Təəccüblənmiş adam, arxiv şəkli

Bir aylıq məşəqqət, 2.5 dəfə bahalaşma 10 faiz artım "Niyə"sini soruşmayın

16986
(Yenilənib 09:42 30.07.2018)
Hər şeydə məntiq axtarmaq bəzi hallarda vaxt itkisindən başqa bir işə yaramır

BAKI, 30 iyul — Sputnik. Siz də hər şeydə məntiq axtarmayın. Buraxın, bəzi şeylər də tamamilə məntiqsiz, səbəbi izahsız baş versin. Arxasında heç bir arqument, tutarlı-tutarsız əsas olmasın. Eləcə baş ver(diril)sin.

Guya, siz imkan verməyəndə baş verməyəcək ki? Baş vermir ki? Odur e, hələ də axıra çıxa bilmirlər. Sağdan qazıb soldan xətləyir, yuxarıdan eşib aşağıdan rəngləyirlər. Həmin bu Bakı-Sumqayıt yolunun (və yolçularının) başına bu həngaməni gətirmək üçün məntiq elminin köməyinə zərrə qədər də ehtiyac hiss etmədilər. "Bunu hansı zərurətdən etdiniz" sualına da hansısa əsaslı arqument-filan gətirmirlər, təxminən "əcəb etdik" kimi "tavır yapırlar".

Görürsünüzmü, hər şeydə məntiq axtarmaq bəzi hallarda vaxt itkisindən başqa bir işə yaramır. Hələ də inanmırsınızsa, "Asan İmza" xidmətindən istifadəyə görə ödənilən abunə haqqının qiymətini 1 manatdan 2.5 manata qaldıranların bunun səbəbinə dair izahatlarına diqqət yetirin.

Məsələn, "Azercell Telekom" MMC deyir ki, "qiyməti mən artırmamışam, "Asan İmza" xidmətinin birbaşa təminatçısı "Best Solutions" şirkəti qaldırıb" və sonra niyə qaldırılmasını belə izah edir: "Buna səbəb xidmətin maya dəyərini təşkil edən zəruri xərclərin əhəmiyyətli artması olub. Odur ki, göstərilən tarif dəyişikliyinin respublikanın mobil kommunikasiya bazarında fəaliyyət göstərən digər mobil operatorlar tərəfindən də eyni 15.08.2018-ci il tarixindən etibarən tətbiqi nəzərdə tutulur".

İndi durub sual versən ki, "xidmətin maya dəyərini təşkil edən zəruri xərclər" dedikdə, nəyi nəzərdə tutursunuz (axı əlavə elektrik enerjisi sərf etmirsiniz, qaz yandırmırsınız, su sərfiyyatı ilə "ASAN İmza"nın heç bir əlaqəsi yoxdur, günəmuzd fəhlə işlətmirsiniz, üçüncü devalvasiya baş verməyib, 1 manat ödəyənin maaşı 2.5 dəfə qalxmayıb və s.), deyəcəklər ki, "hə, bax, burda sən artıq zayıllayırsan, yeri get o tərəfdə oyna". Ona görə də soruşub zad eləmirik, dolayısı ilə məntiq, əsas, zərurət axtarmaq eşqinə-filan düşmürük.

Hələ də məntiq axtarışındasınız? O zaman bir də hər stansiyada qaldıra-qaldıra gedən "Azərbaycan Dəmir Yolları" Qapalı Səhmdar Cəmiyyətinin (QSC) son qaldırışının səbəblərinə nəzər yetirək.

Bəlli olduğu kimi, 27 iyul 2018-ci ildən ölkə daxilində hərəkət edən sürət və sərnişin qatarlarının gediş haqqı tariflərində bəzi dəyişikliklər edilib. Belə ki, "plaskart və kupe vaqonlarda alt və üst yerlərə və SV tipli vaqonlara olan tələbatın tənzimlənməsi məqsədi ilə" iyulun 27-dən ölkədaxili sürət və sərnişin qatarlarında gediş haqları, orta hesabla, 10% artırılıb.

Elektrik enerjisinin qiyməti (hələlik) qalxmayıb ha, narahat olmayıb. QSC "prosta tak" qiymətləri qaldırıb. Və deyirlər ki, bunun üçün çox ciddi zərurət yaranıbmış.

"Azərbaycan Dəmir Yolları" Qapalı Səhmdar Cəmiyyətinin Sərnişindaşıma Departamentinin rəis müavini Mədət Şıxəmirovun dilindən: "Gediş haqlarının 10 faiz artırılması aşağı yerlərlə yuxarı yerlər arasında qiymət fərqini yaratmaq üçündür. Çünki bütün vətəndaşlar kassaya yaxınlaşan zaman aşağı yerlərə daha çox üstünlük verirlər".

Və Mədət müəllim onu da deyib ki: "Biz yuxarı yerlərin qiymətinə dəyməmişik". Yəni, "ağıllı olun, beynimizi çöndərsəniz, yuxarını da qaldırarıq".

Belə… Məntiqə ehtiyacınız, ya da, "voopşe" nəsə sözünüz var? Di, dağılışaq!

16986
Teqlər:
izah, "Asan İmza" xidməti, məntiq, səbəb, zərurət, "Azərbaycan Dəmir Yolları" Qapalı Səhmdar Cəmiyyəti, yol, xərc, qiymət
Əlaqədar
Bakıya doğru əzablı yollarla: İzahı mümkünsüz hadisələr baş verir
Bakı və Sumqayıt əhalisinin görəcəyi gün qabaqdaymış - Əzablı bir ay başladı
Enerjinin qiymətləri qalxacaq - QONŞUDA
Azərbaycanda gediş haqları artırıldı - YENİ QİYMƏTLƏR
Mobil operatorların qiymət artırmasına cavab: "ASAN imza ləğv edilsin"
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

28
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

28
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

14
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

14