Bəxtiyar Vahabzadənin Şəki şəhərindəki ev muzeyinin açılışı

Dahi şairin ev muzeyinin açılışı olub FOTOLAR

113
(Yenilənib 14:05 01.09.2018)
Eyni zamanda, dövlət başçısının tapşırığına əsasən, 3 saylı körpələr evi – uşaq bağçası üçün tikilən 40 yerlik binanın açılış mərasimi də keçirilib

Şahpəri Abbasova, Sputnik Azərbaycan

BAKI, 1 sentyabr— Sputnik. Azərbaycan və türk dünyası ədəbiyyatında özünəməxsus yeri, dəst-xətti olan xalq şairi, ədəbiyyatşünas alim, ictimai xadim Bəxtiyar Vahabzadənin Şəki şəhərində ev muzeyinin açılışı olub.

Sputnik Azərbaycan-ın bölgə müxbirinin məlumatına görə, şairin ev muzeyi Azərbaycan Prezidenti İlham Əliyevin “Şəki şəhərində Bəxtiyar Vahabzadənin ev muzeyinin yaradılması və yaşadığı binaya xatirə lövhəsinin vurulması haqqında” 2015-ci il 27 oktyabr tarixli Sərəncamına əsasən yaradılıb. Şəki şəhəri Ə.Haqverdiyev küçəsi, 73 ünvanında yerləşən muzeydə 2017-2018-ci illərdə təmir, bərpa və bədii tərtibat işləri aparılıb.

  • Bəxtiyar Vahabzadənin Şəki şəhərindəki ev muzeyinin açılışı
    Bəxtiyar Vahabzadənin Şəki şəhərindəki ev muzeyinin açılışı
    © Sputnik / Shahperi Abbasova
  • Bəxtiyar Vahabzadənin Şəki şəhərindəki ev muzeyinin açılışı
    Bəxtiyar Vahabzadənin Şəki şəhərindəki ev muzeyinin açılışı
    © Sputnik / Shahperi Abbasova
  • Bəxtiyar Vahabzadənin Şəki şəhərindəki ev muzeyinin açılışı
    Bəxtiyar Vahabzadənin Şəki şəhərindəki ev muzeyinin açılışı
    © Sputnik / Shahperi Abbasova
  • Bəxtiyar Vahabzadənin Şəki şəhərindəki ev muzeyinin açılışı
    Mədəniyyət naziri Ə.Qarayevin çıxışı
    © Sputnik / Shahperi Abbasova
  • Bəxtiyar Vahabzadənin Şəki şəhərindəki ev muzeyinin açılışı
    BDU-nun rektoru AşMəhərrəmovum çıxışı
    © Sputnik / Shahperi Abbasova
  • Bəxtiyar Vahabzadənin Şəki şəhərindəki ev muzeyinin açılışı
    Bəxtiyar Vahabzadənin Şəki şəhərindəki ev muzeyinin açılışı
    © Sputnik / Shahperi Abbasova
  • Bəxtiyar Vahabzadənin Şəki şəhərindəki ev muzeyinin açılışı
    Bəxtiyar Vahabzadə ev muzeyindəki iş otağı
    © Sputnik / Shahperi Abbasova
  • Bəxtiyar Vahabzadənin Şəki şəhərindəki ev muzeyinin açılışı
    Şairin sonuncu siqareti
    © Sputnik / Shahperi Abbasova
  • Bəxtiyar Vahabzadənin Şəki şəhərindəki ev muzeyinin açılışı
    Bəxtiyar Vahabzadə Türkiyə Milliyətçi Hərəkat Partiyasının qururcusu Alparslan Türkeşlə
    © Sputnik / Shahperi Abbasova
  • Bəxtiyar Vahabzadənin Şəki şəhərindəki ev muzeyinin açılışı
    Süleyman Dəmirəllə görüş
    © Sputnik / Shahperi Abbasova
  • Bəxtiyar Vahabzadənin Şəki şəhərindəki ev muzeyinin açılışı
    Orden və medallar
    © Sputnik / Shahperi Abbasova
1 / 11
© Sputnik / Shahperi Abbasova
Bəxtiyar Vahabzadənin Şəki şəhərindəki ev muzeyinin açılışı

Mədəniyyət Nazirliyi rəsmilərinin, şəhər rəhbərliyinin, tanınmış ziyalıların, şəhər ictimaiyyəti nümayəndələrinin iştirak etdiyi açılış mərasimində qüdrətli söz ustası Bəxtiyar Vahabzadənin müasir Azərbaycan poeziyasının inkişafındakı xidmətlərindən danışılıb, şairin yaradıcılığının müxtəlif məqamlarına toxunulub.

Eyni zamanda, dövlət başçısının tapşırığına əsasən, 3 saylı körpələr evi – uşaq bağçası üçün tikilən 40 yerlik binanın açılış mərasimi də keçirilib.

Qeyd edək ki, uşaq bağçası əvvəllər Bəxtiyar Vahabzadənin ata yurdunda fəaliyyət göstərib. Xalq şairi ata yurdunu bağçaya bağışlayıb. Dövlət başçısının tapşırığına əsasən, şairin ata yurdunda ev muzeyinin yaradılması ilə əlaqədar, bağça üçün geniş yer ayrılıb və Mədəniyyət Nazirliyi tərəfindən orada müasir standartlara uyğun ikimərtəbəli yeni bina tikilib.

113
Teqlər:
Bəxtiyar Vahabzadə, Şəki şəhəri, uşaq bağçası, açılış, ev muzeyi, Azərbaycan prezidenti İlham Əliyev
Köhnə avtobus, arxiv şəkli

Bakıda dizel yanacağı ilə işləyən sərnişin avtobusları istismardan çıxarılacaq

0
(Yenilənib 15:28 25.11.2020)
BNA: "Gələcək planlarda isə həmçinin, elektrik enerjisi ilə işləyən avtobusların gətirilməsi də nəzərdə tutulur".

BAKI, 25 noyabr — Sputnik. Yaxın gələcəkdə Bakı şəhərinin sərnişindaşımasında istismarda olan dizel yanacaqlı avtobuslar kənarlaşdırılacaq. Sputnik Azərbaycan-ın məlumatına görə, bunu "Caspian Energy Club"ın təşkilatçılığı ilə keçirilən "Online Baku City Forum"da çıxış edən Bakı Nəqliyyat Agentliyinin (BNA) Yol hərəkətinin təşkili şöbəsinin müdiri Tərlan Səfərov deyib.

Onun sözlərinə görə, hazırda dövlət sifarişi ilə ölkəyə avtobus gətirən sahibkarlara avtobusların CNG yanacağı ilə işləyən, mütləq ekoloji təmiz olması tapşırılır: "Gələcək planlarda isə həmçinin, elektrik enerjisi ilə işləyən avtobusların gətirilməsi də nəzərdə tutulur".

0
Teqlər:
sərnişin avtobusu, sərnişin, BNA
Tələbə Qəbulu üzrə Dövlət Komissiyasının sədri Məleykə Abbaszadə

DİM sədri Azərbaycan dili ilə bağlı məsələyə aydınlıq gətirdi

3
(Yenilənib 15:18 25.11.2020)
M.Abbaszadə əlavə edib ki, DİM tərəfindən Azərbaycan dili imtahanı hazırda qeyri-Azərbaycan dili üzrə təhsil alan məzunlar üçün ayrıca olaraq keçirilir.

BAKI, 25 noyabr — Sputnik. Azərbaycan dilinin xarici dil imtahanı kimi ərsəyə gətirilməsi və bunun üçün onlayn tədris və imtahan platformasının yaradılması ölkəmizin ali məktəblərində oxuyan əcnəbi tələbələrin sayının artmasına şərait yaradacaq, əcnəbilərin Azərbaycan dilinin öyrərməsi imkanını artıracaq.

Sputnik Azərbaycan xəbər verir ki, bu barədə Dövlət İmtahan Mərkəzinin Direktorlar Şurasının sədri Məleykə Abbaszadə danışıb.

Onun sözlərinə görə, DİM ilə Yunus Əmrə İnstitutu arasındakı əməkdaşlıq Türkçə Yetərlik İmtahanının (TYS) imtahanının DİM tərəfindən keçirilməsini, imtahanın Azərbaycan ictimaiyyətində tanıdılmasını, eyni zamanda Azərbaycan Dilinin Xarici Dil İmtahanı kimi ərsəyə gətirilməsi məqsədilə qarşılıqlı fəaliyyəti nəzərdə tutur.

M.Abbaszadə əlavə edib ki, DİM tərəfindən Azərbaycan dili imtahanı hazırda qeyri-Azərbaycan dili üzrə təhsil alan məzunlar üçün ayrıca olaraq keçirilir.

DİM-in bu sahədə bir neçə illik təcrübəsinin olduğunu xatırladan M.Abbaszadə qeyd edib ki, Prezident İlham Əliyevin 2018-ci il 17 iyul tarixli 346 nömrəli "Azərbaycan dilinin elektron məkanda daha geniş istifadəsinin təmin edilməsi ilə bağlı bir sıra tədbirlər haqqında" Sərəncamına əsasən Nazirlər Kabinetinin "Əcnəbilər üçün Azərbaycan dilinin elektron platforması"nın təsdiq edilməsi barədə Sərəncamından irəli gələn fəaliyyətin həyata keçirilməsində DİM icraçı qurumlardan biri olaraq göstərilib.

3
Teqlər:
Məleykə Abbazsadə, Dövlət İmtahan Mərkəzi (DİM) Direktorlar Şurası, DİM