Mətbəxdə su kranı. Arxiv şəkli

Rəsmi bəyan: Azərbaycanda sudan kütləvi zəhərlənmə təhlükəsi yoxdur

6047
(Yenilənib 17:51 24.10.2018)
"Azərsu" ASC: Daxili İşlər Nazirliyinin xüsusi həyati əhəmiyyətli obyektlərdə mühafizə idarəsi var

Təranə Xudabaxşiyeva, Sputnik Azərbaycan

BAKI, 24 oktyabr — Sputnik. Ötən həftə İraqın Bəsrə şəhərində içməli sudan 111 min insan zəhərlənib. Hətta zərərçəkənlər arasında Avropa İttifaqının İraqdakı səfiri Ramon Blekua da var idi.

Bu vəziyyət Azərbaycan cəmiyyətində də narahatlığa səbəb oldu. Belə ki, insanlar əhalini su ilə təchiz edən içməli su anbarlarının necə qorunması barədə müzakirələr açmağa başlayıblar.

Maraqlıdır, vətəndaşlarımızın narahatlığına əsas varmı? Müasir dövrdə — bir həb ilə minlərlə insanın zəhərləməsi mümkün olduğu bir zamanda, Azərbaycanda belə risk yaşanırmı?

Sputnik Azərbaycan-ın mövzu ətrafında suallarını cavablandıran "Azərsu" ASC-nin mətbuat xidmətinin rəhbəri Anar Cəbrayıllı bildirib ki, Bakı və Abşeron yarımadasının əhalisi bir neçə su kanalı vasitəsilə su ilə təchiz edilir. Bütün su kanalları və anbarları ciddi rejimdə qorunur.

"Şollar kəmərinin bütün mənbələri və eyni zamanda yolüstü dunkerlərin hər biri silahlı polislər vasitəsi ilə qorunur. Daxili İşlər Nazirliyinin xüsusi həyati əhəmiyyətli obyektlərdə mühafizə idarəsi var. Onlar məhz mühafizə işlərini həyata keçirirlər. Onlar içməli su kanallarında insan müdaxiləsi ola biləcək hissələri qoruyurlar" — Cəbrayıllı diqqətə çatdırıb.

"Eyni zamanda, Tağıyev qəsəbəsində də qoruma var. İkinci mənbə Ceyranbatan gölüdür. Bura da ikiqat mühafizə olunur. Belə ki, buranı qoruq olduğu üçün Fövqəladə Hallar Nazirliyi mühafizə edir. Ərazi kamera ilə təchiz olunub. Heç "Azərsu"nun da işçiləri həmin əraziyə daxil ola bilməzlər" – dəyə o, əlavə edib.

"Azərsu" sözçüsü əlavə edib ki, Ceyranbatan suyunu təmizləyən Ceyranbatan Ultrasüzgəcli Sutəmizləyici Qurğular Kompleksində də nəzarət güclüdür: "Burada da hər tərəf kamera ilə təchiz olunub və polis tərəfindən qorunur. Kür mənbəyindən alınan suya nəzarət də güclüdür. Burada kanallar qapalıdır. Oğuz–Qəbələ xəttində də nəzarətin güclü olduğunu deməliyəm. Eyni zamanda, Bakı şəhərində olan bütün anbarlarımız qorunur. Bunlar da polis postu ilə tam nəzarətdədir".

Su kranı, arxiv şəkli
© Sputnik / Konstantin Chalabov

Qurum sözçüsü onu da bildirib ki, su anbarları, nəinki insan, hətta sel, daşqın və bu kimi təbiət hadisələrindən də qorunur: "Bunu ona görə edirik ki, çirkli su həmin anbarlara tökülməsin və anbarlar dağılmasın. Məqsədimiz də əhalini təmiz və keyfiyyətli su ilə təchiz etməkdir".

Ekoloq Adil Zeynalov isə Sputnik Azərbaycan-a deyib ki, Ceyranbatan su anbarı FHN tərəfindən qorunur, ancaq bu qoruma yetərli deyil: "Su hövzələrimizi, nəinki adiyyatı qurumlar, həmçinin bütün vətəndaşlar da qorumalıdır".

"Su həyatdır və biz həyatımızı təmin edən anbarlara istər fiziki, istərsə də hüquq şəxs kimi çirkli sular axıtmamalıyıq. Çünki su insan sağlamlığına təsir edən əsas faktordur" — ekspert bildirib.

"Bizə belə müraciətlər olanda, araşdırırıq və lazımı tədbirlər həyata keçiririk. Sular tez-tez laboratoriyalarda testlərdən keçirilməlidir. Hər hansı bir problem aşkarlananda, vaxtında problem aradan qaldırılmalıdır" – deyə A.Zeynalov vurğulayıb.

