İşıqfor

Şəhərin işıqforları ilə bağlı baş verir - BNA aydınlıq gətirdi

7026
(Yenilənib 19:03 17.10.2018)
Mais Ağayev: "Bu gün səhər saatlarında yalnız cəmi bir neçə işıqforun fəaliyyəti dayanıb"

Zarina Orucəliyeva, Sputnik Azərbaycan

BAKI, 17 oktyabr — Sputnik. Bakı yenidən tıxacda ilişib, amma bu dəfə yüngülcə yağış yağandan sonra. Sputnik Azərbaycan-ın məlumatına görə, bu gün səhər Bakıda bir neçə işıqfor dərhal sıradan çıxıb və nəticədə pik saatlarda paytaxtın yollarında tıxac daha da artıb.

Bakıda tıxac, arxiv şəkli
© Sputnik / Fuad Hasanov

Qeyd edək ki, bu mənzərə hər il payızın başlanğıcında müşahidə olunur. Azacıq yağıntı düşən kimi, yollarda nəqliyyatın sıxlığı yaranır. Nəqliyyat strukturlarının bu problemlərin üzərində işlədiklərinə dair çoxsaylı bəyanatlarına baxmayaraq, onlar azalmaq bilmir ki, bilmir.

Nəticədə, məsələn, təkcə oktyabrın 17-də paytaxtın Ziya Bünyadov prospekti istiqamətində avtomobil sahibləri tıxacda 1 saata yaxın vaxt itiriblər. Heç bir yeri suyun basmadığına baxmayaraq, yağışın islatdığı asfaltın üzəri palçıqla örtülüb. 

Bundan əlavə, şəhərin mərkəzinin şərq istiqamətdən girişində (Nobel prospektindən başlayaraq), Babək prospektində, həmçinin, Sumqayıt-Bakı magistral yolunda da böyük tıxaclar müşahidə olunub.

Sputnik Azərbaycan-ın əməkdaşı Bakı Nəqliyyat Agentliyinin (BTA) İctimaiyyətlə əlaqələr şöbəsinin müdiri Mais Ağayevlə əlaqə yaradaraq yaranan problemin səbəbini soruşub. Nəqliyyat qurumunun nümayəndəsi bildirib ki, bu gün saat 11:00-dan etibarən paytaxt yollarındakı tıxac aradan qalxıb.

Onun sözlərinə görə, yollardakı müşahidə kameraları yüksək avtomobil sıxlığının müşahidə edildiyi yerləri qeydə alır. Bunlar "20 yanvar" metrostansiyasının ərazisi, Ziya Bünyadov prospekti ilə Əhməd Rəcəbli küçəsinin kəsişməsi, Rəşid Behbudov küçəsi istiqamətində "28 May" küçəsi ilə Azadlıq prospektinin kəsişməsi, ASAN Xidmət Mərkəzi istiqamətində akademik Həsən Əliyev küçəsi, Türkiyə səfirliyi istiqamətində Bakıxanov küçəsi, eləcə də Cavanşir avtomobil körpüsü və Üzeyir Hacıbəyov küçəsi boyunca olan ərazilərdir.

Ağayev bəyan edib ki, adəti üzrə hər səhər Bakı küçələrində ənənəvi tıxaclar müşahidə edilir. Pik saatlarda, xüsusilə də yağışlı günlərdə sürücülər ehtiyatla getməyə çalşıdıqlarından sürəti aşağı salırlar.

"Bundan əlavə, yağışlı günlərdə digər günlərdən fərqli olaraq çox adam başqa yerə şəxsi nəqliyyat vasitəsi ilə, yaxud da taksi ilə getməyə üstünlük verir. Adi günlərdə ictimai nəqliyyata, yaxud da piyada getməyə üstünlük verən insanlar, yağışlı günlərdə daha çox taksidən istifadə edirlər. Nəticədə də avtomobil yollarında sıxlıq artır" — deyə Ağayev bildirib.

İşləməyən işıqforlara gəlincə, BNA-nın nümayəndəsi bildirib ki, bu hal ilk dəfə bu səhər qeydə alınıb: "Hazırda paytaxtda 300-dək işıqfor mövcuddur. BNA-nın sisteminə onların bəzilərində texniki problemlərin yarandığı barədə məlumat daxil olub. Həmin işıqforlarda yaranmış problemlərin qısa zamanda aradan qaldırılması üçün texniki personal dərhal ora yönəldilib. Artıq demək olar ki, bütün işıqforların fəaliyyəti bərpa edilib".

İşıqforların niyə sıradan çıxmasına gəlincə, BNA nümayəndəsi deyib ki, bunun səbəbləri müxtəlifdir: "İşıqforlar adətən qısa qapanmalar, elektrik verilişində yaranmış problemlər və texniki nasazlıqla əlaqədar olaraq normal işləmir".

"Bu gün səhər saatlarında yalnız cəmi bir neçə işıqforun fəaliyyəti dayanıb. Yağışın yağması isə texniki nasazlıqlara rəvac verən çoxsaylı problemlərdən sadəcə biridir. Yağışın işıqforları sıradan çıxardığını demək doğru deyil" — deyə BNA nümayəndəsi əlavə edib.

Bütün bunlarla yanaşı, qarşıda paytaxt sakinlərini uzun yağmurlu payız-qış mövsümü gözləyir. Və ümid edək ki, Bakı sakinləri daha uzunmüddətli tıxaclarla üzləşməyəcəklər…

7026
Teqlər:
işıqfor, Sputnik Azərbaycan, Bakı, tıxac, yağış
Əlaqədar
Bakını tıxac bürüyüb
Bu avtomobil tıxacın qənimi olacaq
Bakıda intihar tıxacı: Şəhərin bir hissəsi kilidləndi
Bakı-Sumqayıt tıxacında inləmək azmış kimi əlavə cəza da kəsildi: Maaşlardan tutulsun!
Bakı-Sumqayıt yolundakı tıxaca görə operativ qərar verildi
Bakının ən problemli yolunda dəyişiklik edilir, tıxac olmayacaq
Sarımsaq, arxiv şəkli

Təbii antibiotik zərərli imiş

13
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

13
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı