Sükan arxasındakı adam

Adım məlumat bazasında varsa, sürücülük vəsiqəmi üzərimdə niyə gəzdirim - ZİDDİYYƏT

10223
(Yenilənib 13:58 11.10.2018)
"Bu tələb mahiyyətini itirdiyi üçün "Yol hərəkəti haqqında" Qanunda bununla bağlı dəyişiklik etmək lazımdır"

İradə Cəlil, Sputnik Azərbaycan

BAKI, 10 oktyabr — Sputnik. Azərbaycan Respublikası Prezidentinin 2014-cü il 11 fevral 110 nömrəli Fərmanına əsasən "ASAN ödəniş" sistemi yaradılıb. "ASAN ödəniş" sisteminin məqsədi inzibati xəta haqqında elektron protokolun və ya qərarın vətəndaşa elektron qaydada göndərilməsini, inzibati cərimələrin elektron qaydada ödənilməsini təmin etməkdir.

Vətəndaş asanpay.az saytında qeydiyyatdan keçməklə hər bir sürücü üçün sistemdə yaradılmış elektron kabinet vasitəsilə ona tətbiq olunan inzibati tənbehlərlə bağlı detallı və hərtərəfli məlumatlarla (protokollar, qanun pozuntuları ilə bağlı foto və video görüntülər və s.) tanış olmaq imkanı əldə edir. Yəni Dövlət Yol Polisi İdarəsinin Mərkəzi Məlumat sistemində bütün sürücülər haqqında elektron məlumatlar var.

Maraqlıdır, belə olduğu halda, sürücü üzərində sürücülük vəsiqəsi gəzdirməyə məcburdurmu? Və ya Yol Patrul Xidməti (YPX) əməkdaşı üzərində sürücülük vəsiqəsi olmayan sürücüyə sürücülük hüququ olmadan avtomobil idarə etmə maddəsi ilə cərimə tərtib edə bilərmi?

Sürücü sənədlərini çantada gəzdirməyə məcburdu
©Karikatura
Sürücü sənədlərini çantada gəzdirməyə məcburdu

Ziddiyyətli məqamı Sputnik Azərbaycan-a şərh edən yol-nəqliyyat eksperti Elməddin Muradlı bildirib ki, Dövlət Yol Polisi İdarəsinin Mərkəzi məlumat sistemində sürücülük vəsiqəsinin qüvvədə olub-olmaması, cərimələr, cərimələrin tarixçəsi, qısacası hər bir detal saxlanılır. Asanpay.az saytında kabineti olan bütün sürücülər öz cərimələri haqqında məlumatlar əldə edə bilirlər.

E.Muradlı düşünür ki, sürücülərin üzərində sürücülük vəsiqəsi gəzdirmək məsələsi bu gün üçün çox da önəmli, zəruri məsələ deyil: "Amma "Yol hərəkəti haqqında" Qanunun 35-ci maddəsinə görə, hər bir sürücü nəqliyyat vasitəsinə aid olan sənədləri – texniki pasportu, buraxılış sənədini (varsa), etibarnaməni (varsa) və sürücülük vəsiqəsini üzərində saxlamalıdır. Yol polisi hər hansı bir sürücünü saxladıqda özünü aydın şəkildə təqdim edib, qayda pozuntusunu aydın şəkildə izah etməlidir. Ancaq bundan sonra sürücü bu sənədləri yol patrul xidməti əməkdaşına təqdim etməlidir".

"Bununla yanaşı, sürücülük vəsiqəsinin və ya etibarnamənin sürücünün üzərində olmaması heç nəyi dəyişmir. Çünki təkcə şəxsiyyət vəsiqəsinin olması bəs edir ki, yol patrul xidmətinin əməkdaşı bort kompüter vasitəsilə sürücü haqqında məlumat əldə edə bilsin. Lakin, dediyim kimi, qanun tələb edir ki, bütün sənədlər sürücünün üzərində olsun" – Muradlı əlavə edib.

