Uşaq bağçası, arxiv şəkli

Ölkə gündəmi silkələndi, yenə yaralı yerimiz göynədi

1541
(Yenilənib 18:14 11.06.2018)
Maraqlıdır, öz övladı olsa belə, körpəni bu tərzdə tənbeh edən valideynə, qadına uşaq etibar etmək olarmı?

Rumiyyə Miraslan, Sputnik Azərbaycan

BAKI, 11 iyun — Sputnik. Uşaq bağçalarında körpələrin döyülməsi, tərbiyəçilərin uşaqlarla kobud rəftarı barədə tez-tez sosial mediada xəbərlər, video materiallar yayımlanır. Övladlarını bağçalara verməyə məcbur qalan valideynlər isə, bu kimi xoşagəlməz hallardan xilas olmaq üçün müxtəlif çıxış yolları axtarırlar.

Həmin çarələrdən biri kimi də dövlət hesabına deyil, özəl bağçaları tərcih etməyi görürlər. Ümid edirlər ki, özəl bağçalara etibar etsələr, övladlarının təhlükəsizliyini təmin etmiş olarlar.

Spuntik Azərbaycan xəbər verir ki, bu gün sosial şəbəkələrdə yayılmış bir görüntü bu fikri tamamilə alt-üst etdi. Bakıda özəl bağçaların birində qeydə alınmış videodan görünür ki, sən demə, "pullu" bağçalar heç də vəziyyətdən çıxış yolu deyil. 

Belə ki, görüntlərin qeyd edildiyi bağçanın tərbiyəçiləri uşaqlarla məhkum kimi davranırlar. Videonun əvvəlində müəllimlərdən birinin bir qızcığazın qolundan tutub möhkəm silkələdiyi və bunu dəfələrlə təkrar etdiyi qeydə alınıb. Bu azmış kimi, o, uşağın bədəninin müxtəlif nahiyələrinə, həmçinin də başına, üzünə zərbələr endirir.

Videonun irəliləyən dəqiqələrini izlədikcə isə, adamı daha çox dəhşət bürüyür. Sən demə, tək o müəllim yox, bağçadakı digər tərbiyəçilər də uşaqlara qarşı zorakılıq tətbiq edirlər. Video səssiz olduğu üçün müəllimlərin danışığı eşidilməsə də, onların körpələri döyməklə yanaşı, təhqir etdikləri də ehtimal olunur.

Normal insanın bu görüntüləri heç nə olmayıbmış kimi izləməsi mümkün deyil. Çünki valideynlərin övladlarını əmanət etdiyi müəllimlər daha çox döyüş filmlərinin qəhrəmanlarını, körpələr isə boksçuların döyəclədiyi qum torbalarını xatırladır.

Təəssüflər olsun ki, bağça rəhbərliyi və aidiyyatı qurumlar isə bu hadisəyə heç nə olmayıbmış kimi yanaşır. Videonun qeydə alındığı "Kids Studio" adlanan uşaq bağçasından uşaqların döyülmə faktını inkar edirlər. Gücünü körpələr üzərində sınaqdan keçirən müəllimlərdən birinin adının Firuzə olduğu məlum olsa da, təəssüf ki, onlar barəsində heç bir ciddi tədbir görülməyib.

Adıçəkilən müəllim, "Bu uşaq mənim öz uşağımdır və sadəcə, tənbeh etmişəm. Xəbərdə qeyd olunduğu kimi hallar olmayıb", — deyərək özünə bəraət qazandırmağa belə çalışıb.

Maraqlıdır, öz övladı olsa belə, körpəni bu tərzdə tənbeh edən valideynə, qadına uşaq etibar etmək olarmı? Ümid edirik ki, səlahiyyətli şəxslər, aidiyyatı qurumlar bu sualın cavabını araşdıracaq və gərəkən tədbiri görəcəklər.

Təəssüflər olsun ki, tələbimizdən növbəti bir sual yaranır: “Hansı aidiyyatı qurumlar?”. Bildiyimiz kimi, uşaq bağçaları 2011-ci ilədək Təhsil Nazirliyinin balansında olub, ancaq həmin il paytaxt bağçaları Bakı Şəhər İcra Hakimiyyətinin (BŞİH), rayonlar üzrə isə yerli icra hakimiyyətlərinin tabeliyinə verilib.

Bu müddət ərzində isə icra hakimiyyətlərinin bağçalara nəzarəti heç də özünü doğrultmadı. Mütəxəssislər, həmçinin valideynlər bu yerdəyişmənin problemlərin həllinə heç bir fayda vermədiyini, əksinə, neqativ halların baş verdiyini bildirdilər. Uşaq bağçalarının yenidən Təhsil Nazirliyinin tabeliyinə qaytarılması təklifləri irəli sürüldü.

Bu yaxınlarda isə bu məsələ ölkənin Ombudsmanı tərəfindən bir daha gündəmə gətirildi. Azərbaycan Respublikası İnsan Hüquqları üzrə Müvəkkili Elmira Süleymanova uşaq bağçalarının icra hakimiyyətlərinin balansından çıxarılıb, yenidən Təhsil Nazirliyinin tabeliyinə qaytarılmasını zəruri hesab etdiyini bildirdi.

Baş vermiş xoşagəlməz hadisə onu deməyə əsas verir ki,  E.Süleymanovanın uşaq bağçaları ilə təklifi barədə bir daha ciddi düşünmək lazımdır. Uşaqların təlim, tərbiyə müəssisləri də təhsillə birləşdirilib, vahid bir qurum tərəfindən nəzarətə götürülməlidir.

Özəl bağçalara gəldikdə, təbii ki, bu tip tərbiyə müəssisələrinin hansısa rəsmi quruma tabeçiliyi müzakirə mövzusu deyil. Lakin həmin özəl bağçalara lisenziyanı yenə rəsmi qurum — icra hakimiyyətləri verir. Məsələnin bu tərəfi də düşünmək üçün əsaslar yaradır…

1541
Teqlər:
tərbiyəçi, uşaq bağçaları, özəl, valideyn, övlad, dövlət, icra hakimiyyəti, uşaq
Əlaqədar
Uşaq bağçalarına qəbul qaydaları dəyişdirilir
Oğuzda uşaq bağçası uçdu - FOTOLAR
Elmira Süleymanovadan uşaq bağçaları ilə bağlı radikal təklif
Azərbaycanda uşaq bağçasında yanğın oldu
Uşaq bağçasında 100-dək uşaq zəhərləndi
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

35
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

35
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

70
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

70
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN