Mingəçevir şəhərinin parklarındakı dekorativ bitkilər

Şəhərlərimizə başgicəlləndirici qoxu yayılıb: Bu təhlükədən xəbəri olan var?

17733
(Yenilənib 10:02 12.06.2018)
O, nə qurudulduqda, nə də qaynadılmış halda zəhərlilik xüsusiyyətini itirir

İlham Mustafa, Sputnik Azərbaycan

BAKI, 12 iyun — Sputnik. Mingəçevir şəhəri istirahət məkanları və parkları, xüsusən də yaşıllıqları ilə məşhur olub. Hansı ki, həmin park və istirahət məkanlarını indiyədək ətri insanı valeh edən qızıl güllər, xoş ətirli çiçəklər bəzəyib.

Lakin artıq bir müddətdir ki, şəhərin yaşıllıq ərazilərindəki həmin gülləri başgicəlləndirici qoxuya malik "cəhənnəm ağacı", "zəqqum çiçəyi" adlandırılan bitkilər əvəz edir. Demək olar ki, şəhərin bütün istiqamətlərində bu bitkiləri görmək mümkündür.

Əsl adı "oleandr" olan bu təhlükəli bitkiyə, söyüd ağacının yarpaqlarına bənzədiyinə görə, ölkəmizdə "söyüd gülü" də deyirlər. Quraqlığa və bütün iqlim şərtlərinə davamlılığı onu istənilən şəraitdə yetişdirməyə imkan yaradır. Bəzi iddialara görə isə, qiymətinin ucuz olması bu bitkinin yaşıllaşdırmada daha geniş istifadə olunmasına səbəb olur.

Təhlükəliliyinə gəlincə, bütün növləri zəhərli olan bu gül kollarının təsiri insan ölümünə də səbəb ola bilir. Hətta nə qurudulduqda, nə də qaynadılmış halda zəhərlilik xüsusiyyətini itirir.

Oleandr haqqında, onun öldürücü zəhəri barəsində bir çox əfsanələr var. Onlardan biri Makedoniyalı İsgəndərin qərib məmləkətdə gecələmək istəyən döyüşçüləri haqqındadır.

  • Mingəçevir şəhərinin parklarındakı dekorativ bitkilər
    Mingəçevir şəhərinin parklarındakı dekorativ bitkilər
    © Sputnik / Ilham Mustafa
  • Mingəçevir şəhərinin parklarındakı dekorativ bitkilər
    Mingəçevir şəhərinin parklarındakı dekorativ bitkilər
    © Sputnik / Ilham Mustafa
  • Mingəçevir şəhərinin parklarındakı dekorativ bitkilər
    Mingəçevir şəhərinin parklarındakı dekorativ bitkilər
    © Sputnik / Ilham Mustafa
  • Mingəçevir şəhərinin parklarındakı dekorativ bitkilər
    Mingəçevir şəhərinin parklarındakı dekorativ bitkilər
    © Sputnik / Ilham Mustafa
  • Mingəçevir şəhərinin parklarındakı dekorativ bitkilər
    Mingəçevir şəhərinin parklarındakı dekorativ bitkilər
    © Sputnik / Ilham Mustafa
  • Mingəçevir şəhərinin parklarındakı dekorativ bitkilər
    Mingəçevir şəhərinin parklarındakı dekorativ bitkilər
    © Sputnik / Ilham Mustafa
  • Mingəçevir şəhərinin parklarındakı dekorativ bitkilər
    Mingəçevir şəhərinin parklarındakı dekorativ bitkilər
    © Sputnik / Ilham Mustafa
  • Mingəçevir şəhərinin parklarındakı dekorativ bitkilər
    Mingəçevir şəhərinin parklarındakı dekorativ bitkilər
    © Sputnik / Ilham Mustafa
  • Mingəçevir şəhərinin parklarındakı dekorativ bitkilər
    Mingəçevir şəhərinin parklarındakı dekorativ bitkilər
    © Sputnik / Ilham Mustafa
1 / 9
© Sputnik / Ilham Mustafa
Mingəçevir şəhərinin parklarındakı dekorativ bitkilər

Belə ki, İsgəndərin döyüşçüləri kiçik Asiya yaylasından Hindistana doğru irəliləyərkən yemək bişirmək üçün gözəl və yaraşıqlı çiçəkləri olan ağacın zoğlarını qırıb ocaq qalayırlar. Yeyib-içəndən sonra əhvalları yaxşılaşır, lakin səhər açılanda onlardan heç biri yuxudan ayılmır. Digər variantında isə, əsgərlərin həmin gülün budaqlarından şiş düzəldib, kabab bişirdikləri üçün öldükləri deyilir.

