Xal-xal şəlaləsinin yaxınlığındakı istirahət mərkəzi

Hər şey pulludur - Qonaqlar şikayət edir, sahibkar isə razılaşmır

2171
(Yenilənib 00:24 20.07.2018)
"Bu münasibəti görən turist bir də heç vaxt bura gəlmək istəməyəcək"

İlham Əhmədov, Sputnik Azərbaycan

BAKI, 19 iyul — Sputnik. Şəlaləyə baxmaq belə, artıq pulludur, əraziyə gəzməyə gələn turistlər isə maşın saxlamaq üçün 1 manat ödəniş edirlər. Söhbət Oğuz rayonunda yerləşən Xal-xal şəlaləsini görmək üçün gələn turistlərdən və qonaqlardan dəxilsiz ödənişlərin tələb olunmasından gedir.

Son zamanlar respublikaya səfər edən əcnəbi qonaqların sayında artım müşahidə olunduğunu görən bəzi restoran sahibləri Allahın bəxş etdiyi gözəllik müqabilində insanları "soymaqla" varlanmaq qərarına gəliblər.

Belə hadisələrlə bağlı dəfələrlə yazılar yazılmasına və sosial şəbəkələrdə qınaq paylaşımları olmasına baxmayaraq, yenə də bəzi turizm obyektlərində qonaqları incidirlər. Bununla da ilk növbədə özlərinin və respublikanın adına mənfi imic formalaşdırırlar.

Sputnik Azərbaycan-ın bölgə müxbiri özbaşınalıqların hökm sürdüyü Oğuz rayonunun turizm obyektlərində olub və yaşananları yerindəcə müşahidə edib.

Etiraf edək ki, Oğuzda qarşılaşdığımız mənzərə heç də ürəkaçan olmadı. Hər ağacda bir yazıya rast gəldik. Düzdür, maarifləndirici və məlumatlandırıcı lövhələrin olması olduqca xoşdur. Ancaq insanlardan əsassız şəkildə ödəniş tələb olunduğu lövhələri heç də xoş qarşılamaq olmur.

  • Xal-xal şəlaləsinin yaxınlığındakı istirahət mərkəzi
    Xal-xal şəlaləsinin yaxınlığındakı istirahət mərkəzi
    © Sputnik / Ilham Ahmadov
  • Xal-xal şəlaləsinin yaxınlığındakı istirahət mərkəzi
    Xal-xal şəlaləsinin yaxınlığındakı istirahət mərkəzi
    © Sputnik / Ilham Ahmadov
  • Xal-xal şəlaləsinin yaxınlığındakı istirahət mərkəzi
    Xal-xal şəlaləsinin yaxınlığındakı istirahət mərkəzi
    © Sputnik / Ilham Ahmadov
  • Xal-xal şəlaləsinin yaxınlığındakı istirahət mərkəzi
    Xal-xal şəlaləsinin yaxınlığındakı istirahət mərkəzi
    © Sputnik / Ilham Ahmadov
  • Xal-xal şəlaləsinin yaxınlığındakı istirahət mərkəzi
    Xal-xal şəlaləsinin yaxınlığındakı istirahət mərkəzi
    © Sputnik / Ilham Ahmadov
  • Xal-xal şəlaləsinin yaxınlığındakı istirahət mərkəzi
    Xal-xal şəlaləsinin yaxınlığındakı istirahət mərkəzi
    © Sputnik / Ilham Ahmadov
  • Xal-xal şəlaləsinin yaxınlığındakı istirahət mərkəzi
    Xal-xal şəlaləsinin yaxınlığındakı istirahət mərkəzi
    © Sputnik / Ilham Ahmadov
  • Xal-xal şəlaləsinin yaxınlığındakı istirahət mərkəzi
    Xal-xal şəlaləsinin yaxınlığındakı istirahət mərkəzi
    © Sputnik / Ilham Ahmadov
  • Xal-xal şəlaləsinin yaxınlığındakı istirahət mərkəzi
    Xal-xal şəlaləsinin yaxınlığındakı istirahət mərkəzi
    © Sputnik / Ilham Ahmadov
1 / 9
© Sputnik / Ilham Ahmadov
Xal-xal şəlaləsinin yaxınlığındakı istirahət mərkəzi

Bu xoşagəlməz vəziyyət əraziyə istirahət üçün üz tutmuş həmvətənlərimizdə də ikrah hissi doğurur. Onlar əməkdaşımıza öz narazılıqlarını belə bildirdilər: "Vətəni, ölkənin mənafeyini, turizmin inkişafını yox, öz ciblərini düşünən sahibkarlar günahkardırlar. Sahibkarlar düşünmürlər ki, bu, onlara müəyyən qədər mənfəət gətirə bilər, ancaq ilk növbədə vətənpərvər olmaq lazımdır. Bu münasibəti görən turist bir də heç vaxt bura gəlmək istəməyəcək".

"Təbiət gözəlliyi hər insanın nemətidir. Hansısa müqavilə qarşılığında dövlətin ərazisində fəaliyyət göstərərək, onun gözəl təbiətinə insanlara ödəniş qarşılığında baxmağa icazə vermək doğru deyil" – istirahət mərkəzində qarşılaşdığımız şəhər sakini dedi.

Gördüklərimizdən və eşitdiklərimizdən sonra Xal-Xal istirahət mərkəzinin rəhbəri İsgəndər İsgəndərzadədən insanların qınağına çevrilmiş məsələyə aydınlıq gətirməsini xahiş etdik.

Sahibkar əvvəlcə Xal-Xal istirahət mərkəzinin yaradılması barədə məlumat verdi: "Bu istirahət mərkəzi 2014-cü ildən fəaliyyət göstərir. Bura ilk vaxtlar meşəlik və keçilməz ərazi idi. Sonradan abadlıq işləri aparıldı, ərazidə 250-dən artıq müxtəlif növ dekorativ ağaclar əkildi, süni göllər quruldu. İnsanlarda maraq oyatmaq məqsədilə ərazidən 1 km-dən çox uzaqlıqdan su çəkilərək süni şəkildə şəlalə yaradıldı. Bundan başqa, göllərdə qonaqların qayıq ilə gəzməsi üçün bir neçə qayıq alındı".

İ.İsgəndərzadə qeyd etdi ki, məhz bu görülən işlərə çəkilən xərclərə görə istirahət mərkəzində xidmətlər pulludur: "Əlbəttə, gələn qonaq gözəllik görmək və istirahətin maraqlı keçirmək istəyir. Biz də çəkdiyimiz xərcləri qarşılamaq üçün göldə gəzinti və şəlalə ətrafında şəkil çəkdirmək üçün pullu xidmət göstəririk".

Sahibkarın sözlərinə görə, indiyədək qayıqdan istifadə və ya yaradılmış ərazidə şəkil çəkdirmək üçün tələb olunan ödənişə görə onlara narazılıq edən olmayıb: "İndiyə kimi heç vaxt belə problemlə qarşılaşmamışıq. Bu barədə danışılanlar, ancaq əraziyə qonaq gətirən bələdçilərin təxribatıdır. Belə ki, onlar gətirdikləri qonaq qarşılığında restoran sahiblərindən müəyyən faiz tələb edirlər. Qarşılığında da rədd cavabı alırlar deyə, bu cür söz-söhbətlər yaradırlar".

İsgəndərzadə vurğuladı ki, dəfələrlə turizm agentliklərinə bu məsələ ilə bağlı məlumat versələr də, hələ problem aradan qaldırılmayıb: "İndi də bir neçə gündür yenə hansısa bələdçinin şantajı ilə qarşı-qarşıyayıq. Bu məsələni artıq hüquqi yolla həll etmək niyyətindəyik, problemlə bağlı son sözü ekspertlər deyəcək".

"Bildiyim bir şey var ki, turistlərin, qonaqların Azərbaycanda heç bir haqq ödəmədən gedə biləcəyi şəlalələr çoxdur. Düşünürəm ki, müvafiq qurumlar bu işlə məşğul olacaqlar" – sahibkar qeyd etdi.

2171
Teqlər:
Xal-xal, istirahət mərkəzi, Oğuz rayonu, şəlalə, narazılıq, turist
Azərbaycan Dövlət İqtisad Universitetinin binası

Azərbaycanda universitetin sabiq rektoru vəfat edib

14
(Yenilənib 23:36 07.07.2020)
Mərhum professor Fuad Ələsgərov 1989-1992-ci illərdə Azərbaycan Dövlət İqtisad Universitetinin rektoru olub.

BAKI, 7 iyul - Sputnik. Azərbaycan Dövlət İqtisad Universitetinin sabiq rektoru, iqtisad elmləri doktoru, professor Fuad Nəsrullah oğlu Ələsgərov dünyasını dəyişib.

Sputnik Azərbaycan APA-ya istinadən xəbər verir ki, bu barədə universitetin rektoru Ədalət Muradov bildirib.

Mərhum F.Ələsgərov 1989-1992-ci illərdə Azərbaycan Dövlət İqtisad Universitetinin rektoru olub.

Allah rəhmət eləsin!

14

Mona Liza ilə görüşə ancaq maska ilə - Luvr karantindən sonra

104
(Yenilənib 23:31 07.07.2020)
Luvr muzeyi karantindən çıxmağa hazırlaşır: Muzeyin direktoru Jan-Lük Martinezin sözlərinə görə, əvvəlki dövrlərə qayıtmaq üçün üç il vaxt lazımdır. 

Uzun üç ay yarım ərzində Luvr (Louvre), Fransanın bütün muzeyləri kimi, koronavirusla bağlı karantinə görə kilid altında idi və bu həftə publikanı yenidən qəbul etməyə başlayır. Lakin jurnalistlərlə görüşdə onun direktoru Jan-Lük Martinez deyib ki, "əvvəlki vəziyyətə qayıtmaq üçün ən azı üç il vaxt lazımdır". O, ilk növbədə, bəşəriyyətin antik dövrdən XIX əsrin ortalarına qədər yaratdığı dünya incəsənəti incilərinin Fransadakı qoruğuna baş çəkməsini nəzərdə tutub.

"Pessimist olmaq istəmirəm, amma bu, reallıqdır: ən yaxşı halda ziyarətçilərin sayı əvvəlki dövrlə müqayisədə 20-30 faiz səviyyəsində olacaq. Bu isə o deməkdir ki, biz adi günlərdə gələn 40 min ziyarətçi əvəzinə 8-10 min nəfər qəbul edəcəyik", - deyə direktor bildirib.

Jan-Lük Martinezin hesablamalarına görə, istənilən halda Luvrun itkiləri artıq 40 milyon avro təşkil edir. Bu, həm biletlərdən, həm butiklərdəki suvenirlərin, incəsənətə aid kitabların satışından, həm də muzeyin kafe və restoranlarından gələn gəlirlərdir. Luvrun büdcəsi, təxminən 240-250 milyon avro təşkil edir ki, onun da 40 faizi dövlət büdcəsindən və muzeyin öz gəlirlərindən ibarətdir. Bu il həmin gəlirlər əhəmiyyətli dərəcədə azalıb.

Bəs Luvr administrasiyası yaxın aylarda fəaliyyət göstərmək niyyətindədir? Əsas diqqət yerli əhaliyə, eləcə də Avropa İttifaqına daxil olan, sərhədləri artıq açılmış qonşu ölkələrə yönəldilir. Buna görə də muzey fəal şəkildə kampaniya apararaq parisliləri, ətraf departamentlərin və paytaxt regionu olan İl-de-Frans-ın sakinlərini dəvət edir. Bu kampaniyanın nə nəticə verəcəyini indidən demək çətindir.

İstənilən halda biletlərin internet vasitəsilə dəqiq bronlaşdırılması (gün və saat göstərilməklə) hələlik böyük nikbinlik doğurmur. İyunun sonuna olan məlumata görə, yaxın həftələrdə muzeyə getmək istəyənlərin sayı cəmi 12 min olub. Doğrudur, Luvr açıqlayıb ki, bileti yerində də almaq mümkündür. Baxmayaraq ki, muzey personalının böyük hissəsi karantin günlərində məsafədən işləyib, 250-300 nəfər daim Luvrda yeni mövsümün açılışına hazırlaşır. Muzey administrasiyasının xəbərdarlıq etdiyi kimi, bir sıra zalların fəaliyyəti mümkün olmayacaq. Söhbət, əsasən, Şimali Avropa ölkələrinin rəngkarlığının, 1789-cu il böyük Fransız inqilabına qədərki dövrün kolleksiyasının – muzey meydançalarının təxminən 30 faizinin nümayiş etdirilməsindən gedir.

