Sarı pir qəbiristanlığı

Azərbaycan tarixinin yeni qibləgahı Qıpcaqtəpə abidəsi

622
(Yenilənib 13:14 08.09.2018)
Bundan başqa, Qıpçaq kəndi ərazisində yerləşən "Sarı pir" adlı qəbiristanlıqda da tədqiqat işi aparılıb

Şahpəri Abbasova, Sputnik Azərbaycan

BAKI, 7 sentyabr— Sputnik. Qax rayonunun Qıpçaq kəndinin cənubunda, Üzümlü-Ağyazı istiqamətində olan şose yolunun Əyriçay körpüsünə çatmamış hissəsində, yerli əhali tərəfindən Əyrinin tapı (Əyriçayın təpəlikləri) deyilən ərazidə "Qıpçaqtəpə" adlı abidə aşkar olunub. Qıpçaqtəpə abidəsi 4 hektar ərazini əhatə edir.

Qıpçaqtəpə
© Foto T.Əliyev tərəfindən təqdim olunub
Qıpçaqtəpə

Oğuz-Qax arxeoloji ekspedisiyasının rəhbəri, tarix üzrə fəlsəfə doktoru Taleh Əliyevin Sputnik Azərbaycan-a verdiyi məlumata görə, çoxtəbəqəli abidədə aparılan arxeoloji kəşfiyyat qazıntısı zamanı abidənin üst təbəqələrinin ilk orta əsr və orta əsrlərə aid olduğu müəyyənləşdirilib: "Həmin ərazidə apardığımız tədqiqatlar göstərir ki, Qıpçaqtəpə yaşayış yeri ilk növbədə Üzümlü-Ağyazı istiqamətində olan şose yoluna yaxın hissədə olub (antik, ilk orta əsrlər və orta əsrlər), daha sonra son orta əsrlərə doğru yaşayış yeri öz ərazisini qərb istiqamətinə genişləndirib".

Qıpcaqtəpədə arxeoloji qazıntılar
© Foto T.Əliyev tərəfindən təqdim olunub
Qıpcaqtəpədə arxeoloji qazıntılar

Bundan başqa, Qıpçaq kəndi ərazisində yerləşən "Sarı pir" adlı qəbiristanlıqda da tədqiqat işi aparılıb: "Aparılan araşdırmalar nəticəsində məlum olub ki, XVIII-XIX əsrlərdə əhali Sarı pir adlı hissədə həyat sürüb, XX əsrdə isə hazırkı Qıpçaq kəndinin ərazisində məskunlaşıb. Qəbir daşları üzərində olan yazılardan oranın XIX əsrə aid olduğunu söyləmək mümkündür" – deyə arxeoloq əlavə edib.

Qeyd edək ki, Qıpçaqtəpə yaşayış ərazisində geniş arxeoloji qazıntı işlərinin növbəti ildə də davam etdirilməsi planlaşdırılır.

622
Teqlər:
Sarı pir, Qıpçaqtəpə, Nərgizava qədim yaşayış məskəni, arxeoloji qazıntı, Qax rayonu, abidə, qəbiristanlıq
Yaponiyada qoruyucu maskada olan insanlar

Avropanın "ağ siyahısı": yaponları oradan silirlər

0
(Yenilənib 00:58 27.01.2021)
Avropa Birliyi sərhədlərini Yaponiya vətəndaşlarının üzünə bağlamağa hazırlaşır. Bu ölkənin "ağ siyahı"dan çıxma ehtimalı yüksəkdir

BAKI, 27 yanvar - Sputnik. Avropa Birliyi ölkələrinə gəlməyə icazəsi olan insanların siyahısından Yaponiya vətəndaşları çıxarıla bilər.

Sputnik Azərbaycan bildirir ki, Avropa Birliyinin bu niyyəti barədə Bloomberg öz mənbələrinə istinadən yazır. 

Agentliyin məlumatına görə, bu qərar Yaponiyada koronavirusa yoluxmanın artması ilə bağlıdır.  

Mənbə bildirib ki, Avropa Birliyinin yenilənmiş "ağ siyahısı"nda cəmi yeddi ölkə olacaq və yalnız bu ölkələrin vətəndaşları AB-yə üzv ölkələrə səyahət edə biləcəklər. 

Siyahıdakı "xoşbəxtlər" isə Avstraliya, Çin, Yeni Zelandiya, Ruanda, Sinqapur, Cənubi Koreya və Tailanddır. COVID-19-a yoluxma sayının kəskin artması səbəbindən Böyük Britaniya bu siyahını yanvarın 1-dən tərk edib. 

0
Teqlər:
Koronavirus, qadağa, Avropa Birliyi, vətəndaşlar, Yaponiya
Mövzu:
Yeni tip koronavirus pandemiyası
Tərəzi, kökəlmək, köklük

Diabetə qalib gəlməyin çox asan yolu

2
(Yenilənib 00:44 27.01.2021)
Diabetə on iki həftə ərzində qalib gəlmək mümkündür. Amerikalı alimlərin araşdırmasına görə, minimal karbohidratlı pəhriz həm sağaldır, həm də arıqladır

BAKI, 27 dekabr - Sputnik. On iki həftə boyunca minimal karbohidrat pəhrizinə riayət edən insanlar ikinci tip diabetə qalib gəlmək şansını təxminən 30% artırırlar. 

Sputnik Azərbaycan bildirir ki, bu barədə Diabetes.co.uk portalı Texasın A&M Universitetinin (ABŞ) əməkdaşlarının araşdırmalarına istinadən yazır.

Tədqiqatda 1357 nəfər iştirak edib. Yaşları 47 ilə 67 arasında dəyişən bu şəxslərin əksəriyyəti artıq çəki və ya piylənmədən əziyyət çəkib. Onlar on iki həftə ərzində minimal karbohidrat pəhrizinə riayət ediblər. Bundan 6 ay və bir il sonra isə mütəxəssislər tədqiqatda iştirak edənlərin səhhətlərini təkrar yoxlamadan keçiriblər. 

Qeyd olunur ki, pasiyentlər nişastalı karbohidratlardan (daha çox kartof və makaronda olur) imtina ediblər. Alimlər belə nəticəyə gəliblər ki, 6 aydan sonra bu qrup insanların xəstəliyin əlamətlərini azaltmaq şansları digər pəhrizlərə riayət edənlərlə müqayisədə daha çoxdur. 

Elmi tədqiqatın müəllifləri qeyd ediblər ki, gələcəkdə onlar kalorilərə nəzarətlə bağlı da bir sıra tədqiqatlar aparmaq niyyətindədirlər. Bununla onlar minimal karbohidratlı pəhrizin arıqlamağa və diabetin remissiyasına davamlı müsbət təsir göstərdiyinə əmin olmaq istəyirlər.

* Minimal karbohidratlı pəhriz - sutkada 100-150 qramdan artıq olmayan karbohidratın qəbul olunmasını nəzərdə tutan qida rejimidir. Bundan başqa, burada istifadə olunan karbohidratın əksər hissəsi böyük miqdarda lifə malik tərəvəz və tam buğdaların payına düşməlidir. 

Bu pəhriz həm diabet xəstələrinə, həm də arıqlamağa çalışan idmançılara məsləhət görülür. O, qanda şəkərin miqdarını tənzimləmək üçün əla üsul sayılır.

2