Elə bu səbəbdən də "zəqqum ağacı"nın bir çox ölkələrdə məktəb və uşaq bağçalarının ətrafında əkilməsi qadağandır. "Zəqqum kolları" Azərbaycana quraq və neftlə çirklənmiş ərazilərin yaşıllaşdırılması üçün gətirilib. Azərbaycan Milli Elmlər Akademiyasının Mərkəzi Nəbatat Bağında çoxaldılıb. Lakin əziyyətsiz gözəllik həvəskarları bu kolu yaşayış yerlərinin bəzəyinə çeviriblər.

Sputnik Azərbaycan-ın bögə müxbiri Mingəçevir sakinləri arasında bu məsələ ilə bağlı sorğu aparıb. Təəssüflər ki, sorğuda iştirak edənlərin əksəriyyəti bu gül kolları haqqında məlumatsız olduqlarını, sadəcə gözəlliyindən zövq aldıqlarını bildiriblər.

Müxbirimiz "zəqqum kolları"nın Mingəçevirə ayaq açması barədə Mingəçevir Şəhər Yaşıllaşdırma və Sanitar Təmizlik İdarəsinin rəisi Əli Ağamirovun da fikirlərini öyrənib. İdarə rəhbəri bu ağacların zəhərli olması barədə mətbuatdan eşitdiyini, indiyədək bu kollardan kiminsənin zərər çəkmədiyini deyib.

"Əgər bu kolların zərərli olduğu və becərilməməsi barədə hər hansı ekspertiza rəyi olarsa, onların yerinə başqa gül kollarını becərməyə hazırıq" — deyə Ə.Ağamirov əlavə edib.

17733
Teqlər:
oleandr, "zəqqum çiçəyi", "cəhənnəm ağacı", istirahət məkanı, Mingəçevir şəhəri, kola, park, qoxu, bitki, zəhər, yaşıllıq, ağac
Əlaqədar
Meyvə gətirən ağacı kəsdilər, polisə düşdülər
İcra başçısının maşınının üstünə ağac düşdü - FOTO
Paxlalı bitkilər daha çox hansı uşaqlara mənfi təsir göstərir- həkim məsləhəti
Xəbəriniz olsun: Ən xeyirli bitkinin inanılmaz mənfi təsirləri
Üç min il əvvəl kəşf edilən möcüzəvi bitkinin faydaları
Azərbaycanda bitən bu bitki möcüzələr yaradır
Göranboyda hadisə yerində

Goranboyda gecə qəzası: "Opel" xarab olub yolda qalan maşına çırpılıb - FOTOLAR

18
(Yenilənib 00:04 22.01.2021)
Qəzaya düşmüş Tovuz, Tərtər, Kürdəmir rayonlarının sakinləri Goranboy Rayon Mərkəzi Xəstəxanasına çatdırılıblar.

Rahim Məmmədov, Sputnik Azərbaycan

BAKI, 21 yanvar - Sputnik. Gecə saatlarında Goranboyda yol qəzası baş verib. Hadisə Goran-Naftalan yolunun rayonun Bolusulu kəndindən keçən hissəsində qeydə alınıb.

Sputnik Azərbaycan xəbər verir ki, qəfildən nasazlıq yaranan tinglə yüklü “Vaz 21-011”-in sürücüsü maşını yol kənarında dayandırmalı olub. Sürücü və sərnişinlər minik maşınından düşərək nasazlığı aradan qaldırmağa çalışıb. Bu zaman yolda hərəkətdə olan “Opel” markalı minik avtomobili idarəetmədən çıxaraq nasazlıq yaranan “Vaz”-a çırpılıb. Qəza zamanı 3 nəfər Elçin Qurbanov, Həmid Əsgərzadə və Yadigar Quliyev müxtəlif dərəcəli xəsarət alaraq Goranboy Rayon Mərkəzi Xəstəxanasına çatdırılıb.

  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
1 / 3
© Sputnik / Rahim Mammadov
Göranboyda hadisə yerində

Məlumata görə, “Vaz” markalı minik maşının sürücüsü və sərnişinləri Tərtər rayonundan satış üçün müxtəlif meyvə ağaclarının tinglərini daşıyırmış. Goranboy rayonunun Boluslu kəndi ərazisində avtomobil xarab olduğundan yol kənarında dayanmağa məcbur olub. Qəza da qəfildən, onlar maşını düzəldən zaman baş verib.

Yol-nəqliyyat hadisəsi zamanı avtomobildə olan meyvə ağacları da ətrafa dağılıb. Qeyd edək ki, xəsarət alan şəxslər Tovuz, Tərtər və Kürdəmir rayon sakinləridir. Faktla bağlı araşdırma aparılır.

18
Şəmkirdə vaksinasiya

Şəmkirlilər koronavirusa qarşı vaksinasiyaya "hə" dedilər

14
(Yenilənib 23:53 21.01.2021)
Şəmkirdə COVİD-19 pandemiyasına qarşı vaksinasiyaya başlayıb. Peyvəndləmədən keçən tibb işçiləri özlərini yaxşı hiss etdiklərini bildiriblər.

İlham Mustafayev, Sputnik Azərbaycan

21 yanvar - Sputnik. Şəmkir rayon sakinləri COVID-19-a qarşı peyvəndləməyə cəlb edilib. Rayon mərkəzi xəstəxanasında bunun üçün 4 vaksin otağı yaradılıb.

Sputnik Azərbaycan-ın bölgə müxbiri xəbər verir ki, “Sinovac” vaksini ilkin mərhələdə risk qrupuna daxil olan sakinlərə könüllülük əsasında vurulacaq. Şəmkirdə təlimata uyğun olaraq tibbi müayinədən keçən sakinlər peyvənd edilib. Vaksinin əhəmiyyəti immuniteti gücləndirmək yolu ilə xəstəlikdən qorunmaq, infeksiyanın ötürülməsini məhdudlaşdırmaq, ölüm halının qarşısını almaq və səhiyyə sisteminə düşən yükü azaltmaqdan ibarətdir. Peyvəndin əks təsirinin olmadığını bildirmək üçün tibb işçiləri  vaksinasiyada ön sıralarda olub.

Tibb işçisi Sevda Məmmədova peyvəndləməyə çox müsbət yanaşdığını söyləyib:

 “Mən də bir tibb işçisi olaraq bu günkü vaksinasiyada iştirak etdim və peyvəndi qəbul etdim. Özümü çox yaxşı hiss edirəm. Heç bir narahatçılığım yoxdu”, - deyə bildirib.
  • Şəmkirdə vaksinasiya
    © Sputnik / Ilham Mustafa
  • Şəmkirdə vaksinasiya
    © Sputnik / Ilham Mustafa
  • Şəmkirdə vaksinasiya
    © Sputnik / Ilham Mustafa
1 / 3
© Sputnik / Ilham Mustafa
Şəmkirdə vaksinasiya
.

Koronoviruslu xəstələrin müalicəsi üzrə çalışan həkim Coşqun Yusibov isə peyvəndləmədən sonra tezliklə normal həyata qayıtmağın mümkünlüyünü bildirib:

“Dövlətin yaratdığı imkanlardan ilk istifadə edənlərdən biri də mən oldum. Özümü çox rahat hiss edirəm. Çox yaxşıyam, heç bir kənar reaksiya yoxdur”, –  deyə həkim C. Yusibov əlavə edib.

Şəmkir rayonunda tibbi işçilərinin sayı 2000-dən çoxdur. İlkin mərhələdə rayona 1115 doza vaksin göndərilib. Günədlik olaraq Rayon mərkəzi Xəstəxanasında 150-200 nəfərin peyvənd olunması planlaşdırılır. Tibb işçiləri ilə yanaşı risk qrupuna daxil olan hüquq-mühafizə orqanlarının əməkdaşları əks-epidemik tədbirlərə cəlb olunacaq.

14
Moskva şəhərinə mənzərə, arxiv şəkli

Rusiyada evləri yoxlamağa başlayacaqlar

0
(Yenilənib 00:34 22.01.2021)
Mənzili ziyarət etməzdən əvvəl kirayəçilərə müfəttişlərin dəqiq gəliş tarixini göstərən poçt vasitəsilə bildiriş göndərilir. Bildiriş iki dəfə göndərilə bilər.

BAKI, 22 yanvar — Sputnik. Rusiyada qeyri-qanuni yenidənqurma işlərini aşkarlamaq üçün mənzillər kütləvi şəkildə yoxlanılacaq.

Sputnik Azərbaycan xarici mətbuata istinadla xəbər verir ki, məlumata görə, mənzil müfəttişləri tərtibatdakı razılaşdırılmamış dəyişikliklərlə maraqlanırlar. Təkcə otaqları və ya əlavə olaraq boruları genişləndirmək üçün yıxılan divarlara diqqət yetirilmir. Müfəttişlik həmçinin mətbəxin qaz sobası ilə təchiz olunmasına görə, qapının çıxarılması üçün də cərimə kəsə bilər.

Mənzili ziyarət etməzdən əvvəl kirayəçilərə müfəttişlərin dəqiq gəliş tarixini göstərən poçt vasitəsilə bildiriş göndərilir. Bildiriş iki dəfə göndərilə bilər.

Buna fikir verməsəniz, nəzarətçilər məhkəməyə müraciət edəcək və məhkəmə icraçıları ilə birlikdə mənzilə gələcəklər.

Texniki tələblərə cavab verən yaşayış dəyişiklikləri reyestrə daxil edilir. Məhkəmənin qərarı ilə mənzildə olan qeyri-qanuni dəyişikliklər aradan qaldırılmalıdır.

Ekspertlərin fikrincə, genişmiqyaslı yoxlamalar fırıldaqçıların da artmasına səbəb olacaq.

0