Kəmalə Səfərəliyeva

Azərbaycanlı rəqqasənin “göbək rəqsi” tamaşaçıları heyrətləndirdi - VİDEO

1107
(Yenilənib 00:43 15.07.2018)
Rəqqasə üçün ən böyük çətinlik çəkiliş qayaların üstündə həyata keçirilən zaman yaşanıb

Bakı, 13 iyul – Sputnik. Azərbaycanlı rəqqasə Kəmalə Səfərəliyeva populyar ərəb kompozisiyası olan "Mawjou3 Galbi"yə çəkilən klipi təqdim edib. Rəqqasənin pərəstişkarları videonu diqqətsiz qoymayaraq Səfərəliyevanın ünvanına təriflər yağdırblar.

Sputnik Azərbaycan xəbər verir ki, rəqqasə rejissoru Kamran Aydınovun olduğu klipin bir hissəsini öz "İnstagram" səhifəsində paylaşıb.

Kəmalə Səfərəliyeva kompozisiyaya dəyişikliklər edərək, onu daha da ritmik edib.

Klipin çəkilişləri Bakı ilə yanaşı Azərbaycanın regionlarında da həyata keçirilib. Rəqqasə üçün ən böyük çətinlik çəkiliş qayaların üstündə həyata keçirilən zaman yaşanıb.

Görüntülərdə Səfərəliyeva izləyicilərinin qarşısına ağ açıq libasda çıxır. Klip rəqqasənin izləyiciləri tərəfindən bəyənilib, onlar Kəmalədən tez-tez belə işlərlə onları sevindirməsini istəyiblər.

Kəmalə Səfərəliyevə — Azərbaycanda ən populyar oriental rəqqasələrdən biridir. O, tez-tez Bakının müxtəlif ərazilərində flashmoblar həyata keçirərək çəkinmədən bədəninin gözəlliyini nümayiş etdirir.

1107
Teqlər:
göbək rəqsi, rəqqasə, təqdimat, klip, Instagram
Məktəb, arxiv şəkli

Övladları 1-ci sinfə gedəcək valideynlərin nəzərinə - Yenidən şəxsi kabinet açmağa...

2
(Yenilənib 16:25 20.04.2021)
Aprelin 27-dən 2021-2022-ci tədris ili üzrə ümumi təhsil müəssisələrinin birinci siniflərinə şagird qəbuluna start veriləcək.

BAKI, 20 aprel — Sputnik. Təhsil Nazirliyi sosial şəbəkə hesabında 2021-2022-ci tədris ili üzrə canlı yayımda birinci sinfə qəbulla bağlı vətəndaşların suallarını cavablandırır.

Sputnik Azərbaycan-ın məlumatına görə, canlı yayımda çıxış edən Təhsil Nazirliyinin Ümumi təhsilin təşkili və idarəolunması şöbəsinin əməkdaşı Elçin Kərimov məktəbəhazırlıq qruplarına cəlb olunan uşaqların cari tədris ilindən elektron kabinetlərinin mövcud olduğunu bildirib: "Onlar üçün yenidən şəxsi kabinet açmağa və elektron qeydiyyata ehtiyac yoxdur. Valideynlər sadəcə həmin login və şifrə ilə özlərinə məxsus şəxsi kabinetlərinə daxil olaraq övladlarının məktəb seçimini və digər prosesləri həyata keçirə bilərlər".

Xatırladaq ki, aprelin 27-dən 2021-2022-ci tədris ili üzrə ümumi təhsil müəssisələrinin birinci siniflərinə şagird qəbuluna start veriləcək.

2
Teqlər:
"Şəxsi kabinet", valideynlər, qəbul, birinci sinif
Bakıda sərtləşdirilmiş xüsusi karantin rejimi

Tibbi maska infeksiya mənbəyinə çevrilərsə...

