Ov tüfəngi, arxiv şəkli

Samuxda ilginc səbəbdən kənd sakinini güllələyiblər

276
(Yenilənib 23:52 29.06.2018)
Su yenidən Samux rayonunda "nifaq alması" rolunu oynayıb

Ramella İbrahimxəlilova, Sputnik Azərbaycan

BAKI, 29 iyun — Sputnik. Su yenidən Samux rayonunda "nifaq alması" rolunu oynayıb. Lakin bu dəfə münaqişə az qala ölümlə nəticələnirmiş.

Samux rayonunda odlu silahla törədilmiş cinayətin üstü açılıb. Bu barədə Sputnik Azərbaycan-a AR Daxili İşlər Nazirliyinin mətbuat xidməti məlumat verib.

Belə ki, bu il mayın 15-də rayonun Qarabağlar kəndində atəş səsləri eşidilib. Hadisə yerinə gələn Samux rayon Polis Şöbəsinin əməkdaşlarının araşdırması zamanı məlum olub ki, həmin gün artezianın gözətçisi Elsevər Qurbanovla yerli sakin Adil Behbudov arasında münaqişə baş verib. Nəticədə Behbudov ov tüfəngindən Qurbanova tərəf bir neçə dəfə atəş açıb.

Lakin bu atəş nəticəsində Qurbanov deyil, Çobanabdallı kəndinin sakini Elsevər Kazımov güllə yarası alıb. O, boyun nahiyəsindən aldığı xəsarət nəticəsində xəstəxanaya yerləşdirilib.

Sputnik Azərbaycan-ın müxbiri hüquq-mühafizə orqanlarından hadisənin nə səbəbdən baş verdiyini öyrənib. Hüquq mühafizəçilərinin sözlərinə görə, sözügedən rayonda hər dəfə yayın gəlişi ilə əlaqədar olaraq su üstündə münaqişələr baş verir. Yerli sakinlər əkin sahələrinin suvarılması zamanı su çatışmazlığından əziyyət çəkirlər və buna görə də, sahələrin suvarılmasını növbə ilə həyata keçirirlər. Bu dəfə də mübahisə su növbəsi üstündə baş verib. Adil Behbudov ona əsəbiləşib ki, Qurbanov onun su növbəsini başqasına verib. Kişilər arasında mübahisə davaya çevrilib və vəziyyəti belə görən Kazımov dalaşanları ayırmağa çalışıb. Lakin nəticədə özü zərər çəkib.

Faktla bağlı AR Cinayət Məcəlləsinin 29 və 120-ci maddələri (cinayət etməyə cəhd və adam öldürmə) ilə cinayət işi açılıb.

276
Teqlər:
artezian, tüfəng, Samux rayonu, su, atəş
Peşə təmayüllü məkan, arxiv şəkli

Bu şəxslər təhsil almadan peşə təhsili sənədi alacaqlar

0
Qeyri-formal təhsil isə müxtəlif kurslarda, dərnəklərdə və fərdi məşğələlərdə əldə edilən və dövlət təhsil sənədinin verilməsi ilə müşayiət olunmayan təhsil formasıdır

BAKI, 6 avqust — Sputnik. Peşə təhsili üzrə qeyri-formal və informal təhsil formaları vasitəsilə əldə edilmiş bilik, bacarıq, səriştə və təcrübənin qiymətləndirilməsi, eləcə də tanınması üçün kimlərin müraciət edə biləcəyi açıqlanıb.

Bu barədə Sputnik Azərbaycan-a Təhsil Nazirliyindən məlumat verilib. Bildirilib ki, ümumi orta təhsili səviyyəsini ən az 4 il əvvəl və ya tam orta təhsil səviyyəsini ən az 2 il əvvəl bitirərək, müraciət etdiyi müvafiq ixtisas üzrə azı 2 il qeyri-formal və informal təhsil formaları vasitəsilə bilik, bacarıq, səriştə və təcrübə əldə edən vətəndaşlar qiymətləndirilmə və tanınma üçün müraciət edə bilərlər.

Prosesin yekununda verilən diplom ilk peşə təhsili səviyyəsində təhsil haqqında sənədə bərabər tutulur və Nazirlər Kabinetinin 2019-cu il 16 aprel tarixli 173 nömrəli Qərarı ilə təsdiq edilmiş "Peşə təhsili pilləsinin bir səviyyəsindən növbəti səviyyəsinə keçid Qaydası"na uyğun olaraq, sahibinə peşə təhsili pilləsinin növbəti səviyyəsində təhsilini davam etdirmək və ya ixtisası üzrə əmək fəaliyyətinə başlamaq hüququ verir.

Peşə təhsili üzrə qeyri-formal və informal formaları vasitəsilə əldə edilmiş bilik, bacarıq, səriştə və təcrübənin qiymətləndirilməsi və tanınması üçün Təhsildə Keyfiyyət Təminatı Agentliyinə müraciət olunmalıdır.

Qeyd edək ki, formal təhsil dövlət təhsil sənədinin verilməsi ilə başa çatan təhsil formasıdır. Ümumi təhsil, ilk peşə-ixtisas təhsili, orta ixtisas təhsili, ali təhsil, yenidənhazırlanma təhsili, təkrar ali və ya orta ixtisas təhsili dövlət təhsil sənədinin verilməsi ilə başa çatdığı üçün formal təhsil hesab edilir.

İnformal təhsil dedikdə özünütəhsil yolu ilə biliklərə yiyələnmənin forması başa düşülür. Qeyri-formal təhsil isə müxtəlif kurslarda, dərnəklərdə və fərdi məşğələlərdə əldə edilən və dövlət təhsil sənədinin verilməsi ilə müşayiət olunmayan təhsil formasıdır.

0
Arxeoloji qazıntılar, arxiv şəkli

Cəlilabadda yerləşən yeni aşkar olunmuş tarixi abidəyə müdaxilənin qarşısı alınıb

7
(Yenilənib 18:17 06.08.2020)
Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin və Cəlilabad Rayon Polis Şöbəsinin əməkdaşlarının birgə səyi nəticəsində qanunsuz qazıntı işləri aparan şəxslər saxlanılıb.

 

BAKI, 6 avqust — Sputnik. Cəlilabad rayonu Musalı kəndində yerləşən və yeni aşkar edilmiş daşınmaz tarix və mədəniyyət abidələrinin siyahısına daxil edilən "Qazan köşkü" arxeoloji abidəsinə müdaxilə olunub.

Bu barədə Sputnik Azərbaycan-a Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynli məlumat verib.

O bildirib ki, Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin və Cəlilabad Rayon Polis Şöbəsinin əməkdaşlarının birgə səyi nəticəsində qanunsuz qazıntı işləri aparan şəxslər saxlanılıblar.

Qeyd edək ki, hündür təpə üzərində yerləşən "Qazan köşkü" abidəsi ətraf əraziləri müşahidə altında saxlamağa imkan verən istehkam (qala) funksiyasını daşıyıb. Orta əsrlərə (təqribən VIII-XIII əsrlər) aid "Qazan köşkü" müşahidə məntəqəsi, qala, istehkam, sığınacaq yeri kimi istifadə olunub.

7
Əlaqədar
Hər qarışından tarix boylanan qəsəbə: Orada “Kasıb Piri” və “Əli daşı” kimi möcüzələr var
“Xınalıq” üçün çalışırlar, bəhrəsini bir il sonra biləcəyik
Daha möhkəm: Bərpadan sonra İçərişəhərin Qala qapıları necə görünür
Bir zaman Bakını o məşhur etmişdi, indi "borcu" qaytarmaq zamanıdır - FOTO