Qəbələyə qar yağıb

Faktiki hava şəraiti açıqlandı Qar, leysan, şimşək

401
(Yenilənib 15:22 27.10.2018)
Ölkədə hava şəraiti kəskin dəyişib, dağlıq ərazilərdə yağan qar nəticəsində qar örtüyü əmələ gəlib

BAKI, 27 oktyabr — Sputnik. Oktyabrın 26-dan 27-si səhərədək Azərbaycan ərazisində hava şəraiti kəskin dəyişib, şimşək çaxıb, yağış yağıb, bəzi yerlərdə leysan xarakterli intensiv və güclü olub, dağlıq ərazilərdə yağan qar nəticəsində qar örtüyü əmələ gəlib.

Ekologiya və Təbii Sərvətlər Nazirliyinin Milli Hidrometeorologiya Departamentindən Sputnik Azərbaycan-a verilən məlumata görə, yağan leysan yağışlarla əlaqədar çaylarda (Naxçıvançay, Zəyəmçay, Çaykənd, Qoşqarçay, Vəlvələçay-Təngialtı) sululuq artıb.

Ən çox yağıntı Naxcıvan Muxtar Respublikasına düşüb. Ərəfsədə (Culfa) 70 mm (aylıq normanın 367%-i), Nülgütdə (Ordubad) 65 mm (aylıq normanın 238 %-i) qeydə alınıb. Ağdərədə 26 mm, Şahbuzda 12 mm, Şərurda isə 9 mm olub.

Böyük Qafqazda - İvanovkada (İsmayıllı) 75, Kişçayda (Şəki) 49 (aylıq normanın 55 %-i), Girdimançayda 43 , Qəbələdə 42 (aylıq normanın 33 %-i), Oğuzda 37, Şəki, İsmayıllıda 35 , Şahdağda, Sarıbaşda (Qax) 33, Zaqatalada 31 (aylıq normanın 31 %-i), Dəmiraparançayda 22, Ağsuda 21, Qusar və Şamaxıda 25, Qırızda 24, Xaltanda 19, Qubada 17, Balakəndə 16, Altıağacda 14, Xaçmaz, Şabran və Mərəzədə 3-7 mm təşkil edib.

Lənkəran-Astara zonasında isə Lənkəranda 37, Astarada 29, Lerikdə 14, Yardımlıda 11, Biləsuvar və Neftçalada 6 mm olub.

Kiçik Qafqazda - Göygöldə 27 (aylıq normanın 35 %-i), Daşkəsəndə 23 (aylıq normanın 43%-i), Gədəbəydə 13 mm (aylıq normanın 56 %-i) təşkil edib.

Qazax-Gəncə zonasında isə Naftalanda 15, Gəncədə 12, Ağdam , Ağstafa , Şəmkir, Tovuz və Ceyrançöldə 2-8, Dəstəfurçayda-Qaraqollar (Daşkəsən) 28, Çaykənddə 27, Şməkirçay-Qalakənddə (Gədəbəy) 20, Dağ-Kəsəməndə (Qazax) 12, Qoşqarçay-Sərkar (Göygöl) 8 mm olub.

Mərkəzi-Aran rayonlarında - Tərtərdə 27 , Kürdəmirdə 20 , Mingəçevirdə 19, Yevlaxda 18 Bərdədə 15, İmişlidə 12, Sabirabadda 8, Zərdab, Cəfərxanda 7, Salyan, Qazıməmməddə 2 mm təşkil edib.

Bakıda və Abşeron yarımadasında - Sumqayıtda 7 (aylıq normanın 26 %-i), Pirallahıda 5 (aylıq normanın 23%-i), Binədə 3, Zabrat və Maştağada 2, Bakıda 1 mm olub.

Qar örtüyünün hündürlüyü Ləzədə 20 , Xınalıqda 18, Qudyalçay-Xınalıq məntəqəsində 17, Şahdağda 16, Qırızda 15, Sarıbaşda (Qax) 10, Nülgütdə 5 sm təşkil edib.

Qərb küləyi Neftçalada 32, Naftalan, Daşkəsən, Xınalıq, Tərtərdə 28 , Bərdədə 25, Qazıməmməd, Gəncədə 24, Salyan, Şəmkirdə 21, Biləsuvarda 20, Kəlvəzdə 19, Tovuzda 18, Ağdam, Göygöl, Ağstafada 16, Abşeron yarımadasında və Abşeron dəniz rayonunda arabir 25-27 m/s-dək güclənib.

Dalğanın hündürlüyü Neft Daşları stansiyasının məlumatına əsasən 5 metrə çatıb.

Havanın maksimal temperaturu Bakıda və Abşeron yarımadasında 14-16°, minimal temperatur isə Bakıda 8,8-9° isti, Xınalıqda -2,8°, Şaxdağ - 6°, Daşkəsəndə -0,1°, Qırızda- 3,1° şaxta qeydə alınıb.

401
Teqlər:
leysan yağışlar, qar, hava, Ekologiya və Təbii Sərvətlər Nazirliyinin Milli Hidrometeorologiya Departamenti
Əlaqədar
Əlverişsiz hava şəraiti gözlənilir
Günün sonunadək gözlənilən hava şəraiti
Paytaxt və bölgələr üçün hava proqnozu
Havada tozun miqdarı normadan 3 dəfə çoxdur
 Distant təhsil, arxiv şəkli

Nazirlik bu ərazilərdə simsiz rabitə şəbəkəsi qurur - Şagirdlərin problemi həll olunacaq

0
(Yenilənib 13:06 23.01.2021)
Hazırda Ağdamın Ayaq Qərvənd, Səfərli və Alıbəyli qəsəbələrində də internet xidmətinə tələbatının ödənilməsi üçün tədbirlər görülür.

Zülfiyyə Quluyeva, Sputnik Azərbaycan

BAKI, 23 yanvar — Sputnik. Ağdam rayonun müharibədən əvvəl cəbhəyanı əraziləri sayılan qəsəbələrinə simsiz rabitə xətti çəkiləcək. Bu barədə Sputnik Azərbaycan-ın sorğusuna Nəqliyyat, Rabitə və Yüksək Texnologiyalar Nazirliyindən verilən cavabda bildirilir. Nazirlikdən verilən məlumata görə, 44 günlük Vətən Müharibəsi zamanı Ermənistanın təcavüzü nəticəsində mülki əhaliyə, dövlət əmlakına, o cümlədən infrastruktur obyektlərinə xeyli ziyan dəyib. Hərbi əməliyyatlar zamanı düşmən tərəfindən Ağdam rayonuna atılmış mərmilər xətt təsərrüfatını zədələyib. Nəqliyyat, Rabitə və Yüksək Texnologiyalar Nazirliyinin "Aztelekom" Məhdud Məsuliyyətli Cəmiyyəti tərəfindən rayonun Qaradağlı, Əfətli, Mirəşelli, Mahrızlı, Çəmənli, Xındırıstan, Rzalar, Təzəkənd, Bənövşələr kəndləri və Dördyol-1, Dördyol-2, Yeni qəsəbə, Baharlı qəsəbələrində təmir-bərpa işləri həyata keçirilib, xətt təsərrüfatının bərpası və xidmətlərin təminatı qısa müddət ərzində təmin edilib. Belə ki, şəbəkənin bərpası məqsədilə 10 kilometrə yaxın zədələnmiş müxtəlif tipli kabellər dəyişdirilib, 60 ədəd dirək yeniləri ilə əvəz olunub. Eyni zamanda abunəçi xətlərinin 13 km uzunluğunda hissəsi normalara cavab verən vəziyyətə gətirilib.

Nazirlikdən verilən məlumatda qeyd olunur ki, Ağdam rayonunun Ayaq Qərvənd qəsəbəsində yaşayan sakinlərə genişzolaqlı internet xidmətinin göstərilməsi üçün simsiz rabitə şəbəkəsi qurulub: "Hazırda Səfərli və Alıbəyli qəsəbələrində də internet xidmətinə tələbatının ödənilməsi üçün tədbirlər görülür. Həmçinin rayon ərazisində telefon və yüksək sürətli internet xidmətinə olan tələbat nəzərə alınaraq müvafiq layihələr hazırlanır və mərhələli şəkildə icra edilir. Bütün müraciətlər qeydə alınır, sorğuda qeyd olunan və digər ərazilərin sakinlərinin telefon və internet xidmətləri ilə təminatı istiqamətində işlər davam etdirilir".

Xatırladaq ki, Ağdam Rayon Təhsil şöbəsinin müdiri Mətanət Misirxanova Sputnik Azərbaycan-a açıqlamasında bildirib ki, Ağdam rayonu üzrə təxminən 56 faizə yaxın şagird onlayn təhsilə cəlb olunub: "Müharibədən sonra müəllimlərlə şagirdlər arasında artıq bir vasitə var. Amma müəyyən qisim şagird hələ də təhsildən, müəllim təmasından kənardadır. Bunlar Ağdam rayonu ərazisindəki Səfərli, Alıbəyli, Ayaqqərvənd qəsəbələrinin şagirdləridir. Burada yaşayan şagirdlərlə təmas qurmaq mümkün deyil. Çünki bu ərazilərdə telefon xətti yoxdur. Mobil internetdən istifadə etməyə isə maddi baxımdan imkanları çatmır. Amma biz həmin qəsəbələrdə yaşayan şagirdlərlə daima əlaqə qururuq. Məktəb direktorları və sinif rəhbərləri şagirdləri teledərslərə yönəldirlər ki, onlar teledərsləri izləsinlər. Bununla belə, biz nəzərdə tutmuşuq ki, məktəblər açıldıqdan sonra onlayn dərslərə qoşula bilməyən şagirdlər üçün həmin dərslər sıxlaşdırılmış formada keçirilsin. Bunun üçün də əlavə dərs və məşğələ cədvəlləri hazırlanır".

0
Facebook, Instagram və WhatsApp tətbiqlərinin loqoları, arxiv şəkli

Nazirlikdən sosial şəbəkə istifadəçilərinə xəbərdarlıq

0
(Yenilənib 13:00 23.01.2021)
"İnstagram" platformasında pullu xidmət qarşılığında dələduzluq əməllərinin artması müşahidə olunur.

BAKI, 23 yanvar — Sputnik. Daxili İşlər Nazirliyi sosial şəbəkə istifadəçilərinə müraciət edib.

DİN Mətbuat Xidmətindən Sputnik Azərbaycan-a verilən məlumatda bildirilir ki, sosial şəbəkələrdə, xüsusən "İnstagram" platformasında pullu xidmət qarşılığında dələduzluq əməllərinin artması müşahidə olunur:

"Aldatma, etibardan sui-istifadə etmək yolu ilə müxtəlif adlar altında təklif edilən xidmətlər sırasında belə səhifə adminləri izləyicilərinə sosial şəbəkə hesab parollarını qırmaq və ya başqa bir şəxsin mesajlarını izlənilməsinin mümkünlüyü ilə bağlı vədlər verir. Bəzən də izləyici sayı çox olan səhifələri satışa çıxararaq, ödənişi onlayn formada qəbul etdikdən sonra səhifələri sifarişçiyə təqdim olunmur.

Virtual məkanda yüksək əmək haqqı müqabilində işə düzəltmək adı ilə də vətəndaşlarımızı aldadan şəxslər "xidmət" göstərirlər. Onlar şəbəkədə yerləşdirdikləri elanlarla bağlı müraciət edən vətəndaşlardan anket məlumatı və qeydiyyatdan keçirmələri üçün müəyyən məbləğdə pul köçürmələrini tələb edirlər. Pullar hesaba köçürüldükdən sonra vəsaitləri çıxararaq həmin səhifələri bağlayırlar.

Çağırışları ilə diqqəti özünə cəlb edən şəxslərin profilləri onu göstərir ki, onların bu "xidmət"lərindən çox təssüf ki, istifadə edənlər də var.

Daxili İşlər Nazirliyinin sosial şəbəkə hesablarına da bu cür dələduzluq faktları ilə üzləşmiş şəxslər tərəfindən çoxsaylı müraciətlər daxil olur. Odur ki, şəbəkə istifadəçilərinə belə məsələlərə diqqətli yanaşmağı, bu tipli elanları paylaşan şəxslərə heç bir ödəniş etməməyi və şəxsi məlumatlarını, fotolarını kənar şəxslərlə paylaşmamağı tövsiyə edirik.

Bir daha vətəndaşlarımızı sosial şəbəkələrdə ayıq-sayıq və diqqətli olmağa çağırır, bu tipli səhifələrə ödəniş etmədən öncə DİN-in təsdiq ikonlu "polisazerbaycan" adlı səhifələrinə yazaraq dələduzluq faktı ilə üzləşmədən məlumat ala bilərlər" - məlumatda qeyd edilir.

0