Bakı-Şamaxı-Yevlax yolunun Şamaxı rayonu ərazisindən keçən hissəsi

Elementar səhlənkarlıq üzündən 3 min insanın həyatı "tükdən asılı" vəziyyətə düşüb

14800
(Yenilənib 09:50 26.10.2018)
Magistral yolda piyada keçidinin və yol nişanlarının olmaması bu yoldan hər gün istifadə edən piyadaların həyatı üçün təhlükə yaradır

İlham Əhmədov, Sputnik Azərbaycan

BAKI, 26 oktyabr — Sputnik. Şamaxıda bir sıra geniş prospekt və küçələrdə piyada zolaqlarının olmaması ətrafda yaşayan insanlar üçün çətinliklər yaradır. Təhlükəli ərazilərdən biri də Bakı-Şamaxı-Yevlax yolunun Şamaxı rayonu ərazisindən keçən hissəsidir. Bu yolda piyada keçidinin olmaması səbəbindən qadınlar, uşaqlar qarşı tərəfə keçmək üçün öz həyatlarını riskə atmalı olurlar.

Bakı-Şamaxı-Yevlax yolunun Şamaxı rayonu ərazisindən keçən hissəsi
© Sputnik / Ilham Ahmadov
Bakı-Şamaxı-Yevlax yolunun Şamaxı rayonu ərazisindən keçən hissəsi

Sputnik Azərbaycan-ın bölgə müxbiri xəbər verir ki, minlərlə yaşayış evi, idman kompleksi və diaqnostika mərkəzi ilə əhatələnən magistral yolda piyada keçidinin və yol nişanlarının olmaması bu yoldan hər gün istifadə edən piyadaların həyatı üçün təhlükə yaradır. Ərazidə yaşayan sakinlərin dediklərinə görə, bu yolda sürət həddi saatda 60 km təyin edilsə də, bəzi sürücülər buna məhəl qoymurlar, avtomobilləri yüksək sürətlə idarə edir, yolu keçmək istəyən piyadalara aman vermirlər.

Rayon sakini İlqar Zamanov bildirir ki, bəzən yolu keçmək üçün dəqiqələrlə gözləməli olurlar: "Özümüz qorxa-qorxa yolu birtəhər keçirik, sürücülərin heç biri piyadalara yol vermir. Yolda piyada zolağı da yoxdur ki, sürücülər yol verməli olduqlarını bilib sürəti azaltsınlar. Burada nə piyada keçidi var, nə də hər hansı bir işarə. Burada sürət həddi saatda 60 km olsa da, radar və ya yol polisi olmadığından, əksər sürücülər maşınları 90-100 sürətlə sürürlər".

Qonşuluqda yaşayan Rafael Dostumalıyev də eyni vəziyyətdən şikayət edir:

"Burada idman kompleksi ilə üzbəüz üç minədək yaşayış evi var. O evlərdə yaşayan əhalinin keçdiyi yol bu haldadır. Bu yoldan keçmək çox çətindir, təhlükəlidir. Buradan yaşlılar da, körpə uşaqlar da keçir. Bazara, məktəbə gedən hər kəs bu yoldan istifadə edir. Bakı-Şamaxı yolunda 50 keçid var, amma əsas lazım olan yerdə yoxdur".

Bakı-Şamaxı-Yevlax yolunun Şamaxı rayonu ərazisindən keçən hissəsi
© Sputnik / Ilham Ahmadov
Bakı-Şamaxı-Yevlax yolunun Şamaxı rayonu ərazisindən keçən hissəsi

İdman kompleksinə gələn uşaqların valideynlərinin sözlərinə görə, bu yolu keçmək təhlükəli olduğundan, hər gün kompleksə uşaqları özləri şəxsən gətirib-aparırlar.

Rayon sakini Əliağa Hüseynov baş verənləri belə izah edir: "Yolu keçmək son dərəcə təhlükəlidir. Piyada keçidi olmadığından, kompleksə gələn azyaşlı uşaqların həyatına təhlükə yaranır. İş-gücümüzü atıb, uşaqların dalınca özümüz getməli oluruq".

Sürücülər də yaranmış vəziyyətdən narazıdırlar. Onlar qeyd edirlər ki, keçidlərin olmaması, işarələrin qoyulmaması onlar üçün də böyük təhlükə yaradır.

Sürücü Elnur Qədimovun sözlərinə görə, onların da marağındadır ki, magistralda piyada keçidləri olsun: "İşarə yoxdur, piyada keçidi yoxdur. Biz tanıyırıq, yola bələdik deyə, yavaş sürürük. Amma tanımayan sürücülər maşını sürətlə sürürlər. Qəflətən bir adam çıxır qarşısına, əyləci basır, arxadan gələn maşın da onu vurur. Dumanlı, çiskinli havada, ümumiyyətlə yolu görmürük. Gecə vaxtı yola çıxan insanı görmək mümkün olmur. Əvvəlcədən xəbərdarlıq bildirən işarə olsa, qarşı tərəfi də görərik".

Məsələ ilə bağlı Sputnik Azərbaycan-ın əməkdaşı Daxili İşlər Nazirliyi (DİN) Baş Dövlət Yol Polis İdarəsinin Qəbələ Regional Siqnal İdarəsinin sahə rəisi Əli Qarayevlə əlaqə saxlayıb. Qurum rəsmisi bildirib ki, problemin həlli mümkündür:

"Bunun üçün ərazidə yaşayan 8-10 nəfər rayon sakini yığışaraq, rayon icra hakimiyyətində yol hərəkətinin təşkili üzrə müavinə müraciət etməlidir. Həmin müraciət birbaşa Siqnal İdarəsinə yönləndiriləcək".

Qarayevin sözlərinə görə, sakinlər həmçinin imza toplayaraq məktub hazırlamalı, birbaşa DİN Baş Dövlət Yol Polis İdarəsinin rəisi, polis general-mayoru Ramiz Zeynalova ünvanlamalıdırlar:

"Həmin məktub regional idarəyə yönləndiriləcək və ərazidə müayinələr aparılaraq, yol hərəkətinin tənzimlənməsi üçün müvafiq nişan və zolaqlar təyin ediləcək".

14800
Teqlər:
piyada keçidi, piyada, Şamaxı, sakin, rayon, sürücü, avtomobil, təhlükə, Qəbələ Regional Siqnal İdarəsi, Daxili İşlər Nazirliyinin Baş Dövlət Yol Polisi İdarəsi, Daxili İşlər Nazirliyi, Əli Qarayev, Şamaxı
Əlaqədar
Zığ şossesində uçqun oldu, piyada yolunda təhlükə yarandı — VİDEO
Piyada hərəkətdə olan maşını təpiklədi
Ağstafada avtomobilin vurduğu piyada xəstəxanada ölüb
Paytaxtda ağır qəza oldu, orta yaşlı piyada vuruldu - VİDEO
İcra nümayəndəsi piyadanı vurub öldürdü
Yevlaxda dəhşətli qəza: Piyadanı dalbadal 2 maşın vurdu
Xəstəxanada uşaq, arxiv şəkli

Cinsi orqanı kəsilən uşağın anası - "O qadın uşağımı yenə hədələyir"

1
(Yenilənib 17:19 21.04.2021)
"Qadın bu işi qızı ilə birgə görüb. Uşaq əllərindən qaçıb evə gəlməsəydi, qanaxmadan ölə bilərdi" - zərərçəkmişin anası.

Zülfiyyə Quluyeva, Sputnik Azərbaycan

BAKI, 21 aprel — Sputnik. Zaur Baxşəliyevin aparıcılıq etdiyi "Bizimləsən" verilişində Bərdə rayonunda bir neçə gün öncə 10 yaşlı uşağın cinsi orqanını kəsən 40 yaşlı Aidə Əzizovanın çıxış etməsi ictimaiyyətdə geniş rezonansa səbəb olub. Milli Televiziya və Radio Şurasının qərarı ilə verilişin yayımı bir günlük dayandırılaraq ATV telekanalına qarşı dörd min manat məbləğində cərimə iddiası qaldırılsa da, cinayət törədənlərin efirə çıxması birmənalı qarşılanmır.

Sputnik Azərbaycan-a məsələ ilə bağlı açıqlama verən teletənqidçi Qulu Məhərrəmli bildirib ki, bu hadisəni törədən şəxsin əməli barədə çıxıb efirdə danışması təqdir ediləcək hal deyil:

"Canlı efirlərdə bu cür halların olmasını ciddi qəbahət hesab edirəm. Azərbaycanda bunların hamısı sensiya axtarışı, qeyri-adilik, reytinq məqsədi güdür. Televiziyalar veriliş hazırlayır və bundan reytinq qazanmaq istəyirlər".

Q.Məhərrəmli deyir ki, mahiyyət etibarilə verilişin aparıcısı Zaur Baxşəliyev istedadlı aparıcıdır: "Onun düşüncəsi, veriliş aparmaq qabiliyyəti var. Amma bu verilişin redaktoru, prodüsseri var ki, onlar məsuliyyətli olmalıdırlar. Məsələnin mahiyyətini bilə-bilə bu cür cinayətin efirdə etiraf olunması yolverilməzdir. Məsuliyyət və peşəkarlıq olmadıqda bu cür hallar ortaya çıxır. Bu baxımdan mən MTRŞ-nın addımını çox doğru hesab edirəm. Bu cür kəskin reaksiyalar olmasa, efirdə belə hallar tez-tez baş verər".

Teletənqidçi bildirir ki, telekanallar məsuliyyəti artırmalı, efirə gedəcək materiallara diqqət yetirməlidirlər. Bunun üçün isə yaradıcı qrupda məsul şəxslər olmalıdır. Q.Məhərrəmli onu da əlavə edib ki, efirə məsul şəxslər ictimai əxlaq normasını unudurlar. Bu da çox məsuliyyətsiz yanaşmadır.

Azərbaycan Uşaqlar Birliyinin sədri Kəmalə Ağazadə isə bildirib ki, uşaqlara qarşı bu cür zorakılıq yolverilməzdir. K.Ağazadə deyir ki, həmin qadının efirə gələnədək məsuliyyətə cəlb edilməməsi anormaldır:

"Polis o qadını efirə gəlməmiş götürüb aparmalıydı. Bu qadının əməlini çıxıb efirdən yaxşı bir iş kimi danışması təəccüb doğurur. Bu gün çox təəssüf ki, o qadının əməlinə haqq qazandıranlar da var. Bu çox dəhşətli məsələdir", - deyə K.Ağazadə bildirib.

Bərdə Rayon İcra Hakimiyyətinin Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Əlzamin İsayev ailəlikcə koronavirusa yoluxduqlarından məsələdən xəbərsiz olduğunu bildirib. İcra Hakimiyyətinin Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə Məsləhətçi-psixoloqu İsa İsmayılov isə bu məsələdən xəbərdar olduğunu desə də onlara rəsmi məktub daxil olmadığını söyləyib.

Hadisə zamanı xəsarət alan 10 yaşlı uşağın valideyni Ülviyyə Mirzalıyeva Sputnik Azərbaycan-a açıqlamasında bildirib ki, övladının durumu hazırda çox pisdir: "Uşağı həkimə aparmışıq, cinsi orqanına tikiş qoyulub. Cinayəti törədən qadın uşağımın sünnət dərisindən kəsib. Bu işi qızı ilə birgə görüb. Uşaq əllərindən qaçıb evə gəlməsəydi, qanaxmadan ölə bilərdi".

Ülviyyə Mirzəliyeva bu hadisədən sonra uşağın psixologiyasında ciddi problem olduğunu söyləyir. Onun sözlərinə görə, uşağı gecələr yatmır, tez-tez qışqıraraq oyanır. Valideyn bu hadisənin binada yaşayanları da xofa saldığını söyləyir: "İnanın ki, bütün bina hadisədən sonra narahatdır. Heç kəs uşağını bayıra buraxmaq istəmir. Bu qadının azadlıqda olması uşaqların həyatı üçün təhlükədir. Mən onun yaşadığı binadan kirayədən çıxıb bir qədər kənarda ev kirayə götürmüşəm. Amma yenə uşaq qorxur".

Valideyn bildirir ki, qadın bu əməlindən peşman deyil və özünə haqq qazandırır:

"Binanın qarşısında qışqırır ki, pulunu verib cəzadan qurtulacaq. Mən aidiyyəti qurumlardan xahiş edirəm ki, bu qadının layiqli cəza almasını təmin etsinlər. Şikayətimi geri götürməyəcəm. Çünki mənim övladımı yenidən cinsi orqanını kəsməklə hədələyir".

Daxili İşlər Nazirliyinin (DİN) Mətbuat xidmətinin şöbə rəisi, polis mayoru Elşad Hacıyev Sputnik Azərbaycan-a bildirib ki, artıq hadisə ilə bağlı cinayət işi açılıb: "Faktla bağlı Bərdə rayon Polis Şöbəsinin İstintaq bölməsində Cinayət Məcəlləsinin 128-ci maddəsi ilə cinayət işi başlanılıb. İstintaq hərəkətləri davam etdirilir. İstintaq yekunlaşdıqdan sonra iş materialları məhkəməyə göndəriləcək".

Qeyd edək ki, Bərdə rayonunda bir neçə gün öncə 40 yaşlı Aidə Əzizova 10 yaşlı uşağın cinsi orqanını kəsib. O, bu əməlini ATV telekanalında yayımlanan "Bizimləsən" verilişində açıq şəkildə danışaraq əməlinə haqq qazandırıb. Bildirib ki, 10 yaşlı oğlan onun 3 yaşlı qızına qarşı seksual hərəkətlər edib.

1
Xəstəxana

Onkoloji xəstəlikdən əziyyət çəkən Xalq artisti əməliyyat olunub

4
"Bu gün əməliyyat olundu. Xəstəlik ona əziyyət versə də, bu haqda heç kimə bildirməyib. Şükür ki, vəziyyəti yaxşıdır"

BAKI, 21 aprel — Sputnik. Xərçəngdən əziyyət çəkən Xalq artisti Ağadadaş Ağayev bu gün Türkiyədə əməliyyat olunub.

Bu barədə Sputnik Azərbaycan-a məlumat verən müğənninin oğlu Səbuhi Ağayevin sözlərinə görə, müğənni bir müddətdir onkoloji xəstəliklə mübarizə aparır: "Atam iki aydır ki, Türkiyədədir. Bu gün əməliyyat olundu. Xəstəlik ona əziyyət versə də, bu haqda heç kimə bildirməyib. Şükür ki, vəziyyəti yaxşıdır".

4