Əlinin müalicəsi xaricdə var

Övladı üçün ölüm əlillik arasında seçim edən ata: “Əlimdən gələn hər şeyi etmişəm...”

14502
(Yenilənib 02:22 22.07.2018)
"Əlinin yeriməsi üçün yaxşı həkim lazımdır, ancaq Azərbaycanda elə həkim yoxdur"

Rahim Zakiroğlu, Sputnik Azərbaycan

BAKI, 21 iyul — Sputnik. Valideyn üçün ən böyük xoşbəxtlik sağlam uşağa sahib olmaqdır. Təəssüflər olsun ki, bəzi valideynlər bu xoşbəxtlikdən məhrumdurlar. Masallı rayonunun Bədəlan kəndində yaşayan Rövşən Həsənov və həyat yoldaşı Arzu Həsənova kimi…

Həsənovlar ailəsinin 2014-cü ildə dünyaya gəlmiş övladları Əli normal yeyir, danışır, gülür. Ancaq yeriyə bilmir… Özündən böyük və balaca olan iki bacısına baxıb, anasına deyir ki, "ana, qaçmaq istəyirəm, oynamaq istəyirəm". Valideynlər isə Əlinin bu istəyi qarşısında çarəsiz qalıblar.

İki qız və bir oğul anası olan Arzu Həsənova dərdini Sputnik Azərbaycan-ın bölgə müxbiri ilə bölüşüb. Dediyinə görə, oğlu əməliyyat olunduqdan sonra bu hala düşüb: "Əli 6 aylıq olanda belindəki şişə görə əməliyyat etdirdik. Əməliyyatdan əvvəl belindən aşağı hissəsini və ayaqlarını hiss edirdi, indi isə qəti hiss etmir. Tualet işini görəndə nə vaxt etdiyini, necə etdiyini bilmir, çünki hiss eləmir, ona görə də ona uşaq bezləri bağlayıram".

  • Rövşən Həsənov, Arzu Həsənova və oğulları Həsənov Əli
    Rövşən Həsənov, Arzu Həsənova və oğulları Həsənov Əli
    © Sputnik / Rahim Murad
  • Əlinin belində şiş var
    Əlinin belində şiş var
    © Sputnik / Rahim Murad
  • Dörd yaşlı Əli Həsənov
    Dörd yaşlı Əli Həsənov
    © Sputnik / Rahim Murad
  • Neyrocərrahlıq Xəstəxanasından verilən çıxarış
    Neyrocərrahlıq Xəstəxanasından verilən çıxarış
    © Sputnik / Rahim Murad
1 / 4
© Sputnik / Rahim Murad
Rövşən Həsənov, Arzu Həsənova və oğulları Həsənov Əli

"Əməliyyatdan əvvəl bizə dedilər ki, əməliyyat olunandan sonra yeriyə də bilər, yeriməyə də. İndi də deyirlər ki, yeriyə bilməsi üçün xaricdə müalicə olunmalıdır. Ancaq bizim buna maddi imkanımız çatmır" – o bildirib.

Çarəsiz ana imkanlı şəxslərin onlara yardım etmələrini xahiş edib: "İmkanlı şəxslərdən xahiş edirəm ki, oğlumu müalicəsi üçün bizə kömək eləsinlər. İmkanımız yoxdur deyə, oğlum yeriyə bilmir, balamın qarşısında üzüqara qalmışıq. Çox xahiş edirəm, bir zavallı ananın səsinə səs versinlər, balamın yeriyə bilməsi üçün yardım etsinlər".

Dörd yaşlı Əlinin atası Rövşən Həsənov isə qeyd edib ki, oğlunun belindəki şiş əməliyyat olunmasaydı, uşaq ölə bilərdi: "Əli anadan olandan belində şiş var idi. Apardıq həkimə, dedilər ki, 6 aylığında əməliyyat olunmalıdır, əks halda uşaq ölə bilər. Uşaq da böyüdükcə belindəki şiş də böyüyürdü. Şiş böyüdükcə də onurğa beyninə, oradan da kəllə beyninə zəhər keçə bilərdi".

"Əlini apardıq Respublika Neyrocərrahiyyə Xəstəxanasına. Həkim yeriməyinə zəmanət vermədi. Dedi ki, "əməliyyat edərəm, amma ola bilsin ki, yeriməsin". Mən də oğlumun yaşaması üçün məcbur olub əməliyyat etdirdim. İndi də belinin harasından əməliyyat olunubsa, oradan aşağını hiss eləmir" – R.Həsənov deyib.

Əlinin atasının bank rekvizitləri
© Sputnik / Rahim Murad
Əlinin atasının bank rekvizitləri

Atanın dediklərinə görə, həkimlər ona bildiriblər ki, Əlinin yeriməsi üçün yaxşı həkim lazımdır, ancaq elə həkim Azərbaycanda yoxdur: "Demək olar ki, əlimdən gələn hər şeyi etmişəm. Amma işimlə bağlı alınmır, fəhlə adamam, maaşım azdır. Əlinin müalicəsi xaricdə var, amma mənim uşağı xaricə aparıb müalicə etdirməyə imkanım çatmır".

Oğlunu oturaq halda görməyə dözə bilməyən ata da imkanlı şəxslərə müraciət edib: "İmkanlı şəxslərdən xahiş edirəm ki, Əlimin müalicə olunması üçün maddi yardım etsinlər. Qoy, mən də görüm ki, oğlum həyətdə gəzir, öz bacıları ilə oynayır".

Ümid edirik ki, səxavətli soydaşlarımız çarəsiz vəziyyətdə qalmış ailənin səsinə səs verəcək, 4 yaşlı balanın, gələcəyin əsgərinin sağalması üçün dəstək olacaqlar. Əli Həsənovun müalicə olunmasına kömək etmək istəyənlər üçün bank hesabını da təqdim edirik.

14502
Teqlər:
Masallı rayonu, kömək, valideyn, xəstə, uşaq
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

33
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

33
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

67
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

67
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN