Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb

Qəbələdəki arxeoloji kəşflər tariximizin öyrənilməsinə ciddi təsir edəcək

344
(Yenilənib 20:34 11.09.2018)
Aşkar edilən bina qalığı eramızın XII-XIII əsrlərinə aid edilir

İlham Əhmədov, Spitnik Azərbaycan

BAKI, 11 sentyabr — Sputnik. Azərbaycan Milli Elmlər Akademiyası (AMEA), Arxeologiya və Etnoqrafiya İnstitutunun "Antik və İlk Orta Əsrlər Arxeoloji Ekspedisiyası" Qədim Qəbələ şəhərinin Səlbir deyilən ərazisində genişmiqyaslı tədqiqatlar aparıb. Arxeoloqlar yaşayış yerinin yuxarı mədəni təbəqələrinə aid iri yaşayış binası və binaya aid yardımçı tikili qalıqları aşkarlayıblar.

Tikili qalıqları öz böyüklüyü və memarlıq quruluşuna görə diqqət çəkir. Binanın çay daşından qurulmuş enli bünövrəsi və bişmiş kərpiclərdən hörülmüş divarları tədqiq edilib. Hazırda tikilinin bir böyük otağı, dəhlizi və qapı yerlərində qazıntılar davam etdirilir. Aşkar edilən bina qalığı eramızın XII-XIII əsrlərinə aid edilir. XIII əsrin sonlarında bina, tamamilə tərk edilib və zamanla kütləvi dağıntıya məruz qalıb.

Ekspedisiya rəhbəri Ceyhun Eminli Sputnik Azərbaycan-ın bölgə müxbirinə açıqlamasında bildirib ki,  arxeoloji tədqiqatlar qədim Qəbələ şəhərinin Səlbir deyilən ərazisinin cənub-qərb tərəfində aparılır: “Burda təhqiqatların aparılmasının əsas məqsədi şəhərin hansı zamanda tərk edilməsini, dağılmasını, burada yaşayışın hansı dövrlərə kimi davam etməsini müəyyənləşdirməkdən ibarətdir. Arxeoloji qazıntılar zamanı burada iri yaşayış binalarının qalıqları aşkar olunub. İri binaların özülləri çay daşları ilə hörülüb, onlar çay daşı və kərpicdən memarlıq üslubunda, maili istiqamətdə tikilib”.

  • Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    © Photo : пресс-служба НАНА
  • Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    © Photo : пресс-служба НАНА
  • Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    © Photo : пресс-служба НАНА
  • Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    © Photo : пресс-служба НАНА
  • Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    © Photo : пресс-служба НАНА
  • Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb
    © Photo : пресс-служба НАНА
1 / 6
© Photo : пресс-служба НАНА
Arxeologiya və Etnoqrafiya İnstitutunun əməkdaşları Qədim Qəbələ şəhərinin Səlbir ərazisində qazıntılar aparıb

Arxeoloqlar qazıntılar zamanı tikili qalıqlarının içərisində müxtəlif bəzəkli saxsı və şüşə qab fraqmentləri, muncuqlar, düymələr, mis bəzək əşyaları da aşkarlayıblar. Tədqiqatlar bitdikdən sonra aşkar olunmuş abidənin qorunması və növbəti qazıntı mövsümlərində araşdırılmasını davam etdirmək, onu təbii faktorların dağıdıcı təsirindən qorumaq məqsədilə ilkin konservasiyası həyata keçiriləcək.

Ceyhun Eminli onu da qeyd edib ki, aşkar olunmuş materialların üzərində kameral təhqiqatlar davam etdiriləcək. Tapılan materialların təmizlənməsi, bərpası, qrafik rəsmi, foto sənədləşdirilməsi kimi işlər başa çatandan sonra daha əhəmiyyət kəsb edən tapıntı nümunələri Qəbələ arxeoloji mərkəzin sərgi zalında sərgilənəcək. Həmçinin Qəbələ rayon Diyarşünaslıq Muzeyində və digər muzeylərin salonlarında geniş ictimaiyyətə təqdim olunacaq.

Ekspedisiya rəhbəri, həmçinin arxeoloji qazıntılar zamanı tapılan insan skeletlərinin də antropoloji tədqiqi üzrə işlərin nəzərdə tutulduğunu bildirib.

344
Əlaqədar
Tarixi hadisə baş tutmaya bilər: Bütün dünya etiraza başladı
Azərbaycan tarixinin yeni qibləgahı — Qıpcaqtəpə abidəsi
Dünyanın həyəcanla izlədiyi əməliyyat üçün son tarix açıqlandı və Ankaranın 3 təklifi var
İki yüz illik tarix bir anda məhv oldu
Qədimliyinə görə Azərbaycanın ikinci muzeyi – Orada gizli tarix yatır
Təqaüdçü qadın, arxiv şəkli

Pensiyaçıların həsrətlə gözlədiyi xəbər gəldi - artımların vaxt veriləcəyi açıqlandı

50
(Yenilənib 13:57 20.01.2021)
Pensiyaların 2021-ci ilin 1 yanvar tarixinə olan məbləği həmin göstəriciyə uyğun şəkildə və cari ilin əvvəlindən indeksləşdirilərək artırılacaq.

Zülfiyyə Quluyeva, Sputnik Azərbaycan

BAKI, 20 yanvar — Sputnik. Bu ildən əmək pensiyalarının orta məbləği 338 manat, yaşa görə pensiyaların məbləği isə 370 manat olacaq. 2021-ci ilin yanvar ayı üzrə pensiyalar ödənilsə də, pensiyalara artım hesablanmayıb. Sputnik Azərbaycan pensiyaların artımının nə vaxtdan ödəniləcəyini araşdırıb.

Əmək və Əhalinin Sosial Müdafiəsi Nazirliyindən Sputnik Azərbaycan-a bildirilib ki, Dövlət Statistika Komitəsindən orta aylıq nominal əmək haqqına dair məlumatlar nazirliyə göndərildikdən və Prezidentin müvafiq sərəncamından sonra pensiyalar yanvar ayının artımı daxil olmaqla ödəniləcək. Nazirlik bu məsələdə icraedici funksiya daşıyır.

Dövlət Statistika Komitəsindən Sputnik Azərbaycan-ın sorğusuna verilən cavabda isə bildirilir ki, 2020-ci il üzrə istehlak qiymətləri indeksinə dair məlumatlar Əmək və Əhalinin Sosial Müdafiəsi Nazirliyinə artıq göndərilib:

"Orta aylıq nominal əmək haqqına dair məlumatlar isə Dövlət Statistika Komitəsinin Statistik işlər proqramına uyğun olaraq cari ilin fevral ayının ilk ongünlüyündə təqdim ediləcək".

Qeyd edək ki, "Əmək pensiyaları haqqında" Qanunda əmək pensiyalarının ildə bir dəfə ölkə üzrə orta aylıq nominal əməkhaqqının illik artım tempinə uyğun olaraq indeksləşdirilməsi nəzərdə tutulur. Cari il üçün pensiyaların indeksləşdirilərək artırılması da Dövlət Statistika Komitəsindən Əmək və Əhalinin Sosial Müdafiəsi Nazirliyinə təqdim olunacaq rəsmi məlumatda 2020-ci il üzrə ölkəmizdə orta aylıq nominal əməkhaqqının artım tempi göstəricisi əsasında həyata keçiriləcək. Pensiyaların 2021-ci ilin 1 yanvar tarixinə olan məbləği həmin göstəriciyə uyğun şəkildə və cari ilin əvvəlindən indeksləşdirilərək artırılacaq.

50
Məktəblərin birində, arxiv şəkli

Bu şagirdlərin summativ qiymətləndirilməsi aparılmayacaq

26
(Yenilənib 12:52 20.01.2021)
II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır.

BAKI, 20 yanvar — Sputnik. Birinci sinif şagirdlərinin summativ qiymətləndirilməsi aparılmayacaq.

Sputnik Azərbaycan-ın məlumatına görə bu, Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır. Qiymətləndirmə 100 ballıq şkala ilə ölçülür.

26
Teqlər:
Azərbaycan Təhsil Nazirliyi, Təhsil Nazirliyi
Qazaxıstan bayrağı, arxiv şəkli

Qazaxıstandan Azərbaycana qardaş dəstəyi

0
(Yenilənib 15:02 20.01.2021)
20 Yanvar faciəsinin 31-ci ildönümü ilə əlaqədar Qazaxıstan səfirliyi Azərbaycan xalqına dərin hüznlə başsağlığı verib.

BAKI, 20 yanvar — Sputnik. 20 Yanvar faciəsinin 31-ci ildönümü ilə əlaqədar Qazaxıstan səfirliyi Azərbaycan xalqına dərin hüznlə başsağlığı verib. Sputnik Azərbaycan xəbər verir ki, bu barədə məlumat Qazaxıstan səfirliyinin "Facebook" səhifəsində yerləşdirilib.

"20 Yanvar faciəsinin 31-ci ildönümü ilə əlaqədar Qazaxıstan səfirliyi Azərbaycan xalqına dərin hüznlə başsağlığı verir və azadlıq naminə həlak olmuş günahsız qurbanların əziz xatirəsini ehtiramla yad edir", - deyə məlumatda bildirilib.

0