6047
Teqlər:
Anar Cəbrayıllı, su anbarı, mühafizə, su, içməli su, "Azərsu" ASC, əhali, zəhərlənmə
Əlaqədar
İlham Əliyevdən içməli su təminatı ilə bağlı vacib sərəncam
Prezident İlham Əliyevdən içməli su təminatı ilə bağlı vacib sözlər
Məşhur turizm cənnəti içməli su ilə təmin edildi
İçməli su probleminin həllində mühüm addım
Azərbaycan manatı, arxiv şəkli

Pensiya kapitalı ədalət - qalaqlanan problemlər üçün çözüm təklifi

16
(Yenilənib 17:59 26.11.2020)
"Bəzi hallarda vətəndaş uzun müddət çalışır, lakin ya o, pensiya yaşına çatmır, ya da pensiya yaşına çatdıqdan müəyyən müddət sonra dünyasını dəyişir", - Vüqar Bayramov

Nigar İsgəndərova, Sputnik Azərbaycan

BAKI, 26 noyabr — Sputnik. Dünyanın ən yaxşı pensiya sisteminə malik olan 39 ölkəsinin adları açıqlanıb. "Mercer CFA" institutunun "Global Pension Index 2020" hesabatına görə, 2020-ci ildə dünyanın ən yaxşı pensiya sisteminə malik ölkəsi Niderland olub. Bu ölkənin indeksi ötən illə müqayisədə 81-dən 82,6-a yüksəlib. İkinci yerdə qərarlaşan Danimarkanın isə builki indeksi 80,3-dən 81,4 bəndə qədər yüksəlib. Siyahının üçüncü yerinə isə İsrail (74,2 bənd) layiq görülüb.

Hazırda Niderlandda pensiya yaşı 66-dır. 2024-cü ilədək ölkədə pensiya yaşının aylıq artım dinamikası dondurulur. Yalnız 2024-cü ildə ölkədə pensiya yaşı 67 olacaq və bundan sonra hər il bu müddət daha öncəki müddətlə müqayisədə çox cüzi olaraq artmaqda davam edəcək. Digər ölkələrlə müqayisədə Niderlandda pensionerlər daha firavan həyat yaşayırlar ki, bunun da səbəbi ölkədəki qanunlardır.

Ölkədə yaşlılığa görə verilən pensiya olan AOW-dan yararlanmaq üçün şəxslərin Niderlandda çalışdığı hər il üçün 2 faiz illik AOW vəsaiti toplanmalıdır. Məsələn, şəxs pensiya yaşına çatdıqda sadəcə olaraq 40 ildir ki, Niderlandda yaşamış olarsa, bu zaman AOW vəsaitinin 80 faizini əldə etmiş olacaq.

Bundan başqa, ölkə qanunları ağır işdə çalışanlara daha tez pensiyaya çıxmaq hüququnu verir. Bununla yanaşı, istəyən hər kəs 3 il daha tez yaşlılıq pensiyasına çıxa bilmək hüququna malik olur.

Pensiya sisteminə görə 39 ölkə arasında ikinci olan Danimarkada isə bu yaş həddinin aşağı endirilməsi müzakirə edilir.

Ölkənin Baş naziri Mette Frederiksen pensiya yaşının 65-dən 61-ə endirilməsi üçün təkliflərin verildiyini də vurğulayıb:

"Danimarka vətəndaşları hər gün işləmək, pul qazanmaq üçün səhər tezdən oyanır, ağrı və acı ilə işə gedirlər. Bəlkə də belləri, dizləri, çiyinləri ağrıyır, bəlkə də çox acı çəkirlər. Bu səbəbdən biz uzun illərdir çalışanlar, çalışdığı müddətdə vergilərini ödəyən və ağır işə cəlb olunanlar üçün təkliflər vermişik. Yeni qanun layihəsinə görə, 42-44 il çalışanlar 1-4 il daha tez pensiyaya çıxa biləcəklər. 2022-ci ildə 38 min şəxs bundan yararlana biləcək".

Qeyd edək ki, qarşıdakı 10 il ərzində Danimarkada pensiya yaşının 68 olacağı planlaşdırılır.

Son illərdə Azərbaycanda da pensiya sisteminin təkmilləşdirilməsi istiqamətində müxtəlif işlər görülüb. Lakin bununla belə, bəzi problemlər hələ də həllini tapmamış qalır. Bəs Azərbaycanda pensiya sistemində hansı qalaqlanmış problemlər həllini gözləyir?

Saxla samanı... Kartda olan pulları necə artırmalı?>>

Millət vəkili Vüqar Bayramov Sputnik Azərbaycan-a açıqlamasında bu haqda danışıb: "Son illər Azərbaycanda pensiya sistemində bir sıra islahatlar aparılıb. Xüsusən də 2018-ci ildən pensiya sisteminin təkmilləşdirilməsi müşahidə olunub. Biz mütəmadi olaraq pensiya islahatlarının davamlı olması və pensiya sisteminin daha da təkmilləşdirilməsi üçün təkliflərimizi təqdim edirik. Qiymətləndirmələr onu göstərir ki, indiki halda həm pensiya kapitalı ilə bağlı, həm də pensiya kartından istifadə ilə bağlı islahatların davam etdirilməsinə ehtiyac var".

