Kriminal hadisələr barədə xəbər hazırlamağın şərtləri mövzusunda konfrans

Gəncə hadisələri xəbər istehsalçılarının problemlərini ortaya çıxardı

75
(Yenilənib 19:38 19.07.2018)
Onlar layihənin icrasının bu sahədəki problemləri aradan qaldırmağa yardım göstərəcəyini bildiriblər

BAKI, 19 iyul — Sputnik. Son on ildə gündəlik həyatımıza "kriminal jurnalistika", "araşdırma jurnalistikası", "jurnalist araşdırması" kimi terminlər daxil olub. Fövqəladə hallar, sosial sahə, qeyri-qanuni fəaliyyət, korrupsiya faktları, maliyyə maxinasiyaları, zorakılıq və digər hallar kriminal jurnalistikanın mövzusuna çevrilib.

Bu gün Sputnik Azərbaycan Beynəxlaq Multimedia Mətbuat Mərkəzində Mediada İnnovativ Təşəbbüslərə Dəstək İctimai Birliyi (MİTDİB) "Kriminal hadisələr barədə xəbər hazırlamağın şərtləri" mövzusunda konfrans keçirib. Tədbirdə jurnalist təşkilatlarının, KİV qurumlarının, QHT-lərin təmsilçiləri qatılıblar.

Kriminal hadisələr barədə xəbər hazırlamağın şərtləri mövzusunda konfrans
© Sputnik / Murad Orujov
"Kriminal hadisələr barədə xəbər hazırlamağın şərtləri" mövzusunda konfrans

Tədbir Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirilən "Xəbər istehsalçıları üçün “Kriminal hadisələr barədə xəbər hazırlamağın şərtləri" mövzusunda konfrans və seminarların təşkili" layihəsi çərçivəsində baş tutub.

Layihənin koordinatoru Müşfiq Ələsgərli bildirib ki, Gəncədə baş verən son hadisələr zamanı bir daha təsdiq olundu ki, xəbər istehsalçılarının "kriminal hadisələr barədə xəbər hazırlamağın şərtləri”nə yanaşmaları problemlidir: "Azərbaycan Jurnalistlərinin Peşə Davranışı Qaydalarında açıq şəkildə göstərir ki, terror hadisələri zamanı terror törədən şəxsin fikirlərinin, ideyalarının cəmiyyətə açıqlamasına yol vermək olmaz. Amma bəzi qeyri-peşəkar xəbər istehsalçıları nəinki Yunis Səfərovun "ideyalarını" yaydılar, həmçinin ona dolayısı ilə dəstək nümayiş etdirdilər. Bu və digər nümunələr deməyə əsas yaradır ki, əksər xəbər istehsalçılarının kriminal mövzuda informasiya hazırlayarkən, ciddi qüsurlara yol verdikləri faktı ortadadır. Bu qüsurların bir tərəfi süni sensassiya yaratmaq, auditoriya qazanmaq naminə bilərəkdən yol verilmiş xətalardırsa, digər tərəfi də hüquqi bilgisizliklə, yanlış terminlərin istifadə edilməsi İlə bağlıdır".

Kriminal hadisələr barədə xəbər hazırlamağın şərtləri mövzusunda konfrans
© Sputnik / Murad Orujov
Müşfiq Ələsgərli

Müşfiq Ələsgərli əlavə edib ki, layihə çərçivəsində media ekspertləri və hüquqşünasların iştirakı ilə "Kriminal hadisələr barədə xəbər hazırlamağın şərtləri" adlı vəsait də çap edilib və seminar iştirakçılarına pulsuz paylanıb.

Tədbirdə çıxış edən media təmsilçiləri və ekspertlər — Azər Həsrət, Nəzirə Nurullayeva, Ramella İbrahimxəlilova, Namiq Mailov, Elçin Zahiroğlu, İlqar Vəliyev, Çingiz Bayramov, Elçin Hüseynov, Sevda Əsgərova, Anar Vəziroğlu, Nadir Azəri və digərləri kriminal hadisələr haqqında informasiya yayımının şərtlərinin pozulması nəticəsində yaranan problemlərdən danışıblar. Onlar, həmçinin layihənin icrasının bu sahədəki problemləri aradan qaldırmağa yardım göstərəcəyini bildiriblər.

Sonda iştirakçıları layihədə çərçivəsində işıq üzü görmüş "Kriminal hadisələr barədə xəbər hazırlamağın şərtləri" kitabçası təqdim edilib.

75
Teqlər:
Müşfiq Ələsgərli, Qeyri-Hökumət Təşkilatlarına Dövlət Dəstəyi Şurası, konfrans, kriminal jurnalistika, Mediada İnnovativ Təşəbbüslərə Dəstək İctimai Birliyi
Yaponiyada qoruyucu maskada olan insanlar

Avropanın "ağ siyahısı": yaponları oradan silirlər

0
(Yenilənib 00:58 27.01.2021)
Avropa Birliyi sərhədlərini Yaponiya vətəndaşlarının üzünə bağlamağa hazırlaşır. Bu ölkənin "ağ siyahı"dan çıxma ehtimalı yüksəkdir

BAKI, 27 yanvar - Sputnik. Avropa Birliyi ölkələrinə gəlməyə icazəsi olan insanların siyahısından Yaponiya vətəndaşları çıxarıla bilər.

Sputnik Azərbaycan bildirir ki, Avropa Birliyinin bu niyyəti barədə Bloomberg öz mənbələrinə istinadən yazır. 

Agentliyin məlumatına görə, bu qərar Yaponiyada koronavirusa yoluxmanın artması ilə bağlıdır.  

Mənbə bildirib ki, Avropa Birliyinin yenilənmiş "ağ siyahısı"nda cəmi yeddi ölkə olacaq və yalnız bu ölkələrin vətəndaşları AB-yə üzv ölkələrə səyahət edə biləcəklər. 

Siyahıdakı "xoşbəxtlər" isə Avstraliya, Çin, Yeni Zelandiya, Ruanda, Sinqapur, Cənubi Koreya və Tailanddır. COVID-19-a yoluxma sayının kəskin artması səbəbindən Böyük Britaniya bu siyahını yanvarın 1-dən tərk edib. 

0
Teqlər:
Koronavirus, qadağa, Avropa Birliyi, vətəndaşlar, Yaponiya
Mövzu:
Yeni tip koronavirus pandemiyası
Tərəzi, kökəlmək, köklük

Diabetə qalib gəlməyin çox asan yolu

2
(Yenilənib 00:44 27.01.2021)
Diabetə on iki həftə ərzində qalib gəlmək mümkündür. Amerikalı alimlərin araşdırmasına görə, minimal karbohidratlı pəhriz həm sağaldır, həm də arıqladır

BAKI, 27 dekabr - Sputnik. On iki həftə boyunca minimal karbohidrat pəhrizinə riayət edən insanlar ikinci tip diabetə qalib gəlmək şansını təxminən 30% artırırlar. 

Sputnik Azərbaycan bildirir ki, bu barədə Diabetes.co.uk portalı Texasın A&M Universitetinin (ABŞ) əməkdaşlarının araşdırmalarına istinadən yazır.

Tədqiqatda 1357 nəfər iştirak edib. Yaşları 47 ilə 67 arasında dəyişən bu şəxslərin əksəriyyəti artıq çəki və ya piylənmədən əziyyət çəkib. Onlar on iki həftə ərzində minimal karbohidrat pəhrizinə riayət ediblər. Bundan 6 ay və bir il sonra isə mütəxəssislər tədqiqatda iştirak edənlərin səhhətlərini təkrar yoxlamadan keçiriblər. 

Qeyd olunur ki, pasiyentlər nişastalı karbohidratlardan (daha çox kartof və makaronda olur) imtina ediblər. Alimlər belə nəticəyə gəliblər ki, 6 aydan sonra bu qrup insanların xəstəliyin əlamətlərini azaltmaq şansları digər pəhrizlərə riayət edənlərlə müqayisədə daha çoxdur. 

Elmi tədqiqatın müəllifləri qeyd ediblər ki, gələcəkdə onlar kalorilərə nəzarətlə bağlı da bir sıra tədqiqatlar aparmaq niyyətindədirlər. Bununla onlar minimal karbohidratlı pəhrizin arıqlamağa və diabetin remissiyasına davamlı müsbət təsir göstərdiyinə əmin olmaq istəyirlər.

* Minimal karbohidratlı pəhriz - sutkada 100-150 qramdan artıq olmayan karbohidratın qəbul olunmasını nəzərdə tutan qida rejimidir. Bundan başqa, burada istifadə olunan karbohidratın əksər hissəsi böyük miqdarda lifə malik tərəvəz və tam buğdaların payına düşməlidir. 

Bu pəhriz həm diabet xəstələrinə, həm də arıqlamağa çalışan idmançılara məsləhət görülür. O, qanda şəkərin miqdarını tənzimləmək üçün əla üsul sayılır.

2