Yağışın fəsadları

Paytaxt küçələrində əcaib romantika: Qayıq sürən kim, balıq tutan kim, şoka düşən kim...

12858
(Yenilənib 10:48 27.09.2018)
"Hələ payız və qışın irəlidə olduğunu düşünəndə, dəhşətə gəlirəm"

Təranə Xudabaxşiyeva, Sputnik Azərbaycan

BAKI, 26 sentyabr — Sputnik. Bir neçə gün öncə, daha dəqiq desək, payızın ölkəmizə qədəm qoyduğu ilk gün – sentyabrın 21-dən 22-nə keçən gecədən başlayaraq, Bakı küçələri aramsız yağışlara "qonaq oldu". Hətta payız bəzi saatlarda şəhər sakinlərinə özünün ən sərt üzünü göstərib yağışı leysana çevirdi.

Nəticədə paytaxtın bir çox küçələrində axan sel dizə çatdı. Küçələri basmış suyun səviyyəsi o qədər artdı ki, həyətlərə, evlərə, hətta küçədə şütüyən maşınlara, avtobuslara doldu. Nəticədə bir günlük olsa belə, şəhərin əksər hissələrində həm hərəkət, həm də həyat "iflic oldu", paytaxt sakinləri bir çox problemlərlə qarşılaşdılar.

Aidiyyatı qurumlar hər zamankı kimi günahı yağışda gördü. Ancaq həqiqət bu idi ki, Bakının kanalizasiya sistemi bərbad vəziyyətdədir. Sovet dönəmində çəkilmiş kanalizasiya sistemi artıq yükləndiyindən yenilənmə işlərinə böyük ehtiyac var.

Su altında qalmış şəhər
© Karikatura
Su altında qalmış şəhər

Sputnik Azərbaycan bir neçə gün öncə islandığımız həmin yağışla bağlı sosial şəbəkələrdə sorğu keçirib. Bu dəfə istifadəçilərdən həmin gün yağışın nə kimi fəsadlarına şahid olduqlarını soruşmuşuq. Aldığımız cavabları təqdim edirik:

Xəyal Məmmədxanlı: "Novxanıya 1 damcı da yağış düşməyib. Amma şəhərdə oturduğumuz "Çıraq Plaza"nın 2 parkinqi su ilə dolmuşdu, liftlərdən ikisi xarab olmuşdu".

Elyar İslam: "Nərimanov rayonuna daha çox yağış yağıb. Bəxtimizdən bazar günü idi. Yoxsa, hər evə bir qayıq lazım olacaqdı".

İsmayıl Cəbrayılov: ""AF Mall" Biznes Mərkəzini həmişəki kimi su basmışdı. Amma yaxşı ki, bu dəfə biz çıxandan sonra bu hal baş verib".

Tamerlan Cəfərov: "Mən onun şahidi oldum ki, Bakı Venesiyadan daha çox "çayı" olan şəhərdir".

Bəxtiyar Hacıyev: "Mən Bakıda "çaydan" "balıq tuturdum". Vəziyyət bu qədər acınacaqlı idi".

Nigar Bayramova: "İşlərimlə əlaqədar şəhərə çıxmalı idim. Hər tərəf gölməçə idi. Şəhərə çıxmağıma peşman oldum. Qayıq lazım idi ki, keçilməz yolları keçə bilim".

Rafiq Qədirov: "Dəniz mövsümü bitdi, gölməçələr mövsümü başladı. Suyun içində üzürdüm".

Ramil Əliyev: "Payızın gəlişi möhtəşəm idi. Uğurlu alındı. Yağış sayəsində xəstələndim".

Zamin Abıyev: "Bazar günü olduğu üçün şükür etdim. Yoxsa bu vəziyyətdə uşaqları bağçaya və məktəbə necə aparacaqdıq?! Şəhərin vəziyyəti acınacaqlı idi. Hələ payız və qışın irəlidə olduğunu düşünəndə dəhşətə gəlirəm".

Sənubər Rzayeva: "Sadəcə dəhşət idi. Şəhərin mərkəzi küçələri su ilə dolmuşdu. Dizə kimi suyun içində idim. Bu gedişlə, yayın bitməsini heç istəmirik. Yay Bakının eyiblərini gizlədirmiş".

12858
Teqlər:
su, Bakı, küçə, sel, yağış
Əlaqədar
"Azərsu"dan yağış suları ilə bağlı acizlik etirafı
Avtobus, yoxsa sualtı qayıq - Bakıdakı yağışın fəsadları
Yağış bu gün Bakıda baş verən yeganə təbiət hadisəsi deyil - VİDEO
Paytaxta yağan yağış barədə rəsmi məlumat yayıldı
Qandal, arxiv şəkli

Gəncədə narkotik satan alan şəxslər saxlanılıblar

4
(Yenilənib 18:33 05.12.2020)
Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb

BAKI, 5 dekabr — Sputnik. Gəncə Şəhər Baş Polis İdarəsinin (ŞBPİ) Cinayət Axtarışı İdarəsinin əməkdaşlarının keçirdikləri əməliyyat tədbirləri nəticəsində külli miqdarda narkotik vasitə dövriyyədən çıxarılıb.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, Gəncə şəhər sakinləri - 31 yaşlı Tahir Əliyev və əvvəllər məhkum olunmuş, 27 yaşlı Orxan Sadıqov saxlanılaraq ŞBPİ-yə gətiriliblər. Onların üzərinə baxış keçirilən zaman O.Sadıqovun üzərindən ümumi çəkisi 1 qram, T. Əliyevin üzərindən isə 2 qram narkotik vasitə olan "marixuana" aşkar edilərək götürülüb.

Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb.

Aparılan araşdırmalar zamanı həmin şəxslərə narkotik vasitə satan şəxsin əvvəllər məhkum olunmuş, Gəncə şəhər sakini, 1985-ci il təvəllüdlü Ramil Əliyev olduğu müəyyən edilib. Onun yaşadığı fərdi yaşayış evində keçirilən əməliyyat-axtarış zamanı üzərindən 15 ədəd kağız bükümlərdə, ümumi çəkisi 15 qram, evin dam örtüyünün altından isə ayrı-ayrı sellofan torbalarda və şüşə bankalarda qablaşdırlımış, ümumi çəkisi 4 kiloqram 025 qram qurudulmuş "marixuana" aşkar edilərək götürülüb.

Faklarla bağlı araşdırmalar davam etdirilir.

4
Teqlər:
Gəncə, narkotik maddə, narkotacir, narkotik

Əsgərlərimiz hərbi parada hazırlaşırlar - VİDEO

36
(Yenilənib 18:03 05.12.2020)
Paradda həmçinin Vətən müharibəsi zamanı Azərbaycan Ordusunun darmadağın etdiyi düşməndən ələ keçirdiyi hərbi qənimətlərin bir qismi də nümayiş olunacaq

BAKI, 5 dekabr - Sputnik. Dekabrın 10-da keçiriləcək Vətən müharibəsində qələbəyə həsr olunmuş hərbi parada hazırlıq məşqləri davam edir.
Sputnik Azərbaycan Müdafiə Nazirliyinə istinadən bildirir ki, Azadlıq Meydanında keçiriləcək hərbi paradda 3000 nəfərdən artıq şəxsi heyət, 150-dək hərbi texnika, o cümlədən silahlanmaya yeni qəbul edilmiş müasir hərbi texnika, raket və artilleriya qurğuları, hava hücumundan müdafiə sistemləri, eləcə də hərbi gəmi və katerlər nümayiş etdiriləcək.
Paradda həmçinin Vətən müharibəsi zamanı Azərbaycan Ordusunun darmadağın etdiyi düşməndən ələ keçirdiyi hərbi qənimətlərin bir qismi də nümayiş olunacaq.

36
Teqlər:
video, hazırlıq, Müdafiə Nazirliyi, hərbi, parad