Qaraçayın üzərindən keçən tikintisi yarımçıq qalmış körpü

Azərbaycanda qorxulu vahə: Orada insanlara gözdağı verirlər təbiət qurban tələb edir

686
(Yenilənib 10:35 27.06.2018)
"Elə olub ki, uşağı səhər məktəbə göndərmişik, günorta sel gəlib deyə, uşaq evə qayıda bilməyib"

İlham Mustafa, Sputnik Azərbaycan

BAKI, 27 iyun — Sputnik. Gədəbəy rayon mərkəzindən Çalburun kəndinə gedən yola 2014-cü ildə asfalt örtüyü çəkilib. Elə həmin il kəndin ortasından keçən Qaraçayın üzərində yeni körpünün də əsası qoyulub.

Körpünün təməlqoyma mərasimi kənddə toy-bayramla qarşılansa da, təəssüf ki, 4 ildir tikinti başa çatmayıb. İstifadəyə veriləcəyi həsrətlə gözlənilən körpü bu gün çalburunluların, sözün əsl mənasında, gözdağına çevrilib.

Qaraçayın üzərindən keçən tikintisi yarımçıq qalmış körpü
© Sputnik / Ilham Mustafa
Qaraçayın üzərindən keçən tikintisi yarımçıq qalmış körpü

Çalburunlular dərdlərini, bu illər ərzində çəkdikləri məşəqqətləri Sputnik Azərbaycan-ın bölgə müxbirinə danışıblar. Kənd ağsaqqallı Ramiz Xamıyev 2014-cü ildə təməli qoyulmuş körpünün hər il ancaq bir hissəsində müəyyən işlər görüldüyünü bildirib.

"Çalburunda 2 mindən artıq əhali yaşayır. Sel gələndə kəndin 300-ə yaxın evi blokadada qalır. Bütün bu dağların suyu süzülüb kəndin ortasındakı dərədən keçir. Nə uşaqlarımız məktəbə gedə bilir, nə xəstəmizi həkimə apara bilirik. Elə olub, 3 gün sel dayanmayıb deyə, ölümüzü aparıb dəfn edə bilməmişik" — R.Xamıyev deyib.

Gədəbəy rayon Çalburun kəndinin sakinləri
© Sputnik / Ilham Mustafa
Gədəbəy rayon Çalburun kəndinin sakinləri

O, qeyd edib ki, problemlə bağlı dəfələrlə aidiyyatı qurumlara müraciət etsələr də, nəticəsi olmayıb: "Bizə, "gözləyin, düzələcək" sözündən başqa heç nə demirlər".

Kənd sakini Vaqif Məmmədov isə deyib ki, dəfələrlə sakinlərin vəsaiti hesabına çayın içindən maşın keçmək üçün körpü salınıb. Ancaq güclü yağış yağan kimi sel körpünü yuyub aparıb.

Rizvan Nəbiyev körpüsüzlük ucbatından qarşılaşdıqları çətinliklərdən danışıb: "Əkin-biçin zamanı texnika vaxtında gedib sahələrə çıxa bilmir. Dəfələrlə çaydan keçən malı, qoyunu sel aparıb. Təcili yardım çağırırıq, qalır o tayda, bu tərəfə keçə bilmir. Traktorla xəstəni aparıb təcili yardıma çatdırırıq".

Qaraçayın üzərindən keçən tikintisi yarımçıq qalmış körpü
© Sputnik / Ilham Mustafa
Kənd sakinləri problemlə bağlı dəfələrlə aidiyyatı qurumlara müraciət etsələr də, hələ ki nəticə yoxdur

"Elə olub ki, uşağı səhər məktəbə göndərmişik, günorta sel gəlib deyə, uşaq evə qayıda bilməyib. Sel dayanmadığından direktor məktəbliləri aparıb günlərlə evində saxlayıb. O səbəbdən də çox vaxt yaz, qış aylarında uşaqlarımızı məktəb olan tərəfdə yaşayan qohumlarımızın evlərində saxlamağa məcbur oluruq" — Rizvan Nəbiyev vurğulayıb.

Problemlə bağlı dəfələrlə müəyyən təşkilatlara ünvanladıqları məktubları nəticəsiz qalan kənd sakinləri bu dəfə Sputnik Azərbaycan vasitəsilə aidiyyatı qurumlara müraciət ediblər. Körpünün tezliklə tikilib başa çatdırılmasını xahiş ediblər. Bildiriblər ki, əgər tikintinin başa çatdırlması mümkün deyilsə, yarımçıq qalmış körpü də sökülsün və bununla da xalqa verilən gözdağı bitsin.

Sputnik Azərbaycan məsələyə aydınlıq gətirmək üçün Azərbaycan Avtomobil Yolları Dövlət Agentliyinə (AAYDA) müraciət edib. Qurumun sözçüsü Anar Nəcəfli bildirib ki, körpünün tikintisi üçün ilkin olaraq maliyyə vəsait ayrılıb. Lakin müəyyən işlər görüldükdən sonra vəsait bitdiyindən körpünün tikintisi yarımçıq qalıb.

Onun sözlərinə görə, işlərin tam başa çatdırılması üçün AAYDA tərəfindən yeni vəsaitin ayrılması məqsədilə aidiyyatı üzrə müraciət olunub və yaxın vaxtlarda məsələ öz müsbət həllini tapacaq.

686
Teqlər:
Çalburun kəndi, dərə, Gədəbəy rayonu, kənd, sakin, sel
Əlaqədar
Azərbaycanda qatı açılmamış sirlər: Gizli dərə, qəribə tayfa və kişilərə qan udduran qadın
Azərbaycanda əsrarəngiz dərə
"Ayı dərə"dən maraqlı görüntülər
Azərbaycanda qorxulu dərə: orada insanlara əzab verilir
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

5
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

5
Danimarka yığmasının yarımmüdafiəçisi Kristian Erikssen və Finlandiya millisinin havbeki Qlen Kamara AVRO-2020 matçında

Kristian Erikssen AVRO-2020-də Finlandiya ilə Danimarka oyununun ən yaxşısı seçildi

123
(Yenilənib 00:28 13.06.2021)
Avropa çempionatının təşkilat komitəsi oyun zamanı huşunu itirən futbolçunu dəstəkləmək qərarına gəlib.

Danimarkalı yarımmüdafiəçi Kristian Erikssen futbol üzrə Avropa çempionatının Finlandiya ilə Danimarka arasında keçirilən oyununun ən yaxşı futbolçusu seçilib. Bu barədə UEFA-nın saytında bildirilir.

Rusiya millisinin B qrupundakı rəqiblərinin oyunu şənbə günü Kopenhagendə başlayıb və 1:0 hesabı ilə finlərin xeyrinə başa çatlb.

Birinci taymın lap sonunda danimarkalıların yarımmüdafiəçisi Kristian Erikssen meydançada huşunu itirib. Bir neçə dəqiqə ərzində həkimlər ona ilkin yardım göstərib, ürəyini bilvasitə masaj ediblər. Sonra 29 yaşlı futbolçunu pərdəli xərəkdə tribunaların altındakı otağa aparıblar. Komandalar da onun ardınca gediblər.

Bir qədər sonra UEFA bəyan edib ki, oyunçu klinikadadır, özünə gəlib, vəziyyəti sabitdir. Matç təxminən iki saat sonra, Bakı vaxtı ilə 22:30-da davam etdirilib.

123