1-ci Azərbaycan Beynəlxalq Hədiyyələr və Promo Məhsulları Gift & Promo Fair 2018 sərgisi

Azərbaycanda reklamçılar debatlar üçün yeni meydança əldə etdi

68
(Yenilənib 18:02 20.09.2018)
Bakıda keçirilən sərgi çərçivəsində yerli və xarici reklam şirkətləri arasında potensial müştərilərin axtarışına yönələn, davamlı, qarşılıqlı olaraq səmərəli əlaqələrin qurulması gözlənilir

BAKI, 20 sentyabr — Sputnik. “Azərbaycanda keçirilən ilk "AdPrint" sərgisi miqyasına görə regionda reklam xidmətlərinin bütün spektrini əhatə edən və həm yerli, həm də xarici şirkətləri bir araya gətirən yeganə tədbirdir”.

Sputnik Azərbaycan xəbər verir ki, bunu sərginin açılış mərasimində çıxış edən "Caspian Event Organisers" şirkətinin icraçı direktoru Bəhruz Hidayətzadə bildirib.

Bu il "Caspian Event Organisers" ("CEO") şirkətinin tədbirlər sırasına yeni 1-ci Azərbaycan Beynəlxalq Reklam və Çap İşləri Sərgisi "AdPrint" sərgisi əlavə olunub. Sərgi 1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisi ilə paralel olaraq 20-22 sentyabr 2018-ci il tarixlərində "Boulevard Hotel Baku" mehmanxanasında keçirilir.

Hidayətzadənin sözlərinə görə, sərgidə Azərbaycan, Rusiya, Yaponiya və digər ölkələri təmsil edən şirkətlər iştirak edirlər: "İştirakçılar skanerləri, "Flexi Capture" proqram təminatını, İT-texnologiyaları, ofis avadanlıqlarını, nəşriyyat-poliqrafiya xidmətlərini, istənilən növ avadanlıq və ləvazimatları (rəqəmsal çap, tekstil materiallar üzərində çap, genişformatlı çap, "3D" formatlı çap və s.), stendlərin quraşdırılmasını, tekstil avadanlıqları, suvenirləri, "POS" və reklam materiallarını, eləcə də təşviqat məhsullarını, peşəkar çap avadanlıqlarını (ofset, rəqəmsal, çapa qədər/çapdan sonrakı işləmə üçün avadanlıqlar və s.), istehlak mallarını və bir sıra digər materialları təqdim edəcəklər".

Reklam məhsulların irəli çəkilməsində önəmli rol oynayır və onlar haqqında məlumat təqdim edir: "Bununla da reklamdan istifadə edən şirkətlər bazarda daha rəqabətə davamlı və innovativ olurlar" — deyə "Caspian Event Organisers"-in sədri vurğulayıb.

  • 1-ci Azərbaycan Beynəlxalq Hədiyyələr və Promo Məhsulları Gift & Promo Fair 2018 sərgisi
    1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisi
    © Sputnik / Murad Orujov
  • 1-я Азербайджанская международная выставка Подарки и промо-продукция
    1-я Азербайджанская международная выставка "Подарки и промо-продукция"
    © Sputnik / Murad Orujov
  • 1-ci Azərbaycan Beynəlxalq Hədiyyələr və Promo Məhsulları Gift & Promo Fair 2018 sərgisi
    1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisi
    © Sputnik / Murad Orujov
  • 1-ci Azərbaycan Beynəlxalq Hədiyyələr və Promo Məhsulları Gift & Promo Fair 2018 sərgisi
    1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisi
    © Sputnik / Murad Orujov
  • 1-ci Azərbaycan Beynəlxalq Hədiyyələr və Promo Məhsulları Gift & Promo Fair 2018 sərgisi
    1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisi
    © Sputnik / Murad Orujov
  • 1-ci Azərbaycan Beynəlxalq Hədiyyələr və Promo Məhsulları Gift & Promo Fair 2018 sərgisi
    1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisi
    © Sputnik / Murad Orujov
  • 1-ci Azərbaycan Beynəlxalq Hədiyyələr və Promo Məhsulları Gift & Promo Fair 2018 sərgisi
    1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisi
    © Sputnik / Murad Orujov
  • 1-ci Azərbaycan Beynəlxalq Hədiyyələr və Promo Məhsulları Gift & Promo Fair 2018 sərgisi
    1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisi
    © Sputnik / Murad Orujov
  • 1-ci Azərbaycan Beynəlxalq Hədiyyələr və Promo Məhsulları Gift & Promo Fair 2018 sərgisi
    1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisi
    © Sputnik / Murad Orujov
  • 1-ci Azərbaycan Beynəlxalq Hədiyyələr və Promo Məhsulları Gift & Promo Fair 2018 sərgisi
    1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisi
    © Sputnik / Murad Orujov
1 / 10
© Sputnik / Murad Orujov
1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisi

Sərgiləri interaktiv işgüzar proqram müşayiət edir. Belə ki, sərginin ilk iş günündə eksponentlər və potensial sifarişçilər arasında heç bir vasitəçi olmadan işgüzar danışıqlar aparmaq və sıx əlaqələr qurmaq üçün "B2B" formatlı görüşlər təşkil ediləcək. Sərginin ikinci iş günündə də iştirakçı şirkətlər və onların potensial sifarişçiləri arasında görüşlər keçiriləcək, lakin bu görüşlərin formatı bir qədər fərqli olacaqdır — bu görüşlər çərçivəsində müxtəlif səpgili müzakirələr aparılacaq, çıxış edənlər isə məhz sifarişçilər olacaq.

Sözügedən müzakirələr zamanı sifarişçilər təşviqat məhsulları təklif edən şirkətlər ilə bağlı gözləntilərindən, eləcə də hansı məhsullara olan tələbatın təklifləri üstələdiyindən danışa biləcəklər. İştirakçılar isə bu müzakirələr çərçivəsində ən yaxşı ideyaları səsləndirməklə yanaşı, münasib qiymətə ən yaxşı keyfiyyəti təklif etmək imkanı qazanacaqlar.

Bundan əlavə müzakirələr bazarın inkişafına, habelə iştirakçılar arasında qarşılıqlı fayda verən möhkəm əlaqələrin qurulmasına şərait yaradacaq.

Sərgi Azərbaycan Respublikasının Kiçik və Orta Biznesin İnkişafı Agentliyi, Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar Təşkilatları Milli Konfederasiyası tərəfindən rəsmi olaraq dəstəklənir.

Sputnik Azərbaycan 1-ci Azərbaycan Beynəlxalq Reklam və Çap İşləri Sərgisi "AdPrint" və 1-ci Azərbaycan Beynəlxalq Hədiyyələr və Promo Məhsulları "Gift & Promo Fair 2018" sərgisinin informasiya tərəfdaşıdır.

68
Teqlər:
Bəhruz Hidayətzadə, Caspian Event Organisers, tədbir, sərgi
Kompüter arxasında qız, arxiv şəkli

Azərbaycanda Kommunal Xidmətlər üzrə Vahid İnformasiya Sisteminin sınaqlarına başlanacaq

1
(Yenilənib 23:08 21.10.2020)
Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır

BAKI, 21 oktyabr — Sputnik. Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O qeyd edib ki, "Açıq hökumətin təşviqinə dair 2020-2022-ci illər üçün Milli Fəaliyyət Planı"na əsasən, Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur: “"Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları"nın təsdiq edilməsi və elektron hökumətlə bağlı bəzi tədbirlər haqqında Azərbaycan Respublikası Prezidentinin Fərmanı ilə Kommunal Xidmətlər Vahid İnformasiya Sisteminin operatoru funksiyaları Energetika Nazirliyinə həvalə edilib.

Cari ilin sonuna kimi "ASAN xidmət" tərəfindən sistemin test fazasına başlanması planlaşdırılır. Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır. Kommunal xidmətlər üzrə vahid informasiya bazasının yaradılması bu sahədə həyata keçirilən siyasətin mərkəzləşdirilməsi və sistemləşdirilməsi, müvafiq xidmətlər üzrə müraciətlərin vahid platformadan ünvanlanması, bu xidmətlərin hər kəs üçün daha əlçatanlığı və fasiləsizliyi, yaranan çətinliklərin operativ həlli baxımından faydalıdır”.

