Jalə İsayeva

Van Dammın tryukunu bu dəfə 12 yaşlı azərbaycanlı qız təkrarladı

6409
(Yenilənib 20:58 13.10.2018)
Oğlu müharibədə şəhid olan baba himayəsinə götürdüyü nəvəsinin bütün arzularına dəstək olmağa çalışır

İlham Mustafa, Sputnik Azərbaycan

BAKI, 13 oktyabr — Sputnik. Mingəçevirdə yaşayan məktəbli qız məşhur aktyor Jan-Klod Van Dammın hərəkətlərini təkrarlayıb. Babasının himayəsində böyüyən Jalə İsayevə 7 yaşından məşq edərək istəyinə nail olub. O, Jan-Klod Van Dammın ahıl yaşında gerçəkləşdirdiyi qeyri-adi bacarığı 12 yaşında həyata keçirməyi bacarıb.

Jalə İsayeva
© Sputnik / Ilham Mustafa
Jalə İsayeva

Sputnik Azərbaycan-ın bölgə müxbiri Jalənin sorağı ilə Mingəçevirə üz tutub və Van Dammın Azərbaycandakı prototipi ilə həmsöhbət olub.

Mingəçevir şəhəri 18 saylı orta məktəbin 7-ci sinif şagirdi olan Jalə kiçik yaşlarında Jan-Klod Van Dammın iştirak etdiyi "Kikboksçu" filminə baxdığını, sonradan bu idmana və aktyora marağının artdığını deyib: "Van Dammın filmlərini çox sevirəm, internet vasitəsilə hamısını izləmişəm. Yük maşınlarının arasında şpaqat açmasını görəndə qərara gəldim ki, bunu məndə etməliyəm. Əvvəl məşqlərə stulların arasında başladım, sonradan maşının üzərində yoxladım".

Jalə İsayeva
© Sputnik / Ilham Mustafa
Jalə İsayeva

O, gələcəkdə məşq edərək iritonnajlı avtomobillərin üzərində bu hərəkəti tam gözəlliyi ilə həyata keçirmək istəyindədir.

Jalənin babası, 5 övlad atası olan Tofiq İsayev yeganə oğlunu Qarabağ müharibəsində itirib. Bundan sonra qız övladının əkiz qızlarından biri olan Jaləni himayəsinə götürüb və onun bütün arzularına dəstək olmağa çalışıb: "Oğul övladım Qarabağ müharibəsində şəhid oldu. Qız nəvəm olan Jaləni anadan olandan himayəmə götürdüm. Körpəliyindən nə istəsə, dəstək olmağa çalışıram. 7 yaşında kompüter istədi, aldım. Kompüterlə Van Dammın kinolarını izlədikcə onun hərəkətlərinə baxıb həvəslənirdi, təkrar etməyə çalışırdı. Mən də arzusunu ürəyində qoymamaq üçün qarşı çıxmadım, dəstək verdim".

Jalənin babası Tofiq İsayev
© Sputnik / Ilham Mustafa
Jalənin babası Tofiq İsayev

O, Jalənin hərəkət edən avtomobillərin üzərində şpaqatda dayanmasına qorxu və həyəcanla baxdığını desə də, nəvəsinin bu məharətindən daha çox fərəh və qürur hissi keçirdiyini söyləyib.

© Sputnik / İlham Mustafa / Leyla Orucova
Hərəkətdə olan maşınlar üzərində həmlə edən 12 yaşlı azərbaycanlı qız

"Hər bir valideyn övladının daha yaxşı gələcəyinin olmasını istəyir" — deyən T.İsayev Jaləni öz istəyi ilə kikboksa yazdırıb. Daha sonra isə kikboksdan çıxararaq gimnastika məşqlərinə yönləndirib.

6409
Teqlər:
Kikboksçu, tryuk, Jan-Klod Van Damm, idman, məktəbli qız, Mingəçevir
Gənclər və İdman naziri Azad Rəhimov, arxiv şəkli

Gənclər İdman naziri Azad Rəhimovdan xəbər var

18
(Yenilənib 12:02 23.01.2021)
Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

BAKI, 23 yanvar - Sputnik. Səhhətində problemlər yaranan Azərbaycanın gənclər və idman naziri Azad Rəhimov hazırda ABŞ xəstəxanalarının birində müalicə olunur.

"Report" xəbər verir ki, nazir əvvəlcə Nyu-Yorkun Presviterian Veyl Kornell Hospitalına yerləşdirilib.

Ancaq həmin xəstəxanada aparılan müalicə nəticə verməyib və A.Rəhimovun durumu daha da ağırlaşıb. Bu səbəbdən nazir bir müddət əvvəl onkoloji xəstələrin müalicə olunduğu başqa bir hospitala köçürülüb.

Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

Qeyd edək ki, Azad Rəhimov 1964-cü ildə Bakıda doğulub. O, 2006-cı ildə gənclər və idman naziri təyin edilib.

18
Su kanalı, arxiv şəkli

Su kanalından qadın meyidi aşkarlandı

10
1982-ci il təvəllüdlü Cəfərova Xəyalə Zahir qızının meyiti su kanalından çıxarılaraq aidiyyəti üzrə təhvil verilib.

BAKI, 23 yanvar — Sputnik. Böhran Vəziyyətlərində İdarəetmə Mərkəzinə Ağcabədi rayonunda su kanalında aşkar edilmiş qadın meyitinin çıxarılmasına köməklik göstərilməsi üçün müraciət daxil olub.

Sputnik Azərbaycan-ın məlumatına görə, müraciətlə əlaqədar Fövqəladə Hallar Nazirliyinin müvafiq qüvvələri əraziyə cəlb olunub və həyata keçirilən tədbirlər nəticəsində 1982-ci il təvəllüdlü Cəfərova Xəyalə Zahir qızının meyidi su kanalından çıxarılaraq aidiyyəti üzrə təhvil verilib.

10