Cənub bölgəsində baş vermiş zəlzələdən ziyan çəkmiş evlər

Zəlzələ bölgəsindən son xəbər gəldi: Yüzlərlə evə ziyan dəyib FOTO, VİDEO

3950
(Yenilənib 20:46 29.08.2018)
“Zəlzələnin yenidən baş verə biləcəyindən ehtiyatlanan sakinlərin bəzisi gecəni həyətlərində keçiriblər”

Rahim Zakiroğlu, Spunik Azərbaycan

BAKI, 29 avqust — Sputnik. Ötən gün axşam saatlarında Cənub bölgəsində baş verən 5 baldan yuxarı zəlzələ nəticəsində Lənkəran, Lerik və Astara rayonlarında yüzlərlə evə ziyan dəyib. Sputnik Azərbaycan-ın bölgə müxbiri xəbər verir ki, ziyan dəymiş evlərin əksəriyyəti sözügedən rayonların dağ kəndlərində yerləşir.

Lerik Rayon Fövqəladə Hallar Komissiyasının sədri Habil Məlikovun Sputnik Azərbaycan-ın bölgə müxbirinə verdiyi məlumata görə, ötən gün Lerik rayonu ərazisində baş vermiş zəlzələdən sonra 40-a yaxın yaşayış evində iri və xırda çatlar yaranması ilə bağlı bir sıra müraciətlər daxil olub. Bununla əlaqədar Rayon Fövqəladə Hallar Komissiyası, Rayon İcra Hakimiyyətinin başçısı və müvafiq orqanlar səfərbər olublar.

Qurum rəsmisi deyib ki, hazırda rayondakı zəlzələdən sonrakı vəziyyət analiz edilir,  bununla əlaqədar bütün ərazi nümayəndələri, müvafiq qurumlar vətəndaşların müraciətlərini araşdırırlar: “İlkin məlumatlara görə, 40-a yaxın köhnə tikililərdə çatlar artıb, digər tikililərə ziyan dəyməyib. Ümumilikdə, dünən baş verən zəlzələ nəticəsində rayon ərazisində ciddi fəsadlar olmayıb”.

  • Cənub bölgəsində baş vermiş zəlzələdən ziyan çəkmiş evlər
    Cənub bölgəsində baş vermiş zəlzələdən ziyan çəkmiş evlər
    © Sputnik / Rahim Murad
  • Cənub bölgəsində baş vermiş zəlzələdən ziyan çəkmiş evlər
    Cənub bölgəsində baş vermiş zəlzələdən ziyan çəkmiş evlər
    © Sputnik / Rahim Murad
  • Cənub bölgəsində baş vermiş zəlzələdən ziyan çəkmiş evlər
    Cənub bölgəsində baş vermiş zəlzələdən ziyan çəkmiş evlər
    © Sputnik / Rahim Murad
  • Cənub bölgəsində baş vermiş zəlzələdən ziyan çəkmiş evlər
    Cənub bölgəsində baş vermiş zəlzələdən ziyan çəkmiş evlər
    © Sputnik / Rahim Murad
  • Cənub bölgəsində baş vermiş zəlzələdən ziyan çəkmiş evlər
    Cənub bölgəsində baş vermiş zəlzələdən ziyan çəkmiş evlər
    © Sputnik / Rahim Murad
1 / 5
© Sputnik / Rahim Murad
Cənub bölgəsində baş vermiş zəlzələdən ziyan çəkmiş evlər

Lənkəran şəhərinin ərazisində isə bir sıra hündür mərtəbəli binaların divarlarında çatlar yaranıb.

Lənkəran Rayon İcra Hakimiyyətindən Sputnik  Azərbaycan-ın bölgə müxbirinə bildirilib ki, rayonun Təngivan, İstisu qəsəbəsi, Mollakənd, Əşlə, Şovu, Siyablı, Diryan, Lüvəsər, Rvo kəndlərinin sakinləri tərəfindən müraciətlər olub: “Zəlzələ nəticəsində 100-ə yaxın evdə müxtəlif çatlar əmələ gəlib. Əşlə kəndi ərazisində isə 3 ev qəzalı vəziyyətə düşüb. Qəzalı evlərin çoxu ötən əsrin 90-cı illərində inşa edilən evlərdir, həmçinin həmin evlərə əlavə edilmiş hissələrdir”.

Rayon İcra Hakimiyyətindən onu da qeyd ediblər ki, dünən axşam saatlarında Fövqəladə Hallar Komissiyası təşkil edilib və komissiya üzvləri səfərbər edilib, ərazilərə baxış keçirilir.

Astara rayonunun dağ kəndlərinin sakinlərinin bildirdiklərinə görə isə rayon ərazisində 20-ə yaxın evə ziyan dəyib.

Astaranın Miki kəndinin 49 yaşlı sakini Sədulla Nabatov Sputnik Azərbaycan-ın əməkdaşına indiyədək belə zəlzələ görmədiyini bildirib: “Axşam, təxminən saat 5 idi, oturmuşdum evdə, bir də gördüm ki, ev gedir, elə bildim, dünya dağılır. Ətrafda qonşular qışqır-bağır salmışdılar. Baxdım ki, evdə çatlar əmələ gəlib. Ev 3 otaqlıdır,  1990-cı ildə gildən tikmişəm. Evdə 7 nəfər sakin yaşayır. Evdəkilərin yarısı qorxudan gecəni həyətdə keçirdi”.

S.Nabatov evinin damına da ciddi ziyan dəydiyini deyib.

Rayonun Siyəku kənd sakini Məhəmməd Babayev isə deyir ki, evinə ilk dəfə 1996-cı ildə baş verən zəlzələ nəticəsində ciddi ziyan dəyib: “Göz qabağındadır, 7 nəfər külfətlə həyətdə üzüm tənəyinin altında yatmışıq. Evin damının arxa tərəfdən böyük hissəsi çöküb. Evdə yenidən irili-xırdalı çoxlu çatlar əmələ gəlib. Xahiş edirəm ki, mənə kömək etsinlər, evimi təmir edim”.

Kənd sakini Məhəmməd Babayev yaşadığı kənddə 5-dən çox evə ziyan dəydiyini bildirib. Onun yaxın qonşusu Nabatəli Abdulovun evinin isə acınacaqlı vəziyyətdə olduğunu deyib.

Məlumat üçün bildirək ki, zəlzələnin yenidən baş verə biləcəyindən ehtiyat edən bəzi sakinlər gecəni həyətlərində keçiriblər.

3950
Teqlər:
Lənkəran, Astara, Lerik, dağılma, ziyan, evlər, çat, zəlzələ, cənub bölgəsi
Əlaqədar
Görün, zəlzələ Lerikə necə ziyan vurub
SON DƏQİQƏ: Azərbaycanda zəlzələ baş verdi
Oğlan, arxiv şəkli

Kişilər daha çox intihara meyillidir - Komitə sədri

4
(Yenilənib 18:28 26.02.2021)
Amma cəmiyyət müzakirə edərkən daha çox qadınlara üstünlük verir. Zorakılıq göstərənlər əsas hədəf qrupları olmalıdır. Bununla bağlı layihələrimiz davam edir" - Bahar Muradova

BAKI, 26 fevral — Sputnik. "Təəssüf ki, bizim cəmiyyətdə zorakılıq hadisələri və gizli gedən proseslərlə bağlı insanlarımızın xidmətlərdən istifadəsi az olur. Bu da milli-mənəvi dəyərlər və məsələyə fərqli baxışla bağlıdır. Bunun üçün bu sahədə xidmətin dairəsini genişləndirməli və biz bu prosesə bütün cəmiyyət olaraq qoşulmalıyıq".

Sputnik Azərbaycan-ın xəbərinə görə, bunu jurnalistlərə açıqlamasında Ailə, Qadın və Uşaq Problemləri üzrə Dövlət Komitəsinin sədri Bahar Muradova deyib. B.Muradovanın sözlərinə görə, intiharlara bağlı rəqəmlər yüksəkdir: "Azərbaycanda təkcə erkən nikah deyil, bir sıra məsələlər var ki, haqlı narazılıq, narahatlıq doğurur. Bəzən dərdini açıq demək, şikayət etmək ənənəsini normal qəbul etmirlər".

"Heç kəs bu məsələlərə biganə qalmamalıdır. Daşlaşmış stereotipləri müasir cəmiyyətin tələbi ilə dəyişmək lazımdır. Təəssüf ki, istədiyimiz nəticəni ala bilmirik", - deyə komitə sədri əlavə edib.

O son dövrlər bu vəziyyətin dünya üzrə acınacaqlı olmasının səbəbilərinin pandemiya ilə əlaqəli olduğunu bildirib. Komitə sədrinin sözlərinə görə, qadınlarla müqayisədə kişilər daha çox intihara meyl edir: "Amma cəmiyyət müzakirə edərkən daha çox qadınlara üstünlük verir. Zorakılıq göstərənlər əsas hədəf qrupları olmalıdır. Bununla bağlı layihələrimiz davam edir".

4
Xocalı soyqırımı qurbanlarının xatirəsini anım mərasimi, 26 fevral 2021-ci il

Müdafiə Nazirliyinin rəhbər heyəti Xocalı soyqırımı abidəsini ziyarət edib

5
Xocalı soyqırımı abidəsinin önünə gül dəstələri qoyulub və faciə qurbanlarının xatirəsi ehtiramla yad edilib.

BAKI, 26 fevral — Sputnik. Müdafiə Nazirliyinin rəhbər heyəti Xocalı soyqırımı abidəsini ziyarət edib

Fevralın 26-da Xocalı soyqırımının 29-cu ildönümü ilə əlaqədar müdafiə naziri, general-polkovnik Zakir Həsənov və Nazirliyin rəhbər heyəti Xocalı soyqırımı abidəsini ziyarət edib.

Bu barədə Sputnik Azərbaycan-a Müdafiə Nazirliyindən məlumat verilib.

Abidə önünə gül dəstələri qoyulub və faciə qurbanlarının xatirəsi ehtiramla yad edilib.

5
İlham Əliyev

"10 noyabr bəyanatı de-fakto sülh müqaviləsidir" - Prezident

0
(Yenilənib 18:59 26.02.2021)
Azərbaycan Prezidentinin sözlərinə görə, Ermənistan tərəfinin yanaşması dəyişərsə, təmasların möhkəmlənməsi istiqamətində işlər görüləcə

BAKI, 26 fevral — Sputnik. "Erməni tərəfi baş nazirin simasında Prezident Putinin sözlərinə qulaq asmırdı. O özü də bunu mənə şəxsən deyib. Müharibə dövründə dəfələrlə təmasda olmuşuq. Təbii ki, Ermənistanın baş naziri ilə bizim birbaşa təmasımız yox idi və yoxdur. Lakin Prezident Putinin vasitəsilə biz bir-birimizə müxtəlif mesajlar ötürürdük və onun sözlərinə baş nazir qulaq asmırdı və beləliklə vəziyyəti elə pisləşdirdi ki, kapitulyasiya aktını hansısa qaranlıq otaqda imzalamalı oldu".

Sputnik Azərbaycan-ın məlumatına görə, bunu Azərbaycan Prezidenti İlham Əliyev bu gün yerli və xarici jurnalistlər üçün videoformatda keçirdiyi mətbuat konfransında deyib.

"Bizim siyasətimiz birmənalıdır. Biz sülhə köklənmişik. Bizə müharibə lazım deyildi, bu məcburi tədbir idi və bu tədbir illərdir sürən, 30 ildir sürən danışıqlardan daha effektiv oldu", - dövlət başçısı bildirib.

Azərbaycan Prezidentinin sözlərinə görə, Ermənistan tərəfinin yanaşması dəyişərsə, təmasların möhkəmlənməsi istiqamətində işlər görüləcək: "Əgər düşündüyümüz kimi hər şey davam etsə, hansısa mərhələdə sülh müqaviləsinin imzalanmasını istisna etmirik. Çünki de-fakto 10 noyabr bəyanatı mahiyyətcə sülh müqaviləsidir. Sülh müqaviləsində başqa nə olur ki? Bir tərəf digərini məğlub edir. Digər tərəf kapitulyasiya aktını imzalayır".

0