Təəccüblənmiş adam, arxiv şəkli

Gəl də, belə hadisənin qarşısında şoka düşmə

13198
(Yenilənib 09:58 15.10.2018)
Və o yoldaş həmin fakt qarşısında şoka düşdüyünü etiraf edə bilməzdi

BAKI, 15 oktyabr — Sputnik. Türkiyədə azərbaycanlı iş adamına "şok" yaşadıblar. Sputnik Azərbaycan-ın Türkiyə mətbuatına istinadən verdiyi xəbərə görə, Tahir Məmmədov ad-soyadlı bir azərbaycanlı iş adamı İstanbulda Yenibosna deyilən ərazidə "Uber"-dən taksi sifariş edib. Amma avtomobildən düşərkən pencəyini və 10 min dollar pulunu avtomobildə unudub.

Sonradan məsələdən xəbərdar olan taksi sürücüsü mərkəzə edilən zəng üzrə iş adamının telefon nömrəsini tapır və avtomobildə unutduğu əmanətləri sahibinə qaytarır. "İnsanın ağlına hər şey gəlir, amma mən pulu qəpiyinə qədər ona qaytardım" — deyə sürücü bildirib.

İş adamı isə öz növbəsində sürücüyə minnətdarlıq edib və belə insanların hələ də var olduğu üçün sevindiyini qeyd edib.

Təbii ki, bizim həmyerlimiz yaranmış vəziyyət qarşısında şoka düşdüyünü etiraf edə bilməzdi. Sadəcə, minnətdarlıq hissini ifadə edə bilərdi ki, "guya, bizdə də belədir və siz də belə yaxşı adam olduğunuz üçün çox sağ olun".

Yəni, T.M. deyə bilməzdi ki, "ala, bizdə başqasından aldığı 40 manatı qaytarmamaq üçün 15 ildir işlətdiyi telefon nömrəsini, 5 ildir qaldığı kirayə evi, bir az da cəsarətlisi olsa, şəxsiyyət vəsiqəsində ad-soyadını dəyişdirən oğlanlar var e".

Deyə bilməzdi, axı, bunu. Üstəlik, həmin 10 min dollardan qaldırıb 10 dollar sürücüyə təşəkkür hədiyyəsi vermədiyi halda, niyə yalan danışsın ki? Zatən, biz pul-para məsələsində olduqca həssasıq (verməkdə deyil, almaqda).

Bu hadisəni eşidəndən sonra adamın şoka düşməyi gəlir. Üz tutursan Yaradana ki, biz də şok istəyirik, Pərvərdigar-aləm. Amma T.M-in yaşadığı kiçik şokdan deyil, daha böyüyündən. Məsələn:

Xəstəxanadan xəstəyə zəng gələ ki, "Keçən dəfə sağın əvəzinə sol tayını kəsdiyimiz sağlam ayağınızı burada unutmusunuz, zəhmət olmasa, gəlin ayağınızı aparın. Hə, əgər böyrəyinin bir tayını əməliyyat masasında yaddan çıxaran tanışınız varsa, onu da özünüzlə gətirin".

Bu şokdan ayılmamış valideynlərə kütləvi SMS gələ: "Səhlənkarlığınız ucbatından məktəblərdə unudub getdiyiniz süpürgə pulu, lövhə pulu, dəftər-kitab pulu, ad günü-bayram pulu, əlavə hazırlıq pulu, məktəbli geyim(lər)i pulu, "nazirlikdən gələn var" pulu, "təhsil şöbəsindən gözünü ağardan var" pulu və s. və i. – hamısı yığılıb qalıb. Əziyyət çəkin, gəlin pullarınızı yığışdırın".

Başımızın dumanı dağılmadan ölkəyə xəbər yayıla: "Yanacaqdoldurma məntəqələri depozitlərinizi, üzərinə yığılmış qazancları ilə birlikdə geri qaytarma aksiyasını açıq elan edir. Sürücülərdən xahiş olunur ki, illər boyu "zapravka"nın çəninə geri qayıdan, qaza qarışıb uçan və istənilən bütün formada halallığını almadan sizdən çırpışdırdığımız zərrələri, qramları, litrləri, tonları sizlərin xoş gələcəyi üçün saxlamışdıq. Ki, üst-üstə yığılsın və gələcəkdə küll halında geri qaytaraq. Artıq zamanı çatdı, evdə, qonşuda nə qədər vedrə, vanna, bidon, çən varsa, arabalara doldurub gəlin".

Bu tərəfdən də Azərbaycan Avtomobil Yolları Dövlət Agentliyi (AAYDA) "Azərsu"yu müjdələyə: "Taaapıııldııı! Vallah, o qədər ad dəyişmişik ki, adımız da yadımızdan çıxıb. Bilmirik, hansı adla, hansı ildə, hansı küçəni qazanda, səhvən sizin kanalizasiya xəttinizi çəkməməyi unutmuşduq, ha. Siz də küsmüşdünüz ki, belə də qeyri-peşəkarlıq olar?! Ondan sonra bütün küçələri qazıb həmin yeri tapdıq, gəlin borunuzu çıxarın, biz oranı təkrar asfaltlayaq. Sonra "məlum olar" ki, bəs kanalizasiya xəttini çəkməyi unutmuşuq. Yenidən başlayaraq oraları eşməyə ki, siz boru çəkə biləsiniz. Və nəticədə təzə boru sizin, təzə asfalt bizim. Necədi?"

