ASAN imza

Mobil operatorların qiymət artırmasına cavab: "ASAN imza ləğv edilsin"

163
(Yenilənib 13:36 19.07.2018)
Vüqar Bayramov: "Bazarda rəqabətin zəif olması mobil operatorların asanlıqla və hətta eyni gündə belə kəskin qiymət artımlarına zəmin yaradır"

BAKI, 19 iyul — Sputnik. Xəbər verdiyimiz kimi, mobil operatorlar gələn ayın 15-dən etibarən "Asan İmza" xidmətindən istifadəyə görə abunə haqqını 2.5 dəfə artıracaq. 1 manata təklif edilən bu xidmətə görə həmin gündən sonra 2.5 manat ödəməli olacağıq. 

"Azercell Telekom" MMC bunu xərclərin artması ilə əlaqələndirib. Bildirilib ki, digər mobil operatorlar da qiymət artımına gedəcək.

Sputnik Azərbaycan xəbər verir ki, məsələni öz "Facebook" səhifəsində şərh edən iqtisadçı-ekspert Vüqar Bayramovun sözlərinə görə, nəyin hesabına xərcin nə az-nə çox 2.5 dəfə artmasının səbəbləri qaranqlıdır: "Digər operatorların da eyni gündə qiymət artımlarına getmələri, məhz mobil kommunikasiya bazarının liberallaşdırılmasının vacibliyini bir daha artırır".

"Təəssüf ki, sözügedən bazarda rəqabətin zəif olması mobil operatorların asanlıqla və hətta eyni gündə belə kəskin qiymət artımlarına zəmin yaradır. Digər tərəfdən, elektron iqtisadiyyatın inkişafının prioritet olduğu bir halda "Asan İmza"ya görə ayda 2.5 manat ödəmək elektron xidmətlərə marağı azalda bilər" — Bayramov qeyd edib.

Onun sözlərinə görə, elektron xidmətlərin daha aşağı xərclərlə əldə edilməsinin özü də prioritet olmalıdır: "Təəssüf ki, son tarif artımları bundan xəbər vermir. Bütün bunları nəzərə aldıqda yeni yaradılan Antiinhisar və İstehlak Bazarına Nəzarət Dövlət Agentliyinin məsələyə müdaxilə etməsi və taariflərin optimallaşdırılmasına nail olması çox vacibdir. Ümumiyyətlə, hökumət ASAN imzanı ləğv edilərək onun əvəzinə pulsuz elektron imza sisteminin tətbiqinə çalışmalıdır".

163
Teqlər:
iqtisadçı-ekspert Vüqar Bayramov, qiymət, manat, abunə haqqı, "Asan İmza" xidməti, mobil operator
Əlaqədar
“ASAN İmza” problemindən çıxış yolu: özünüzü çətinə salmayın
Bakı Şəhər Halqası ilə ASAN Radio arasında əməkdaşlıq memorandumu imzalanıb
Bakı Şəhər Halqası ilə “ASAN xidmət” arasında memorandum imzalanıb
"Asan İmza" "Bank Technique"in Məsafəli xidmətlərində