Pulqabında manatlar, arxiv şəkli

Bu problemlə hamımız üzləşirik, amma biz günahkarıq, onlar

375
(Yenilənib 18:05 22.07.2018)
"İşçi məhkəmədə qalib gələ bilər, amma reallıq odur ki, bir müddət sonra işəgötürən onu başqa bir bəhanə ilə işindən çıxaracaq"

Təranə Xudabaxşiyeva, Sputnik Azərbaycan

BAKI, 22 iyul — Sputnik. Bakı yollarında davam edən təmir işləri insanların hərəkətinə ciddi təsir göstərir. Yollarda aparılan təmir işləri xüsusilə səhər və axşam saatlarında tıxaclar yaradır. Sakinlər mənzil başına saatlarla gecikirlər.

Özlərindən asılı olmayan səbəbə görə tıxacda qalan insanlar bəzi problemlərlə üzləşirlər. Belə ki, səhər saatlarında tıxacda qalanlar alternativ yol olmadığına görə işə gecikirlər. İşə gecikdikləri üçün isə, hətta cərimə belə, olunurlar.

Bu barədə Sputnik Azərbaycan-a şikayət edən vətəndaşlardan biri bildirib ki, tıxacda qaldığı üçün müdirləri tərəfindən 45 manat cərimə olunub.

Maraqlıdır, işçi özündən asılı olmayan səbəbdən işə gecikirsə, bu zaman o, qanunla cərimələnməlidir? Sputnik Azərbaycan bu sualın cavabını mütəxəssislərdən soruşub.

Hüquqşünas Elyar Həsənov bildirib ki, işçi Əmək Məcəlləsində nizam-intizam qaydalarını pozarsa, ona bir neçə cəza növü tətbiq edilə bilər. Bu cəzalardan biri də əmək haqqının dörddə birinə qədər olan hissəsini cəza olaraq tutmaqdır. Bu cəza bir şərtlə verilə bilər ki, Həmkarlar İttifaqı ilə işəgötürən arasında bağlanmış müqavilədə nəzərdə tutulsun.

"Çox zaman işçinin işlədiyi yerdə həmkarlar, belə bir müqavilə də yoxdur. Amma işəgötürən qanuna tam riayət etmədən işçini cərimələyir. Məsələni araşdıranda görürsən ki, heç Həmkarlar İttifaqı ilə razılaşdırılmayıb və belə cərimə qanunsuzdur. Amma Həmkarlar İttifaqı olarsa və bu, kollektiv müqavilədə nəzərdə tutularsa, işçi əmək funksiyasını pozduqda cərimələnə bilər" — E.Həsənov deyib.

Hüquqşünas qeyd edib ki, belə halla qarşılaşan işçi məhkəməyə şikayət edə bilər: "Məhkəmə işə baxaraq qərar versə ki, gecikmə halı üzrlü səbəbdəndir, bu zaman cəriməni ləğv edəcək və məbləğin işçinin hesabına oturmasına qərar verəcək".

"Amma bir həqiqət də var. İşçi məhkəmədə qalib gələ bilər, ancaq bir müddət sonra işəgötürən başqa bir bəhanə ilə işçini işindən çıxaracaq. Ona görə də kiçik məbləğə görə heç bir işçi onu işəgötürəni məhkəməyə verməyəcək. Çünki bu, onun işsiz qalmasına səbəb olacaq" — deyə Həsənov bildirib.

İnsan Resursları üzrə layihə meneceri Elçin Zeynalov isə deyib ki, işəgötürənlər iş yerlərində daxili normativ sənədlər ilə iş vaxtı normalarını və qaydalarını nizamlayırlar. İşçi iş vaxtı ilə bağlı qaydaları pozmaqla işəgötürənə ziyan vurursa, istehsalın davamlılığının pozulması, gecikmə, qəza kimi hallarla müəssisəyə ziyan yetirirsə, əvvəlcə zərərin məbləği müəyyən edilir. Daxili qaydalara uyğun olaraq həmin məbləğ işçinin əmək haqqından tutulur.

E.Zaynalov onu da vurğulayıb ki, işçi işəgötürənin bu qərarının qeyri-insani olmasından narazıdırsa, qərarın ləğv edilməsi ilə bağlı işəgötürənə ərizə ilə müraciət edə bilər: "Şikayəti burada da təmin edilməsə, eyni iddia ilə məhkəməyə müraciət edə bilər. İşçi, eyni zamanda əmək müfəttişliyinə və Həmkarlar İttifaqına müraciət edərək bu problemin ədalətli araşdırılmasını tələb edə bilər".