Leonardo da Vinçinin Mona Liza əsəri
© REUTERS / BENOIT TESSIER

Muzeydə ziyarətçiləri qorumaq üçün bir sıra profilaktik tədbirlər həyata keçirilib. Təbii ki, tibbi maskalar hər kəs üçün məcburidir. Əvvəlki vaxtlardan fərqli olaraq, Luvra yalnız məşhur şüşə piramida vasitəsilə daxil olmaq mümkündür. Hər kəsə xüsusi broşuralar verilir. Orada elə marşrutlar göstərilir ki, insanlar nə zallarda, nə də dəhlizlərdə rastlaşmasınlar. Dövlət zalında sərgilənən Cokonda ilə görüşmək üçün indi dartılmış lentlərlə birləşdirilmiş stendlərin böyük labirintinə getmək lazımdır. Bir tərəfdən, bu, sosial məsafəni saxlamağa, digər tərəfdən isə Leonardo Da Vinçinin yaradıcılığı ilə hərtərəfli tanış olmağa imkan verir.

Yeri gəlmişkən, hər şərdə bir xeyir də var. İncəsənət həvəskarları üçün indi ən yaxşı vaxt gəlib çatıb: Luvrun  fransız, italyan, ispan klassiklərinin əsərləri, orta əsrlərin incəsənəti və digər xəzinələrlə zəngin salonlarında hələ uzun müddət seyrəklik olacaq.

Jan-Lük Martinezin sözlərinə görə, hazırda muzey Mədəniyyət Nazirliyi ilə birlikdə dəyişikliklər üzərində işləyir. Luvrun veb-saytının genişləndirilməsi, onun bütün kolleksiyasının “rəqəmsala” köçürülməsi nəzərdə tutulur. Karantin aylarında bu resurs böyük effektivlik nümayiş etdirib. Muzeyin saytında 10 milyondan çox "virtual ziyarətçi"qeydiyyatdan keçib.

104
  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © AP Photo / Thibault Camus

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHRISTIAN HARTMANN

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHRISTIAN HARTMANN

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHRISTIAN HARTMANN

    Luvr karantindən sonra

  • © AP Photo / Thibault Camus

    Luvr karantindən sonra

Teqlər:
fotolent
Pişik, arxiv şəkli

Ölüm öpüşü: Pişik sahibinin həyatına belə son qoydu

0
(Yenilənib 23:43 07.07.2020)
Həkimlər qadının orqanizmində bakterial meningitə səbəb olan "pasteurella multocida" bakteriyasını aşkar ediblər

BAKI, 7 iyul — Sputnik. Avstraliyanın Melburn şəhərinin sakini pişiyin cırmaqlaması və yaranı yalamasından sonra ölüb.

Sputnik Azərbaycan "Herald Sun" nəşrinə istinadən xəbər verir ki, 80 yaşlı qadının qohumları onu yataqda şüursuz halda yanında pişiklə tapıblar.

Həkimlər onun orqanizmində bakterial meningitə səbəb olan "pasteurella multocida" bakteriyasını aşkar ediblər.

Pensiyaçı komada doqquz gün keçirib, bundan sonra onu həyat təminatı sistemindən ayırıblar.

Yerli xəstəxanalardan birinin yoluxucu xəstəliklər üzrə direktoru Lindsi Qreyson bildirib ki, ev sahibləri pişiklərinə açıq yaraları yalamağa imkan verməməlidirlər. Eyni zamanda o xəbərdarlıq edib ki, immunitet sistemi pozulmuş şəxslər bu ev heyvanlarından qaçmalıdırlar.

Bakterial meningit bakterial infeksiya nəticəsində baş və onurğa beyni membranlarının iltihabıdır.

0
Əlaqədar
Koronavirus bəlasını dünyaya yayan Çin əhli iyrənc adətindən əl çəkmək niyyətində deyil
Bakıda "pişik əməliyyatı" - VİDEO
Evsiz pişikdən yemək əldə etmək üçün ağlasığmaz kələk - Video
Küçədə pişik gəzdirmək cərimə ilə nəticələndi
Telekanal insanları panikaya saldı, sevdiklərindən ayrıldılar