İnsan siluetləri, arxiv şəkli

Əhali böyük sual qarşısında: Əgər bu fakt isbatını taparsa...

15677
(Yenilənib 18:03 30.09.2018)
Payız və qış mövsümlərini birləşdirən yeni-köhnə bir "paz"la üz-üzəyik

BAKI, 1 oktyabr — Sputnik. Məişətdə eyni problem haqqında dəfələrlə deyinəndə, adama "çürükçü" deyirlər. Hansısa ictimai, sosial neqativi ikinci dəfə dilə gətirsən, "aha, kampaniya aparır" maneəsi ilə üzləşirsən.

Yaxşı, neynəməli? Gördüyün problem həllini tapmırsa, "mən sözü bir dəfə deyirəm" deyə qapılıb yerində oturmalı? Üstəlik, cəmiyyətə sıxıntı yaşadan həmin zad, heç 2-3 dəfəynən də əmələ gəlmir, axı. Gərək, boğazın yırtılanadək deyinəsən, söylənəsən, şikayət edəsən, yazasan-pozasan ki, bəxtin oyana.

Baxın… "Hər mövsümün öz gözəllikləri var" deyirlər ha, doğrudur, var. Bir də öz qayğıları, dərd-səri, azar-bezarı var (Ən azından bizdə, başqalarının adına danışa bilmərəm).

Məsələn, payız öz qədəmlərini yurdumuza çox sərt şəkildə basdı. Yağdı, əsdi, coşdu, gurladı. Biz də şəhər küçələrində üzdük, titrədik, inildədik, hürkdük və s. Bunlar bir yana (mövzuya təkrar qayıtsaq, adımızı kampaniyaçı çıxararlar).

İndi ölkəmizdə payız və qış mövsümlərini birləşdirən dəyər olan başqa bir (yeni-köhnə) "paz"la — qazla üz-üzəyik. Bəlli olduğu kimi, havalar soyuyan kimi, bizdə tərs mütənasib proses başlayır. Yəni, mənzillərə verilən təbii qazın təzyiqi artmaq əvəzinə azalır. Bu fakt 10 milyona yaxın əhalinin özünü qanan heç bir nəfərinə sirr deyil. Amma gəl, qarşı tərəfi buna inandır!

Deməli, bir qrup Sumqayıt sakini Sputnik Azərbaycan-ın redaksiyasına şikayət məktubu (təbii ki, o şikayətlərin birbaşa ünvanı olan aidiyyatı qurumların "başı qarışıq" olanda, vətəndaş məcburən mətbuata üz tutur) göndərib. Məktubda diqqətə çatdırılıb ki, mənzillərə qaz verilişi tez-tez dayandırılır, yaxud da təzyiqi aşağı salınır.

"Qaz plitəsinin üstündə çaydanı qaynatmaq praktiki olaraq mümkün deyil. Hamamda isə yalnız gecəyarısı, qonşular şirin yuxuda olan zaman yuyunmaq mümkündür. Çünki yalnız həmin vaxtlarda qazın təzyiqi bir qədər artır və su qızdırıcısı suyu nisbətən çimmə temperaturuna qədər isidə bilir" – deyə şikayətçi sakinlərdən biri bildirib.

Sözügedən iddiaya (ki, yenə deyirik, ölkədə kimsəyə sirr olmayan faktdır) "Azəriqaz" İstehsalat Birliyinin (İB) İctimaiyyətlə Əlaqələr şöbəsinin müdiri İbrahim Kərbəlayevin də cavabı gecikməyib. Elə həmin gün sayta açıqlama verən cənab Kərbəlayev vurğulayb ki, bu cür söz-söhbətlər əsassızdır və təbii qaz mövsümdən asılı olmayaraq, istehlaka uyğun verilir.

"Azəriqaz" yetkinlisi əminliklə bəyan edib ki, tələbatın artmasına uyğun olaraq qaz verilişi də artırılır: "Əgər yay vaxtı qaz istehlakı 5-10 milyon kubmetr çərçivəsində dəyişirsə, qışda qaz xərcləri iki dəfə artır. Hazırda respublika ərazisində qaz verilişində heç bir problem yoxdur. Əhali tələbata uyğun olaraq tam surətdə qazla təchiz edilir".

Rəsmi qurumun bu cavabı kiməsə təəccüblü gəldi? Heyrətdən gözləriniz bərəlmədi ki, "axı, belə deyil…" deyə? Heç üzünüzdəki məna ifadəsi də dəyişmədi, doğrudur? Başqa bir cavab da gözləmirdiniz, deyilmi? Bəli, elə biz də!

Başqa nə cavab gözləyə bilərik ki?! Vətəndaşın şikayətini hansı quruma yönəldirsən, üzünə dirəşir ki, "elə bir fakt yoxdur, sübut eləsin!". Nəyi sübut eləsin, ay yoldaş? Məsələn, qazın təzyiqinin azalıb-azalmadığını sübut eləmək üçün səni evindəmi gecələtsin? Yoxsa, ürək ritmini 24 saat izləyən aparat kimi öz canınamı yapışdırsın səni? Ki, 24 saat nəbzini nəzarətdə saxlayasan…

Əşşi, nəysə. Bir lətifə ərz edək, keyfimiz açılsın (adımız çürükçüyə çıxıb, onsuz da):

Dükanın qarşısında ayaqqabının dabanlarını mismarlayan bir pinəçi qəfildən göyə tullanır, bir-iki dəfə göydə mayallaq aşıb yerə düşür. Sonra başlayır işinə davam etməyə. Bunu görən bir əcnəbi fotoqraf qaçır ustanın yanına ki, "mən bayaqkı qeyri-adi hərəkətinizi qaçırdım, xahiş edirəm, onu təkrarlayın, lentə alım".

Pinəçi burunaltı mızıldanır:

- İşim-gücüm var.

- Xahiş edirəm…

- A kişi, əl çək yaxamdan!

- Yalvarıram, həmin hərəkəti təkrarlayın, ələdüşməz kadrlar olacaq. Bu, mənim karyeram üçün çox vacibdir.

- İndi nə deyirsən? Deyirsən ki, sən karyera quracaqsan deyə mən öz naməhrəm orqanıma bir çəkiş də ilişdirməliyəm? Yeri get o yana!

15677
Teqlər:
sübut, "Azəriqaz" İB, qurum, problem, şikayət, vətəndaş, əhali, mənzil, qaz, fakt
Əlaqədar
Çox ciddi gözlənti var: Yenə olmayacaq şey olacaq
Hansı qadağalar gözlənilirdi, hansılar gəldi
Yeni təhlükə var, bu da xəbərdarlığı
Bakıda anlaşılmaz hərəkətlənmə: Biri nə baş verdiyini izah etsin
Gözünüz telefonda olsun: 39 manatlıq möcüzəli SMS və bunlar başınıza gəlsə, nətərdi?
Tibb işçisi, arxiv şəkli

TƏBİB-dən sevindirici açıqlama

3
(Yenilənib 12:46 16.01.2021)
Prezident Adminstrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov əlavə edib ki, yeni göstəricilərə görə karantin rejiminin yumşaldılmasına qərar verilib, ancaq vaksinasiya şərtdir

 

BAKI, 16 yanvar — Sputnik. Hazırda yeni yoluxanlarla sağalanların arasınsa 3-4 dəfə fərq var. Bu isə çarpayı fondunda, həmçinin reanimasiyada yerlərin boşalmasına gətirib çıxarıb. Sputnik Azərbaycan-ın məlumatına görə, bunu Nazirlər Kabineti yanında Operativ Qərargahın bridinqində Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva bildirib.

Y.Qarayeva qeyd edib ki, 14 dekabr 2020-ci ildə yoluxma əmsalı 31 faiz idisə, indi yoluxma əmsalı 5 faizə enib: "Bu isə sərtləşdiriımiş karantin rejiminin, həmçinin vətəndaşlarımızın məsuliyyətindən irəli gəlir".

Prezident Adminstrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov əlavə edib ki, bu göstəricilərə görə karantin rejiminin yumşaldılmasına qərar verilib: "Amma daha sonra yoluxma sayının artımı istisna edilmir. Bu səbəbdən də vaksinasiya mütləqdir".

3
Teqlər:
vaksinasiya, açıqlama, faiz, yoluxma, Tibbi Ərazi Bölmələrini İdarəetmə Birliyi
Mövzu:
Azərbaycanda koronavirus: son xəbərlər
Şuşada xeyli sayda silah-sursat aşkarlanıb

Şuşada xeyli sayda silah-sursat aşkarlanıb - FOTO

4
(Yenilənib 12:42 16.01.2021)
Sursatlar zərərsizləşdirilməsi üçün götürülərək agentliyin mərkəzi məhvetmə ərazisinə daşınıb. Bunlar arasında raket və minaatan mərmiləriylə yanaşı, boruşəkilli partlayıcı da var

BAKI, 16 yanvar — Sputnik. 2021-ci il yanvarın 4-13-ü tarixlərində Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) xüsusi mobil çevik əməliyyat qrupları tərəfindən Daxili İşlər Nazirliyinin Daxili Qoşunlarının əməkdaşları ilə birlikdə düşmən işğalından azad olunmuş Şuşa şəhərində xüsusi əməliyyat-axtarış tədbiri həyata keçirilib.

  • Şuşada xeyli sayda silah-sursat aşkarlanıb
    © Photo: ANAMA
  • Şuşada xeyli sayda silah-sursat aşkarlanıb
    © Photo: ANAMA
  • Şuşada xeyli sayda silah-sursat aşkarlanıb
    © Photo: ANAMA
  • Şuşada xeyli sayda silah-sursat aşkarlanıb
    © Photo: ANAMA
1 / 4
© Photo: ANAMA
Şuşada xeyli sayda silah-sursat aşkarlanıb

ANAMA-dan Sputnik Azərbaycan-a verilən məlumata görə, birlikdə aparılmış əməliyyat-axtarış tədbirləri zamanı 13 raket, 16 minaatan mərmisi, 15 əl qumbarası, 1 zenit top mərmisi, 48 partladıcı, 2 ədəd 9N235 bombacığı, 1 ov tüfəngi, 10 avtomat darağı, 7584 müxtəlif çaplı patron, 1 süngü, piyada əleyhinə 4 mina (OZM-160), 400 qram partlayıcı (TNT), 1 boruşəkilli partlayıcı (100 m) və 4 ədəd 9M528 raketinin paraşüt hissəsi aşkar olunub.

Sursatlar zərərsizləşdirilməsi üçün götürülərək agentliyin mərkəzi məhvetmə ərazisinə daşınıb.

4