Bal yarmarkası

Bal yarmarkası başlayır

469
(Yenilənib 22:05 04.10.2018)
Azərbaycan Qida Təhlükəsizlilyi Agentliyi (AQTA) satışa çıxarılacaq balların keyfiyyət məsələsinə baxacaq

BAKI, 4 oktyabr — Sputnik. Sabah Bakıda başlayacaq arıçılıq məhsullarının sərgi-satış yarmarkasına həsr olunmuş mətbuat konfransı keçirilib.

Sputnik Azərbaycan xəbər verir ki, konfransda çıxış edən Kənd Təsərrüfatı Nazirliyinin baytarlıq şöbəsinin müdiri Asəf Ömərov bildirib ki, yarmarkaya respublika üzrə 371 sahibkardan 150 ton süzmə bal daxil olub. Bunlardan 5 tonu çərçivə halındadır.

Bakının mərkəzində Novruz bayramının qeyd olunması
© Sputnik / Murad Orujov

Onun sözlərinə görə, daha çox arıçılıq məhsulları Astara və Aran iqtisadi rayonlarından daxil olub: "Azərbaycanda 271 682 arı ailəsi mövcuddur və hər arı ailəsində illik məhsuldarlıq orta hesabla 10 kq, illik respublika üzrə bal istehsalı isə 3 min tondur. Bal istehlakı isə 5 min tondur. Ən çox arı ailəsi Zaqatala (17097), Astara (12429), Qax (9125), Lerik (8669), Balakəndədir (8581)".

Qeyd edək ki, hər il yarmarkanın təşkilati və məhsulların keyfiyyəti məsələləri üçün cavabdehlik daşıyırdı. Bu il isə yalnız təşkilatı məsələlərə görə məsuliyyət daşıyacaq.

Azərbaycan Qida Təhlükəsizliyi Agentliyi (AQTA) isə satışa çıxarılacaq balların keyfiyyət məsələsinə baxacaq.

Arıçılıq məhsullarının sərgi-satış yarmarkasına həsr olunmuş mətbuat konfransı
© Sputnik / Irade JELIL
Arıçılıq məhsullarının sərgi-satış yarmarkasına həsr olunmuş mətbuat konfransı

Qida Təhlükəsizlilyi Agentliyinin Baytarlıq Nəzarəti şöbəsinin müdiri Qalib Əbdüləliyev çıxışı zamanı bildirib ki, 3974 adda bal məhsullarından 900 növü, yəni 30 ton bal məhsulu ekspertiza nəticələrinə görə yararsız hesab edilib.

Arıçılar Assosiasiyasının sədri Bədrəddin Həsrətovun sözlərinə görə, Kənd Təsərrüfatı Nazirliyi yarmarkaya daha fərqli yanaşmağı planlaşdırır: "Bundan başqa, Qida Təhlükəsizlilyi Agentliyi balın keyfiyyəti ilə bağlı daha diqqətlidir. Bu il əvvəlki yarmarkalardan fərqli olaraq biz tərəfdaş qismində çıxış edəcəyik ".

O, həmçinin qeyd edib ki, ötən il yarmarkada balın qiyməti 20 manat olub. Bu il isə bu qiymət 20-25 manat olacaq.

Tədbirdə KİVA beynəlxalq sertifikasiya təşkilatının əməkdaşı Mətin Duran da iştirak edib. Qeyd edək ki, qurum Azərbaycan məhsullarının dünya bazarına çıxarılması üçün sərgi-satış yarmarkasında üçüncü tərəf qismində çıxış edir. Yəni KİVA məhsullara AQTA tərəfindən verilən nəticələrdən narazı olan sahibkarların məhsullarını yenidən ekspertizadan keçirəcək.

Qeyd edək ki, arıçılıq məhsulları yarmarkası oktyabrın 5-dən 28-dək Bakı şəhəri, Nərimanov rayonu, Fətəli xan Xoyski prospekti, 10 ünvanında (Tofiq Bəhramov adına Respublika Stadionunun ərazisi) keçiriləcək.

469
Teqlər:
sərgi-satış yarmarkası, arıçılıq məhsulları, Qida Təhlükəsizliyi Agentliyi, bal, Kənd Təsərrüfatı Nazirliyi
Əlaqədar
Bal yarmarkası “AMAY”da keçirilməyəcək – Yeni ünvan
Bal yarmarkasının vaxtı açıqlandı
Qaxda ənənəvi bal və milli mətbəx bayramı
Bal yarmarkası bu ünvanda keçiriləcək
Heydər Əliyev Sarayı, arxiv şəkli

Heydər Əliyev Sarayı "Tarixi səhnə" adlı yeni layihəyə start verib

3
Layihə çərçivəsində 50 ilə yaxın ömrünü tarixi səhnəyə - Heydər Əliyev Sarayına həsr edən, peşəkar və fədakar fəaliyyət göstərən əməkdaşların da çəkilişi nəzərdə tutulub.

 

BAKI, 19 yanvar — Sputnik. Heydər Əliyev Sarayı "Tarixi səhnə" adlı yeni layihəyə start verib.

Sputnik Azərbaycan xəbər verir ki, "Tarixi səhnə" layihəsi 1972-ci ildən tamaşaçıların ixtiyarına verilən, paytaxtımızın memarlıq simasında xüsusi yeri olan, Azərbaycan mədəniyyəti və incəsənətinin uzun illər nümayiş olunduğu, möhtəşəmliyi ilə seçilən, ictimai-siyasi, mədəni kütləvi tədbirlərə ev sahibliyi edən, önəmli hadisələri, tədbirləri səhnəsindən geniş tamaşaçı kütləsinə çatdıran ümummilli liderimizin adını daşıyan Heydər Əliyev Sarayına həsr olunub.

Sarayın direktoru Ramil Qasımovun ideya müəllifi olduğu layihənin hazırlanmasının əsas məqsədi Heydər Əliyev Sarayının Azərbaycanın görkəmli mədəniyyət və incəsənət xadimlərinin həyat və yaradıcılığındakı xüsusi rolunu, müstəsna əhəmiyyətini və maraqlı xatirələrin geniş kütləyə çatdırılmasıdır.

Eyni zamanda, layihə çərçivəsində 50 ilə yaxın ömrünü tarixi səhnəyə - Heydər Əliyev Sarayına həsr edən, peşəkar və fədakar fəaliyyət göstərən əməkdaşların da çəkilişi nəzərdə tutulub.

Qeyd edək ki, 2022-ci ildə Heydər Əliyev Sarayının fəaliyyətə başlamasının 50 illiyi tamam olacaq. Layihə cari il və gələn il ərzində davam etdiriləcək. Bundan əlavə, "Tarixi səhnə" adlı festivalın və "Tarixi səhnə" filminin çəkilməsi nəzərdə tutulub.

3

Bölgələrdə qar, Bakıda sulu qar yağıb - FAKTİKİ HAVA

14
Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.

BAKI, 19 yanvar - Sputnik. Ölkə ərazisindəki faktiki hava barədə məlumat açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Şərur, Şahbuz, Daşkəsən, Gədəbəy, Göygöl, Gəncə, Oğuz, Qəbələ, Şəki, Mərəzə, Altıağac, İsmayıllı, Xaçmaz, Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.

Sumqayıt, Maştağa, Binə, Pirallahı, Tərtər, Yevlax, Göyçay, Kürdəmir, Sabirabad, Cəfərxan, Salyan, Qazıməmməd, Biləsuvar, Neftçala, Yardımlı, Lerik, Lənkəran, Astara, Ağsuda yağış müşahidə olunub.

14

İlham Əliyev: "Milli iradəmizin zəfər çaldığı gün - 20 Yanvar"

14
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

14