Bank filialı qarşısında növbə

Bank filiallarında insan əlindən tərpənmək olmur - Yeni narazılıq meydana çıxıb

20063
(Yenilənib 17:43 18.09.2018)
Müştərilər haqlıdır, yoxsa bankar və ya problemi necə həll etmək olar?

Təranə Xudabaxşiyeva, Sputnik Azərbaycan

BAKI, 18 sentyabr — Sputnik. Müasir dövrdə çox az adam tapılar ki, bank xidmətlərindən istifadə etməsin. Təbii ki, bank xidmətindən yararlanmaq istəyən şəxs bunun üçün müştəri xidmətlərinə müraciət etməlidir.

Amma müştəri xidmətləri bütün banklarda ürəkaçan səviyyədə deyil. Çox vaxt müştərilər banklarda yaranmış uzun növbələrlə üzləşirlər. Həmçinin, banklarda xidmət göstərən pəncərələrin az olması, kassaların tez bağlanması, həftə sonlarının qeyri-iş günü olması da narazılıq doğuran məsələlərdəndir.

Sputnik Azərbaycan-a müştərilər tərəfindən bu və digər məsələlərlə bağlı şikayətlər daxil olub. Müraciətlərin əksəriyyəti bankların şənbə və bazar günləri işləməməsi və iş günlərində bank filiallarında saatlarla davam edən növbələrin yaranması ilə bağlıdır.

Maliyyə Bazarlarına Nəzarət Palatasından (MBNP) Sputnik Azərbaycan-ın mövzu üzrə sorğusuna cavab olaraq bildirildi ki, bankların iş rejimi onların daxili reqlamenti ilə tənzimlənir: "Ölkədə fəaliyyət göstərən əksər bankların müəyyən filialları həftəsonu da müştərilərə xidmət göstərir, bəzi bankların filialları isə 24/7 rejimində çalışır".

Bankda növbə
©Karikatura
Bankda növbə

"Bundan əlavə, bayram və digər tədbirlərlə bağlı qeyri-iş günləri ərzində əhalinin və turistlərin valyutadəyişmə və digər xidmətlərdən rahat faydalanmaları üçün Palatanın tövsiyəsi ilə bankların bir sıra filial və şöbələri gücləndirilmiş iş rejimində çalışır. Həmin günlər ərzində Palatanın işçi heyətindən ibarət xüsusi monitorinq qrupu bank xidmətləri ilə bağlı müraciətləri qəbul edir" — deyə MBNP-dən qeyd olundu.

Palatadan "Bank filialları az və ya bankın müştəriləri çoxdurnu deyə bu problemlər yaşanır?" sualımıza da cavab verildi: "Makroiqtisadi sabitlik fonunda iqtisadiyyatda müşahidə olunan canlanma kredit aktivliyinin yüksəlməsi ilə bank xidmətlərinə tələbatı artırıb. 2018-ci ilin I yarımilliyində bankların kredit portfeli 3.3% artaraq (375 mln. AZN) 11.7 mlrd. AZN təşkil edib. Hazırda fəaliyyətdə olan 30 bankın 511 filialı müştərilərə müxtəlif bank xidmətləri göstərir".

"Palata tərəfindən mütəmadi olaraq yoxlamalar həyata keçirilir. Vətəndaşlar xidmət sahələrində yarana biləcək hər hansı bir çətinliklə bağlı müraciət ünvanlaya bilərlər. Müştərilər tərəfindən bankların iş rejimi ilə bağlı şikayətlər Palataya daxil olmayıb. Qeyd edək ki, bu gün bütün dünyada olduğu kimi ölkəmizdə də virtual bankçılıq inkişaf edir. Və bu da o deməkdir ki, vətəndaşlar banklara əvvəlki qədər axın etmirlər" – deyə qurumdan bildirildi.

UNEC-in professoru, bank-maliyyə məsələləri üzrə ekspert Elnur Sadıqov da problemi Sputnik Azərbaycan-a şərh edib. Onun sözlərinə görə, Azərbaycanda banklarla bağlı qanunda qeyd olunub ki, bank filialları poçtlardan fərqli olaraq həftə sonları işləmir.

"Mərkəzi Bank valyuta qiymətini cümə günü elan edir və birinci günə keçirir. Əgər şənbə və bazar günü müştəri bankda hər hansı bir əməliyyat həyata keçirərsə, bank orada nə valyuta kursunu dəyişə bilməz və heç bir əməliyyat apara bilməz" — deyə mütəxəssis bildirib.

E.Sadıqovun fikrincə, buna görə də bank filiallarının şənbə-bazar işləməsinə ehtiyacyoxdur: "Eyni zamanda, bank işçiləri də fasiləsiz işləyə bilməz. Onlar da istirahət etməlidirlər. Şənbə və bazar günlərində müştərilər əməliyyatlar aparmaq üçün poçtlara müraciət etməlidirlər. Filiallarda həftəiçi vaxt itirmək istəməyən müştərilər isə onlayn bankçılıqdan istifadə etməlidirlər".

20063
Teqlər:
Elnur Sadıqov, iş günü, MBNP, Sputnik Azərbaycan, Maliyyə Bazarlarına Nəzarət Palatası, şikayət, vətəndaş, bank, xidmət
Əlaqədar
Manat və banklarla bağlı məyusedici vəziyyət yaranıb
Ləğv olunmuş banklardan kredit alanlara önəmli xəbər
"Mərkəzi Bank pul-kredit siyasətini yumşaltmalı və faiz dərəcələrini endirməlidir"
Rusiya Mərkəzi Bankının binasında yanğın olub
Avtomobil tıxacı, arxiv şəkli

Bakıda bir neçə istiqamətdə sıxlıq var: birinə qəza səbəb olub - FOTO

2
Mais Ağayevin sözlərinə görə, küçə və prospektlərdə sıxlıq səbəbindən bütün istiqamətlərdə avtobuslar gecikmə ilə hərəkət edir

BAKI, 27 noyabr — Sputnik. Paytaxtın bir neçə küçə və prospektlərində sıxlıq müşahidə olunur.  Sputnik Azərbaycan bildirir ki, Bakı Nəqliyyat Agentliyinin mətbuat katibi Mais Ağayevin verdiyi məlumata görə, sıxlıq səbəbindən bütün istiqamətlərdə avtobuslar gecikmə ilə hərəkət edir.

Sıxlıq müşahidə olunan ərazilər:

Ziya Bünyadov prospekti – Çermet körpüsündən 20 yanvar dairəsi istiqamətində və Ayna Sultanova parkından Koroğlu metrosu istiqamətində;
Tbilisi prospekti – şəhər istiqamətində və 20 yanvar dairəsi istiqamətində;
Koroğlu Rəhimov küçəsi -Heydər Əliyev prospekti istiqamətində;
Yusif Səfərov küçəsi –Heydər Əliyev prospekti istiqamətində;
Üzeyir Hacıbəyov küçəsi – Cavanşir körpüsünün üstü;
Abbasqulu ağa Bakıxanov küçəsi – Türkiyə səfirliyi istiqamətində nisbətən sıxlıq;
Şah İsmayıl Xətai prospekti –Təhsil Nazirliyinin yanı Heydər Əliyev prospekti istiqamətində sıxlıq;
Mikayıl Əliyev küçəsi –Heydər Əliyev prospekti istiqamətində;
Mikayıl Useynov prospekti –Azneft dairəsi istiqamətində;
Neftçilər prospekti –Azneft dairəsi istiqamətində sıxlıq;
Mustafa Kamal Atatürk prospekti –Ziya Bünyadov prospekti istiqamətində;
Heydər Əliyev prospekti –şəhər istiqamətində kənar yol.

Həmçinin, Z.Bünyadov prospektində (Poladəritmə zavodunun qarşısında) tunelə girişdə yol-nəqliyyat hadisəsi səbəbindən yolda sıxlıq müşahidə olunub.

3-cü Mikrorayon dairəsində hərəkətdə çətinlik yaranıb, dairə ətrafında tıxac var.

2
Teqlər:
sıxlıq, qəza, tıxac, Bakı
Bakıda avtobus, arxiv şəkli

BNA daşıyıcılara mesaj göndərdi

3
(Yenilənib 18:36 27.11.2020)
"Hər hansı bir daşıyıcı tərəfindən bu işlərin icrasında hər hansısa laqeydlik olarsa, o zaman buna qarşı təcili tədbirlər görülür".

BAKI, 27 noyabr — Sputnik. Pandemiyanın ilk günündən sərnişinlərin sağlamlığının qorunması məqsədilə əks-epidemik tədbirlər davam etdirilir. Bakı Nəqliyyat Agentliyindən (BNA) Sputnik Azərbaycan-a verilən məlumatda bildirilir ki, hər gün 30 istehsalat bazasında axşam xətdən qayıdan avtobuslar müvafiq qaydada yuyulur, təmizlənir və xüsusi dərman məhlulları ilə dezinfeksiya olunur:

"Mütəmadi olaraq işlərə nəzarət məqsədilə əməkdaşlarımız gecə saatlarında istehsalat bazalarında olurlar. BNA əməkdaşları hər gün avtobusların dezinfeksiya edilməsi prosesinə nəzarət edirlər. Hər hansı bir daşıyıcı tərəfindən bu işlərin icrasında hər hansısa laqeydlik olarsa, o zaman buna qarşı təcili tədbirlər görülür".

3
Teqlər:
Koronavirus, epidemiya, COVID-19, dezinfeksiya, mesaj, xəbərdarlıq, sərnişindaşıma, BNA
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar