CƏMİYYƏT
Cəmiyyətin həyatında baş verən aktual hadisələr

Milli Məclisdə sürücülərlə bağlı cəzaların sərtləşdirilməsi təklif olunub

© Sputnik / Murad OrujovMilli Məclis
Milli Məclis - Sputnik Azərbaycan
Abunə olmaq
"Sürücüləri işə qəbul edən, ictimai nəqliyyatı tənzimləyən və belə bir səlahiyyəti olan özəl şirkətlərə hər hansı bir cəza tətbiq olunmur"

BAKI, 5 oktyabr — Sputnik. "Sərnişindaşıma ilə məşğul olan şirkətlərə ciddi nəzarət olmalıdır". Sputnik Azərbaycan xəbər verir ki, bunu deputat Fəzail Ağamalı Milli Məclisin bu gün keçirilən plenar iclasında son dövrlərdə sürücülərin ehtiyatsızlığı ucbatından baş verən qəzalara münasibət bildirərkən deyib.

Ситуация на месте столкновения пассажирского автобуса с поездом в поселке Бина Хазарского района. 1 октября 2018 года - Sputnik Azərbaycan
HADİSƏ
Bakıda avtobus-qatar toqquşmasının yeni video-görüntüsü yayıldı

Bu günlərdə Binə qəsəbəsində baş verən qəzanı xatırladan deputat hadisədən kədərləndiyini dilə gətirib: "Bu, bizim hər birimizi kədərləndirdi. Bu, ilk belə hadisə deyil. Buna bənzər hadisələr bir neçə dəfə baş verib. Bakının küçələrində şütüyən avtobuslar kifayət qədər ciddi problemlər yaradır. Ümidvaram ki, belə hadisənin səbəbkarı olan sürücü cəzasını alacaq".

Onun sözlərinə görə, sürücüləri işə qəbul edən, ictimai nəqliyyatı tənzimləyən və belə bir səlahiyyəti olan özəl şirkətlərə hər hansı bir cəza tətbiq olunmur: "Bəzi avtobuslarda gediş haqqı kartla ödənildiyi halda, bir çoxlarında bu, tətbiq olunmur və nəticədə ciddi problemlər yaradır".

F.Ağamalı təklif edib ki, gələcəkdə həmin sürücüləri işə cəlb edən, onların üzərində yetərincə nəzarət funksiyasını yerinə yetirməyən şirkətlərin də məsuliyyətini artırmaq üçün Cinayət və İnzibati Xətalar məcəllələrinə konkret əlavələr olunmalıdır.

Xəbər lenti
0