"Nəzərə almalıyıq ki, minimum pensiya məbləği artdıqca tələb olunan minimum pensiya kapitalı da artır. Bu səbəbdən vacibdir ki, pensiya kapitalının müəyyən hissəsinin dövlət tərəfindən kompensasiya edilməsi mexanizminə baxılsın. Daha yaxşı olardı ki, vəsaitlərin, xüsusən də həssas qruplar üçün olan vəsaitlərin bir hissəsi kompensasiya olunsun", - deyə millət vəkili əlavə edib.

O bildirib ki, böyük pensiya kapitalına malik vətəndaşlarımıza ABŞ-da olduğu kimi daha tez pensiyaya çıxmaq hüququnun verilməsinə ehtiyac var: "Ona görə də biz minimum pensiya kapitalı ilə yanaşı, pensiyaya çıxmaqla bağlı minimum kapital yığıldıqdan sonra belə bir hüququn verilməsinin tərəfdarıyıq.

Yəni vətəndaşa pensiya yaşına çatmadan yığılan kapitaldan istifadə etmə hüququnun verilməsi məqsədəuyğundur. Bu da təbii ki, kapitalla bağlı yığımlara marağı artırmaqla yanaşı, eyni zamanda imkan verəcək ki, vətəndaşlarımız bəzi hallarda pensiya yaşını gözləmədən də pensiya kapitalının bir hissəsindən faydalana bilsinlər".

"Digər məsələ isə pensiya kapitalının müəyyən hissəsinin varisə transfer edilməsi ilə bağlıdır. Çünki bəzi hallarda vətəndaş uzun müddət çalışır, lakin ya o, pensiya yaşına çatmır, ya da pensiya yaşına çatdıqdan müəyyən müddət sonra dünyasını dəyişir. Bu səbəbdən həmin kapitalın bir hissəsinin vətəndaşın varisinə transfer edilməsi mexanizmi təqdirəuyğun olardı. Bu da nəticə etibarı ilə pensiya sistemində ədalətin daha da məqsədəuyğunluğu üçün önəmlidir", - deyə V.Bayramov əlavə edib.

16
Teqlər:
Vüqar Bayramov, təklif, varis, kapital, təqaüd, pensiya

Ermənistandakı hərbi bazada Rusiya hərbçisinin cəsədi tapılıb

18
(Yenilənib 21:33 26.11.2020)
Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. H

BAKI, 26 noyabr - Sputnik. Ermənistanın Gümrü şəhərində Rusiyanın 102-ci hərbi bazasının hərbi qulluqçusu ölü tapılıb.

Bu barədə Sputnik Ermənistan-a Cənub Hərbi Dairəsinin mətbuat xidmətindən bildirilib. Ermənistan İstintaq Komitəsinin Şirak Regional İstintaq İdarəsi hazırda hərbçinin ölümü ilə bağlı materialları toplayır.

Bildirilir ki, 36 yaşlı rus hərbçinin həyat əlamətləri olmayan cəsədi onun hərbçi yoldaşları tərəfindən aşkar edilib. Onun üzərində hər hansı zorakılıq əlamətlərinə rast gəlinməyib: 

"Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. Hərbçinin cəsədində zorakılıq əlamətlərinə rast gəlinməyib".

Hazırda hadisənin baş vermə şəraiti və səbəbləri araşdırılır.

Cinayət xəbərləri saytı shamshyan.com-un yazdığına görə, ölən şəxs 36 yaşlı müqaviləli hərbçi A.P.-dir.

18

Çavuşoğlu Qarabağ məsələsini NATO-nun gündəminə gətirdi

0
(Yenilənib 22:33 26.11.2020)
Türkiyənin xarici işlər naziri Mövlud Çavuşoğlu ilə NATO-nun baş katibi Yens Stoltenberq Dağlıq Qarabağ və digər regional münaqişələri müzakirə ediblər.

BAKI, 26 noyabr - Sputnik. Türkiyənin xarici işlər naziri Mövlud Çavuşoğlu və NATO-nun baş katibi Yens Stoltenberq arasında telefon danışığı olub.

Sputnik Azərbaycan Türkiyə mediasına istinadla xəbər verir ki, telefon danışığı zamanı tərəflər regional gündəmin aktual məsələlərini, o cümlədən Dağlıq Qarabağı müzakirə ediblər.

Türkiyə XİN rəhbəri və NATO-nun baş katibi Şərqi Aralıq dənizi, Əfqanıstan və Liviya böhranı barədə də fikir mübadiləsi aparıblar.

Çavuşoğlu Stoltenberqə İrini Hərəkatı çərçivəsində Aralıq dənizindəki Türkiyə ticarət gəmisində axtarış aparılmasının beynəlxalq hüquqa zidd və yolverilməz olduğunu bildirib.

0
Teqlər:
Aralıq dənizi, Liviya, Dağlıq Qarabağ, Türkiyə xarici işlər naziri Mövlud Çavuşoğlu, Mövlud Çavuşoğlu, baş katibi Yens Stoltenberq, Yens Stoltenberq, NATO