Bakıda taksilər

Elektrik böhranının "möhür vurduğu" acı reallıq: Belə vəziyyətdə dərdimizi kimə deyək?

395
(Yenilənib 16:39 05.07.2018)
Müştərilər xidmətindən istifadə etdikləri taksi şirkətlərinə dəfələrlə şikayət etsələr belə, yenə "köhnə hamamdır, köhnə tas"

Təranə Xudabaxşiyeva, Sputnik Azərbaycan

BAKI, 5 iyul — Sputnik. Ölkədə elektrik enerjisinin verilişində yaranmış fövqəladə vəziyyətlə əlaqədar olaraq Bakı metrosunun dünən günün birinci yarısında fəaliyyət göstərməməsi paytaxt sakinlərini nəqliyyat çatışmazlığı ilə üz-üzə qoydu. Bakı Nəqliyyat Agentliyinin (BNA) iş rejimini gücləndirməsinə, əksər avtobusların pulsuz xidmət göstərməsinə baxmayaraq, problem böyüdü.

Bu vəziyyət paytaxtda fəaliyyət göstərən taksi şirkətlərinin fəaliyyətinə də ciddi təsir etdi. Belə ki, taksi şirkətlərinin əksəriyyətində həm qiymət artımı, həm də maşın çatışmazlığı müşahidə olundu. Bu da təbii ki, taksi şirkətlərinin xidmətindən istifadə edənlər arasında ciddi narazılığa səbəb oldu.

Təəssüf ki, bu hal ölkədəki taksi şirkətlərinin fəaliyyətində yaranmış ilk problem deyil. Müştərilər zaman-zaman istifadə etdikləri taksi şirkətlərinin xidmətindən haqlı narazılıq edirlər. Baxmayaraq ki, ölkədə, xüsusən də paytaxtda fəaliyyət göstərən taksi şirkətlərinin sayı çoxdur. Həmçinin aralarında ciddi rəqabət gedir.

Taksi istifadəçiləri daha çox xidmətin keyfiyyətinin bərbad olmasından, sürücülərin məsuliyyətsizliyindən, şəhəri tanımamalarından, çağırılan taksinin zamanında gəlməməsindən və s. şikayət edirlər.

Bütün bu problemlərin müqabilində isə, sanki bir cəzasızlıq mexanizmi var. Yəni müştərilərin şikayətlərini dinləyən, bir tədbir görən yoxdur. Müştərilər xidmətindən istifadə etdikləri taksi şirkətlərinə dəfələrlə şikayət etsələr belə, yenə də "köhnə hamamdır, köhnə tas". Nəticədə əlacsız qalmış müştərilər üzləşdikləri problemləri sosial mediada işıqlandırmağa çalışırlar. Ümid edirlər ki, bu yolla problemin həllinə nail ola bilərlər.

Maraqlıdır, taksi şirkətlərinin xidmətlərindən istifadə edən müştərilər hər hansı problemlə üzləşdikdə hansı quruma müraciət etməlidirlər? Ümumiyyətlə taksi şirkətlərinə nəzarəti hansı orqan həyata keçirir? Sputnik Azərbaycan bu və digər sualların cavablarını araşdırmağa çalışıb.

Təlimçi-sürücü, avtomobil eksperti Aqil Rəhimov taksi şirkətlərinin sayının çox olmasını müsbət qiymətləndirir. Hesab edir ki, belə şirkətlərin çoxluğu rəqabəti artırır və nəticədə qiymətlərin aşağı düşməsinə səbəb olur.

"Ancaq rəqabət artdıqca keyfiyyət də artmalıdır. Bizdə isə şirkət sayı artdıqca keyfiyyət aşağı düşür. Şirkətlərin işə qəbul etdikləri sürücülərin əksəriyyəti şəhəri yaxşı tanımır, müştəriyə deyilən vaxtda ünvana çatmırlar. Bu da ona görə baş verir ki, avtomobili olan istənilən şəxs həmin taksi şirkətləri ilə əməkdaşlıq edir. Bu isə doğru hal deyil" — deyə mütəxəssis bildirib.

Onun fikrincə, taksi şirkətlərindəki ən əsas problem təhlükəsizliklə bağlıdır: "Çünki nə sürücünün, nə də sərnişinin təhlükəsizliyi qorunur. Düşünürəm ki, çox sayda şirkətlərin olması vacib məsələdir, amma şirkətlərə ciddi nəzarət edilməlidir. Hər bir sürücü xüsusi treninqlərdən keçməlidir. Əks halda onlara taksi sürücüsü kimi işləməyə imkan verilməməlidir".

A.Rəhimov vurğulayıb ki, Bakı Nəqliyyat Agentliyi (BNA) yaxın günlərdə bu sahədə ciddi yeniliklərə imza atmalıdır: "Onlar taksi şirkətlərində işləmək istəyən bütün taksi sürücülərinin psixoloji durumlarını və sürücülük qabiliyyətlərini yoxlamalıdır. Sürücü ancaq agentliyin yoxlamasından keçdikdən sonra hər hansı bir taksi şirkətində işləyə bilər. Ümid edirəm ki, təklif etdiyim ideya tezliklə həyata keçiriləcək".

Mütəxəssis onu da qeyd edib ki, şirkətlər, həmçinin hər bir müştərinin hüquqlarını qorumalıdır: "Onların təhlükəsizliyini təmin etməlidir. Axı biz sürücünü onlara zəng edərək sifariş edirik. Bu məsələdə şirkətlər öz vəzifələrini, müştərilər isə öz hüquqlarını bilməli və əməl etməlidirlər".

BNA-nın mətbuat xidmətinin rəhbəri Mais Ağayev isə bildirib ki, qurum son 2 ilki fəaliyyəti dövründə bu sahədə müəyyən tədbirlər həyata keçirib. Amma BNA hələ də taksi şirkətlərinin işindən razı deyil.

"Bu sahədə bir çox problemlər qalmaqdadır. Eyni zamanda, sərnişinləri də onların fəaliyyəti qane etmir. 141 çağrı mərkəzinə gələn şikayətlərdən bu aydın şəkildə görünür. Biz də şirkətlərin iş keyfiyyətindən razı deyilik. Ona görə də bu sahə üzrə işlər aparırıq. Çalışacağıq ki, yaxın gələcəkdə Bakı şəhər sakinlərinin keyfiyyətli taksi xidmətindən istifadə etməsi üçün şərait yaradaq" — M.Ağayev qeyd edib.

Agentlik rəsmisinin sözlərinə görə, bu gün vahid mərkəzdən idarə edilmə, vahid qiymətin tətbiq edilməsi və digər fərqli təkliflər var: "Biz də bir çox şəhərlərdə tətbiq olunan modelləri müqayisə edirik. Yaxın zamanda Bakı şəhərinə uyğun model tapıb tətbiq etməyə çalışacağıq".

395
Teqlər:
müştəri, sərnişin, taksi, şirkət, sürücü
Əlaqədar
Bakıda kütləvi taksi şoku yaşanıb, məsul qurum sərt tədbirlərə əl atacaq
Xüsusi müştərilər üçün döyüşçülərin idarə etdiyi və cangüdənlərin qoruduğu taksi xidməti
Qadınlar taksidə öpüşdü, qalmaqal qopdu
Taksi sürücüsü Bakıda İsrail vətəndaşı olan turisti soyub
"Uçan su taksiləri" gəlir!
Taksi sürücüsü qadın müştərini ayağından tutaraq sürüyüb
İsmayıllıda aşkarlanan nadir tapıntılar

Prezidentin sərəncamı sərvətlərimizi üzə çıxardı

0
İcra başçısı: "Bu ərazi qədim görməli yerlərlə doludur. İstisna deyil ki, yerin altında bu bölgənin turizminin inkişafı üçün gələcəkdə istifadə edə biləcəyimiz oxşar qədim əlamətlər saxlanılır

 

BAKI, 13 avqust — Sputnik. İsmayıllıda yerin altında bu bölgənin turizminin inkişafı üçün gələcəkdə istifadə edə biləcəyimiz oxşar qədim əlamətlərin saxlandığı istisna deyil. Bu sözləri İsmayıllı rayonunun icra hakimiyyətinin başçısı rəhbəri Nahid Bağırov Sputnik Azərbaycan-a Basqal kəndi yaxınlığındakı qiymətli arxeoloji tapıntıdan danışarkən deyib. O qeyd edib ki, yerin alt qatında olan qədim sübutlar təsadüfən səthə çıxıb. O, bu kəşfin birbaşa prezidentin sərəncamının nəticəsi olduğunu bildirib.

Belə ki, prezident İlham Əliyevin sərəncamı əsasında İsmayıllı rayonunda Basqal–Qıçatan–Tağlabiyan-Kəlfərəc-Zeyvə–Kürdüvan–Xankəndi–Mücü–Sərsurə–Kələzeyvə–Sulut avtomobil yolunun tikintisinə başlanıb. Ağır texnika işə salınıb. Lakin yolun çəkilişi zamanı inşaatçılar divar aşkar ediblər. Divarın yanında "La ilahə İllalah" yazısı olan daş da aşkarlanıb. Nadir tapıntıların aşkar olunduğu ərazidə tikinti işləri dayandırılıb, ərazi nəzarətə götürülüb.

© Photo : Executive Power of Ismayilli region
İsmayıllı rayon icra hakimiyyətinin başçısı Nahid Bağırov

Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin əməkdaşları ərazidə olublar, aşkar olunmuş maddi-mədəniyyət nümunələrinə baxış keçiriblər.

Yolun Kürdüvan kəndindən keçən hissəsində görülən işlər zamanı XI-XIII əsrlərə aid həndəsi, nəbati və zoomorf təsvirli şirli və şirsiz saxsı məmulatlar, şüşə qolbaq, sferokonus aşkar olunub. Ərazidən Elxanilər dövrünə aid müxtəlif pul vahidləri də tapılıb. Eyni zamanda həmin ərazinin yaxınlığında Antik dövrə aid xeyli sayda saxsı qablar və bəzək əşyaları aşkar olunub. Aşkar olunan maddi-mədəniyyət nümunələrindən birinin üzərində ərəbcə yazılar var.

© Photo : Executive Power of Ismayilli region
İsmayıllıda aşkarlanan nadir tapıntılar

Dövlət Xidmətinin rəis müavini Könül Cəfərova qeyd edib ki, ərazidə ilkin arxeoloji tədqiqat işlərinin aparılması nəzərdə tutulub. Arxeoloqların verəcəyi rəy əsasında daha geniş tədqiqat işlərinin aparılmasına qərar veriləcək.

Məsələ ilə bağlı aidiyyəti dövlət qurumlarına müvafiq rəsmi müraciətlər olunub. Artıq sözügedən ərazi məhdudlaşdırıcı giriş lenti ilə bağlanıb, mülki şəxslər və polis əməkdaşları tərəfindən mühafizəsi təmin olunub.

İcra başçısı Nahid Bağırov özü əmindir ki, bu cür tarixi artefaktlar yalnız rayonun xeyrinədir. Buradakı tarixi abidələrdən turizmin inkişafı üçün fəal şəkildə istifadə edilə bilər.

© Photo : Executive Power of Ismayilli region
İsmayıllıda aşkarlanan nadir tapıntılar

"Bu ərazi qədim görməli yerlərlə doludur. İstisna deyil ki, yerin altında bu bölgənin turizminin inkişafı üçün gələcəkdə istifadə edə biləcəyimiz oxşar qədim əlamətlər saxlanılır", - deyə İsmayıllı rayonunun icra başçısı bildirib.

Onu da qeyd edək ki, tarixçi-alim Sara Aşurbəyli "Şirvanşahlar dövləti" haqqında əsərində orta əsr mənbələrinə əsasən Kürdüvan əhalisini "Şirvanşahların xəzinə rəncbərləri" olaraq qeyd edib. Ehtimal edilir ki, bu ərazidə olan tikili həmin dövrlərə aid məscidin qalıqlarıdır. Xankəndi inzibati ərazi dairəsinə daxil olan Kürdüvanda orta əsrlərə aid məscid olduğu bildirilir. Yerli sakinlərin sözlərinə görə, həmin məscid məhz bu ərazidə yerləşib.

0
5G K9 robotu, arxiv şəkli

Qazandığımızı tam itirə bilərik: təşəbbüsü robotlara verməklə...

29
(Yenilənib 11:19 13.08.2020)
Bu gün dünyada işsizlikdən əziyyət çəkən, gündəlik çörək tapa bilməyin milyonlarla insan var. Hər yeni robotlaşdırılmış sistem onların sayını birə-on artırır.

Rusiyada robotlar üçün gəlir vergisinin tətbiq edilməsi ideyası gündəmə gəlib. Rusiyanın Mütərəqqi Təhsil İnstitutu belə bir təkliflə Maliyyə Nazirliyinə müraciət edib. Analitiklərin fikrincə, süni intellektin inkişafı yaxın 15-20 ildə 20 milyon rusiyalını işsiz qoya bilər. Vergidən gələn məbləği satıcı, kassir, analitik, mühafizəçi peşələrində çalışan insanların başqa yöndə təhsil almasına yönəltmək mümkün olacaq.

“Terminator” filminin ilk versiyası nə qədər fantastik görünürdüsə...

Süni intellektin, robotların, “ağıllı əşyaların”, androidlərin tədricən insanı bir sıra sahələrdən sıxışdırıb çıxaracağı barədə yüzlərlə bədii və sənədli film çəkilib. 1984-cü ildə ekranlara çıxan, milyonların sevimlisinə çevrilən “Terminator” filminin ilk versiyası nə qədər fantastik görünürdüsə, müasir dövrün prizmasından bir o qədər də primitiv təsir bağışlayır. Bu gün artıq robotlaşdırılmış və avtomatlaşdırılmış zavodlar, internet və onun yaratdığı informasiya mühiti, evi tam idarə edən avadanlıq və yüzlərlə texnoloji yenilik reallaşıb.

Robotlar insanı, sözün əsl mənasında, sıxışdırıblar. Həyatını daha rahat və komfortlu görməyə can atan insan onu hər yerdə əvəzləyə biləcək texnologiya yaradıb, bu barədə hər gün bəh-bəhlə danışır da. Analitiklər robotların bəşəriyyətin gələcəyinə nə cür təsir edəcəyi ətrafında dayanmadan mübahisə edirlər. Tərəqqinin qarşısını almaq mümkünsüzdür, hər gün yeni texnologiya yaradılır və hər yeni texnologiya dünənin köhnəlmiş avadanlığını əvəzləyir. Hər yeni nəsil robotları daha mükəmməl və funksional fəaliyyət göstərir.

Fantastik filmlərdə gördüyümüz səhnələr reallaşa biləcəkmi?

Robotların insanı tam sıradan çıxarması, Yer üzündə milyardlarla insanı işsiz qoymağı mümkündürmü? Fantastik filmlərdə gördüyümüz səhnələr reallaşa biləcəkmi? Adətən yeni avadanlıq, texnologiya istehsal edən şirkətlər, bu sahədə çalışan insanlar tarixə istinad etməyi sevirlər. Antik dövrdə gəmi qulların vasitəsilə hərəkət edirdi, bir müddət sonra taqətdən düşənlərin yerini digərləri tuturdular. Tədricən yelkənli gəmilər meydana gəldi, onları buxarla işləyən gəmilər əvəzlədi. Hazırda atom enerjisi ilə hərəkət edən gəmilər yaradılıb. Okeanda üzən kiçik bir şəhərcikdir sanki.

Avtomobil, dəmir yolu, aviasiya nəqliyyatı inkişaf etdikcə bir çox peşələr sıradan çıxdı. Orada-burada nadir hallarda faytonlara rast gələ bilərik, o da elə-belə gözəllik üçündür. Robototexnikanın sürətli inkişafı bir tərəfdən bəşəriyyətə nə qədər xeyir versə də, bir o qədər də özü ilə problem gətirməkdədir. Bəzən problemin kökünü hələ də anlamırıq. Vaxtilə hər yeni yaranan texnologiya əsasən insanı ağır fiziki zəhmətdən azad edib. Əgər bir neçə əsr öncə dünya əhalisinin 90 faizi kənd təsərrüfatında çalışırdısa, hazırda bu göstərici 3-5 faizə enib. Yəni əvvəllər bu qədər insanın gördüyü işi hazırda müxtəlif növ texnikanın köməyi ilə reallaşdırırıq. Məhsulu da bazara çatdırmaq problem deyil, hər cür sürətli nəqliyyat növü icad olunub.

Robotlar insanı hansı sahələrdən uzaqlaşdırır? 

Ağır, fiziki əməkdən azad olan insan gücünü elmin, ədəbiyyatın, incəsənətin inkişafına yönəldib. Minlərlə böyük şəhər və meqapolisdə dünya əhalisinin böyük hissəsinin toplanmasına şərait yaradılıb. Amma robotlar bəşəriyyət üçün daha təhlükəlidir, çünki artıq insan həm fiziki əməkdən azad olub, həm də düşünmək funksiyasını süni intellektin idarə etdiyi sistemlərə ötürməklə məşğuldur. Robotlar insanı hansı sahələrdən uzaqlaşdırır? 

Sənaye miqyasında robotlar olduqca geniş istifadə edilir, zavod və fabriklərin bir çoxunda avtomatlaşdırılmış xətlər fəaliyyət göstərir. Hərdən reklamda da tez-tez “insan əli dəymədən istehsal edilib” ifadəsini eşidirik. Qida və alkoqol sənayesində, avtomobil, mobil telefon, smartfon, kompüter istehsalında çoxdan robotlar insanı əvəzləyib. Hətta son dövrlərdə sənaye müəssisələrini ABŞ-a qaytarmaq ideyasını dəstəkləyən Tramp administrasiyası ölkədə tam robotlaşdırılmış zavodların quraşdırılması üçün münbit şərait yaradıb, Çinin “Huawei” şirkətini ABŞ bazarından uzaqlaşdırmaqla İsveçin “Ericsson” şirkətinə ölkə daxilində tam robotlaşdırılmış müəssissə tikməyə imkan verib. Texas ştatında 2020-ci ildə fəaliyyətə başlayan bu “ağıllı fabrik” artıq 5G stansiyaları buraxır. 

Müasir robotlar nəyisə öyrənməkdə insanı qabaqlayır

Geyim istehsalı adətən dünyanın bir çox yerində milyonlarla insanı işlə təmin edirdi. Hazırda robotlar bu sahəni də tədricən ələ alırlar. Almaniyanın “Adidas” şirkəti dünyaca məşhur idman geyimi və ayaqqabılarını artıq Avropada robotların köməyi ilə istehsal etməyə başlayıb. ABŞ-da tam avtomatlaşıdırılmış geyim fabrikləri də fəaliyyət göstərir.

Robotlar insanı supermarket kassasında, avtomobil sükanı arxasında, təyyarənin idarə edilməsində, hərbi döyüş zonalarında əvəzləməkdədir. Özü də insanın yol verə biləcəyi səhvlərin heç birini etməz, etsə də, cəmi bir dəfə. Müasir robotlar nəyisə öyrənməkdə insanı qabaqlayır, gün-gündən mükəmməlləşirlər. Amma problem daha dərindir, çünki robotlar insanın məhz düşünmək imkanını əlindən alırlar. Bu, bəşəriyyət üçün sözün əsl mənasında təhlükədir. Belə olan halda insanın deqradasiyası, onun həm fiziki imkanlarının, həm də intellektual potensialının aşağı enməsi qaçılmazdır. Biliyi bir nəsildən digərinə ötürmək də zamanla əhəmiyyətsiz olacaq, süni intellektin qurduğu dünyada, onun yaratdığı sistemdə yaşamalı olacağıq. Heç bir fəaliyyət üçün səbəb olmayacaq.

Bəşəriyyətə nə qədər yazıçı, rəssam, heykəltəraş, bəstəkar lazımdır?

Həkimlər, hüquqşünaslar, jurnalistlər, tərcüməçilər, ümumiyyətlə, ofis işçilərinin əksəriyyəti işsiz qalacaq. Cərrahlıq edən robotlar, hüququ mükəmməl mənimsəyən, hər gün mətbuat üçün yüzlərlə xəbər yazan proqramlar yaradılıb. İnsana müəyyən dərəcədə özünü yaradıcılıqda ifadə etmək mümkün olacaq. Amma bəşəriyyətə nə qədər yazıçı, rəssam, heykəltəraş, bəstəkar lazımdır? Bəs qalan insanlar nə işlə məşğul olacaqlar?

Elə bu gün dünyada işsizlikdən əziyyət çəkən, gündəlik çörək tapa bilməyin milyonlarla insan var. Hər yeni robotlaşdırılmış sistem onların sayını birə-on artırır. Geyim hazırlamağın, smartfon və ya kompüter istehsal etməyin də mənası qalmayacaq. Bunu ala bilən insan yoxdursa, düzəltməyə dəyərmi? Bəşəriyyət artıq bu gün texnologiyanın yarada biləcəyi fəsadları aradan qaldırmaq yollarını araşdırmalıdır. Təşəbbüsü robotlara verməklə qazandığımızı tam itirə də bilərik.

29