Şok istəyirik, İlahi. Böyük ŞOK, çox böyük…

13198
Teqlər:
azərbaycanlı, küçə, Türkiyə, məktəb, yanacaq, xəstə, iş adamı, boru, şok
Əlaqədar
Türkiyədə azərbaycanlı iş adamına "şok" yaşadıblar
Ürək dağlayan hadisə, ilginc video, parlamentdə qəzəb: Qaranlıqdakı adam üzə çıxır
Çox ciddi gözlənti var: Yenə olmayacaq şey olacaq
Bakının narkobaron və baroniçalarının 30 illik sirri çözüldü – Unikal ailə
Bakıda anlaşılmaz hərəkətlənmə: Biri nə baş verdiyini izah etsin
Bakı Beynəlxalq Avtovağzalı, arxiv şəkli

Dövlət Xidməti gücləndirilmiş rejiminə keçdi

3
Hazırda Bakı Beynəlxalq Avtovağzal Kompleksindən 72 istiqamət üzrə 643 avtobus çıxır. Gücləndirilmiş iş rejimi ilə əlaqədar olaraq bu rəqəm iki dəfə artırılacaq.

 

BAKI, 20 sentyabr — Sputnik. Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidməti (DANX), eyni zamanda Bakı Beynəlxalq Avtovağzal Kompleksi və respublikanın 56 avtovağzal və avtostansiyası da daxil olmaqla yeni tədris ilinin başlanması ilə əlaqədar olaraq gücləndirilmiş iş rejiminə keçib. Bu barədə Sputnik Azərbaycan-a DANX-dan bildirilib.

Məlumatda deyilir ki, Nazirlər Kabineti yanında Operativ Qərargahın qərarına əsasən, mayın 31-dən ölkədə şəhərlərarası və rayonlararası sərnişindaşıma fəaliyyəti tam bərpa olunsa da, tədris müəssisələrinin fəaliyyətinin pandemiya ilə əlaqədar məhdudlaşdırılması səbəbilə məhdud sayda avtobuslarla xidmət göstərilirdi. Gücləndirilmiş iş rejimi ilə əlaqədar olaraq həm Bakıdan regionlara, həm də regionlardan paytaxta axının çox olacağı nəzərə alınaraq avtobusların sayının artırılması qərara alınıb. Hazırda Bakı Beynəlxalq Avtovağzal Kompleksindən 72 istiqamət üzrə 643 avtobus çıxır. Gücləndirilmiş iş rejimi ilə əlaqədar olaraq bu rəqəm iki dəfə artırılacaq. Tədris ilinin başlanması ilə əlaqədar olaraq Gəncə, Lənkəran, Şirvan, Şəki, Qax, Zaqatala, Quba istiqamətindən paytaxta axının olacağına ehtimal verərək bu istiqamətdə avtobusların sayında artım daha çox olacaq. Digər istiqamətlərdən paytaxta gələn avtobusların sayı isə axına uyğunlaşdırılacaq. Xüsusilə vurğulayaq ki, ali məktəblərin açılması ilə əlaqədar olaraq daha çox sərnişin axınının paytaxta olacağı güman edilir. Paytaxtdan sonra regionun ikinci ən böyük şəhəri olan Gəncəyə sərnişin axınında sıxlıq müşahidə olunacağı ehtimal edilir. Nazirlər Kabinetinin qərarına uyğun olaraq, heç bir avtovağzalda sərnişinlərdən COVID-19 pasportu tələb olunmur. Lakin avtobusa daxil olarkən, COVID-19-un ilkin əlamətlərinin yoxlanmasına dair tədbirlər həyata keçriləcək.

Paytaxtdan regionlara və əks istiqamətdə gecə reysləri aktivdir. Gecə reysləri üzrə Qırmızı körpü, Şəki, Gəncə, Zaqatala istiqamətlərinə və əks istiqamətə səfər etmək olar.

Həmçinin oxuyun:

Bakı metrosu gücləndirilmiş iş rejiminə keçir

Ölkənin bütün avtovağzalları gücləndirilmiş rejimə keçir

3
Çaykənd kəndində duman, arxiv şəkli

Dağlarda duman, yağış - Sabahın havası

3
(Yenilənib 14:28 20.09.2021)
Havanın temperaturu gecə 16-21, gündüz isə 28-33, dağlarda gecə 9-14, gündüz isə 17-22 dərəcə olacaq.

BAKI, 20 sentyabr — Sputnik. Sentyabrın 21-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Ekologiya və Təbii Sərvətlər Nazirliyinin Milli Hidrometeorologiya Xidmətindən Sputnik Azərbaycan-a verilən məlumata görə, mülayim şimal-qərb küləyi əsəcək.

Havanın temperaturu gecə 20-22, gündüz 26-29, Bakıda gecə 20-22, gündüz 26-28 dərəcə olacaq.

Atmosfer təzyiqi 761 mm civə sütunundan 758 mm civə sütununa enəcək. Nisbi rütubət 60-70%, gündüz 40-45% olacaq.

Azərbaycanın rayonlarında isə havanın əsasən yağmursuz keçəcəyi gözlənilir. Lakin axşam saatlarında bəzi dağlıq ərazilərdə şimşək çaxacağı, arabir qısamüddətli yağış yağacağı gözlənilir. Səhər dağlarda duman olacaq. Qərb küləyi əsəcək.

Havanın temperaturu gecə 16-21, gündüz 28-33, dağlarda gecə 9-14, gündüz 17-22 dərəcə olacaq.

Həmçinin oxuyun:

Qarşıdakı həftənin ilk gününün hava proqnozu

Hava kütlələri idarə olunur - azərbaycanlı ekoloq

3

Vladimir Putin özünü əla hiss edir