“Vətəndaş müraciətlərinin obyektiv araşdırılaraq cavablandırılması, xidmətlərin icrası zamanı sui-istifadə hallarının qarşısının alınması, xidmətlərin icra vəziyyətinə dair mərkəzləşdirilmiş təhlil və hesabatların aparılması, istifadəçilər tərəfindən xidmətin keyfiyyətinə dair təklif və iradların toplanması, həmçinin vətəndaş məmnunluğunun artırılması məqsədilə yaradılacaq Vahid Çağrı Mərkəzinin formalaşdırılması ilə bağlı Konsepsiya layihəsi də Nazirlər Kabinetinə təqdim edilib. Bütün bu tədbirlər açıqlıq, şəffaflıq və hesabatlılıq prinsiplərini əsas tutaraq dövlət xidmətlərinin təkmilləşdirilməsinə, ictimai nəzarətin gücləndirilməsinə xidmət edəcək”, - deyə nazir bildirib.

1
Azərbaycan bayrağı, arxiv şəkli

Beynəlxalq ictimaiyyət Dağlıq Qarabağla bağlı Azərbaycanın haqlı mövqeyini dəstəkləyir

17
Xarici ölkələrin parlament nümayəndələri və beynəlxalq təşkilatların təmsilçiləri cəbhə xəttində gedən döyüşlərlə bağlı bəyanatlar verməkdə davam edirlər

BAKI, 21 oktyabr — Sputnik. Xarici ölkələrin parlament nümayəndələri və beynəlxalq təşkilatların təmsilçiləri cəbhə xəttində gedən döyüşlərlə bağlı bəyanatlar verməkdə davam edirlər.

Milli Məclisin Mətbuat və ictimaiyyətlə əlaqələr şöbəsindən Sputnik Azərbaycan-a bildirilib ki, Macarıstan Milli Assambleyasının Sədri Laslo Köver, Macarıstan-Azərbaycan Dostluq Qrupunun rəhbəri Atilla Tilki Ermənistan hərbi qüvvələrinin humanitar atəşkəsi pozaraq Azərbaycanın yaşayış məntəqələrini atəşə tutmasını pisləyib, Dağlıq Qarabağ münaqişəsinin həlli məsələsində Azərbaycana öz dəstəyini ifadə ediblər.

Həmçinin Avropa Parlamentinin Cənubi Qafqaz ölkələri üzrə Parlament Əməkdaşlıq Komitəsinin həmsədri Marina Kalyurand öz müraciətində Ermənistan-Azərbaycan Dağlıq Qarabağ münaqişəsinin sülh yolu ilə, beynəlxalq hüquq normaları və prinsipləri çərçivəsində, BMT Nizamnaməsi və ATƏT-in Helsinki Yekun Aktı əsasında həllinə tərəfdar olduğunu bildirib.

Özbəkistan Ali Məclisinin Azərbaycanla dostluq qrupunun rəhbəri Alişer Kadırovun məktubunda da Ermənistanın Azərbaycana qarşı son təxribatları, Ermənistan silahlı qüvvələrinin ölkəmizin ikinci böyük şəhəri olan Gəncəni, orada yaşayan dinc əhalini artilleriya və raket atəşinə tutması, mülki obyektlərin hədəfə alınması şiddətlə qınanılır, Azərbaycan Ordusunun həyata keçirdiyi əks-hücum tədbirləri təqdir edilir. Münaqişənin sülh yolu ilə beynəlxalq hüquq normaları çərçivəsində həllinə dəstək ifadə olunur.

17
Mövzu:
Azərbaycan və Ermənistan arasında müharibə
Əlaqədar
XİN: "Ermənistan rəhbərliyi məsuliyyətsiz bəyanatları ilə öz xalqını uçuruma sürükləyir"
Ermənistan döyüşlərə ASALA üzvlərini də cəlb edir
Hikmət Hacıyevdən Paşinyana cavab: Münaqişənin danışıqlar yolu ilə həllini dəstəkləyirik
Ərdoğan yenə Azərbaycana dəstək verdi: Bizə uzadılan hər bir əli kəsirik və kəsəcəyik!
Bütün imkanlarımızla Azərbaycanı dəstəkləyəcəyik - Türkiyənin Milli Müdafiə naziri