Fotosessiya, arxiv şəkli

Bakıda kirayənişin ev sahibi ilə cinsi həyat yaşadı ağlasığmaz əməl törətdi

1764
(Yenilənib 20:55 02.07.2018)
Bakıda film kimi olay: Əvvəlcə ona evini verdi, sonra sevgili oldu, nəhayət polisə düşdü

Ramella İbrahimxəlilova, Sputnik Azərbaycan

BAKI, 2 iyul — Sputnik. Xətai rayon sakini olan qadın evini kirayəyə verdiyi oğlanla eşq macərası yaşamasının bədəlini ağır ödəyib. Qadın şantaj nəticəsində özünün daşınmaz əmlakından keçməli olub.

Bu barədə Sputnik Azərbaycan-a Xətai rayonunun hüquq-mühafizə orqanlarından məlumat verilib.

Xətai rayonu, Mirzə Davud küçəsində, 37 saylı polis bölməsinin ərazisində yaşayan 1977-ci il təvəllüdlü paytaxt sakini artıq şantaja dözə bilməyərək polisə müraciət edib. Lakin onun ehtiyatsızlığın və cinayətin qurbanı olduğunu başa düşməsi tam altı ilini alıb.

Qadının sözlərinə görə, 2012-ci ildə o, regiondan gələn Eldar (ad etik qaydalara görə dəyişdirilib) adlı cavan oğlanı evində kirayənişin kimi saxlamağa başlayıb. Bir müddət sonra onların arasında cinsi münasibətlər yaranıb. Bundan sonra ev sahibəsi ilə oğlan arasında dəfələrlə cinsi yaxınlıq olub. Qadınla cinsi əlaqəyə girməklə kifayətlənməyən kirayənişin ev sahibinin bütün ailə sirlərini də öyrənib.

Bir dəfə, qadın təklikdə oğlana onun çılpaq şəkillərini çəkməyə icazə verib. Elə bundan sonra qadına qarşı təhdid və şantaj başlanıb. Kirayənişin qadını onun çılpaq şəkillərini sosial şəbəkədə yayaraq biabır etməklə hədələyib. Susmağının əvəzində şantajçı qadından tələb edib ki, Abşeron rayonu ərazisində olan 2 sot torpaq sahəsini onun adına keçirsin. Zərərçəkmiş qadın sevgilisi və şantajçısının bu tələbini yerinə yetirib. Lakin oğlan bununla sakitləşməyib. Artıq kirayənişin olmayan Eldar bir il sonra Xətai rayon sakinindən 30 min ABŞ dolları tələb edib. Bu dəfə qadın şantajçının hərəkətinə dözməyib və polisə şikayət edib.

Hüquq-mühafizə orqanlarından bildiriblər ki, bu cür şantaj hallarının sayı son vaxtlar həddindən artıq çoxalıb. Lakin kirayənişin və sevgili olmaqla yanaşı, həm də şantaj yolu ilə əmlak sahibinə çevrilmək bir başqa bacarıq tələb edir. Hələlik şantaj faktı ilə bağlı heç kəs saxlanılmayıb. Əməliyyatçılar şübhəlinin şəxsiyyətini müəyyən etməyə çalışırlar. İşin materialları araşdırma mərhələsindədir.

1764
Teqlər:
cinayət, kirayənişin, çılpaq, foto, intim, şantaj, kirayə, eşq macərası, Xətai rayonu
Xocalıdan olan qızcığaz

Tariximizin qara günü - Xocalı soyqırımından 29 il ötür

9
Xocalı soyqırımının ildönümü hər il Azərbaycan və dünyanın bir çox ölkəsində qeyd olunur. Bu tədbirlərdə ermənilərin Xocalıda törətdiklərini əks etdirən foto-stendlər, sənədli filmlər nümayiş olunur, soyqırımı həqiqətlərini əks etdirən kitablar sərgilənir

BAKI, 26 fevral - Sputnik. Azərbaycanın Xocalı şəhərində ermənilərin dinc sakinlərə qarşı törətdikləri soyqırımının 29-cu ili tamam olur.

Sputnik Azərbaycan-ın məlumatına görə, erməni silahlı birləşmələri SSRİ dövründən Xankəndi şəhərində dislokasiya olunmuş 366-cı motoatıcı alayının zirehli texnikası və hərbi heyətinin köməkliyi ilə 1992-ci il fevralın 25-dən 26-na keçən gecə Xocalı şəhərinə hücuma keçiblər.

Mühasirəyə alınan şəhərin 2500 sakini xilas olmaq üçün Ağdam istiqamətində hərəkət edib. Lakin pusquda dayanan ermənilər dinc sakinləri gülləbaran ediblər. Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 76-sı uşaq olmaqla, 487 nəfər yaralanıb. 1275 nəfər əsir götürülüb. Girov götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil.

Xocalı soyqırımının ildönümü hər il Azərbaycan və dünyanın bir çox ölkəsində qeyd olunur. Bu tədbirlərdə ermənilərin Xocalıda törətdiklərini əks etdirən foto-stendlər, sənədli filmlər nümayiş olunur, soyqırımı həqiqətlərini əks etdirən kitablar sərgilənir.

2008-cu ilin mayından İslam Konfransı Təşkilatı Gənclər Forumunun (İKGF) Mədəniyyətlərarası Dialoq üzrə baş koordinatoru Leyla Əliyevanın təşəbbüsü ilə "Xocalıya Ədalət" kampaniyası keçirilir. Kampaniyanın məqsədi beynəlxalq ictimaiyyətin Xocalı faciəsi ilə bağlı məlumatlandırılması, faciəyə beynəlxalq aləmdə mənəvi-siyasi qiymət verilməsi və beynəlxalq səviyyədə anılmasını təmin etməkdir. Kampaniyanın beynəlxalq əlaqələndirilməsi www.justiceforkhojaly.org saytı vasitəsilə aparılır.

9
Teqlər:
erməni terroru, Qarabağ, Azərbaycan, Xocalı soyqırımı
Xocalı qurbanlarının anım mərasimi, arxiv şəkli

"Xocalı fəryadı" ingiliscə səsləndi - VİDEO

9
Bu gündən etibarən "Xocalı fəryadı" ədəbi-bədii musiqili kompozisiyanın Heydər Əliyev Sarayının sosial media hesablarında (facebook, instagram, telegram, youtube) yerləşdirilməsi və televiziya kanallarında yayımlanması nəzərdə tutulub.

BAKI, 25 fevral — Sputnik. Heydər Əliyev Sarayı Xocalı soyqırımının 29-cu ildönümünə həsr olunan və ermənilərin törətdikləri vəhşiliklər haqqında həqiqətləri olduğu kimi, bütün miqyası və dəhşətləri ilə geniş ictimaiyyətə çatdırmaq məqsədi daşıyan "Xocalı fəryadı" adlı ədəbi-bədii musiqili kompozisiyası hazırlayıb.

Sputnik Azərbaycan xəbər verir ki, Xocalı soyqırımı gerçəklərinin dünya ictimaiyyətinə çatdırılmasının vacibliyi nəzərə alınaraq layihə ingilis dilində (azərbaycan dilində subtitrlə müşayiətlə) ərsəyə gətirilib.

"Xocalı fəryadı" layihəsində M.Maqomayev adına Azərbaycan Dövlət Akademik Filarmoniyasının F.Əmirov adına Azərbaycan Dövlət Mahnı və Rəqs ansamblı, Xalq artisti Murad Hüseynov (piano), Coşqun Qadaşov (piano), Hüseyn Nağıyev (kamança), Pərviz Əlikramoğlu (balaban), Orxan Hüseynov (violonçel), Sevinc Əliyeva (rəssam-ebru sənəti), Həsən Ələkbərov (Xocalı sakini), Əminə Şahmuradova (uşaq aktyor) və Aytac Bağırlı (hekayəçi) iştirak ediblər.

Bu gündən etibarən "Xocalı fəryadı" ədəbi-bədii musiqili kompozisiyanın Heydər Əliyev Sarayının sosial media hesablarında (facebook, instagram, telegram, youtube) yerləşdirilməsi və televiziya kanallarında yayımlanması nəzərdə tutulub.

9
Teqlər:
video, Xocalı soyqırımı