Cəmil və Brilyant Dadaşovlar

Erməni, yoxsa türkmən: Azərbaycanın xalq artistinin bacısı oğlu kimin mahnısını oxuyub

1531
(Yenilənib 22:25 10.07.2018)
Azərbaycanlı müğənni Cəmil Dadaşovu erməni müğənninin repertuarından musiqi oxuduğu üçün tənqid ediblər

Bakı, 10 İyul – Sputnik. Azərbaycanlı müğənni, xalq artisti Brilliant Dadaşovanın bacısı oğlu Cəmil Dadaşov yaradıcılığında uzun müddət davam edən fasilədən sonra yenidən "Sənin izinlə" ("По твоим следам") mahnısı ilə səhnəyə qayıdıb. O, mahnıya dəyişikliklər edərək  həm Azərbaycan, həm də rus dilində oxuyub.

Bu mahnının seçimi sosial şəbəkələrdə böyük müzakirələrə səbəb olub. Çünki bu mahnını bundan əvvəl erməni müğənni Saro Vardanyan türkmən müğənni Ka Re (Kakacan Rəcəpov) ilə duet oxuyub. Türkmən müğənni, həm də mahnının müəllifidir. İzləyiciləri Dadaşovu erməni müğənninin mahnısını oxuduğu üçün tənqid ediblər.

Sputnik Azərbaycan-a açıqlamasında Brilliant Dadaşovanın mətbuat katibi vurğulayıb ki, tənqidlər yersizdir. Çünki müğənni erməni yox, türkmən bəstəkar və müğənni Kakacan Rəcəpovun mahnısını oxuyub.

"Bizim, heç ölkəmizdə erməni musiqisinin bu qədər pərəstişkarının olmasından xəbərimiz belə, yox idi. Cəmil bu kompozisiyanı Moskvada toylardan birində Kakacanovun ifasında eşidib. Əgər kimsə mahnının ona məxsus olduğuna şübhə edirsə, onda "Google"-da axtarış versin" — deyə mətbuat xidmətindən bildirilib.

Qeyd edək ki, Cəmil Dadaşov "N-Brothers" qrupunun sabiq solistidir. Yaradıcılığında uzun müddət davam edən fasilədən sonra o, səhnəyə qayıdıb, solo karyeraya başlamaq qərarı verib. Ona bu yolda xalası Briliiant Dadaşova dəstək olur. 

1531
Teqlər:
türkmən, Cəmil Dadaşov, bacısı oğlu, Brilliant Dadaşova, təkzib, müğənni, qalmaqal, mahnı, erməni
Xalq artisti Faiq Ağayev, arxiv şəkli

Faiq Ağayev anasını klipə çəkdi, məşhurları oxutdu - VİDEO

0
(Yenilənib 13:24 16.01.2021)
Klipdə Çingiz Abdullayev, Mələkxanım Əyyubova, Nərgiz Cəlilova, Sənubər İsgəndərli, Rafael Ağayev, Dilarə Əliyeva, Elnarə Xəlilova və digər məşhurlar da yer alıblar

BAKI, 16 yanvar — Sputnik. Xalq artisti Faiq Ağayevin Azərbaycanın Vətən Müharibəsində əldə etdiyi əzəmətli, tarixi Qələbəsinə həsr olunan "Sən qalibsən" klipi təqdim edilib.

Sputnik Azərbaycan xəbər verir ki, mahnının sözləri və musiqisi Xanim İsmayılqızıya aiddir.

Klipə kifayət qədər məşhur simalarla yanaşı, Faiq Ağayevin anası Səfiyyə Ağayeva da çəkilib. Siyahıda Çingiz Abdullayev, Mələkxanım Əyyubova, Nərgiz Cəlilova, Sənubər İsgəndərli, Rafael Ağayev, Dilarə Əliyeva, Elnarə Xəlilova, PRoMete, Kamran Ağabalayev, Leyla Quliyeva, Samir Bayramlı və Əli Paşayevin adları var.

0
Teqlər:
qələbə, Qarabağ, klip, Faiq Ağayev
Koronavirus testi, arxiv şəkli

Xaricə gedənlərlə bağlı müəmma: hələ baş vaksinasiyaya qarışıb

5
(Yenilənib 13:05 16.01.2021)
“Əslinə qalsa, bu proseslərlə bağlı suallara mərhələ-mərhələ cavab veriləcək. Əsas odur ki, vaksinasiyaya başlanılsın” - Şahmar Mövsümov

BAKI, 16 yanvar — Sputnik. “Xaricə səfər zamanı koronavirusa görə test tələbi hələlik mütləqdir. Ancaq peyvənd olunacaq şəxsin xarici ölkələrə səfəri zamanı test tələb olunub-olunmayacağı barədə hələlik qəti fikir söyləyə bilmərəm”.

Sputnik Azərbaycan-ın məlumatına görə, bunu Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov bildirib. Ş.Mövsümovun sözlərinə görə, hələ ki bu məsələyə  baxılmayıb: “Əslinə qalsa, bu proseslərlə bağlı suallara mərhələ-mərhələ cavab veriləcək. Əsas odur ki, vaksinasiyaya başlanılsın”.

5
Mövzu:
Azərbaycanda COVID-19 əleyhinə vaksinasiya