"Hər bir şirkətin öz daxili qaydaları var. Bu qaydanın icrasına nəzarət edən şəxs var ki, o, həmin nizamı həyata keçirməsə, 50 azn məbləğində cərimə olunacaq" — deyə mütəxəssis əlavə edib.

O vurğulayıb ki, dövlət fövqəladə hal elan etsə, işçi onu işəgötürənə sübut kimi təqdim edə bilər: "Əks halda isə, işəgötürəni insaflı olmağa çağırmaq üçün əsas yoxdur".

375
Teqlər:
Hüquqşünas Elyar Həsənov, Əmək Məcəlləsi, məhkəmə, müqavilə, həmkarlar ittifaqları, cərimə, gecikmə, tıxac, yol
Amitabx Baççan, arxiv şəkli

Azərbaycanlıların da sevimlisi olan hind aktyoru koronavirusa yoluxdu

15
(Yenilənib 00:04 12.07.2020)
"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

BAKI, 12 iyul – Sputnik. Əfsanəvi hind aktyoru və Bollivud ulduzu Amitabx Baççan koronavirusa yoluxaraq xəstəxanaya yerləşdirilib.

Sputnik Azərbaycan-ın məlumatına görə, bu barədə aktyor özünün “Twitter”dəki səhifəsində yazıb.

"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

​Aktyor həmçinin son 10 gündə onunla yaxın təmasda olanlardan koronavirus testindən keçmələrini xahiş edib.

Baççan Hindistanın bir çox filmlərdə çəkilmiş ən məşhur aktyorlarından biridir. O, ayrı-ayrı filmlərdə yaratdığı uğurlu obrazlara və rollara görə dəfələrlə yüksək mükafatlara layiq görülüb.

Amitabx Baççan oynadığı rollarla Azərbaycanda da məşhurdur və sevilir.

15
 Əldə manat, arxiv şəkli

Onları 1000 manatadək cərimə edəcəklər

1
(Yenilənib 21:30 11.07.2020)
İnzibati Xətalar Məcəlləsində dəyişiklik edilməsi haqqında qanuna edilən dəyişikliklər ciddi cərimələri nəzərdə tutur

BAKI, 11 iyul — Sputnik. Əlilliyi olan şəxslərin əmək hüquqlarını pozan işəgötürənlər 500 manatadək cərimələnəcək. Sputnik Azərbaycan-ın məlumatına görə, bu Prezident İlham Əliyev tərəfindən təsdiqlənən "Azərbaycan Respublikasının İnzibati Xətalar Məcəlləsində dəyişiklik edilməsi haqqında" qanunda əksini tapıb.

Qanuna əsasən, İnzibati Xətalar Məcəlləsinə əlilliyi olan şəxslərin hüquqları haqqında qanunvericiliyin pozulmasına dair yeni maddə (205-1) əlavə edilib.

Yeni maddəyə (205-1) əsasən, əlilliyi olan şəxslərin hüquqları haqqında qanunvericiliyin pozulmasına, yəni:

- əmək münasibətlərində əlillik əlamətinə görə hər hansı ayrı-seçkiliyə yol verilməsinə, habelə kollektiv və əmək müqavilələrində digər işçilərlə münasibətdə əlilliyi olan şəxslərin əmək hüquqlarının məhdudlaşdırılmasına;

- əlilliyi olan şəxsin səhhətinin peşə vəzifələrini yerinə yetirməsinə mane olduğu, yaxud başqa şəxslərin səhhəti və əmək təhlükəsizliyi üçün təhlükə törətdiyi hallar istisna olmaqla, onunla əlillik səbəbindən əmək müqaviləsini bağlamaqdan, işdə irəli çəkməkdən imtina edilməsinə, əmək müqaviləsinə xitam verilməsinə və öz razılığı olmadan başqa işə (peşəyə, vəzifəyə) keçirilməsinə;

- müəssisənin ləğv edilməsi halları istisna olmaqla, müddətindən asılı olmayaraq, reabilitasiya müəssisəsində və digər reabilitasiya subyektlərində müalicə keçən əlilliyi olan şəxslərlə bağlanılmış əmək müqaviləsinin işəgötürən tərəfindən ləğv edilməsinə;

- müəssisənin ləğv edilməsi halları istisna olmaqla, həmin istehsalatda bədbəxt hadisələr nəticəsində əmək qabiliyyətini itirmiş və ya peşə xəstəliyinə tutulmuş və bunun nəticəsində əlilliyi müəyyən edilmiş işçi ilə əmək müqaviləsinin işəgötürən tərəfindən ləğv edilməsinə;

- əlilliyi olan şəxslərin tibbi, peşə-əmək, psixoloji-pedaqoji reabilitasiyası və sosial bacarıqların inkişafı məqsədilə tərtib olunmuş Fərdi Reabilitasiya Proqramının dövlət orqanları və dövlətə məxsus olan hüquqi şəxslər tərəfindən icrasının təmin edilməməsinə;

- işəgötürənlər həmin istehsalatda bədbəxt hadisələr nəticəsində əmək qabiliyyətini itirmiş və ya peşə xəstəliyinə tutulmuş və bunun nəticəsində əlilliyi müəyyən edilmiş işçilərin, onların arzusu ilə və "Əlilliyi olan şəxslərin hüquqları haqqında" Azərbaycan Respublikası Qanununun 11-ci maddəsinə uyğun olaraq təsdiq edilmiş Fərdi Reabilitasiya Proqramını nəzərə alaraq, işə düzəlməsi üçün iş yerləri ayırmamağa və ya yenilərini təşkil etməməyə görə üç yüz manatdan beş yüz manatadək məbləğdə cərimə tətbiq ediləcək.

İstehsalatda bədbəxt hadisələr və peşə xəstəlikləri nəticəsində əlilliyi müəyyən edilmiş şəxslərin yaşadığı fərdi evlərin onlar üçün uyğunlaşdırılması ilə bağlı xərclərin təqsirkar hüquqi və fiziki şəxslər, dövlət orqanları tərəfindən ödənilməməsinə görə isə beş yüz manatdan min manatadək məbləğdə cərimə tətbiq olunacaq.

1
Şokolad

Gündə 25 qramı sizi xoşbəxt edə bilər

0
(Yenilənib 00:04 12.07.2020)
Bir çox elm adamlarının fikrincə, tünd şokolad ürək xəstəlikləri riskini azaldır. Eyni zamanda bu şirniyyat təkcə əhval ruhiyyəni yaxşılaşdırmır, həmdə beynin funksiyasını da gücləndirir.

BAKI, 12 iyul — Sputnik. Moskva sağlamlıq departamentinin dietoloqu Antonina Starodubova gün ərzində 15-25 qram şokolad yeməyi məsləhət görüb. 

Sputnik Azərbaycan xarici mətbuata istinadla xəbər verir ki, onun fikrincə, bu miqdarda şirniyyat təhlükəsiz və faydalıdır.

Starodubova qeyd edib ki, 25 qram şokolad bir plitka şokoladın təxminən 4/1-nə bərabərdir. Səhərlər acı və tünd şokolad yemək sağlamlıq üçün faydalıdır.

Onun sözlərinə görə, bu məsləhət sağlam insanlar üçündür. Xroniki xəstəliyi olan şəxslər həkimlə məsləhətləşməlidir.

"Tərkibində yüksək miqdarda kakao paxlası (70 faizdən az olmayan) və nisbətən aşağı şəkər (25 faizdən çox olmayan) şokolad növləri faydalı hesab olunur ki, bu da acı sortlara və bəzi tünd şokolad növlərinə uyğundur. Müxtəlif dolğuları olan şokoladlar isə desert növlərinə aiddir" – deyə dietoloq vurğulayıb.

Desert şokoladın kalori miqdarı əlavələr səbəbindən artır, ancaq qoz-fındıq qarışığı olan tünd şokolad istisnadır. Belə şokoladlar bitki zülalı, lif, vitaminlər, minerallar və doymamış yağ turşuları mənbəyi hesab edilir.

Bir çox elm adamlarının fikrincə, tünd şokolad ürək xəstəlikləri riskini azaldır. Eyni zamanda bu şirniyyat təkcə əhval ruhiyyəni yaxşılaşdırmır, həmdə beynin funksiyasını da gücləndirir. Şokolad yaddaşı yaxşılaşdırır, konsentrasiyanı və mürəkkəb problemləri həll etmək qabiliyyətini artırır.

0