağlıdır. Bu səbəbdən əksəriyyət minik avtomobilindən istifadə etmək məcburiyyətində qalır. Məktəblər açılmasa da, şəhərdə fəlakətli səviyyədə tıxaclar var. Pandemiya şəraitində yaranan vəziyyət təbiidir. Çünki avtobuslar da riskli olduğundna insanlar şəxsi avtomobillərə üstünlük verirlər. Bu səbəbdən hələlik çıxış yolu haqda danışmaqda çətinlik çəkirəm. Amma düşünürəm ki, tədricən metronun açılmasını görməliyik. Çünki nəqliyyatda hədsiz yüklənmə var".

Millət vəkili heab edir ki, şəhərin mərkəzinə çatmamış avtomobillərin park edilməsi təcrübəsini Azərbaycanda tətbiq etmək çətin olar: "Düşünürəm ki, bunun heç faydası da olmayacaq. Çünki bizdə normal elektrik qatarı yoxdur. Bu təcrübə yalnız düzgün infrastrukturun qurulduğu şəhərlər üçün keçərlidir. Bizdə isə düzgün infrastruktur qurulmayıb, şəhərsalmanın prinsipləri pozulub. Xaricdə belədir ki, məktəbəqədər yaşda olan uşaqlar üçün xüsusi avtobuslar var. Bizdə məktəbəqədərlər 25 faiz təşkil etsə də, heç bunu da təmin edə bilmirik".

Bir sözlə, hazırda gündəlik hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib. 

Qeyd edək ki, pandemiyadan öncə isə gündəlik olaraq işə gedib-gələn və bir qədər şəhərin mərkəzindən kənarda qalan şəxslər 4 saatını yola sərf edirlər. Yəni, aylıq olaraq bu 80 saat, illik olaraq isə 960 saatdır.

Hələlik isə ümid təkcə metronun açılmasına qalır...

31
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0