Kişi və qadın

Xəyanət, həbs, ölüm 4 sahibsiz uşaq - Bakıda ərli qadın hoqqalardan çıxıb

14933
(Yenilənib 16:13 30.08.2018)
Qadın tez-tez əri ilə qalmaqal salır, kişini onu başqalarına qısqanmağa məcbur etməyə çalışırmış

Ramella İbrahimxəlilova, Sputnik Azərbaycan

BAKI, 30 avqust — Sputnik. Dörd il əvvəl dəhşətli ailə faciəsini yaşamış və bununla bağlı reabilitasiya keçmiş dörd uşaq heç kəsə lazım deyil. Onlar növbəti faciənin qurbanı olublar və indi onları yenidən Azərbaycan Uşaqlar Birliyinin Uşaq Sığınacağı Reinteqrasiya Mərkəzinə qaytarmaq lazım gəlib.

Azərbaycan Uşaqlar Birliyinin (AUB) sədri Kəmalə Ağazadənin Sputnik Azərbaycan-a verdiyi məlumata görə, uşaqların anası — Masallı rayonunun 31 yaşlı sakini Aynurə Salahova (adı etik səbəblərdən dəyişdirilib) avqustun 28-də dörd günlük komadan sonra xəstəxanada vəfat edib.

2014-cü ildə Salahova Bakıda əri Səfərovu yatdığı yerdə öldürməyə cəhd edib. Qadın ərinin qarın nahiyəsinə bıçaq zərbəsi endirib. Binəqədi Rayon Prokurorluğu AR Cinayət Məcəlləsinin 29, 120-ci (Cinayət etməyə cəhd) maddəsi ilə cinayət içi açıb və Salahova həbs edilib.

Cinayət işinin materiallarına görə, hadisədən əvvəl ər-arvad arasında Salahovanın özünün səbəb olduğu qalmaqal baş verib. Qadın ərini onu müdafiə etməməkdə, ona baxan kişini döyməməkdə günahlandırıb.

Cinayət işinin materiallarından da göründüyü kimi, Salahova tez-tez əri ilə qalmaqal salır, kişini onu başqalarına qısqanmağa məcbur etməyə çalışırmış. Gah deyirmiş ki, biri ona pis baxıb, gah da deyirmiş ki, bir başqası ona söz atıb və s. Bundan başqa, Salahova ərini guya ona qarşı hansısa hərəkət etmiş kişilərlə davaya sövq edirmiş. Əri isə xasiyyətcə sakit və konfliktə geyməyən adam imiş.

Ər-arvad arasında sonuncu qalmaqal da bu zəmində baş verib. Bir qədər sonra işlər yoluna düşüb. Ən azından ər belə düşünürmüş. Lakin Salahova incikliyini unutmayıb. Bir gecə bıçağı yatan ərinin qarnına soxub.

Səfərov xəstəxanaya çatdırılıb. Çoxlu qan itirsə də, xoşbəxtlikdən sağ qalıb. Bununla belə, Səfərov arvadını ələ vermək istəməyib. Baş verənləri gizlətməyə çalışaraq xəstəxanada deyib ki, ailə münaqişəsi zamanı özü-özünü bıçaqla vurub.

Lakin Salahova reanimasiyaya gələrək ərinin qohumlarının üstünə atılıb və qışqıraraq deyib: "Onu mən vurmuşam, düz eləmişəm, lazım gəlsə, sizi də öldürəcəyəm".

Bu etirafdan sonra polis əməkdaşları Salahovanı saxlayıblar və ona ev həbsi veriblər. Sonra qadın dörd övladını evdə tək qoyaraq, ev həbsindən qaçmalı olub. İki gündən sonra o saxlanılıb və həbs edilib. Salahova məhkəmənin qərarı ilə 4 il 3 ay müddətinə həbs cəzasına məhkum edilib.

O zaman dörd uşaq (iki qız və iki oğlan) məsuliyyətsiz böyüklərin əlində oyuncağa çevrilib. Dördüncü ildir ki, onların əzabları davam edir. Lazımsızlıq hissi isə uşaqları daha da bədbəxt edir.

Böyük uşaqları (cinayət törədilən vaxt qızların 8-12 yaşları var idi) Azərbaycan Uşaqlar Birliyinin sığınacağına veriblər. Ata özü ilə yalnız oğlanları götürüb. Səfərov hər şeydən əlavə arvadının ona xəyanət etdiyini də öyrənib. Belə ki, həbsdən sonra Salahovanın mobil telefonunu onun ərinə veriblər. Telefona naməlum kişidən SMS-lər gəlib. Həmin şəxs qadının əlaqəyə çıxmamasından narahat olduğunu yazırmış.

Həmin vaxt Səfərov özünü Salahova kimi təqdim edərək, həmin kişi ilə görüş təyin edib. Görüş zamanı Səfərov kişini döyüb və onu arvadı ilə hansı münasibətlərdə olduğu barədə danışmağa məcbur edib. Kişi deyib ki, aralarında heç bir cinsi münasibət olmayıb. Lakin o, bunun baş verəcəyinə ümid edirmiş.

O da məlum olub ki, Salahova sadəcə, kişidən istifadə edirmiş. Onunla restoranlarda görüş təyin edərək, qonaqlığa görə hesabı ödədirmiş.

Səfərov bütün bunları öyrənəndən sonra arvadını boşamaq üçün məhkəməyə müraciət edib. Həmin məhkəmə prosesi haqqında Azərbaycan KİV-ləri çox yazıb.

Qeyd edək ki, Salahova 15 yaşında Səfərova qoşulub qaçıb. O, eynilə öz anasının yolunu gedib. Onun anası da uzun illər əvvəl öz ərini bıçaqla öldürüb.

Boşandıqdan sonra Səfərov ikinci dəfə ailə qurub. Onun böyük qızının 15, kiçik oğlunun isə 5 yaşı var. Dəmir barmaqlıqlar arasında Salahova dəfələrlə özünü öldürməyə cəhd edib. Lakin bütün cəhdləri uğursuz olub.

Bu yaxınlarda onu vaxtından əvvəl azadlığa buraxıblar. Bundan sonra qadın böyük qızlarını öz yanına aparıb. Amma beş gün bundan əvvəl — avqustun 25-də onu küçədə onu avtomobil vurub. Qadın avqustun 28-də aldığını zədədən dünyasını dəyişib. Hüquq-mühafizə orqanları qadının bu yolla özünə qəsd etdiyini istisna etmir.

"Ən dəhşətlisi isə odur ki, dörd il əvvəl baş verən insident zamanı Salahova 12 yaşlı böyük qızını atasına qarşı cinayət işlətməyə təhrik edib. O, qızını cinayəti öz boynuna götürməyə məcbur etməyə çalışıb. Düşünüb ki, bu yolla cinayət məsuliyyətindən qaça biləcək, uşağı isə heç kəs məsuliyyətə cəlb etməyəcək. Qadın cinayəti törədəndən sonra qanlı bıçağı qızına verərək onu yuyub gizlətməyi tapşırıb. Uşaqlar öz analarından çox qorxublar" — deyə hüquq müdafiəçisi bildirib.

Reabilitasiya dövründə uşaqlara qarşı digər işgəncə faktları da üzə çıxıb. Hüquq müdafiəçiləri öyrəniblər ki, ana uşaqlarını döyürmüş və onları anasının ərinə başqa kişilərlə xəyanət etdiyi barədə susmağa məcbur edirmiş.

"Ataları ikinci dəfə evlənəndə uşaqlara elə gəlib ki, onlar yenidən öz ailələrinə qovuşublar. Ögey ana uşaqları öz yanına aparıb və onlar bu qadına bağlanıblar. Lakin qadın çox tez ögey uşaqlardan və ərindən yorulub. О, ailəsini buraxaraq gedib" — deyə Ağazadə bildirib.

Hazırda ata dörd uşağın məsuliyyətini boynuna götürmür. Uşaqları gah sığınacaqdan götürürlər, gah da yenidən buraxırlar. Bu, artıq birinci dəfə deyil. Bütün bunların uşaqlar üçün necə travma olduğunu anlatmaq çətindir. İndi onlar yenidən heç kəsə lazım deyillər. Belə xoşagəlməz uşaqlıq çətin ki, onların işıqlı gələcəyinin qarantı olsun.

14933
Teqlər:
bıçaq, arvad, ər, kişi, ailə, cinayət, qadın, uşaq, həbs
Əlaqədar
Lənkəranda qorxunc hadisə baş verdi, 2 kişi birləşib 3 qadını döydü
Kişi işə qadın geyimində getdi - SƏBƏB
Bakıda intiharların qarşısı alındı: Qadın və kişi son anda xilas edildilər
Kişilər ancaq belə qadınlara aşiq olur
Qadınlar kişilərdən daha çox buna üstünlük verir…
Azərbaycanda qadınlarla kişilərin əməkhaqları arasında fərq var - RƏSMİ

Qəbul imtahanlarında pulsuz iştirak edəcək vətəndaşların siyahısı genişləndirilib

6
Yeni Sərəncamla ali və orta ixtisas təhsili müəssisələrinə qəbul imtahanlarında iştirakı dövlət büdcəsinin vəsaiti hesabına həyata keçirilən kateqoriyaya aid vətəndaşların siyahısı daha da genişləndirilib.

BAKI, 7 may - Sputnik. Ali və orta ixtisas təhsili müəssisələrinə tələbə qəbulunu stimullaşdırmaq və əhalinin sosial müdafiəsini daha da gücləndirmək məqsədi ilə “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli Sərəncamında dəyişiklik edilib.

Bu barədə Dövlət İmtahan Mərkəzindən (DİM) məlumat verilib.

Dəyişikliyə əsasən “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli 2694 nömrəli Sərəncamının (Azərbaycan Respublikasının Qanunvericilik Toplusu, 2017, № 2, maddə 271) 1.2-ci bəndinin sonunda nöqtə işarəsi nöqtəli vergül işarəsi ilə əvəz olunub və aşağıdakı məzmunda 1.3 – 1.7-ci bəndlər əlavə edilib:

“1.3. Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin uşaqları;

1.4. şəhid ailəsinin üzvləri;

1.5. valideynlərini itirmiş və valideyn himayəsindən məhrum olmuş uşaqlar;

1.6. məcburi köçkün statusu olan şəxslər;

1.7. I və II dərəcə əlilliyi müəyyən edilmiş şəxslər, o cümlədən sağlamlıq imkanları məhdud 18 yaşınadək uşaqlar.”.

Beləliklə, yeni Sərəncamla ali və orta ixtisas təhsili müəssisələrinə qəbul imtahanlarında iştirakı dövlət büdcəsinin vəsaiti hesabına həyata keçirilən kateqoriyaya aid vətəndaşların siyahısı daha da genişləndirilib.

Xatırladaq ki, “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli Sərəncamına əsasən orta ixtisas təhsili müəssisələrinə və ali təhsil müəssisələrində ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı DİM-in keçirdiyi imtahanlarda iştirak etmək üçün Tarif (qiymət) Şurasının müəyyən etdiyi qiymətlərə uyğun olaraq, ümumi təhsil müəssisələrini bitirən aşağıdakı kateqoriyadan da olan Azərbaycan Respublikası vətəndaşlarının imtahanlarda iştirakı üçün tələb edilən məbləğin ödənilməsi dövlət büdcəsinin vəsaiti hesabına həyata keçirilir:

1.1. ilk dəfə orta ixtisas təhsili müəssisələrinə tələbə qəbulu ilə bağlı imtahanda iştirak üçün müraciət etmiş abituriyentlər;

1.2. ilk dəfə ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı imtahanda iştirak üçün müraciət etmiş abituriyentlər.

6
WhatsApp loqosu, arxiv şəkli

"Whatsapp"a tamam, yoxsa davam - sosial şəbəkəyə hansı məlumatlarımız lazımdır?

18
(Yenilənib 19:47 07.05.2021)
"Əgər bu şərtlərlə razılaşmaq istəmirsinizsə, o zaman "Telegram", "Signal" və bu kimi digər paltformalardan isitfadə etmək olar. Lakin bununla bilmək olmaz ki, həmin platformalar da gələcəkdə bu siyasətdən istifadə edəcək, ya yox" - Fərid Pərdəşünas.

Nigar İsgəndərova, Sputnik Azərbaycan

BAKI, 7 may — Sputnik. "Whatsapp"la bağlı yayılan xəbərlər əslində səhv başa düşülür. Burada məlumatların ötürülməsindən söhbət getmir. 

Lakin istifadəçilər elə bilirlər ki, bu sosial şəbəkədəki şəxsi məlumatlar, video və fotolar yayılır, xeyr".

Bu barədə Sputnik Azərbaycan-a açıqlamasında texnobloger Fərid Pərdəşünas son günlər adıçəkilən sosial şəbəkənin idarəetmə sistemindəki dəyişikliklər, mesajların, şəxsi məlumatların yayılmasına münasibət bildirərkən deyib.

O, "Whatsapp" tərəfindən "Facebook"a ötürüləcək məlumatlara isə bu cür aydınlıq gətirib:

"Burada söhbət ad, soyad, şəxsin sonuncu dəfə onlayn olma vaxtı, sosial şəbəkədəki davranış tarixçələrindən gedir. Yəni şəxs hansı müddətdə bu sosial şəbəkəyə daxil olur və s. bu tip məlumatlar "Whatsapp" tərəfindən "Facebook"a göndərilir və reklam alətlərində, "Whatsapp Biznes"də bizneslərin optimallaşdırılması, hədəf auditoriyalarının müəyyən olunmasında istifadə olunacaq. Yəni fərdi məlumatların ötürülməsi ilə bağlı heç bir təhlükə yoxdur".

Həmsöhbətimiz deyir ki, bu proses illərdir belə davam etsə də, artıq sosial şəbəkə bunu rəsmi olaraq elan etməyə başlayıb: "Sosial şəbəkə istifadəçilərə öncədən bu haqda məlumat verir. Bu, əslində, belə olmalıdır və istifadəçilər bununla razılaşmalıdırlar. Bu səbəbdən düşünürəm ki, platforma dəyişməyə, başqa sosial şəbəkə platformasına axın etməyə, söz-söhbət yaratmağa ehtiyac yoxdur. Əgər bu şərtlərlə razılaşmaq istəmirsinizsə, o zaman "Telegram", "Signal" və bu kimi digər paltformalardan isitfadə etmək olar. Lakin bununla bilmək olmaz ki, həmin platformalar da gələcəkdə bu siyasətdən istifadə edəcək, ya yox".

18
Teqlər:
istifadəçi, ekspert, siyasət, yeni, "Whatsapp"
Qanvermə, arxiv şəkli

Mütəmadi olaraq qan vermək infarkt xərçəng riskini azaldır

0
(Yenilənib 23:15 07.05.2021)
Mütəmadi qan vermək həm də vaxtaşırı mini check-up-dan keçmək deməkdir. Çünki qan verməmişdən əvvəl donordan müxtəlif analizlər götürülür.

BAKI, 7 may — Sputnik. Mütəmadi şəkildə qan vermək infarkt və xərçəng riskini azaldır, ürək-damar xəstəliklərinin qarşısını alır, xolesterolu və qandakı şəkərin səviyyəsini normallaşdırır. Bu barədə Türkiyə Səhiyyə Elmləri Universitetinin müəllimi, hematologiya üzrə mütəxəssis, professor Erdal Kurtoğlu Anadolu Agentliyinə müsahibəsində bildirib. Onun sözlərinə görə, qan vermək hüceyrələrin yenilənməsinə səbəb olur.

Donorlardan alınan qanın fərqli komponentlərə ayrıldığını bildirən professor qeyd edib ki, beləliklə, könüllü şəkildə verilən hər vahid qan eritrosit, trombosit və plazma şəklində üç nəfərin həyatını xilas edir.

Kurtoğlu onu da bildirib ki, qan vermək üçün maneə yaratmayan hər hansı bir sağlamlıq problemi olmayan 18-65 yaş arası hər kəs donor kimi qan verə bilər.

Temperaturun yüksəlməsi ilə müşayiət olunan xəstəlik keçirən insanlardan isə ən azı 2 həftə qan alınmamalıdır. Bundan başqa, cərrahiyyə əməliyyatı keçirənlərin, akupunktura, döymə, və pirsinq etdirənlərin də 12 ay ərzində donor kimi qan verməsi qadağandır.

"Kişilər 90 gündən bir, qadınlar isə 120 gündən bir donor kimi qan verə bilərlər", – deyə professor qeyd edib.

Mütəxəssis onu da bildirib ki, COVID-19-a qarşı peyvənd olunanlar da donor kimi qan verə bilərlər. Özü də bunun üçün peyvəndin üstündən müəyyən müddətin keçməsinə ehtiyac yoxdur.

Kurtoğlu qan donorluğunun insanlara mənəvi rahatlıq bəxş etdiyini də bildirib.

"Mütəmadi qan donorluğunu tövsiyə edirik. Çünki bunun infarkt və xərçəng riskini azaltması, qan-damar xəstəliklərinin qarşısını alması, xolesterolu və qan şəkərini balanslaşdırmasına dair tibbi məlumatlar mövcuddur. Bundan başqa, mütəmadi qan vermək həm də vaxtaşırı mini check-up-dan keçmək deməkdir. Çünki qan verməmişdən əvvəl donordan müxtəlif analizlər götürülür. Ən əsası isə qan vermək, beləliklə də, insanlara faydalı olduğunu bilmək adama mənəvi rahatlıq bəxş edir", – deyə o vurğulayıb.

0