Erməni əhatəsində olan Quşçu Ayrım kəndi

Ermənilərin azərbaycanlı qızı güllələdiyi kənddən xəbər var

1267
Düşmən səngərinin bir addımlığında yerləşən Quşçu Ayrımda hər şey öz axarıyla davam edir

İlham Mustafa, Sputnik Azərbaycan

BAKI, 16 iyun — Sputnik. Qazax rayonunun Quşçu Ayrım kəndi düşmənlə təmas xəttində yerləşən ən yaxın kəndlərimizdən biridir. 3 tərəfdən ermənilərin əhatəsində olan kəndi düşmən postlarından 100 metrdən azacıq artıq məsafə ayırır. Hər an gülləyə tuş gəlmək təhlükəsi ilə yaşayan kənd mütəmadi olaraq düşmən atəşinə məruz qalır, kəndin evləri, sakinləri, mal-qarası düşmən təxribatının hədəfinə çevrilir. 

İyunun 16-da belə təxribatların biri zamanı Quşçu Ayrımda Gülanə Ağamalıyeva adlı kənd sakininin ermənilərin atdığı atəş nəticəsində yaralanması barədə xəbər vermişdik. Sputnik Azərbaycan-ın bölgə müxbiri hadisəylə bağlı Quşçu Ayrım kəndində olub, yaralının ailə üzləri və yaxınlarıyla söhbətləşib. 

Cəbhə bölgəsi
© Sputnik / Murad Orujov

Yaralının atası Aqif Ağamalıyev hazırda Gülanənin vəziyyətinin normal olduğunu bildirib. Atəşin snayper tüfəngindən atıldığını deyən 52 yaşlı kənd sakini güllənin sol ayaq pəncəsini dəlib keçdiyini, xoşbəxtlikdən qızının həyatı üçün ciddi təhlükə törətmədiyini söyləyib. 

"Atşma ara —sıra olur. Kəndə, adamlara, mal-qaraya, hara gəldi atırlar. Qızımı evimin 50 metrliyində vurdular. Şükür indi yaxşıdır. Evlərə atırlar arada. Postlara baxan pəncərələrimizin hamısını hörmüşük ki, adama dəyməsin. Bu yaxınlarda 8 baş qaramalı güllələdilər. Düşmən öz düşmənçiliyini edir. Təki vurulan mal-qara olsun, insana bir şey olmasın.  Belə təxribatlarla bizi qorxuda bilməzlər" — deyir kənd sakini.

Digər kənd sakini Elçin Namazov Sputnik Azərbaycan-ın bölgə müxbirilə söhbətində bütün çətinliklərə rəğmən yurd-yuvalarını tərk etməyəcəklərindən danışıb. 

Erməni əhatəsində olan Quşçu Ayrım kəndi
© Sputnik / Ilham Mustafa
Erməni əhatəsində olan Quşçu Ayrım kəndi

"Torpaqlarımız daş-qayadır. Burada əkinçilik əl vermir. Örüşlərimizdəki əksəriyyəti düşmən postlarını hədəfindədir. Maldan-qoyundan saxlayıb evin həndəvərində otarırıq. Düzdür, müəyyən çətinliklərimiz var, amma bura bizim ata-baba yurdumuzdu. Bütün kənd sakinləri döyüşüb buranı saxlamışıq. Mənim özüm 90-93-cü illərdə iki dəfə yaralanmışam. Amma heç vaxt kəndi tərk etmək ağlıma gəlməyib" — deyə kəd sakini bildirir. 

Beləliklə, Quşçu Ayrımlılar kənddə həyatın öz axarıyla davam etdiyini, heç nədən qorxub çəkinmədiklərini bildiriblər.

1267
Əlaqədar
Bayram günü cəbhədə təxribat
Türkiyəli müğənnidən Azərbaycana qarşı inanılmaz təxribat - VİDEO
Müdafiə Nazirliyindən təxribat xəbərdarlığı: Sərt tədbir görüləcək
Ermənistan təxribat törətməkdə davam edir
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

32
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

32
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

59
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

59
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN