Televizorda futbola baxan azarkeş, arxiv şəkli

İzləyin, sevinin, kədərlənin, amma ürəyinizə salmayın...

29
(Yenilənib 12:09 24.06.2018)
Daha riskli qrupa kişilər daxil olub ki, onlarda bu kimi hallar 3,26 dəfə, qadınlarda isə 1,8 dəfə artıb

BAKI, 24 iyun — Sputnik. Rusiya ilk dəfə Dünya çempionatında qrupdan çıxdı, Argentina gözlənilmədən Xorvatiyaya, Almaniya isə Meksikaya uduzdu.

Sputnik Azərbaycan Rusiya mətbuatına istinadla xəbər verir ki, futbol xəbərləri nə qədər maraqlı olsa da, azarkeşlərin sağlamlığı üçün çox təhlükəlidir. Mütəxəssislər hesab edir ki, sevimli komandanın məğlubiyyəti azarkeşlərin ürəyində problemlər yarada bilər. Və bu elmi şəkildə sübut da edilib.

Təhqiqatçılar müəyyən edib ki, Dünya çempionatı zamanı aritmiya halları və infarkt sayı artıb. 2006-cı ildə Dünya Kuboku zamanı alimlər alman azarkeşlərin sağlamlığı üzərində müşahidələr aparıb. Müəyyən edilib ki, milli komandanın oynadığı günlər aritmiya və infarkt halları orta hesabla 2,66 dəfə artıb. Daha riskli qrupa kişilər daxil olub ki, onlarda bu kimi hallar 3,26 dəfə, qadınlarda isə 1,8 dəfə artıb.

Tom Nquyen izah edir ki, riskin artması bir neçə faktorla əlaqəlidir. Bura emosional gərginlik, düzgün qidalanmama, yağ və kalorili qidaların qəbulu və alkoqollu içkilərin qəbulu daxildir.

Futbol daha çox ürək çatışmazlığı olan insanlar üçün təhlükəlidir. Belə insanlar üçün qol vurulması zamanı qalibiyyət və ya məğlubiyyətin olması ən təhlükəli an hesab edilir.

Bununla yanaşı bir çox insanlar əgər əvvəllər ürək-damar problemləri ilə qarşılaşmayıblarsa və sinələrində ağrı hiss etmirlərsə, aritmiya və infarkt əlamətlərinə fikir vermirlər.

Həkimlər məsləhət görür ki, futbol meydançasında baş verənləri ürəyinizə salmayın və kiçik problemlər belə hiss etdiyiniz zaman həkimə müraciət edin.

29
Teqlər:
ürək, tədqiqat, dünya çempionatı, sağlamlıq, problem, azarkeş
Gəncədə vəziyyət

Məşhur türk müğənni konsertindən gələn gəliri gəncəlilərə bağışlayacaq

6
(Yenilənib 23:15 21.10.2020)
Ayhan Ulu (Pau) “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib

BAKI, 21 oktyabr — Sputnik. Ötən həftə Azərbaycanın ikinci böyük şəhəri sayılan Gəncədə ermənilərin törətdiyi 3-cü terror hadisəsinin qurbanları  dünyanın bir çox ölkələrində anılıb. Bundan başqa, Türkiyənin məşhur sənət adamları da buna səssiz qalmayıblar. Sputnik Azərbaycan xəbər verir ki, sözügedən ölkənin ulduzu Ayhan Ulu (Pau)  da “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib.

Bundan başqa, İzmirin məşhur ifaçılarından olan Pau bir neçə konsertinin gəlirini Gəncə qətliamından zərər görən şəxslərə bağışlayacağını bildirib: "Gələn həftə konsertlərimdən götürəcəyim gəliri Gəncə xalqına bağışlayacağam. Həmişə yanınızdayam. Azərbaycana hər zaman dəstək verəcəyəm".

Qeyd edək ki, Türkiyənin dünya şöhrətli müğənnisi, meqastar Tarkan da Gəncədə baş verən terrora səssiz qalmayıb. O,  “Instagram” hesabında ermənilərin Gəncəyə xain hücumunu pisləyən paylaşım edib.

“Dualarım qardaş ölkə Azərbaycanladır. Xain hücumlarda həyatını itirənlərə allahdan rəhmət, ailə və yaxınlarına başsağlığı, yaralılara şəfa diləyirəm. Çox kədərliyəm. Qəlbim Azərbaycan xalqı ilədir”, - ulduz müğənni qeyd edib.

6
Teqlər:
dəstək, konsert, müğənni, məşhurlar, Türkiyə, ölənlər və yaralılar, erməni təxribatı, raket zərbələri, Gəncə
Mövzu:
Azərbaycan və Ermənistan arasında müharibə
Əlaqədar
Erməni terrorunun qurbanları dünyanın dörd bir yanında anıldı
Qəlbimiz Azərbaycanla döyünür - Türkiyə müxalifətinin lideri
Gəncə istiqamətində Ermənistanın PUA-sı məhv edildi
Bir gecədə üç nəvəsini itirən Sənayət nənə: “Ləman bu il tələbə olacaqdı” – video
Türk ulduzları Gəncə terroruna səssiz qalmayıblar
Kompüter arxasında qız, arxiv şəkli

Azərbaycanda Kommunal Xidmətlər üzrə Vahid İnformasiya Sisteminin sınaqlarına başlanacaq

3
(Yenilənib 23:08 21.10.2020)
Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır

BAKI, 21 oktyabr — Sputnik. Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O qeyd edib ki, "Açıq hökumətin təşviqinə dair 2020-2022-ci illər üçün Milli Fəaliyyət Planı"na əsasən, Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur: “"Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları"nın təsdiq edilməsi və elektron hökumətlə bağlı bəzi tədbirlər haqqında Azərbaycan Respublikası Prezidentinin Fərmanı ilə Kommunal Xidmətlər Vahid İnformasiya Sisteminin operatoru funksiyaları Energetika Nazirliyinə həvalə edilib.

Cari ilin sonuna kimi "ASAN xidmət" tərəfindən sistemin test fazasına başlanması planlaşdırılır. Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır. Kommunal xidmətlər üzrə vahid informasiya bazasının yaradılması bu sahədə həyata keçirilən siyasətin mərkəzləşdirilməsi və sistemləşdirilməsi, müvafiq xidmətlər üzrə müraciətlərin vahid platformadan ünvanlanması, bu xidmətlərin hər kəs üçün daha əlçatanlığı və fasiləsizliyi, yaranan çətinliklərin operativ həlli baxımından faydalıdır”.

“Vətəndaş müraciətlərinin obyektiv araşdırılaraq cavablandırılması, xidmətlərin icrası zamanı sui-istifadə hallarının qarşısının alınması, xidmətlərin icra vəziyyətinə dair mərkəzləşdirilmiş təhlil və hesabatların aparılması, istifadəçilər tərəfindən xidmətin keyfiyyətinə dair təklif və iradların toplanması, həmçinin vətəndaş məmnunluğunun artırılması məqsədilə yaradılacaq Vahid Çağrı Mərkəzinin formalaşdırılması ilə bağlı Konsepsiya layihəsi də Nazirlər Kabinetinə təqdim edilib. Bütün bu tədbirlər açıqlıq, şəffaflıq və hesabatlılıq prinsiplərini əsas tutaraq dövlət xidmətlərinin təkmilləşdirilməsinə, ictimai nəzarətin gücləndirilməsinə xidmət edəcək”, - deyə nazir bildirib.

3