Narkotik vasitə, arxiv şəkli

Bakının narkobaron baroniçalarının 30 illik sirri çözüldü Unikal ailə

19114
(Yenilənib 10:07 06.08.2018)
Maraqlıdır, 30 il ərzində hüquq-mühafizə sistemini necə aldatmaq olar?

BAKI, 6 avqust — Sputnik. Bir neçə il qabaq Biləcəri qəsəbəsi ərazisində DYP əməkdaşı avtomobilimi saxlatdı. Sükan arxasından düşmədiyimi görüb özü yaxınlaşdı. Başını pəncərədən içəri salaraq salonun (həm də salonun) qoxusunu aldıqdan sonra sənədlərimi istədi.

Sənədlərimi təqdim etmədən məni hansı səbəbdən saxlatdığını soruşdum və fövqəladə bir cavab aldım: "Bayaqdan arxanızca gəlirəm. Olduqca diqqətli, qayda-qanunlara əməl edərək avtomobil idarə edirsiniz. Üstəlik, qəsəbə daxili yollarda nadir rast gəlinən qaydaya da əməl etmisiniz – təhlükəsizlik kəmərini taxmısınız. Hətta, hər döngədə dönmə işığından istifadə edirsiniz. Bir günahınız yoxdursa, niyə bu qədər ehtiyatlı olasınız ki?".

Təbii ki, bu cavabdan sonra mənim ona, sadəcə sənədləri yoxlamaq məqsədilə stasionar postda avtomobillərin saxlanmasına icazə olduğunu izah etməyim heç nəyi dəyişməyəcəkdi. Buna ehtiyac da yox idi, adam "Yol hərəkəti haqqında" Qanuna və DYP barədə təlimata ciddi mənbə kimi yanaşmırsa, mənim şifahi izahatım bir qulağından girib o birindən çıxacaqdı.

Nəysə, sözümün canı bunda deyil. Bu günlərdə oxudum ki, Nəsimi Rayon Polis İdarəsinin əməkdaşları keçirdikləri əməliyyat-axtarış tədbirləri nəticəsində "Kubinka" adlanan yerdə 30 ildən artıqdır yaşayan və narkotik ticarəti ilə məşğul olan ailənin narkotik kartelinə əl qoyublar. Və məlum olub ki, bu ailədə babadan-nəvəyə, nənədən-gəlinə, atadan-oğula, qızdan-kürəkənə qədər hər kəs narkotacir imiş. Baba, nənə və ata ("Damdayatan Nizam") öldükdən sonra ailədə bu "missiyanın" əsas ağırlığı "Damdayatan"ın iki qızının (Şəms Səmədova, Lamiyə Quliyeva) çiyninə düşübmüş.

"Bu ailə az adamı məhv eləməyib. Hüquq-mühafizə orqanlarına bacıların daimi müştərilərinin artıq dozadan öldüyü barədə hallar məlumdur. Asayiş keşikçiləri ara-sıra ailə üzvlərini tutsalar da, onlar məhkəmə orqanlarını aldada və azadlığa çıxa biliblər" — deyə hüquq-mühafizə orqanlarından bildiriblər.

… Bəli, 30 il. Yəni, ərazidə məmə deyəndən pəpə yeyənədək hamının tanıdığı bir ailə 30 il ərzində insanları zəhərləməklə məşğul olub. Tam 30 il həm yerli qanunvericiliyimiz, həm də beynəlxalq konvensiyalarda ən ağır cinayətlərdən biri kimi təsbit olunan əməllə məşğul olublar. Həm də hüquq-mühafizə orqanlarının gözünün önündə.

Əvvəl içimdə sual yarandı və bu abzasa əlavə etmək istədim ki, 30 il ərzində hüquq-mühafizə sistemini necə aldatmaq olar? Qonşunun bağından oğurladığın 1 kilo almanı aparıb bazarda alverçiyə satmaq deyil e, bu! Heç qaçaqmal siqaret alveri də deyil. İsmael Zambada Qarsianın Meksikada, Manuel Noryeqanın Panamada, Gilberto Rodrigez Orejuelanın Kolumbiyada, Klass Bruinsmanın Hollandiyada gördüyü işin balaca miqyasda eynisidir — narkotik biznesidir.

Amma sonra bu sualı açıq-aşkar səsləndirmək fikrindən daşındım. Çünki cavabı təxmin etmişdim. Görünür, həmin ailənin nümayəndələri 30 il ərzində bir dəfə də olsun öz fəaliyyətlərini gizlətməyiblər, özlərini qanunlara əməl, qaydalara riayət edən vətəndaşlar kimi aparmayıblar, cəzadan qorxu, cəmiyyətə ehtiram hərləməyiblər.

Lap elə hüquq-mühafizə orqanlarının gözünün içinə baxa-baxa: Ağdan alıb qaradan satıblar, yaşıldan qurudub "kakos"dan paylayıblar.

Bax, buna görə də heç vaxt diqqət çəkməyiblər. Yoxsa, mən ağılsız kimi qayda-qanuna əməl etsəydilər, durnanı gözündən vuran sahə müvəkkili iki günə o ailənin tifaqını dağıdardı…

19114
Teqlər:
"Damdayatan Nizam", qayda, DYP, yol polisi, ailə, ticarət, hüquq-mühafizə orqanları, polis, qanun, narkotik, cəza, avtomobil
Əlaqədar
Paytaxtda daha bir narkoman sürücü ifşa edildi
Polislər qeyri-adi narkokuyeri saxladılar - VİDEO
Astara sakini narkotiki sata bilmədi
Astara sakinindən 125 kiloqram narkotik götürüldü
Azərbaycanlı narkotacirlərə qarşı əməliyyat: Onları ömürlük həbs gözləyir - VİDEO
Gömrükdə yoxlanıldı, qarnında “narkotik anbarı” tapıldı
Bakıda tibbi maska taxmış şəxs, arxiv şək

Bakıda koronavirusa ən çox yoluxma bu rayondadır

4
(Yenilənib 12:09 30.10.2020)
Binəqədidə koronavirusa yoluxma 14.6 faiz, Xətaidə 12.7 faiz, Yasamalda 11.6 faiz, Sabunçuda 11.5 faiz, Nəsimidə 8.6 faiz təşkil edib.

BAKI, 30 oktyabr — Sputnik. Bakının rayonları üzrə koronavirusa yoluxma statistikası açıqlanıb. Sputnik Azərbaycan-ın "koronavirus.info" saytına istinadən məlumatına görə, hazırda ən yüksək yoluxma Binəqədi rayonundadır.

Belə ki, Binəqədidə koronavirusa yoluxma 14.6 faiz, Xətaidə 12.7 faiz, Yasamalda 11.6 faiz, Sabunçuda 11.5 faiz, Nəsimidə 8.6 faiz, Nərimanovda 8.0 faiz, Suraxanıda 8.0 faiz, Nizamidə 7.2 faiz, Qaradağda 6.7 faiz, , Xəzərdə 5.9 faiz, Səbaildə 4.8 faiz, Pirallahıda 0.3 faiz təşkil edib.

4

Uşaq bağçalarında tədris bərpa edilmir

17
"Bağçalarda onlayn təhsil mümkün olmadığına görə tədris bərpa edilmir. Amma hansısa bağça onlayn şəkildə fəaliyyət göstərmək istəyərsə, burada qeyri-qanuni nəsə yoxdur"

BAKI, 30 oktyabr — Sputnik. Məktəbəqədər təhsil müəssisələri və uşaq bağçalarının fəaliyyəti ənənəvi formada bərpa edilmir. Sputnik Azərbaycan-ın məlumatına görə, bunu Təhsil naziri Emin Əmrullayev bu gün keçirdiyi brifinqdə deyib. Nazir qeyd edib ki, azyaşlı uşaqlara xüsusi qayğının onlayn göstərilməsi məqbul hesab edilmir: "Bağçalarda onlayn təhsil mümkün olmadığına görə tədris bərpa edilmir. Amma hansısa bağça onlayn şəkildə fəaliyyət göstərmək istəyərsə, burada qeyri-qanuni nəsə yoxdur".

E.Əmrullayev şagird yerdəyişməsindəki fasiləyə də aydınlıq gətirib. O bildirib ki, bu, növbəti həftədən aradan qaldırılacaq: "Əvvəlki dövrlərdə müəyyən qeyri-müəyyənlik qeydə alınsa da, növbəti həftələrdən sistemin işə salınması mümkün olacaq".

17
Neft buruğu, arxiv şəkli

Azərbaycan nefti 37 dollara düşüb

0
(Yenilənib 12:38 30.10.2020)
Dünya bazarlarında tədarüklə bağlı yaranan narahatlıqlar neftin qiymətinin aşağı düşməsinə təsir göstərir

BAKI, 30 oktyabr — Sputnik. Azərbaycan neftinin qiyməti ucuzlaşır.

Sputnik Azərbaycan xəbər verir ki, "Azeri Light" markalı neftin bir barelinin qiyməti 1,61 dollar ucuzlaşaraq 37,65 dollar təşkil edib.

"Brent" markalı neftin qiyməti 0,67 dollar geriləyərək 36,98 dollar, "Light" markalı neftin qiyməti isə 0,55 dollar ucuzlaşaraq 35,62 dollar olub.

Qeyd edək ki, dünya bazarlarında tədarüklə bağlı yaranan narahatlıqlar neftin qiymətinin aşağı düşməsinə təsir göstərir.

Xatırladaq ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

0