Arıçı Asif Kərimov

Azərbaycanın dünyaya bəxş etdiyi yenilik: Mümkün olmayanlar da reallığa çevrilir

1384
(Yenilənib 22:09 07.07.2018)
O, ilk dəfə bir yeşikdə üç arı ailəsi saxlamağı tətbiq edib

İlham Mustafa, Sputnik Azərbaycan

BAKI, 7 iyul — Sputnik. Arıçılıq dünyanın ən qədim fəaliyyət sahələrindəndir. Bu sənət qədimliyinə baxmayaraq, heç vaxt unudulmayıb, əksinə, daha da inkişaf etdirilib. Lakin, inkişafına rəğmən arıçılıqda min illər ərzində barmaqla sayılası qədər inqilabi dəyişikliklər edilib. Bunların əksəriyyəti isə arını saxlama və məhsuldarlığını nisbətən artırmaq istiqamətində olub.

Bu sahədə daha bir inqilabi dəyişikliyə 200 ildir babalarının məşğul olduğu sahəni davam etdirən qocaman arıçı Asif Kərimov imza atıb. O, atası, arıçı-alim Kərim Kərimovun 57 il öncə tətbiq etdiyi üsulu daha da təkmilləşdirərək məhsuldarlığı 3-4 dəfə artırmağı düşünür.

Üç ana arılı yeşik
© Sputnik / Ilham Mustafa
Üç ana arılı yeşik

Sputnik Azərbaycan-ın bölgə müxbirinə danışan arıçı deyir ki, istəyinə bir yeşikdə ana arıların sayını 3-ə çatdırmaqla nail olmaq fikrindədir.

A.Kərimovun sözlərinə görə, bu, elə bir prosesdir ki, onu ancaq arıçılar başa düşə bilər: "Məlumdur ki, hər yeşikdə 1 ana, minlərlə işçi arı olur. Əgər hansısa yeşikdə iki ana arı olarsa, onlar qarşılaşdıqda mütləq biri digərini öldürməlidir. Buna görə də analar qarşılaşmasın deyə, beçə verən (arı ailəsinin bölünərək artması – red.) arını da üst yeşiyə yerləşdiririk. Arasına xüsusi hazırlanmış anakeçməz adlanan tor qoyuruq".

Ana arı
© Sputnik / Ilham Mustafa
Ana arı

"Hər yeşiyin özünəməxsus qoxusu olduğundan, işçi arılar bir biri ilə dalaşmır, eyni zamanda ana arılar da görüşmürlər deyə bir birilərini öldürmürlər. İki analı arı ailələrini ilk dəfə atam təkmilləşdirdiyi yerli Qabaqtəpə arı növündə tətbiq edib. Ondan sonra dünyanın bir çox yerlərində iki analı ailələrə keçid edənlər olub. Üç analı arı ailəsi yetişdirməyi isə hələ heç kim etməyib" — deyə Asif Kərimov izah edir.

Bu cür tətbiqin səmərəliliyi haqında danışan arıçı belə üsulla məhsuldarlığı 3-4 dəfə artırmağın mümkünlüyünü vurğulayır: "Ailədə işçi arının sayı nə qədər çox olarsa, məhsuldarlıq da bir o qədər artıq olar. Belə üsulla arı ailələrində işçi arıların sayını 100-150 minə qaldırmaq mümkündür ki, bu da məhsuldarlığın artımına ciddi təsir edir. Məsələn, hər yeşik üçün arıçılıqda ortalama 10 kq bal nəzərdə tutulursa, 3 analı arı yeşiklərində 30-40, hətta 50 kq-dək bal almağı planlaşdırıram".

Anakeçməz toru
© Sputnik / Ilham Mustafa
"Anakeçməz" toru

Bunun digər bir xeyirli tərəfini danışan arıçı, vurğulayıb ki, bu üsulun daha bir faydası odur ki, payızda ana arı öldüyü zaman yeşiyi məhv olmur. Həmin ana arılardan həm də digər yeşiklərə qoymaq üçün ehtiyat məqsədilə istifadə etmək mümkün olur.

Goranboy Arıçılar İttifaqının sədri olan Asif Kərimov gələcəkdə 3 analı arı ailəsinin yetişdirilməsini digər arıçıların da tətbiq etməsinə kömək edəcəyini də qeyd edir.

1384
Teqlər:
pətək, bal, arı, arıçılıq, yenilik
Protezlər, arxiv şəkli

Qazilərin təminatı dərəcədədir - Agentlik hesabat verdi

2
(Yenilənib 13:37 16.01.2021)
Dəstək tədbirləri artıq 8500 şəxsi əhatə edib və onlardan 3200-ə yaxın şəxs sosial-psixoloji dəstəklə təmin olunub.

 

BAKI, 16 yanvar — Sputnik. Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekpsertiza və Reabilitasiya Agentliyinin (DTSERA) sədri Cavid Əbdül-Qədirov Agentliyin Reabilitasiya Mərkəzində sosial-psixoloji reabilitasiya xidmətləri göstərilən Vətən müharibəsi qaziləri ilə görüşüb.

Nazirlikdən Sputnik Azərbaycan-a verilən məlumata görə, görüşdə C.Əbdül-Qədirov dövlət başçısının tapşırığı ilə Nazirlik tərəfindən postmüharibə dövründə şəhidlərin ailələri, qazilərimizlə bağlı sosial dəstək tədbirləri həyata keçirildiyini deyib.

Qeyd edilib ki, bu dəstək tədbirləri artıq 8500 şəxsi əhatə edib və onlardan 3200-ə yaxın şəxs sosial-psixoloji dəstəklə təmin olunub. O cümlədən, DTSERA-nın reabilitasiya müəssisələrində postmüharibə dövründə 260 qaziyə, şəhidlərin, yaralı hərbçilərin 20 uşağına sosial-psixoloji reabilitasiya xidmətləri göstərilib. Bakı Sağlamlıq Mərkəzində və Sərhəd Qoşunları Hospitalında müalicə alan hərbçilərdən 28 hərbçini də Agentlik sosial-psixoloji reabilitasiyaya cəlb edib. Eləcə də 5 qazi yüksək texnologiyalı müasir protezlə, 7 qazi əlil arabası, əlavə olaraq 130-a yaxın qazi 530-dan çox reabilitasiya vasitəsi ilə təmin olunub.

Nazirlər Kabinetinin 13 yanvar 2021-ci il tarixli Qərarı ilə əmək və əhalinin sosial müdafiəsi nazirinin sədrliyi ilə yaradılan komissiya tərəfindən isə hərbçilərin tibbi-sosial ekspertizasının əyani müayinə keçirməklə, operativ, vaxtında, keyfiyyətlə və mərkəzləşmiş şəkildə aparılması üçün müvafiq işlər görülür.

Görüş zamanı mərkəzdə sosial-psixoloji reabilitasiya kursu başa çatmaqda olan qazimiz - döyüşlərdə qəlpə yarası almış Cəfərov Samir İlham oğlunun doğum günü olduğu bildirilib və onun ad günü qeyd edilib. Agentlik sədri, mərkəzin kollektivi, qazi yoldaşları ona xoş arzularını ifadə ediblər.

Görüşdən sonra Agentliyin sədri göstərilən sosial-psixoloji reabilitasiya xidmətlərini nəzərdən keçirib.

2
Xalq artisti Faiq Ağayev, arxiv şəkli

Faiq Ağayev anasını klipə çəkdi, məşhurları oxutdu - VİDEO

5
(Yenilənib 13:24 16.01.2021)
Klipdə Çingiz Abdullayev, Mələkxanım Əyyubova, Nərgiz Cəlilova, Sənubər İsgəndərli, Rafael Ağayev, Dilarə Əliyeva, Elnarə Xəlilova və digər məşhurlar da yer alıblar

BAKI, 16 yanvar — Sputnik. Xalq artisti Faiq Ağayevin Azərbaycanın Vətən Müharibəsində əldə etdiyi əzəmətli, tarixi Qələbəsinə həsr olunan "Sən qalibsən" klipi təqdim edilib.

Sputnik Azərbaycan xəbər verir ki, mahnının sözləri və musiqisi Xanim İsmayılqızıya aiddir.

Klipə kifayət qədər məşhur simalarla yanaşı, Faiq Ağayevin anası Səfiyyə Ağayeva da çəkilib. Siyahıda Çingiz Abdullayev, Mələkxanım Əyyubova, Nərgiz Cəlilova, Sənubər İsgəndərli, Rafael Ağayev, Dilarə Əliyeva, Elnarə Xəlilova, PRoMete, Kamran Ağabalayev, Leyla Quliyeva, Samir Bayramlı və Əli Paşayevin adları var.

5
Teqlər:
qələbə, Qarabağ, klip, Faiq Ağayev