Ailə masa arxasında, arxiv şəkli

Komitə sədrinin təklifi yenə etirazlara yol açdı: Dünya bunun əksinə gedir

510
(Yenilənib 12:24 12.06.2018)
"Əgər hər bir ailə 1 və ya 2 uşaq ilə kifayətlənirsə, həmin millətdə bir müddət sonra azalma müşahidə olunur"

Təranə Xudabaxşiyeva, Sputnik Azərbaycan

BAKI, 11 iyun — Sputnik. Xəbər verdiyimiz kimi, Milli Məclisin Əmək və sosial siyasət komitəsinin sədri Hadi Rəcəbli çoxuşaqlı ailələrlə bağlı dəyişiklik edilməsini təklif edib. Belə ki, deputat Azərbaycanda "çoxuşaqlı ailə" məfhumunun beşdən üçə endirilməsini irəli sürüb.

Maraqlıdır, ailələrdə uşaqların sayının azaldığı bir dövrdə millət vəkilinin bu təklifinin qəbul edilməsi Azərbaycanın ailə portretinə necə təsir edəcək? Sputnik Azərbaycan bu sualla mütəxəssislərə müraciət edib. Ekspertlərin Hadı Rəcəblinin təklifinə münasibətləri heç də birmənalı olmayıb.

Psixoloq Tariyel Faziloğlunun fikrincə, dövlətin hər bir sahəsində inkişaf olması üçün çoxuşaqlı ailələr mütləqdir: "Əgər hər bir ailə 1 və ya 2 uşaq ilə kifayətlənirsə, həmin millətdə bir müddət sonra azalma müşahidə olunur. Bu isə heç bir dövlətə nə siyasi, nə ictimai, nə də sosial cəhətdən sərf edir".

Onun sözlərinə görə, belə halları yaşayan dövlətlər çoxuşaqlı ailələrin sayını artırmaq üçün xüsusi proqramlar həyata keçirir: "Məsələn, Rusiya və digər bir neçə Avropa ölkəsində bu proqram həyata keçirilməyə başlandı. Bizdə də belə olmalıdır. Doğrudur, hazırda Azərbaycanda da yeni ailə quran gənclər 1-2 uşaq ilə kifayətlənirlər".

Çoxuşaqlı ailə
©Karikatura
Çoxuşaqlı ailə

Psixoloq iddia edir ki, çoxuşaqlı ailələrdə uşaqlar daha sağlam mühitdə böyüyür və cəmiyyətdə özlərini daha tez tapırlar: "Bunun səbəbləri var. Əsas sosial səbəbdir. 1-2 uşaq olan ailələrdə uşaqlar antisosial mühitdə böyüyür və onlarda digər insanlarla ünsiyyət problemi yaranır. Həm də eqoist olurlar, daxili eqo hissləri yüksək olur. Bu da psixoloji pozuntularla nəticələnir. Təbii ki, bu da cəmiyyət üçün problemdir".

İkinci məsələnin genefondla əlaqəli olduğunu deyən müsahibimizin rəyinə görə, 3 uşaqdan çox olan ailələrdə uşaqlar həm psixoloji, həm də fiziki cəhətdən sağlam olurlar: "Ona görə də çoxuşaqlı ailələrin olması daha arzuolunandır.

"Son 20 ildə Azərbaycanda maksimum dərəcədə informasiya seli gender bərabərliyi, şəxsi azadlıq kimi fikirlər əhalini "zəhərləyib". İnsanlar məsuliyyətdən qaçmağa başlayıblar. Gənc ailələr, hətta 2 uşaq da istəmir. Bəzən valideynlərin təzyiqi nəticəsində ikinci uşağa razı olurlar. Ona görə də ailə institutu təşviq olunmalı, bu yöndə layihələr həyata keçirilməlidir ki, bu cür mənfi halların qarşısı alınsın", — deyə ekspert əlavə edib.

İlham Əliyev qadın voleybolçulardan ibarət milli komandamızın heyətini qəbul edib
© Official website of President of Azerbaijan Republic

Sosioloq Əhməd Mansurovun qənaətincə də, cəmiyyətin bütöv və tam şəkildə sistemləşməsi üçün çoxuşaqlı ailələrin sayı azalmamalıdır. Onun sözlərinə görə, əhalinin sayının azalması tendensiyasının yaranmaması üçün çoxuşaqlı ailələrin sayına təsir edəcək proseslər olmamalıdır.

