Elektrik xətti, arxiv şəkli

Rəsmi: Elektrik enerjisinin verilməsi Bakıda 100, regionlarda 80 faiz təmin edilib

122
(Yenilənib 11:17 03.07.2018)
Fasiləsiz və dayanıqlı elektrik enerjisi ilə təchiz edilməsi istiqamətində bütün zəruri addımlar atılır və problemlər ən qısa vaxtda 100% aradan qaldırılacaq

BAKI, 3 iyul — Sputnik. "Gərgin əmək nəticəsində paytaxt Bakı 100%, Azərbaycanın regionları isə 80% elektrik enerjisi ilə təchiz olunub".

Sputnik Azərbaycan xəbər verir ki, bunu "Azərişıq" ASC-nin mətbuat xidmətinin rəhbəri Tanrıverdi Mustafayev deyib.

"Bakı Metropoliteni, xəstəxanalar, hərbi hissələr, su və kanalizasiya idarələri, başqa dövlət əhəmiyyətli obyektlər tam şəkildə elektrik şəbəkəsinə qoşulub. "Azərenerji" ASC elektrik enerjisi ötürdükcə abunəçilər işıqla təmin ediləcək. İstehlakçıların keyfiyyətli, fasiləsiz və dayanıqlı elektrik enerjisi ilə təchiz edilməsi istiqamətində bütün zəruri addımlar atılır və problemlər ən qısa vaxtda 100% aradan qaldırılacaq" — deyə o qeyd edib.

122
Teqlər:
regionlar, Tanrıverdi Mustafayev, təminat, elektrik enerjisi, "Azərişıq" ASC, Bakı
Əlaqədar
Elektrik verilişi hər yerdə bərpa edilir, ölkə normal həyata qayıdır
Prezident baş verənləri şəxsi nəzarətə götürdü
Mingəçevirdə partlayış olub, FHN hadisə yerində çalışır
Ölkənin elektriksiz qalmasının səbəbi açıqlandı
Azərbaycan qaranlığa qərq oldu
Xəstəxana

Onkoloji xəstəlikdən əziyyət çəkən Xalq artisti əməliyyat olunub

2
"Bu gün əməliyyat olundu. Xəstəlik ona əziyyət versə də, bu haqda heç kimə bildirməyib. Şükür ki, vəziyyəti yaxşıdır"

BAKI, 21 aprel — Sputnik. Xərçəngdən əziyyət çəkən Xalq artisti Ağadadaş Ağayev bu gün Türkiyədə əməliyyat olunub.

Bu barədə Sputnik Azərbaycan-a məlumat verən müğənninin oğlu Səbuhi Ağayevin sözlərinə görə, müğənni bir müddətdir onkoloji xəstəliklə mübarizə aparır: "Atam iki aydır ki, Türkiyədədir. Bu gün əməliyyat olundu. Xəstəlik ona əziyyət versə də, bu haqda heç kimə bildirməyib. Şükür ki, vəziyyəti yaxşıdır".

2
Koronavirus testi, arxiv şəkli

Azərbaycanda son sutkada 2075 nəfər COVID-19-a yoluxub

6
Azərbaycanda indiyədək ümumilikdə 305 933 nəfər koronavirus infeksiyasına yoluxub. Onlardan 269 965 nəfər müalicə olunaraq sağalıb

BAKI, 21 aprel — Sputnik. Azərbaycan Respublikasında koronavirus (COVID-19) infeksiyasına 2075 yeni yoluxma faktı qeydə alınıb, 2480 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 32 nəfər vəfat edib.

Ölkədə son sutka ərzində 12 679, hazırkı dövrədək isə 3 141 335 test aparılıb.

Azərbaycanda indiyədək ümumilikdə 305 933 nəfər koronavirus infeksiyasına yoluxub. Onlardan 269 965 nəfər müalicə olunaraq sağalıb, 4235 nəfər vəfat edib, aktiv xəstə sayı 31 733 nəfərdir.

6
Qərənfil

Gənc tamaşaçılar teatrının aktyoru vəfat edib

0
(Yenilənib 17:36 21.04.2021)
Ələsgər Qurbanəliyev 1948-ci ildə Abşeron rayonunun Qobu qəsəbəsində anadan olub. O, 1971-ci ildə Azərbaycan Dövlət İncəsənət Universitetinin "Dram və kino aktyorluğu" fakültəsini bitirib.

BAKI, 21 aprel — Sputnik. Gənc Tamaşaçılar Teatrının aktyoru Ələsgər Qurbanəliyev 73 yaşında vəfat edib. Sputnik Azərbaycan xəbər verir ki, aktyor bu gün koronavirus xəstəliyindən dünyasını dəyişib.

Həmçinin bildirilib ki, bir müddət əvvəl Ə.Qurbanəliyevin qardaşı da COVID-19-dan vəfat edib.

Qeyd edək ki, Ələsgər Qurbanəliyev 1948-ci ildə Abşeron rayonunun Qobu qəsəbəsində anadan olub. O, 1971-ci ildə Azərbaycan Dövlət İncəsənət Universitetinin "Dram və kino aktyorluğu" fakültəsini bitirib. Əvvəllər Sumqayıt Dövlət Dram Teatrında işləyən aktyor 1979-cu ildən Gənc Tamaşaçılar Teatrında aktyor kimi fəaliyyətə başlayıb.

Allah rəhmət eləsin!

0