Ekspert bir məsələni də qeyd edib ki, əksər sürücülər sürücülük vəsiqəsinin istifadə müddətinin nə zaman bitdiyindən belə, xəbərsiz olurlar: "Yalnız yol patrul xidmətinin əməkdaşları saxlayan zaman bort-kompüter vasitəsilə baxır ki, sürücülük vəsiqəsinin müddəti bitib. Belə problem olan zaman bəzən yol polisi əməkdaşları sürücüyə xəbərdarlıq edərək buraxır. Bəzən isə 100 manat cərimə yazaraq, avtomobili cərimə meydançasına aparırlar. Bu, qanunun tələbidir. Sürücüləri də qınamaq olmur. Bəzən insanların yadında qalmır. Yaxşı olardı ki, sürücülük vəsiqəsinin müddətinin bitməsi barədə sürücülərə elektron formada məlumat verilsin".

"Sürücülərin sürücülük vəsiqəsini hər hansı bir formada üzərində gəzdirməsi artıq mahiyyətini itirdiyi üçün "Yol hərəkəti haqqında" Qanunda bununla bağlı dəyişiklik etmək lazımdır. Əgər sürücünün üzərində sürücülük vəsiqəsi yoxdursa, çox zaman yol patrul xidməti əməkdaşları sürücüyə problem yaratmır. Çünki bütün respublika ərazisində yol polisləri bort-kompüter vasitəsilə fəaliyyət göstərir" – E.Muradlı vurğulayıb.

Hüquqşünas Fərid Həmidli isə Sputnik Azərbaycan-a bildirib ki, sürücülük vəsiqəsinin müddəti bitdiyi, ümumiyyətlə, sürücülük vəsiqəsi olmadığı zaman sürücülər cərimə edilə bilər: "Əgər vəsiqə sürücünün yanında deyilsə, Yol Patrul Xidməti əməkdaşı bort-kompüter vasitəsilə onun kimliyini müəyyən edə bilər. Sürücülük vəsiqəsinin sahibi ona verilmiş sürücülük vəsiqəsini möhkəm saxlamağa borcludur".

Hüquqşünasın sözlərinə görə, çox zaman yanında sürücülük vəsiqəsi olmayan sürücülər İnzibati Xətalar Məcəlləsinin 332.2 maddəsi üzrə (nəqliyyat vasitəsini idarə etmək hüququ olmadan nəqliyyat vasitəsinin idarə edilməsi) 100 manat məbləğində cərimə edilirlər: "Sürücünün üzərində vəsiqənin olmaması onun sürücülük hüququnun olmaması demək deyil".

"Vəsiqənin hardasa unudulmasına görə bu maddə ilə cərimənin tətbiq edilməsi düzgün deyil. Amma çox zaman polislər güzəştə gedir, xəbərdarlıq edərək, sürücünü cərimə tətbiq etmədən buraxırlar" — hüquqşünas vurğulayıb.

F.Həmidli onu da əlavə edib ki, vəsiqənin sürücü üçün xüsusi ağırlığı olmadığına görə, sənədlərin arasında saxlanıla bilər: "Hər bir halda, xarici ölkələrə gedən zaman lazım olur. Həmçinin xarici dövlətlərin səlahiyyətli orqanları tərəfindən beynəlxalq standartlara uyğun verilmiş və etibarlıq müddəti qurtarmamış sürücülük vəsiqələri də Azərbaycan Respublikasının ərazisində qüvvədədir".

Hüquqşünas Ərşad Hüseynov da sözügedən məsələni şərh edib. Onun sözlərinə görə, sürücülük vəsiqəni gəzdirmək məcburidir, amma heç kəs vəsiqəsi üstündə olmadığına görə cərimələnə bilməz.

Milli Məclisin Hüquq siyasəti və dövlət quruculuğu komitəsinin üzvü Rəfael Cəbrayılov Sputnik Azərbaycan-a açıqlamasında qeyd edib ki, sürücülük vəsiqəsənin sürücünün üzərində olub-olmaması məsələsinə gələcəkdə parlamentdə baxıla bilər: "Hüquqi tətbiqin özü ictimai prosesdir. İctimai prosesin ən vacib tərəfi onun tədrici olmasıdır. İctimai proses texniki proses deyil ki, bir düyməni basasan, işə düşə, digərini basasan, dayana. Bu, tədricən baş verir".

"Sizə elektron protokolların tətbiq edilməsi ilə bağlı bir misal çəkim. Biz əvvəlcə sürücünün iştirakı olmadan elektron protokolların tətbiqini radara düşmə ilə bağlı qanunverciliyə daxil etmişdik. Amma mən həmişə deyirdim ki, tıxac zamanı qarşı yola çıxan sürücülər də kameraya düşür. Onlar haqqında da elektron protokol tətbiq edilməlidir. O zaman mənimlə çox adam razılaşmadı ki, sürücünün iştirakı olmadan olmaz. Amma bu məsələ də qanunverciliyiə daxil edildi. Texniki vasitələr o qədər inkişaf edib ki, artıq qayda pozuntuları zamanı elektron protokolların tərtib edilməsi üçün sürücünün iştirakına ehtiyac yoxdur" — deyə millət vəkili bildirib.

R.Cəbrayılov əlavə edib ki, sürücünün sürücülük vəsiqəsi varsa, həmin vəsiqə ondan inzibati qaydada alınmayıbsa, bir ehtimal qalır: "Deməli, itirilib. Sürücülük vəsiqəsi itirilibsə, yenidən alınmalıdır. Belə hallar zamanla nəzərə alınacaq. Bilirisiniz, qanun ictimai prosesləri qabaqlayanda və ya ictimai proseslərdən geri qalanda yaxşı nəticə vermir. Hər hansı bir halın qanuna daxil edilməsi üçün sosial sifarişə ehtiyac var. Məsələlər oturuşandan sonra qanun qəbul edilir. Bu məsələ də gündəmə salına bilər".

10223
Teqlər:
YPX, sürücülük vəsiqəsi, DYP, yol polisi, qanun, sürücü, avtomobil
Əlaqədar
Sürücülərə xəbərdarlıq: Bu gündən yeni cərimə tətbiq ediləcək
Sürücülərə xəbərdarlıq edildi, külək var, ehtiyatlı olun
Milli Məclisdə sürücülərlə bağlı cəzaların sərtləşdirilməsi təklif olunub
Sürücülərə istirahət günləri ilə bağlı xəbərdarlıq edildi
Sürücüləri gərginlikdə saxlayan problemlə əlaqədar Prezidentə müraciət olundu
Sürücülərə şad xəbər
E-Təbib tətbiqi

TƏBİB-dən xəstələrə antibiotiklərlə bağlı xəbərdarlıq

2
(Yenilənib 22:59 22.10.2020)
"Xəstəliyin ilk simptomları üzə çıxan zaman bəzi insanlar özbaşına antibiotiklərdən istifadə edirlər" - TƏBİB.

BAKI, 22 oktyabr — Sputnik. Bəzən koronavirusa yoluxan gənc insanlarda da ağırlaşmalar ola bilər.

Sputnik Azərbaycan-ın məlumatına görə, bunu Səhiyyə Nazirliyinin İctimai səhiyyə və sanitariya və epidemioloji nəzarət şöbəsinin müdiri Nəzifə Mürsəlova deyib. Onun sözlərinə görə, sağlamlıq vəziyyəti normal olan 82 yaşlı insanların da koronavirusdan sağalması mümkün olub:

"Amma hər hansı gəncin xroniki xəstəliyi varsa və başqa ağırlaşmalar qeydə alınarsa, onun səhhətində daha ciddi ağırlaşmalar baş verə bilər".

N.Mürsəlova qeyd edib ki, gənc insanlar arasında ağırlaşmalar müraciətin gec edilməsi səbəbindən baş verir.

İnsanları özünümüalicədən də uzaqlaşmağı məsləhət görən N.Mürsəlova deyib ki, xəstəliyin ilk simptomları üzə çıxan zaman bəzi insanlar özbaşına antibiotiklərdən istifadə edirlər: "Bu zaman isə xəstənin vəziyyətində yaxşılaşma deyil, əksinə pisləşmə baş verir. Bu halda da xəstəxanaya düşən xəstəyə reanimasion yardım lazım olur".

2
Qarabağ - Legiya matçı

Türkiyə "Qarabağ"a qucaq açdı

26
(Yenilənib 20:24 22.10.2020)
Qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib

BAKI, 22 oktyabr - Sputnik. Avropa Liqasının qrup mərhələsində Azərbaycan çempionu "Qarabağ"ın İspaniyanın "Vilyarreal" komandası ilə qarşılaşacağı meydan bəlli olub.

Sputnik Azərbaycan bildirir ki, bu barədə "Qarabağ" klubunun yaydığı açıqlamada deyilir.

Vurğulanır ki, hazırda ölkəmizin bütün cəbhəboyu əks-hücum əməliyyatları uğurla davam edir və ölkəmizdə hərbi vəziyyət elan edilib. İki gün öncə UEFA İcraiyyə Komitəsi ölkəmizdə vəziyyəti nəzərə alaraq, "Qarabağ"ımızın qrup mərhələsində ilk ev oyununu neytral meydanda keçirilməsi ilə bağlı qərar qəbul edib. Və "Vilyarreal"la matçının hansı ölkədə keçirilməsi ilə bağlı UEFA tərəfindən bir neçə ölkə klubumuza təqdim edilmişdir.

"Lakin həmin ölkələrdə klubumuzun təhlükəsizliyi, klubumuza qarşı hər hansı bir təxribat olması ehtimalı və digər məsələləri nəzərə alan klubumuz tərəfindən anında UEFA-ya məlumat verilib və "Vilyarreal"la matçın hər zaman öz dəstəyi ilə yanımızda olan Türkiyədə keçirilməsi üçün tutarlı əsaslarla müraciət göndərilib və bu müraciət UEFA tərəfindən müsbət qarşılanıb.

Ali futbol qurumunun tələbi ilə qarşılaşma bu mövsüm avrokuboklarda ev sahibliyi etmiş stadionda keçirilməlidir. Bununla bağlı qardaş Türkiyə təmsilçilərinə klubumuz tərəfindən məktub ünvanlanıb. Və qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib. Başda "Qalatasaray" olmaqla, öz dəstəyini əsirgəməyən qardaş ölkə təmsilçilərinə təşəkkür edirik.

Hazırda Çempionlar Liqasının qrup mərhələsində iştirak edən "İstanbul Başakşehir" klubunun stadionu isə texniki cəhətdən UEFA-nın tam təmin olunduğuna görə "Qarabağ"ımız "Vilyarreal"la ev matçını məhz "Başakşehir"in Fatih Terim adına stadionunda keçirəcək", - açıqlamada deyilir.

"Qarabağ" Futbol Klubu "Başakşehir" klubuna könüldən göstərdiyi dəstəyə görə təşəkkürünü bildirib.

26
Teqlər:
Türkiyə, qrup mərhələsi, Avropa Liqası, "Qarabağ" FK, futbol
Əlaqədar
Qurban Qurbanov: “Fikrimiz Azərbaycan əsgərlərinin yanındadır”
"Qarabağ" qardaş Türkiyəni seçdi
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
Mal əti satışı, arxiv şəkli

Azərbaycana mal əti dərman idxalı artıb

0
(Yenilənib 23:00 22.10.2020)
Təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, kartof 1,2%, təzə tərəvəz 29,9%, minik avtomobilləri 28,8% və s. artıb.

Xalid Məmmədov, Sputnik Azərbaycan

BAKI, 22 oktyabr — Sputnik. 2019-cu ilin yanvar-avqust ayları ilə müqayisədə 2020-ci ilin yanvar-avqust aylarında ölkəmizə təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, mal əti 18,4%, kartof 1,2%, təzə tərəvəz 29,9%, minik avtomobilləri 28,8%, dərman vasitələri 1,7 dəfə, hesablama maşınları, blok və qurğuları 14,8%, qara metallardan çubuqlar 1,8 dəfə, məişət soyuducuları 3,1% artıb.

Sputnik Azərbaycan bu barədə Dövlət Statistika Komitəsinə istinadla məlumat verir.

Bu ilin 8 ayında buğda idxalı 20,1%, xam şəkər və şəkər 0,4%, quş əti və onun əlavə məhsulları 9,9%, siqaretlər 78,9%, qara metallardan borular 12,7%, polad prokatı 7,7%, mineral gübrələr 5,7%, rezin şinlər 20,2%, məişət kondisionerləri 30,9%, mebellər 23,6%, yük avtomobilləri 13,4%, polietilen 27,5%, paltaryuyan maşınlar 11,1%, qara metallardan künclüklər 8%, avtobuslar 56,1%, sement və sement klinkerləri 27,1% azalıb.

0