"Gənc nəslin qayğıları əsas təsiredici qüvvə kimi burada rol oynayır. Ona görə də müxtəlif proqramlar həyata keçirərək inkişafa kömək etmək lazımdır, nəinki çoxuşaqlı ailələrin sayını azaldaq", — sosioloq qeyd edib.

Ə.Mansurov əlavə edib ki, müasir gənclərin müxtəlif bəzən bir uşaqla kifayətlənməsi sosial, maddi və digər problemlərə görə baş verir: "30 il öncə iki uşaqlı ailə azuşaqlı ailə sayılırdısa, bu gün 2 uşaqlı ailə çoxuşaqlı ailə sayılır. Buna müasir fikirlər də öz təsirini göstərir".

510
Teqlər:
Sosioloq Əhməd Mansurov, çoxuşaqlı ailə, Psixoloq Tariyel Faziloğlu, Hadi Rəcəbli, Milli Məclis, millət vəkili, Azərbaycan, cəmiyyət
Əlaqədar
Çoxuşaqlı ailələrlə bağlı qanunvericiliyə dəyişiklik təklif olunur
Dövlət başçısı çoxuşaqlı qadınlarla bağlı sərəncam imzaladı
Çoxuşaqlı pedofil ata azadlıqdan məhrum edildi
Azərbaycanda çoxuşaqlı anaların 8810 uşağına sosial müavinət verilir
Təyyarə, arxiv şəkli

Ermənistan Azərbaycanın hava məkanından istifadə etməyəcək?

0
(Yenilənib 16:35 05.12.2020)
"Qeyd etmək lazımdır ki, yeni işlənmiş qalxma və enmə sxemləri Azərbaycanın hava məkanından istifadəni nəzərdə tutmur"

BAKI, 5 dekabr — Sputnik. "Sünik" Qafan hava limanında təmir işləri başa çatıb. Sputnik Ermənistan xəbər verir ki, artıq hava limanı müvafiq lisenziya alıb.

Mülki Aviasiya Komitəsinin mətbuat xidmətindən verilən məlumata görə, uçuş zolağının səthi tamamilə təmir olunub, yeni sərnişin kompleksi tikilib və beynəlxalq standartlara cavab verən yeni hasar çəkilib.

Məlumata görə, sertifikatlaşdırma prosesi qanunvericiliyin tələbinə və beynəlxalq standartlara uyğun olaraq həyata keçirilib. Hava limanından L-410 kimi 19 nəfərlik tutumu olan təyyarələr istifadə edə bilər.

"Qeyd etmək lazımdır ki, yeni işlənmiş qalxma və enmə sxemləri Azərbaycanın hava məkanından istifadəni nəzərdə tutmur", - deyə bildirilib.

Bir müddət əvvəl mətbuatda və sosial şəbəkələrdə Qafan hava limanının ərazisinin sərhəd demarkasiyası razılaşmaları çərçivəsində Azərbaycana veriləcəyi barədə məlumatlar yer almışdı.  Daha sonra Ermənistan bu xəbərlərə təkzib verdi.

0
Teqlər:
təmir, Ermənistan, Azərbaycan, aeroport, Qafan rayonu

Bir neçə şəhər rayonda sərtləşdirilmiş xüsusi karantin rejiminin müddəti uzadıldı

8
Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır

BAKI, 5 dekabr - Sputnik. Azərbaycanda sanitar-epidemioloji vəziyyəti nəzərə alaraq Nazirlər Kabineti yanında Operativ Qərargah bəzi şəhər və rayonlarda sərtləşdirilmiş xüsusui karantin rejiminin müddətinin uzadılmasına dair qərar qəbul edib.

Sputnik Azərbaycan-ın məlumatına görə, bununla bağlı Nazirlər Kabineti “Xüsusi karantin rejimi ilə bağlı əlavə tədbirlər barədə” 336 nömrəli Qərarda müvafiq dəyişiklik edib.

Dəyişikliyə əsasən, Şəki, Lənkəran şəhərlərinin, Qax, Zaqatala, Biləsuvar, Cəlilabad, Masallı, İsmayıllı, Quba, Xaçmaz rayonlarının inzibati ərazisində Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır.

Qeyd edək ki, əvvəl bu müddət dekabrın 7-si saat 06:00-dək müəyyən edilmişdi.

8
Teqlər:
Xaçmaz, Quba, İsmayıllı, Masallı, Cəlilabad, Biləsuvar, Zaqatala, Qax, Lənkəran, Şəki, sərt karantin rejimi
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar