Təcili yardım

xalatda olanları döyün: Həkimlər təcili yardımda işləmək istəmirlər

10278
(Yenilənib 21:41 06.09.2018)
Təcili yardımın bir sıra həkimləri bir ildən sonra öz arzuları ilə stansiyada işləməkdən imtina edirlər

BAKI, 6 sentyabr — Sputnik. Bakı şəhəri Təcili və Təxirəsalınmaz Tibbi Yardım Stansiyasından mütəxəssis axını müşahidə edilir.

Stansiyanın baş həkimi Rauf Nağıyevin Sputnik Azərbaycan-a dediyinə görə, bunun səbəbi həkimlər briqadasının daim hücuma məruz qalmasıdır.

Nağıyev bildirib ki, həftədə orta hesabla 2-3 təcili yardım briqadasına hücum olur. Bununla bağlı olaraq, öz həyatına təhlükə olduğunu görən həkimlərin çoxu stansiyaya işləməyə candərdi gedir.

Təcili yardım briqadalarının heyəti əsasən orta yaşlı qadınlardan ibarətdir. Amma onların arasında cavanlar və pensiya yaşına çatmış şəxslər də var.

"Bu yaxınlarda yaşlı adam öldüyünə görə, həkimi döymüşdülər. Qohumları xəstəni vaxtında həkimə göstərmək və profilaktik tədbirlər görmək əvəzinə, iş işdən keçəndən sonra təcili yardım çağırmışdı. Həmin vaxt kişinin vəziyyəti çox ağırlaşıb və o, ölüb. Qohumları pasiyent öldüyünə görə, həkimi döymüşdülər" — deyə Nağıyev bildirib.

Baş həkim deyib ki, bununla əlaqədar olaraq, adamlar təcili yardımda işləmək istəmirlər. Bir sıra yaşca daha böyük əməkdaşlar özləri təcili yardımdan çıxırlar və izah edirlər ki, artıq döyülməkdən və təhqirlərdən beziblər. Baxmayaraq ki, hər bir belə halla bağlı stansiyanın rəhbərliyi hüquq-mühafizə orqanlarına müraciət edir və günahkarlar cəzalandırılır, bu, elə də əhəmiyyət kəsb eləmir. Çünki zərərçəkmiş tibb işçisi fiziki və psixoloji travma alır. Bu isə həkim işi ilə uyğun gəlmir.

"Bəzən əsassız çağırışlar da olur. Zəng edərək təcili yardım briqadasını çağırırlar ki, gəlib təzyiqimi ölçün və iynə vurun. İmtina etmək də olmur" — deyə baş həkim bildirib.

Nağıyevin sözlərinə görə, təcili yardım çağırışlarının 60%-i əsassızdır. Sutka ərzində stansiyaya 2,7 min müraciət edilir. İlin başlanğıcından indiyədək təcili yardım həkimləri Bakıda 427 700 ünvana gediblər. Bu işi 138 briqada həyata keçirir.

Bütün bunlara görə, təcili yardımın bir sıra həkimləri bir ildən sonra öz arzuları ilə stansiyada işləməkdən imtina edirlər. Buna baxmayaraq, baş həkimin sözlərinə görə, həkimlərin orta aylıq əməkhaqqı 300 manat təşkil edir. Təcili yardım həkimlərinin maaşı sonuncu dəfə 2007-ci ildə qaldırılıb.

10278
Teqlər:
həyəcan təbili, Rauf Nağıyev, işdən çıxma, döyülmə, həkim, Bakı şəhəri Təcili və Təxirəsalınmaz Tibbi Yardım Stansiyası
Əlaqədar
Təcili yardım həkimi gecikdi, özü xəstəxanalıq oldu
Böyük qalmaqal: Təcili yardım yetişənədək xəstə keçindi və əsl qiyamət qopdu
Təcili yardım xəstəni sağaltmaq əvəzinə bir nəfəri də yaralayıb
Bakıda "təcili yardım" çağırışı: amma ortada elə bir düyün var ki...
Azərbaycanda təcili tibbi yardım işçilərini döyüblər
Əli qandallanmış kişi polis bölməsində, arxiv şəkli

Şəmkirdə "Canavar" ələ keçdi, amma əməli heç canavara yaraşmır

2
Saxlanılan şəxslər istintaqa təhvil veriliblər, maddi sübutlar isə ekspertizaya təqdim olunub. Faktlarla bağlı araşdırma aparılır

BAKI, 12 avqust — Sputnik. Şəmkir Rayon Polis Şöbəsinin (RPŞ) əməkdaşları tərəfindən rayon sakinləri, əvvəllər məhkum olunmuş 42 yaşlı Tural Ələsov, 46 yaşlı Vüqar Zamanov və 42 yaşlı, əvvəllər dəfələrlə məhkum olunmuş Şirxan Aslanov narkotik vasitələrin qanunsuz satışında və saxlanmasında şübhəli bilindikləri üçün saxlanılıblar.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupuna istinadla xəbər verir ki, onların üzərinə qanunvericiliklə müəyyən edilmiş qaydada baxış keçirilən zaman T. Ələsovdan 1.296 qram, Ş. Aslanovdan 0.253 qram, Vüqar Zamanovdan isə 0.289 qram narkotik vasitə olan heroin aşkar edilərək götürülüb. İlkin dindirilmə zamanı Şirxan Aslanov və Vüqar Zamanov narkotik vasitəni "Canavar" ləqəbi ilə tanıdıqları Tural Ələsovdan aldıqlarını etiraf ediblər.

Bundan başqa RPŞ əməkdaşlarının keçirdikləri digər əməliyyat tədbirləri nəticəsində, qanunsuz olaraq narkotik saxlamaqda şübhəli bilinən, əvvəllər məhkum olunmuş rayon sakini Dilqəm Məmmədov saxlanılaraq RPŞ-yə gətirilib və onun üzərinə keçirilmiş baxış zamanı 13.533 qram narkotik vasitə olan həşiş və 0.676 qram qurudulmuş marixuana aşkar edilərək götürülüb.

Rayon Polis Şöbəsinin daxil olmuş məlumat əsasında keçirdikləri daha bir əməliyyat tədbirləri nəticəsində, qanunsuz olar narkotik vasitə əkib-becərməkdə şübhəli bilinən rayonun sakini, əvvəllər məhkum olunmuş 45 yaşlı Ömər Rzayevin Yuxarı Seyfəli kəndi ərazisindəki həyətyanı sahəsinə keçirilən baxış zamanı oradan 5 ədəd ümumi çəkisi 12 kq 400 qram olan çətənə bitkiləri aşkar edilərək götürülüb.

Saxlanılan şəxslər istintaqa təhvil veriliblər, maddi sübutlar isə ekspertizaya təqdim olunub. Faktlarla bağlı araşdırma aparılır.

2
Əlaqədar
Gəncə sakini ağır dəlillə ələ keçdi - FOTO
Oğuzda 3 tondan artıq narkotik vasitə məhv edilib
Dərman da olarmış! Marixuananın xərçəngi məhv edən növü aşkarlanıb
Videosu "tutmadı", özünü tutdular
Şabran polisi əməliyyat keçirdi: üç rayon sakini saxlanıldı
Snayper, arxiv şəkli

Ermənistan ordusu mövqelərimizi snayperlərlə atəşə tutub

3
(Yenilənib 10:03 12.08.2020)
Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən də istifadə etməklə sutka ərzində atəşkəs rejimini 35 dəfə pozub

BAKI, 12 avqust — Sputnik. Ermənistan Respublikası Berd rayonunun Ayqepar, Mosesqex və Çinari kəndlərində yerləşən mövqelərdən Tovuz rayonunun Əlibəyli, Ağdam, Koxanəbi, Əsrik Cırdaxan və Ağbulaq kəndlərində, Çəmbərək rayonunun Cil kəndində yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Sputnik Azərbaycan Müdafiə Nazirliyinə istinadən bildirir ki, Tərtər rayonunun işğal altında olan Çiləbürt, Xocavənd rayonunun Kuropatkino, Füzuli rayonunun Horadiz, Cəbrayıl rayonunun Nüzgar kəndləri yaxınlığında, həmçinin Tərtər və Ağdam rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

3