Yaşayış binasının tikintisi, arxiv şəkli

DİQQƏT: Yeni yaşayış binalarında vətəndaşları belə aldadırlar, həm təhlükə yaranacaq

8684
(Yenilənib 18:08 29.08.2018)
"Rəsmi qurum yeni tikiləcək binaların icazəsini vermədən öncə mənzillərin layihələri ilə tanış olmalı, vətəndaşların istəyinə və ciblərinə uyğun qərarlar verməlidir"

İradə Cəlil, Sputnik Azərbaycan

BAKI, 28 avqust — Sputnik. Yeni tikilən binaların inşasına qədər sovet dövründə tikilmiş binalarda qəbul olunmuş standart mənzil layihələri var idi. Bu layihələrdə mənzillərin işıqlanmasından tutmuş havalandırmasına qədər hər bir detal nəzərdə tutulurdu. İstər eyvan, istər dəhliz, istərsə də otaqların ölçüləri otaq sayına uyğun olaraq hesablanırdı.

Hətta, yeni tikililərin inşa edildiyi ilk illərdə belə, bu layihələr yenilənərək daha məqsədəuyğun formada tikintilərdə istifadə olunurdu. Son 10 il ərzində isə tikinti şirkətlərinin bir çoxu tikilən binalarda layihələrin standartlara uyğun olmasına deyil, hansı formada olursa-olsun, daha çox mənzil yerləşdirməyə üstünlük verir.

Bəs, bu, gələcəkdə mənzil sahibləri üçün nə kimi problemlər yarada bilər? Sputnik Azərbaycan-ın məsələ ilə bağlı sualını tikinti eksperti Elnur Fərzəliyev cavablandırıb.

Fərzəliyev bildirib ki, son zamanlar tikilən yeni binalarda mənzillər hər hansı layihə üzrə tikilmir: "Əvvəllər "Stalinka", "Leninqrad", "Xruşovka" layihələrini indi heç bir layihə əvəz etmir. Hətta çox zaman mənzillər alıcılara ara divarları hörülmədən, azad sahələrlə satılır. Bu isə öz növbəsində müəyyən problemlərə səbəb olur".

Ekspertin fikrincə, mənzillərdə ara divarların hər kəsin istədiyi formada tikilməsi gələcəkdə yüklənmiş binanın tarazlığının pozulmasına gətirib çıxara bilər: "Standartlarda ara divarların tikilməsi beton kəmərlərin üstündə nəzərdə tutulub. Amma bu standartlar pozularaq, arakəsmə divarları istəyə uyğun olaraq sakinlər tərəfindən müxtəlif formalarla bölünür. Mənzil daxilində bəzən layihə dəyişildikdə mətbəxin, hətta sanitar qovşaqların yerləri dəyişdirilir".

"Köhnə tikililərdə ən böyük 1 otaqlı mənzilin ümumi sahəsi 40 kvadratmetr olan mənzillərdə yaşayış sahəsi 24 kvadratmetr götürülürdü. Yeni tikililərdə isə bəzən 1 otaqlı mənzilin ümumi sahəsi 75 kvadmetr, yaşayış sahəsi isə 18 kvadratmetr hesablanır. Hansı ki, həmin 75 kvadratmetr sahə köhnə tikililərdə 3-otaqlı mənzillər üçün nəzərdə tutulurdu" – deyə o, əlavə edib.

E.Fərzəliyev bildirib ki, hazırda yeni inşa edilən binalarda normadan artıq eyvanlar, dəhlizlər, əlavə sanitar qovşaqları üçün yer ayrılır. Və bu artıq və gərəksiz sahələrin hər kvadratmetri böyük pullarla hesablanaraq alıcı tərəfindən tikinti şirkətlərinə ödənilir.

Tikinti eksperti Elnur Fərzəliyev
Tikinti eksperti Elnur Fərzəliyev

Ekspert onu da diqqətə çatdırıb ki, yeni tikilən mənzillərlə bağlı digər bir problem də mövcuddur: "Belə ki, vətəndaşların müqavilə ilə tam ödəniş edib aldıqları mənzillərdəki ümumi kvadratura faktiki sahə və çıxarışdakı sahə ilə uyğun gəlmir. Məsələn, alıcı müqavilə ilə 100 kvadratmetrlik mənzilin pulunu ödəyir. Çıxarış verilən zaman isə orada 100 kvadratmetr deyil, həmin kvadratdan 10-15 faiz, hətta daha az sahə yazılır. Bu, o deməkdir ki, alıcıya mənzil üçün ödədiyi məbləğdən 10-15 faiz daha artıq məbləğ ödətdirilir".

Fərzəliyev ümid edir ki, bundan sonra Dövlət Şəhərsalma və Arxitektura Komitəsi tərəfindən bu məsələlər nəzərə alınacaq: "Düşünürəm ki, Komitə yeni tikiləcək binaların icazəsini vermədən öncə mənzillərin layihələri ilə tanış olmalı, vətəndaşların istəyinə və ciblərinə uyğun qərarlar verməlidir".

8684
Teqlər:
yeni, Elnur Fərzəliyev, tikili, alıcı, bina, mənzil, ekspert, şirkət, layihə
Əlaqədar
Prezidentdən vətəndaşlara mənzil müjdəsi
Güzəştli mənzillərin satılacağı tarix və qiymətləri açıqlandı
Güzəştli mənzillərlə bağlı yeni xəbər var
Güzəştli mənzil müəmması böyüyür: Texniki nasazlıq, yoxsa...
Kitabxanada qız, arxiv şəkli

"Tıq-tıq xanım" nağılı ingilis dilinə tərcümə edilib

2
(Yenilənib 23:09 26.02.2021)
Tofiq Bakıxanovun İsveçdə yaşayan nəvəsi Nadim Əliyev Abdulla Şaiqin 140 illik yubileyi ilə bağlı maraqlı bir təşəbbüs göstərərək ədibin uşaqlar üçün qələmə aldığı "Tıq-tıq xanım" nağılını ingilis dilinə tərcümə edib

BAKI, 27 fevral — Sputnik. Abdulla Şaiqin 140 illik yubleyi ilə bağlı "Tıq-tıq xanım" nağılı ingilis dilinə tərcümə edilib.

Sputnik Azərbaycan xəbər verir ki, görkəmli Azərbaycan bəstəkarı Tofiq Bakıxanovun İsveçdə yaşayan nəvəsi Nadim Əliyev Abdulla Şaiqin 140 illik yubileyi ilə bağlı maraqlı bir təşəbbüs göstərərək ədibin uşaqlar üçün qələmə aldığı "Tıq-tıq xanım" nağılını ingilis dilinə tərcümə edib.

Nağılın ingilis dilində tərcüməsi kitab formatına salınıb. Kitabdakı illüstrasiyaların müəllifi Aleks Bjelicadır.

2
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

6
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

6