Həkim uşaqdan analiz götürür

Valideynlər uşaqların infeksion xəstəliklərə yoluxduğu barədə həyəcan təbili çalır

316
(Yenilənib 19:43 24.07.2018)
Nəsib Quliyev yay aylarında uşaqların xəstələnməsinin səbəbini həm qidalarda, həm dənizdə, həm də ətraf mühitdə görür

Zarina Orucəliyeva, Sputnik Azərbaycan

BAKI, 24 iyul — Sputnik. Uşaq infeksion xəstəxanalarına və xəstəxanaların infeksion xəstəliklər şöbəsinə mövsümi xəstəlik şikayətləri ilə gətirilən balaca pasiyentlərin sayı artıb. Bunu Sputnik Azərbaycan-a AR Səhiyyə Nazirliyinin baş pediatrı Nəsib Quliyev bildirib.

Onun sözlərinə görə, belə bir mənzərə onun rəhbərliyi altında fəaliyyət göstərən tibb müəssisəsində (K.Fəracova adına Elmi-Tədqiqat Pediatriya İnstitutu) də müşahidə olunur. Buna baxmayaraq, Azərbaycanda uşaqlar arasında hər hansı epidemiyanın yayılması müşahidə edilməyib.

Qeyd etmək lazımdır ki, son günlər sosial şəbəkələrdə valideynlər uşaqların demək olar ki, oxşar simptomlarla xəstələndiyini yazırlar. Bu, qarında güclü ağrılar, yüksək temperatur və bir sıra hallarda da diareya (ishal) ilə müşahidə olunur.

Quliyev öz növbəsində qeyd edib ki, bu mənzərə rotavirusa, dizenteriyaya, yaxud da salmonellezə yoluxan uşaqlar arasında mühaşidə olunur.

Yay aylarında uşaqların xəstələnməsinin əsas səbəbi mövsümi xəstəliklərlə əlaqədardır. Onlar isti, yaxud günəş şüalarının təsirindən, eləcə də bağırsaq pozğunluqlarından baş verə bilər. Baş pediatrın sözlərinə görə, bəzən uşaqlar günün altında başıaçıq vəziyyətdə uzun müddətdə qaldıqda onları gün vurur. Mövsümi xəstəliklərin ikinci səbəbi isə ilk nöbvədə qidalarla bağlıdır. Yay vaxtı qida rasionu meyvə, giləmeyvə və tərəvəzlərin hesabına xeyli genişlənir. Buna paralel olaraq, ərzaqların isti havada tez xarab olması riski də böyüyür.

"Ona görə də, biz yay vaxtı uşaqlarda qusma və ishalla müşayiət olunan bağırsaq pozğunluqlarına tez-tez rast gəlirik" — deyə Quliyev bildirib.

O deyib ki, orqanizmə təkcə qidaların nizamsız şəkildə qəbulu ziyan vurmur. Həm də yayda tez-tez tərkibində müxtəlif bakteriyaların əmələ gəldiyi boyat yeməklərin və köhnə ərzaqların istehlakı da müxtəlif xəstəliklərin yaranmasına səbəb olur.

"Misal üçün balaca uşağa tam bişməmiş kabab verirlər. Uşaq salmonellezlə yoluxur. Yaxud 6 aylıq uşağın qidaları dəyişmə vaxtı yay aylarına təsadüf edəndə, biz ona verilən ana südünün digər qidalarla əvəzlənməsini məsləhət görmürük. Sadəcə məsləhət görürük ki, balacanı ana südü ilə əmizdirməkdə davam etsinlər, ancaq ona daha çox ana südü versinlər"- deyə pediatr bildirib. Həkim körpələrin qida rasionunu yalnız sentyabr ayında, havalar qismən sərinləşməyə başlayanda dəyişməyi məsləhət bilir.

Uşaqların orqanizmi üçün digər risk faktorlarından biri də dənizdə çimməkdir. Ümumiyyətlə, çimməyin qadağan edildiyi ərazilərdə uşaqların çimməsi onların immunitetinin zəifləməsinə və bağırsaqlarında ciddi problemlərin yaranmasına səbəb ola bilər.

Son olaraq pediatr bildirib ki, valideynlər uşaqlara qulluq məsələsində diqqətli olmalıdırlar. Uşaqların qidalarının təmizliyinə və təzəliyinə, gündəlik rejimlərinə və onların ətraf mühitinə diqqət yetirmək vacibdir.

316
Teqlər:
infeksion, uşaq, Səhiyyə Nazirliyi, Nəsib Quliyev, xəstəlik, məsləhət
Əlaqədar
Həkim əhali arasında yayılan kəskin virus infeksiyasından danışır
Yoluxucu xəstəliklərlə bağlı vəziyyət aydınlaşdı - Vətəndaşlara müraciət
Həkim yoluxucu xəstəliklərin yayılmasında pulun rolundan danışır
Yeni ölümcül xəstəlik yayılır: Vaksini yoxdur
Прогулка

Uzun ömür sürməyin sağlam yaşamağın yolu budur

1
(Yenilənib 21:21 20.09.2021)
Mütəxəssislər: sağlam qalmaq üçün "gündəlik 10 min addım" düşüncəsi sadəcə bir marketinq siyasətidir.

BAKI, 18 sentyabr — Sputnik. Gün ərzində 7 min addım atmaq sağlam və uzunömürlü olmaq üçün çox önəmlidir. Sputnik Azərbaycan-ın Türkiyə mediasına istinadən xəbər verir ki, belə bir qənaətə "Massachusetts" universitetinin alimləri gəliblər.

Mütəxəssislər 11 il ərzində 38-50 aralığında olan 2 min 110 nəfər üzərində tədqiqat aparıblar.

Onlar bildiriblər ki, gündə 10 min deyil, 7 min addım atmaq erkən ölüm riskini 66 faiz azaldır.

Alimlər uzun illərdir ki, sağlam qalmaq və uzun ömürlü olmaq üçün "gündəlik 10 min addım" düşüncəsinin sadəcə olaraq bir marketinq siyasətinin - yəni, satışdan daha çox pul qazanılması hədəfinin tərkib hissəsi olduğuna da diqqət çəkiblər.

Onlar bildiriblər ki, hətta bu yolla daha çox pul qazanmaq üçün ötən əsrin 60-cı illərində "10 min addım ölçən" adı verilən bir cihaz da yaradılıb.

Elm adamları son olaraq belə qənaətə gəliblər ki, gündəlik 7 min addım atan şəxslər digərləri ilə müqayisədə daha sağlam və uzunömürlüdürlər.

Həmçinin oxuyun:

Pandemiya dövründə pəhriz saxlamaq düzgündürmü?

1
Teqlər:
ömür, sağlam, yaşamaq
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

10
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

10
Teqlər:
futbol, Türkiyə, milli