Nikaha girənlərin ayaqqabısı, arxiv şəkli

Azərbaycanda nikaha daxil olanlarda təhlükəli xəstəlik tapılıb

326
(Yenilənib 14:47 12.09.2018)
Tibbi müayinənin keçirilməsi və məsləhətlərin verilməsi pulsuz aparılır

BAKI, 12 sentyabr — Sputnik. 1 iyun 2015-ci il tarixindən 31 avqust 2018-ci il tarixinədək müayinələrdən keçmiş şəxslərdən bəzilərində müxtəlif xarakterli infeksiyalar aşkar olunsa da ümumilikdə müayinədən keçən və nikaha daxil olmaq istəyən şəxslərin əksəriyyətinin sağlamlıq durumunun qənaətbəxş olduğu aşkar olunub.

Sputnik Azərbaycan Səhiyyə Nazirliyinə istinadla xəbər verir ki, talassemiyanın profilaktikası laboratoriyasında ümumilikdə 457422 nikaha daxil olan şəxs müayinədən keçib, onlardan 16847 nəfərdə talassemiya daşıyıcılığı, 1575 nəfərdə sifilis, 387 nəfərdə HİV1/2 (QİÇS) aşkarlanıb.

2018-ci il 1 yanvar tarixindən 31 avqustadək cəmi müayinə olunanların sayı 93138, onlardan 2773 nəfərdə talassemiya daşıyıcılığı, 242 nəfərdə sifilis, 105 nəfərdə HİV1/2 (QİÇS) qeydə alınıb.

Qeyd edək ki, "Ailə Məcəlləsində dəyişikliklərin edilməsi haqqında" Qanunun tətbiqi ilə bağlı bəzi normativ hüquqi aktları təsdiq ilə əlaqədar, 1 iyun 2015-ci il tarixindən etibarən nikaha daxil olmaq istəyən vətəndaşlar mütləq tibbi müayinədən keçməlidirlər. Nazirlər Kabineti tərəfindən nikaha daxil olmaq istəyən şəxslərin tibbi müayinədən keçmə qaydaları təsdiqlənib, tibbi müayinə olunmalı xəstəliklərin siyahısı müəyyənləşdirilib. Bu məqsədlə səhiyyə müəssisələrində zəruri şərait yaradılıb. Xatırladaq ki, tibbi müayinə və məsləhətlər nikaha daxil olmaq istəyən şəxslərin və ya onlardan birinin yaşayış yeri üzrə Azərbaycan Respublikasının Səhiyyə Nazirliyi tərəfindən müəyyən edilmiş dövlət və bələdiyyə tibb müəssisəsində həyata keçirilir. Tibbi müayinənin keçirilməsi və məsləhətlərin verilməsi pulsuz aparılır.

326
Teqlər:
sifilis, QİÇS, yoxlama, nikah, Səhiyyə Nazirliyi
Нож, фото из архива

Çox sərt karantin: Sumqayıtda kütləvi davada gənci bıçaqlayıb öldürdülər

5
(Yenilənib 23:19 06.06.2020)
Bıçaqlananlardan biri hadisə yerində ölüb. İki nəfər isə xəstəxanaya yerləşdirilib. Ölənlə bıçaqlananlardan biri qardaşdır

BAKI, 6 iyun — Sputnik. Sumqayıtda kütləvi dava ölümlə nəticələnib.

Sputnik Azərbaycan APA-ya istinadən bildirir ki, hadisə axşam saatlarında şəhərin 10-cu mikrorayonunda yerləşən parkda olub. Bir neçə nəfər arasında düşən kütləvi dava zamanı 3 nəfər bıçaqlanıb. Bıçaqlananlardan biri hadisə yerində ölüb. İki nəfər isə xəstəxanaya yerləşdirilib.

Ölənlə bıçaqlananlardan biri qardaşdır. 1988-ci il təvəllüdlü Qasımov Zöhrab Vəli oğlu ölüb, onun qardaşı, 1989-cu il təvəllüdlü Qasımov Tofiq isə yaralanıb.

Bıçaq yarası alan digər şəxs 1989-cu il təvəllüdlü Rəhimov Namiq Tahir oğludur.

Meyit müayinə olunması üçün aidiyyəti üzrə təhvil verilib. Faktla bağlı araşdırma aparılır.

5
Əlaqədar
Bakıda gözəllik salonunda qətl: yenə baş rolda qısqanclıq...
Bakıda ata dilənmək istəməyən oğlunu bıçaqlayıb
Arvadını öldürməyə cəhd edən şəxsi prokurorluq cinayət məsuliyyətinə cəlb etdi
Yeyib-içmək məclisi ölümlə bitdi: Gəncədə qətl törədilib
Bərdədə bıçaqlanan icra başçısının keçmiş müavini imiş
 Həkim, arxiv şəkli

Azərbaycanda daha bir həkim COVID-19-a yoluxdu

5
"Әzizlәrim, heç kim sığortalanmayıb - nә gәnci, nә yaşlısı, nә hәkimi, nә hakimi, nә sıravi vәtәndaşı. Özünüzü qoruyun"

BAKI, 6 iyun — Sputnik. Azərbaycanda daha bir həkim, pulmonoloq ixtisaslı Günay Əliyeva COVID-19-a yoluxub.

Sputnik Azərbaycan-ın məlumatına görə, bu barədə həkim-infeksionist Natiq Əliyev Facebook hesabında yazıb.

"Şәkildә gördüyünüz hәkim yoldaşımız Dr. Günay Әliyeva (hәkim-pulmonoloq) COVID-19-un ilk günlәrindәn mübarizәyә başlayan insanlardandır. Astara, Qobustan, daha sonra Bakıda bәrabәr COVID-mәrkәzdә 3 aya yaxındır ki, mübarizә edirdik. Amma tәəssüf ki, koronavirus ondan da yan keçmәdi vә COVID-19 testi pozitivdir", - N.Əliyev yazıb.

"Dünәnә qәdәr bu palatalarda bizlә çiyin-çiyinә gecә-gündüz demәdәn xәstәlәrin dәrdlәrinә qaçan Günay bu gün xәstә statusundadır.

Әzizlәrim, heç kim sığortalanmayıb - nә gәnci, nә yaşlısı, nә hәkimi, nә hakimi, nә sıravi vәtәndaşı. Özünüzü qoruyun, - yazan həkim mübarizə yoldaşına tezliklə sağalmağı arzulayıb. - Doktorum, tez sağal, aramıza qayıt, hәlә hәngamәlәr bundan sonra başlayır, bizi, komandanı belә buraxmaq olmaz".

5
Əlaqədar
Əl çalmaqla qarın doymur və ya pandemiyadan sonra bizə kim baxacaq?
Koronavirusla mübarizə aparan həkimlərə əlavə pul ödənildi? - Agentlik açıqlama verdi
Ön cəbhədə olan həkimimiz koronavirusdan sağaldı
Virusa yoluxub sağalmısınızsa, çox sevinməyin - Hər şey daha kəskin şəkildə qayıda bilər
Azərbaycanda millət vəkilinin yaxın qohumu koronavirusdan öldü