Spirtli içki satışı

Qiymət artımı əhalini pis vərdişlərdən çəkindirmək üçündür

9469
(Yenilənib 16:02 06.10.2018)
Siqaret və alkoqollu içkilərə nəzarətin gücləndirilməsi qiymət artımına səbəb olsa da, əhalinin sağlamlığının gücləndirilməsinə xidmət edəcək

Fuad Əlizadə, Sputnik Azərbaycan

BAKI, 6 oktyabr — Sputnik. Vergilər Nazirliyi və Dövlət Gömrük Komitəsinin rəhbərliyi sahibkarlar, ilk növbədə də alkoqollu içkilər və tütün mənulatları ilə məşğul olan biznesmenlər üzərində nəzarəti gücləndirib.

Bu, ilk baxışdan, kapital axını və "kölgə iqtisadiyyatı" əməliyyatları nöqteyi-nəzərindən kifayət qədər riskli görünə bilər.

Maliyyə qurumlarının gördüyü ağır işin nəticəsində məlum olub ki, təkcə biznesmenlər deyil, sıravi ticarətçilər də pərakəndə satış zamanı aksizləşdirilmiş malların qiymətlərini sürətlə qaldırırlar. Xatırladaq ki, Sputnik Azərbaycan daha əvvəl tütün məhsullarının qiymətlərinin, oktyabrın 2-dən etibarən isə alkoqollu içkilərin qiymətlərinin qalxacağı barədə məlumat vermişdi. 

Dövlət strukturlarının məlumatına görə, son bir neçə ayda alkoqolun və siqaretlərin qiymətlərinin qalxmasına səbəb olacaq aksizlər, gömrük rüsumları, eləcə də digər sənədlərlə bağlı hər hansı qərar qəbul olunmayıb.

Doğrudur, gömrük orqanları Azərbaycanda yuxarıda sözügedən mallarla bağlı qaçaqmalçılıqla mübarizə sahəsində nəzarəti gücləndiriblər, vergi orqanları isə saxta aksiz markaları ilə təchiz edilmiş malların saxlanıldığı anbarların müəyyən edilməsi istiqamətində fəal iş aparıb.

Məlumatlı mənbənin Sputnik Azərbaycan-a verdiyi məlumata görə, arağın qiymətlərinin hazırkı artımı onların aksiz markaları ilə birbaşa zavodlarda etiketlənməsinin nəticəsidir.

"Saxta aksiz markaları olan alkoqollu içkilərin müəyyən edilməsi istiqamətində keçirilmiş reydlər zamanı pərakəndə ticarət müəssisələrində satışda olan içkilərin üzərində saxta aksiz markalarının aşkarlanması, alkoqollu içki istehsal edilən zavodlar üzərində nəzarətin gücləndirilməsinə səbəb olub. Həmin istehsal və satış müəssisələrindən mallara rəsmi aksiz markalarının vurulmasının tələb olunması nəticəsində pərakəndə qiymətlərdə artım baş verib" — deyə Sputnik-in həmsöhbəti bildirib. 

Onun fikrincə, saxta məhsullara qarşı görülən tədbirlər ucuz və keyfiyyətsiz araqların dövriyyədən çıxmasına yönəlib.

"Bununla belə, Azərbaycanda Rusiyada olduğu kimi yarımlitrlik butulkaların aşağı qiymətə satılması ilə bağlı qərar qəbul edilməyib" — deyə mənbə bildirib.

Bütün bu görülən tədbirlər şübhəsiz ki, dövlət büdcəsinə daha çox maliyyənin cəlb edilməsinə və daxili bazarın keyfiyyətsiz məhsullardan müdafiəsinə yönəlib. Digər tərəfdən, əhali faktiki olaraq alkoqollu içkilərin, tütün məmulatlarının qiymətlərinin spekulyativ artımı ilə qarşılaşır və bunun qarşısını almaq lazımdır.

Siqaretlə mübarizənin sərtləşdirilməsi istiqamçətində atılan son addımlar onu deməyə əsas verir ki, Azərbaycan əhalini zərərli vərdişlərdən uzaq tutmağa çalışır. Bu, özünü nə dərəcədə doğruldacaq, bunu zaman göstərəcək. Bizə isə sadəcə ümid etmək qalır ki, tütün məhsulları və alkoqollu içkilərin satışı və istehsalından dövlət büdcəsinə daxilolmaların həcminin artması hökumətin səhiyyə xidmətinə xərcləri kəskin şəkildə artırması ilə nəticələnəcək. Bu isə ölkədə tibbi xidmətlərin keyfiyyətinin yüksəlməsinə gətirib çıxaracaq.

AR Dövlət Statistika Komitəsinin məlumatına görə, 2018-ci ilin yanvar-avqust aylarında istehsal edilib: araq — 325,7 min dekalitr (1 dekalitr 10 litrə bərabərdir) (2017-ci ilin analoji dövründə 90,5%), brendi – 8,7 min dekalitr (4,4 dəfə), üzüm şərabı — 972,7 min dekalitr (133,8%), pivə – 3,505 milyon dekalitr (115,8%), alkoqolsuz içkilər – 16,684 milyon dekalitr (119,8%), fermentləşdirilmiş tütün – 1,645 min ton (86,3%) və siqaret 2,363 milyard ədəd (4,4 dəfə).

9469
Əlaqədar
Taksidə siqaret çəkənlərin cərimələnməsi effektiv olacaqmı - Hüquqşünas şərhi
Bu gün siqaret çəkilməsi ilə bağlı rəsmən cərimə müəyyən ediləcək
Gömrükçülər külli miqdarda qaçaqmal siqaret müsadirə ediblər
Ölkə üzrə reyd: Siqaret çəkilməsi ilə bağlı kütləvi cərimələmə gedir
Notebook, arxiv şəkli

"SputnikPro" media resursun təşviqi haqqında: "Çərçivədən kənara çıxmaqdan qorxma!"

0
(Yenilənib 18:52 25.09.2020)
Maarifləndirmə layihəsinin növbəti vebinarında jurnalistlərlə yanaşı, mətbuat katibləri, PR şöbələrin əməkdaşları və rəhbərləri iştirak ediblər

BAKI, 25 sentyabr — Sputnik. Biz hər kəsin internetdən və sosial şəbəkələrdən istifadə etdiyi bir dünyada yaşayırıq. Ona görə də bu gün hər hansı bir media resursu irəli aparmaq istəyirsinizsə, press-relizlərin xeyri olmayacaq. Onlayn təşviqata xüsusi diqqət yetirilməlidir. Bu barədə "SputnikPro" maarifləndirmə layihəsi çərçivəsində növbəti vebinarda bildirilib.

Sentyabrın 25-də "Medianı necə irəli aparmaq olar" mövzusunda baş tutmuş vebinarda "Rossiya Seqodnya" media qrupunun mətbuat xidmətinin rəhbəri Anna Starkova çıxış edib.

Digər işlərlə yanaşı, Anna agentliyin korporativ kommunikasiyalarını, həmçinin "Telegram"da "Zubovski, 4" kanalını idarə edir. 

Anna bundan əvvəl "Valday Klubu"nun direktorunun müşaviri və "Strateji Təşəbbüslər Agentliyi" şirkətində beynəlxalq layihələrin rəhbəri olub.

Vebinar zamanı Anna Starkova press-relizlər yazmağın niyə lazım olmadığı və sosial şəbəkələrdə irəliləməyin niyə vacib olduğuna dair suallara cavab verib.

"Relizlər işə yaramır. Onları sadəcə oxumaq maraqlı deyil. Bu gün heç kəs üç misradan artıq material oxumur. İndiki şəraitdə medianın irəliləməsi üçün sosial şəbəkələrdə daha fəal olmaq lazımdır. Məsələn, əvvəlcə "Telegram" kanalımızın müvəffəqiyyətinə heç kim inanmırdı. Bizim ilk abunəçilərimiz elə öz əməkdaşlarımız idi. Buna baxmayaraq, biz yazmağa davam edirdik, nailiyyətlərimiz, uğurlarımız və ətrafda baş verənlər haqqında yazırdıq. Tədricən abunəçilərin sayı artmağa başladı və bu gün bu, bizim əsas inkişaf alətimizdir", – o vurğulayıb.

Mütəxəssisin sözlərinə görə, press-relizlər yazmağı və loqotipləri yapışdırmağı dayandırmaq lazımdır: "Çərçivədən kənara çıxmaq, dinamik və maraqlı yazmaq, maraqlı aksiyalar yaratmaq lazımdır. Məsələn, koronavirus pandemiyasının başlanğıcında hər yerdə karantin tətbiq olunmağa başlayanda, biz köynəklərin üzərində "Evdə Qalın" yazısını çap etdik və onları sadəcə redaksiyamızın dostlarına göndərdik. Biz onların heç birindən heç nə istəmədik, lakin onlar köynəklərlə şəkil çəkdirməyə və sosial şəbəkədə bu şəkilləri yerləşdirməyə başladılar".

Ekspert həmçinin insanlara yönəlməyi məsləhət görür.

"Əgər brendin bağlı olduğu şəxs varsa, o, həmin brendi təşviq edə bilər. Tədbirlərə gedə, haradasa çıxış edə bilər", – o qeyd edib.

Bununla yanaşı, Anna digər KİV-lərlə münasibətlərin qurulmasının zəruriliyini vurğulayıb.

"Dostlaşmaq çox vacibdir", – Starkova yekunda deyib.

"SputnikPro" jurnalistlər, ali təhsil müəssisələrinin tələbələri, mətbuat xidmətlərinin əməkdaşları və digər media qurumlarının mütəxəssisləri üçün Sputnik Beynəlxalq İnformasiya Agentliyi və Radiosu tərəfindən hazırlanmış layihədir və xarici həmkarlarla təcrübə mübadiləsi, media kommunikasiyalarının və peşəkar əlaqələrin inkişafı məqsədini daşıyır. Layihədə 80-dən çox ölkənin nümayəndələri müxtəlif formatlarda iştirak edib.

"SputnikPro"un əyani dərsləri Azərbaycan, Belarus, Yunanıstan, Gürcüstan, Hindistan, Qırğızıstan, Türkiyə, Estoniya kimi ölkələrdə keçirilib. Pandemiyanın başlaması ilə layihənin Moskva komandası bütün ölkələrdən iştirakçılar üçün eyni zamanda açıq olan "SputnikPro"nun online mövsümünü başlayıb. Mütəxəssislər vebinar rejimində jurnalistlərlə müxtəlif mövzularda ünsiyyət qurur və bu zaman ən aktual mövzuları seçməyə çalışırlar.

Layihə ilə bağlı ətraflı "Facebook" səhifəsində öyrənə bilərsiniz. 

0
Teqlər:
təşviqat, sosial media, multimedia, media, məqalə, SputnikPro təlim proqramı
Əlaqədar
Xəbər saytlarının axtarış trafikini necə artırmaq olar
"Rossiya seqodnya"nın mətbəxində nə baş verir?
Viruslu videonu necə düzəltməli?
Kommersiya kontentini auditoriya üçün necə maraqlı etmək olar
"Radioda ola biləcək ən canlı şey" – SputnikPro-nun növbəti vebinarı keçirildi
 Tibb işçisi Dövlət Gömrük Komitəsinin hospitalında, arxiv şəkli

Nazirliyin əməkdaşı koronavirusdan öldü

1
(Yenilənib 18:46 25.09.2020)
ETSN-in rəsmi "Facebook" səhifəsində "Ekspert saatı" verilişinin canlı yayımında nazirliyin İnsan resurslarının idarə edilməsi şöbəsinin müdiri Orxan Məhərrəmli məlumatarı açıqlayıb.

BAKI, 25 sentyabr — Sputnik. Pandemiya dövründə Ekologiya və Təbii Sərvətlər Nazirliyinin 26 işçisi koronavirusa yoluxub. Bir nəfər dünyasını dəyişib.

Sputnik Azərbaycan xəbər verir ki, bu barədə ETSN-in rəsmi "Facebook" səhifəsində "Ekspert saatı" verilişinin canlı yayımında nazirliyin İnsan resurslarının idarə edilməsi şöbəsinin müdiri Orxan Məhərrəmli bildirib.

O qeyd edib ki, yoluxan şəxslər xəstəxanada və ev şəraitində müalicəsini bitiriblər.

1
Mövzu:
Azərbaycanda koronavirus: son xəbərlər
Əlaqədar
Azərbaycanda virusa yoluxanların sayı açıqlandı
Şagirdlərdən 13-ü virusa yoluxdu, iki sinif distant təhsilə keçdi
Heç yenisindən özümüzü qoruya bilmirik, köhnəsi də özünü yetirib
Rus virusoloq amerikalı həmkarını təkzib etdi: Denge ilə SARS-CoV-2 qohum deyillər
Strateji yol xəritəsi: Azərbaycanda COVID-19 vaksini kimlərə vurulacaq?