9
(Yenilənib 16:00 20.04.2021)
Azərbaycan Həkimləri İctimai Birliyinin idarə heyətinin üzvü Ədalət Rüstəm bildirib ki, tibbi maskadan istifadə müddəti 2 saatdan artıq ola bilməz.

Zülfiyyə Quluyeva, Sputnik Azərbaycan

BAKI, 20 aprel — Sputnik. Azərbaycanda koronavirus pandemiyası dövründə açıq və qapalı şəraitdə maskadan istifadə məcburi olduğundan, maskadan virusdan qorunmaq məqsədilə deyil, cərimə olunmamaq üçün istifadə edənlər də az deyil. Məlumata görə, keçən ilin mart ayından bu ilin martına qədər ölkədə 77 mln. 600 min tibbi maska satılıb. Statistikanı şərh edən tanınmış iqtisadçı Natiq Cəfərli tibbi maskadan istifadə ilə bağlı hesablama aparıb: "Ölkə əhalisinin 10 yaşa qədər olan vətəndaşlarının maska taxmadığını (amma məktəblər açıq olanda taxırdılar) nəzərə alsaq, deməli, təqribən, 8,5 mln. əhali il ərzində maska taxmalı idi. Tibbi maskaların hər 2-3 saatdan bir dəyişmək lazım olduğu deyilir. Ölkədə 1 il ərzində hər vətəndaş gün ərzində ən azı 3 maska dəyişməli idi. Deməli, gün ərzində 8,5x3= 25,5 mln. ədəd, ay ərzində 765 mln. ədəd, il ərzində isə 9 milyard 180 mln. ədəd maska istifadə edilməli idi. Bizdə isə 1 ilə 77,6 mln. maska satılıb, ilə 1 nəfərə 9 maska düşür. Deməli, orta statistik vətəndaş 40 günə 1 maska istifadə edib".

İqtisadçı bildirib ki, maskadan belə istifadə nəinki virusdan qorumur, hətta yeni xəstəliklər üçün şərait yaradır. O qeyd edib ki, əhaliyə pulsuz maska paylanılmalıdır ki, qapalı məkanlarda, nəqliyyatda maska taxmaq həm zəruri, həm də sağlamlıq üçün təhlükəsiz olsun: "Hər vətəndaşa, heç olmasa, aya 10 maska pulsuz verilməlidir, camaat polisin, cərimənin qorxusundan və pulsuzluqdan 1 maskanı 40 gün taxır, bu zülmdür, gələcək böyük sağlamlıq problemlərinin təməlidir".

Həkimlər də tibbi maskadan uzun müddət istifadənin düzgün olmadığını söyləyirlər.

Azərbaycan Həkimləri İctimai Birliyinin (AHIB) idarə heyətinin üzvü Ədalət Rüstəm Sputnik Azərbaycan-a açıqlamasında bildirib ki, tibbi maskadan istifadə müddəti 2 saatdan artıq ola bilməz. Onun sözlərinə görə, tibbi maska həmin müddətdən sonra keyfiyyətini itirir: "Tibbi maskanın əsas funksiyası qorumaqdır. İnsanlar pandemiya dövründə maskanı virusdan qorunmaq üçün istifadə edirlər. Amma bəzən bir maskanı bir gün və yaxud bir neçə gün istifadə edən insanlar var. Həmin şəxslər bilməlidirlər ki, bu zaman maska onları virusdan qorumayacaq. Əksinə, uzun müddət istifadə edilmiş maska infeksiya mənbəyinə çevriləcək".

Ə.Rüstəm xüsusilə yay fəslində bir tibbi maskadan iki saatdan artıq istifadənin düzgün olmadığını söyləyir. Onun sözlərinə görə, havalar isindikcə tərləmə nəticəsində maska daha tez çirklənir. Bu zaman maskanı tez-tez dəyişmək lazım gəlir".

Qeyd edək ki, N.Cəfərli açıq havada maska taxmaq tələbinin ləğv edilməsinin vacibliyini də qeyd etmişdi.

9