Xudat stansiyası

Xaçmaz sakinləri kütləvi surətdə köçürülür - Hara niyə?

2468
(Yenilənib 11:37 08.10.2018)
Xaçmaz rayonu Xudat şəhərinin yerli icra hakimiyyəti sakinləri kütləvi şəkildə köçürməyə başlayıb

Zarina Orucəliyeva, Sputnik Azərbaycan

BAKI, 5 oktyabr — Sputnik. Xaçmaz rayonunun Xudat şəhərinin yerli icra hakimiyyəti şəhər sakinlərini kütləvi şəkildə köçürməyə başlayıb.

Yerli sakin Sona Əhmədovanın Sputnik Azərbaycan-a verdiyi məlumata görə, bu prosesə sentyabr ayında başlanılıb. "Xudat" dəmir yolu stansiyasının yaxınlığında yaşayan sakinlərin evləri satın alınır.

"Söhbətlər gəzir ki, birbaşa şəhərin mərkəzinə aparan mərkəzi yoldakı küçənin bütün sakinləri köçürüləcək. Burada dəmiryol terminalının tikiləcəyi bildirilir. Bu köçürülmə səbəbindən orada yerləşən evlərin qiymətləri dərhal qalxıb. Bu hal son günlərdə xüsusilə müşahidə edilir" — deyə Əhmədova bildirib.

Onun sözlərinə görə, hazırda şəhərcikdə fərdi yaşayış evlərinin qiymətləri 55-65 min manatadək qalxıb.

Köçürülmənin başlanması ilə əlaqədar olaraq yerli sakinlər təşvişə düşüblər. İndiyədək icra hakimiyyətindən heç kəs hansı ərazinin sakinlərinin köçürüləcəyi barədə yerli camaata heç nə deməyib.

Xudat bələdiyyəsinin sədri Elman Allahyarov vətəndaşların köçürülməsi ilə bağlı məlumatı təsdiqləyib.

O bildirib ki, "Xudat" dəmiryol stansiyası yaxınlığında yerləşən evlərdən artıq 15 ailə köçürülüb. Onlardan heç kəs buna etiraz etməyib. Bununla yanaşı, demək olar ki, sakinlər özləri öz evlərini sökərək kərpic və digər tikinti materiallarını başqa yerə daşıyırlar. Dövlətdən aldıqları pula isə sakinlər şəhərin digər ərazilərində ev alırlar.

Bələdiyyə sədri bildirib ki, boşaldılan ərazidə yük terminalı inşa ediləcək. Lakin hələlik nə qədər evin sökülməsinin planlaşdırıldığı barədə dəqiq informasiya yoxdur.

Bununla yanaşı, bələdiyyə sədri şəhərin yarısının köçürüləcəyi barədə məlumatı da təkzib edib. Onun sözlərinə görə, yalnız dəmiryol vağzalının sağ tərəfində yerləşən evlər söküləcək.

Digər məlumata görə isə ərazinin təmizlənməsi nəqliyyat dəhlizinin tikintisi çərçivəsində nəzərdə tutulub.

Məsələ ilə bağlı "Azərbaycan Dəmir Yolları" QSC ilə əlaqə saxladıq. Qurumun mətbuat xidmətindən verilən məlumata görə, hazırda dəmir yolunun Bakı-Böyük Kəsik və Bakı-Sumqayıt istiqamətlərində əsaslı layihələr icra olunur.

"Şimal istiqamətində də bu layihələrin reallaşdırılaması perspektiv planda var. Xudatda həyata keçirilən işlər barədə isə hələ ki, dəqiq məlumat verə bilmirik. O ki qaldı dəmiryoluna yaxın ərazilərdən vətəndaşların köçürülməsinə, bu məsələ ilə Nazirlər Kabineti və digər müvafiq strukturlar məşğul olur" — deyə QSC-dən bildirildi.

2468
Teqlər:
Xudat şəhəri, köçürülmə, dəmiryol stansiyası, icra hakimiyyəti, Xaçmaz rayonu
Netflix şirkətinin loqosu, arxiv şəkli

Çağatay Ulusoyun "Netflix"dəki filmindən ilk treyler - VİDEO

9
(Yenilənib 23:01 02.03.2021)
Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

BAKI, 2 mart — Sputnik. Türkiyəli aktyor Çağatay Ulusoyun baş rolu oynadığı növbəti "Netflix" filmi "Kağıttan hayaller"in ilk treyleri yayımlanıb.

Sputnik Azərbaycan xəbər verir ki, 12 martda yayımlanacaq ekran işi 190-dan çox ölkədə, 204 milyondan çox istifadəçiyə göstəriləcək.

Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

9
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

5
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

5
Teqlər:
Formula-1 yarışı, Formula 1
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

374
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

374