Ov tüfəngi, arxiv şəkli

Ağdaşda karate müəllimi 500 manata görə öldürülüb

189
(Yenilənib 00:23 12.08.2018)
İncik düşən İbadov silah dalınca gedib və geri qayıdıb İsmayılovu güllələyib.

BAKI, 11 avqust — Sputnik. Ağdaş rayonunda karate müəllimi pula görə qətlə yetirilib. Bu barədə məlumat Sputnik Azərbaycan-a Ağdaş rayon Polis Şöbəsindən verilib.

Müəllimi qətlə yetirən Hüseyn İbadov könüllü olaraq polisə təslim olub.

Qeyd edək ki, yerli KİV-in yaydığı məlumata görə, avqustun 9-u Qaradağlı kəndi yaxınlığında yerləşən qəbiristanlıqda Ağdaş şəhər sakini, karate üzrə məşqçi Nizami İsmayılov öldürülüb. Bildirilirdi ki, cinayətin törədilməsinə səbəb iki ailə arasında uzun müddət davam edən münaqişə olub.

Rayonda olduqca məşhur olan karate müəllimi İsmayılov əvvəllər bir zərbə ilə bir şəxsi öldürüb. Guya bu da qan davasının yaranmasına səbəb olub. Bu səbəb görə öldürülən və qətl törədən şəxsin ailələri arasında dəfələrlə münaqişə yaşanıb.

Lakin polisdən bildirilib ki, müəllimin öldürülməsi bu hadisə ilə bir bağlılığı yoxdur. İsmayılovun bir neçə il əvvəl bir zərbə ilə adam öldürdüyü düzdür, lakin həmin vaxt öldürülən şəxs avqustun 9-u saxlanılan Hüseyn İbadovun yaxını olmayıb.

Bundan əlavə, İbadovun öldürülən şəxslə bir tanışlığı olmayıb. O, başqa şəhərdə yaşayıb.

İbadov və İsmayılov arasında münaqişə pul üstündə yaşanıb. Ötən ilin martında İbadov İsmayılova 500 manat borc pul verib. Bir ildən artıq keçməsinə baxmayaraq, karate müəllimi borcu qaytarmaq istəməyib. Görüş zamanı İbadov pulunu istəyərkən İsmayılov onu sərt şəkildə təhqir edib.

İncik düşən İbadov silah dalınca gedib və geri qayıdaraq İsmayılovu güllələyib.

Cinayət zamanı ov tüfəngindən istifadə olunub. İlkin sorğu zamanı İbadov istintaqa bildirib ki, silahı tapıb və nə vaxtsa lazım olacaq deyə onu saxlamağa qərar verib.

Faktla bağlı araşdırma aparılır.

189
Teqlər:
ov tüfəngi, karate, Ağdaş rayonu
Əlaqədar
Ağsuda faciə: 5 yaşlı uşaq anasını güllələyib
İt öz sahibini güllələyib
Bakıda həbsxanada insident: Əsgər əsgəri güllələdi
Rayonda müəllimi güllələdilər
Gəncədə müəllimi bıçaqladılar

Şəhid general-mayorla doğulduğu Qəbələdə izdihamlı vida

830
Azərbaycan-Ermənistan dövlət sərhədinin Tovuz rayonu istiqamətində gedən döyüşlərdə şəhid olan qəhrəman hərbçimiz, general-mayor Həşimov Poladın nəşi doğulduğu Qəbələnin Vəndam kəndinə gətirilib.

General-mayor Həşimov Polad İsrayıl oğlu qəhrəmanca şəhid olub. Onun nəşi doğulduğu Qəbələnin Vəndam kəndinə gətirilib. Məmləkətinə onunla vidalaşmaq imkanı yaradılıb.

Qeyd edək ki, şəhidimiz sabah paytaxtdakı İkinci Fəxri Xiyabanda son mənzilə yola salınacaq.

İyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.

Düşmən hücumunun qarşısını alarkən döyüşdə Azərbaycan Ordusunun  hərbi qulluqçuları çavuş Sadıqov Vüqar Lətif oğlu, baş əsgər Məmmədov Elşad Dönməz oğlu, baş leytenant Mahmudov Rəşad Rəşid oğlu, hərbi qulluqçumuz əsgər Daşdəmirov Xəyyam Məhəmməd oğlu, bu gün isə döyüş zamanı müdafiənin ön xəttində olan general-mayor Həşimov Polad İsrayıl oğlu, polkovnik Mirzəyev İlqar Anzor oğlu, mayor Əhmədov Namiq Hajan oğlu, mayor Novruzov Anar Gülverdi oğlu, gizir Zeynallı İlqar Ayaz oğlu, gizir Babayev Yaşar Vasif oğlu və müddətdən artıq həqiqi xidmət hərbi qulluqçusu, əsgər Mustafazadə Elçin Arif oğlu şəhid olub.

830
Buzovnada çimərlik, arxiv şəkli

Bəla gələndə tək gəlmir: Payızı gözləyək, vəziyyət bir az da pisləşə bilər

432
Psixoloq bildirir ki, karantin qaydalarının davam etməsi, yeni vərdişlərin formalaşması insanlarda müəyyən narahatlıqlar yaradıb.

Nigar İsgəndərova, Sputnik Azərbaycan

BAKI, 14 iyul — Sputnik. Hər il mövsümi olaraq payız aylarında insanlar müəyyən depressiya yaşayırlar. Mütəxəssislər bunu “payız depressiyası” adlandırırlar. Kimdəsə bu depressiya özünü daha sərt, kimdəsə daha yumşaq formada biruzə verir.

Bu ilin payızında isə depressiyanın daha kəskin olacağı proqnozlaşdırılır. Bunun da əsas səbəbi məhz sərt karantin qaydaları, insanları yayda belə, dincəlmədən evdə keçirməsi, qayğılarının daha da artması ilə izah olunur.

Mövcud pandemiya şəraitinin payızda depressiyaya səbəb olmaması nə edilməlidir?

Psixoloq Elnur Rüstəmov Sputnik Azərbaycan-a açıqlamasında deyib ki, bu, daha çox payızda karantin rejiminin hansı formada davam etməsindən asılı olacaq: "Ona görə də hələlik bununla bağlı proqnoz vermək, payızda depressiya artacaq demək tələskənlik olardı. Çünki sentyabrda dərslərin açılması, bundan sonra iş yerlərinin də qismən bərpası insanların əhval-ruhiyyəsinə müsbət təsir göstərə bilər. Buna görə də, düşünürəm ki, biz hələlik payıza yox, bu günə hazırlaşsaq daha yaxşı nəticələr əldə etmiş olarıq. Yəni, karantin qaydalarına əməl etsək, qaydaları pozmasaq, maska taxıb sosial məsafəni gözləsək, gigiyenik qaydalara əməl etsək, bütün bunlar da karantin rejiminin yumşalmasına köklənə bilər".

"Biz bu il nə yazı, nə də yayı normal hiss etdik. Lakin mövcud vəziyyət payızda da davam edərsə, bu bir çox psixoloji problemlərin yaranmasına rəvac verə bilər. Psixoloji problem dedikdə, yalnız depressiya nəzərdə tutulmamalıdır. Bura təşviş, aqressiya və bir çox psixoloji problemləri də əlavə edə bilərik. Karantin qaydalarının davam etməsi, yeni vərdişlərin formalaşması onsuz da insanlarda müəyyən narahatlıqlar yaradıb. Çünki ötən ilin yayı ilə bu ilin yayını müqayisə etdikdə həyatımızda nə qədər dəyişikliklərin olduğunu görə bilərik. Ötən il insanların hamısı dincəlmək üçün harasa üz tutmasalar da,  ən azı istədikləri vaxtda evdən çıxa bilirdilər. İnsanlar rahatlıqla həyətə düşə, parka gedə bilirdilər. İnsanların bir azadlıqları var idi, bu gün isə o azadlıq məhdudlaşdırılıb", - deyə psixoloq əlavə edib.

O bildirib ki, insanlar asanlıqla yeni davranış modelinə uyğunlaşmış olsaydılar, bəlkə də karantin qaydaları bu qədər sərt olmazdı: "Bir toplum olaraq yeni davranış modelini bu rejimdə qəbul etməkdə çətinlik çəkdik. Çünki biz əl verib görüşməyə, sosial məsafə gözləməməyə öyrəşmişdik. Düşünürəm ki, bu gün hökumət payızdan daha çox bu günə köklənib yoluxanların sayının azalması, sağalanların sayının artmasına nail olmağı hədəfləyib. Yəni, bu gün hökumət payızdan daha əvvəl iyul və avqustda vəziyyəti nəzarətə almağı hədəfləyib".

432