Rayon Polis şöbəsi

“Space” polisə müraciət etdi: Ortada 500 minlik fırıldaq var

216
(Yenilənib 20:44 24.07.2018)
"Vətəndaşların müraciətlərinə baxılması haqqında" Azərbaycan respublikası qanununa uyğun olaraq həmən ərizələr Space telekanalı tərəfindən aidiyyatı üzrə hüquq-mühafizə orqanlarına göndərilib

BAKI, 24 iyul — Sputnik. "Məlumat üçün bildiririk ki, əvvəllər “Space” telekanalına layihələr təqdim edərək, müqavilə əsasında verilişlər istehsal etmiş, "Azərbaycan Media qrup" təşkilatının rəhbəri Ağayev Vüqar Həsənağa oğlunun barəsində ayrı-ayrı vətəndaşlar tərəfindən onun qanuna zidd hərəkətləri haqqında məlumatlar daxil olmağa başlayıb". Bu barədə Sputnik Azərbaycan-a telekanaldan verilən məlumatda bildirilib.

Məlumata görə, vətəndaşların yazdığı ərizələrdən görünür ki, o, “Space” telekanalının və başqa təşkilatların adından sui-istifadə edərək qanunazidd hərəkətlərə yol verib. "Vətəndaşların müraciətlərinə baxılması haqqında" Azərbaycan Respublikası qanununa uyğun olaraq, həmən ərizələr “Space” telekanalı tərəfindən aidiyyatı üzrə hüquq-mühafizə orqanlarına göndərilib.

Qeyd edək ki, unikal.org-a Aysel Səlimli və digər zərərçəkmişlərin verdiyi məlumata görə, "Elif Media" adlı prodakşının rəhbəri olmuş Vüqar Ağayev 2017-ci ildən etibarən insanlardan işə düzəltmək adı ilə dövlət rüsumu bəhanəsiylə müxtəlif məbləğlərdə pul alıb. Adıçəkilən şəxs zərərçəkmişləri əsasən "Space" Televiziyasına işə düzəldəcəyini bildirib. O, 1000 manatdan 30 000 manata qədər müxtəlif məbləğdə pullar alıb və heç kimi işə düzəltməyib.

Bundan əlavə, Vüqar Ağayev bəzilərinə saxta mənzil satıb, bəzilərinin adına kompüter, telefon kreditə götürərək, pullarını mənimsəyib. Vüqar Ağayev 19.07.2018 tarixində ölkəni tərk edərək qaçıb. Onun Gürcüstana qaçdığı təxmin edilir.

Təxmini hesablamalara görə, o, zərərçəkmişlərdən 500 min manatdan çox pul alıb. Həmçinin, Vüqar Ağayev sahibi olduğu prodakşının 20-dən çox işçisindən müxtəlif adlarla pul yığdığı bildirilir.

Onun "Space" televiziyasının bəzi əməkdaşları ilə əlbir olduğunu qeyd edən zərərçəkmişlər etirazlarını bildirmək üçün adıçəkilən kanala gedərək, etirazlarını bildiriblər. Bundan başqa, zərərçəkmişlər Yasamal rayonu 26-cı polis bölməsinə gedərək, şikayət ərizəsi yazıblar.

Qeyd edək ki, Vüqar Ağayev "Space" telekanalında yayımlanan "İşimiz var", "Yerimdəyəm" və "Prime Shok" verilişlərinin layihə rəhbəri olub.

216
Teqlər:
fırıldaq, Space, hüquq-mühafizə orqanları, müraciət
Kitabxanada qız, arxiv şəkli

"Tıq-tıq xanım" nağılı ingilis dilinə tərcümə edilib

4
(Yenilənib 23:09 26.02.2021)
Tofiq Bakıxanovun İsveçdə yaşayan nəvəsi Nadim Əliyev Abdulla Şaiqin 140 illik yubileyi ilə bağlı maraqlı bir təşəbbüs göstərərək ədibin uşaqlar üçün qələmə aldığı "Tıq-tıq xanım" nağılını ingilis dilinə tərcümə edib

BAKI, 27 fevral — Sputnik. Abdulla Şaiqin 140 illik yubleyi ilə bağlı "Tıq-tıq xanım" nağılı ingilis dilinə tərcümə edilib.

Sputnik Azərbaycan xəbər verir ki, görkəmli Azərbaycan bəstəkarı Tofiq Bakıxanovun İsveçdə yaşayan nəvəsi Nadim Əliyev Abdulla Şaiqin 140 illik yubileyi ilə bağlı maraqlı bir təşəbbüs göstərərək ədibin uşaqlar üçün qələmə aldığı "Tıq-tıq xanım" nağılını ingilis dilinə tərcümə edib.

Nağılın ingilis dilində tərcüməsi kitab formatına salınıb. Kitabdakı illüstrasiyaların müəllifi Aleks Bjelicadır.

4
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

6
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

6