Ov tüfəngi

Bakıda 56 yaşlı kişini güllələdilər

306
(Yenilənib 12:31 09.06.2018)
Hadisə iyunun 8-də paytaxtın Yasamal rayonu ərazisində qeydə alınıb

BAKI, 9 iyun — Sputnik. Bakıda güllələnmə hadisəsi baş verib.

Sputnik Azərbaycan Trendə istinadən xəbər verir ki, hadisə iyunun 8-də paytaxtın Yasamal rayonu ərazisində qeydə alınıb.

Rayon ərazisində yaşayan, 1969-cu il təvəllüdlü Rafət Abış oğlu Nərimanov aralarında yaranmış şəxsi münaqişə zəminində 1962-ci il təvəllüdlü Nizami Teymur oğlu Qasımova təhlükəli ov silahı ilə atəş açaraq yaralayıb, sonuncunu öldürməyə cəhd edib.

Faktla bağlı Yasamal rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.

306
Teqlər:
Cinayət Məcəlləsi, yaralanma, Yasamal rayonu, güllələnmə

Ermənistanın atəşi nəticəsində həlak olan mülki şəxslərin sayı 65-ə çatdı

5
Yararsız vəziyyətə düşmüş mülki obyektlərin sayı 398, çoxmənzilli yaşayış binalarının sayı 90, yaşayış evlərinin sayı isə 2 174-dir.

BAKI, 24 oktyabr - Sputnik. Baş Prokurorluq Ermənistanın Azərbaycanın mülki əhalisinə qarşı hücumları ilə bağlı yeni məlumat yayıb.

Qurumdan Sputnik Azərbaycan-a verilən məlumata görə, Ermənistan silahlı qüvvələrinin hücumları nəticəsində sentyabrın 27-dən indiyədək 65 mülki şəxs qətlə yetirilib, 297 nəfər isə yaralanıb.

Yararsız vəziyyətə düşmüş mülki obyektlərin sayı 398, çoxmənzilli yaşayış binalarının sayı 90, yaşayış evlərinin sayı isə 2 174-dir.

5
Mövzu:
Azərbaycan və Ermənistan arasında müharibə
Parisə mənzərə, arxiv şəkli

Dünya müsəlmanları Fransa mallarını boykot etməyə çağırırlar

20
Fransanın İslamı təhqir etməsinə qarşı dünyada etirazlar böyüyür. İslamı təhqir etməsinə görə, Fransa məhsulları Mərakeş və Qətərdə boykot edilir.

BAKI, 24 oktyabr — Sputnik. Fransanın İslamı təhqir etməsinə qarşı dünyada etirazlar böyüyür.

Sputnik Azərbaycan "TRThaber"ə istinadla xəbər verir ki, Fransada bəzi binalarda İslamı təhqir edən karikaturaların asılması müsəlmanların sərt etirazlarına səbəb olub.

İslam Əməkdaşlıq Təşkilatı və Küveyt Fransada baş verənləri qınayıb. İslamı təhqir etməsinə görə, Fransa məhsulları Mərakeş və Qətərdə boykot edilir.

Fransada bir müəllim şagirdlərə 2015-ci ildə Fransız jurnalında çıxan İslamı təhqir edən karikaturaları göstərib. Bu hadisədən sonra həmin müəllim öldürülüb. Bu dəfə isə bəzi yerli hakimiyyət orqanlarının binalarında həmin karikaturalar asılıb. Fransa hökumətinin bu hərəkətlərinə İslam dünyasından təpkilər yağır.

Qeyd edək ki, fransız müəllimin öldürülməsindən sonra Fransa Prezidenti Makron və bir çox siyasətçi müsəlmanları hədəf alan açıqlamalar verib. Fransa polisi ölkədəki 50-dən çox məscid və dərnəyə basqın edib.

20